JOJUE 2:10 - Bibəl ta Sar̄

¹⁰ Tɔdɔ̄ j-oō kadə̄ Kɔ́ɔ̄ɓē rāā adə̄ bā tə̄ɓā gə̄ ḭḭ kɔ̄ɔ́ nosí tə́ adə̄ ī-manīneé dan ń ī-teēī kɔ̄ɔ́ kem ɓē kə́ Ejiptə tə́ ní ō, j-oō kadə̄ ī-tɔ̄lī mban̄g kə́ jōó gə̄ yā Amor gə̄ ń ndin̄ gidə bā Jurdḛ tə́ ní, adə̄ i mban̄g Sihon ō, mban̄g Og ō, tá na ī-nujiī yá̰a̰ yādə́ gə̄ kɔ̄ɔ́ malang tām̄ yā Nə́ɓā tə́ ɓáý to̰ ō.

Bible sar

¹⁰ Tɔdɔ̄ j-oō kadə̄ Kɔ́ɔ̄ɓē rāā adə̄ bā tə̄ɓā gə̄ ḭḭ kɔ̄ɔ́ nosí tə́ adə̄ ī-manīneé dan ń ī-teēī kɔ̄ɔ́ kem ɓē kə́ Ejiptə tə́ ní ō, j-oō kadə̄ ī-tɔ̄lī mban̄g kə́ jōó gə̄ yā *Amor gə̄ ń ndin̄ gidə bā Jurdḛ tə́ ní, adə̄ i mban̄g Sihon ō, mban̄g Og ō, tá na ī-nujiī yá̰a̰ yādə́ gə̄ kɔ̄ɔ́ malang tām̄ yā Nə́ɓā tə́ ɓáý to̰ ō.

JOJUE 2:10 Referans Kwoze

NDŪ NAJƏ̄ 2:30

Banī Sihon mban̄g kə́ Hesəbon ɔgə̄jí mān̄ dɔ nang yān tə́. I Kɔ́ɔ̄ɓē Nə́ɓā yāsí n rāā adə̄ kemən ngan̄g, yā kadə̄ ī-taāīneé dɔ nang yān ndɔ̄ ń noō tə́ ní.

TƏ́DA 23:22

I ni n teē sedə́ kɔ̄ɔ́ dɔ nang kə́ Ejiptə tə́ kə́ tɔ̄gə́ kə́ tītə̄ tɔ́gə dɔgə ní.

JOJUE 4:24

Ni-rāā beé i yā kadə̄ gír de gə̄ malang kə́ dɔ nang tə́ gerə̄n̄ kadə̄ tɔ́gə́ Kɔ́ɔ̄ɓē i ngá̰ý ō, kadə̄ sḭḭ̄ ī-ɓōliīneé ndíĺ Kɔ́ɔ̄ɓē yāsí kə ndɔ̄ gə̄ ō.

TƏ́DA 20:14

Moijə ndi Kades ba əla de gə̄ rɔ̄ mban̄g kə́ Edom tə́ kadə̄ ədanən̄ na: Najə̄ kɔr̄ ngōkó̰ó̰í Israel n toó: Yá̰á̰ kə́ tōr̄ gə̄ ń rāān̄jí ní, ḭ̄ ī-ger̄ malang.

TƏ́DA 24:8

Nə́ɓā teē sedə́ kɔ̄ɔ́ Ejiptə tə́ kə tɔ́gən kə́ tītə̄ tɔ́gə dɔgə. Gíŕ nápar de gə̄ ń a ənīn̄ ngán Israel gə̄ rɔ̄ɔ̄ ní, ngán Israel gə̄ a tetən̄n̄də́ rɔ̄ɔ̄ i gidə kógə̄ḿ beē. Ngán Israel gə̄ a tétə̄n̄ kə̄ngādə́ ō, a túrə̄n̄də́ kə kum gərā yādə́ gēé yā kur kɔdədə́ ō.

JOJUE 5:1

Dan ń ngār gə̄ malang yā Amor gə̄ ń ndin̄ gidə bā Jurdḛ tə́ kum kə̄ no ɓē tə́ ní ō, ngār gə̄ malang yā Kanaan gə̄ ń ndin̄ kə gō kadə bā boó ní ō, oōn̄ kadə̄ Kɔ́ɔ̄ɓē rāā adə̄ bā Jurdḛ iī kɔ̄ɔ́ no ngán Israel gə̄ tə́ bátə́ adə̄ jə-teēiń bā Jurdḛ anī, kemdə́ gān̄g man̄ adə̄ rɔ̄də́ oy yélélé kɔ̄ɔ́ no ngán Israel gə̄ tə́.

PĀ GƏ̄ 74:15

I ḭ̄ n ī-rāā ta róbə ādə̄ man̄ gə̄ əɓan̄neé ō, ādə̄ ngán man̄ gə̄ nūgə́n̄neé ō ní. I ḭ̄ n ī-rāā ādə̄ man̄ bā kə́ dum̄ kiī gə̄ iīn̄ kɔ̄ɔ́, adə̄ loo tél tutə káḿ káḿ kem kār̄də́ gə̄ tə́ ní.

JOJUE 9:10

yá̰á̰ ń ni-rāā kə mban̄g yā Amor gə̄ kə́ jōó gə̄ ń ndin̄ gidə bā Jurdḛ kə́ dām̄ kə́ nú tə́ ní, adə̄ i yá̰á̰ ń ni-rāā kə Sihon mban̄g kə́ Hesəbon ní ō, kə Og mban̄g kə́ Basan ń ndi Asətarot ní ō.

JOJUE 24:12

M-ə́la kə gəmbā gēé adə̄ tə̄ɓān̄ mban̄g kə́ jōó gə̄ yā Amor gə̄ kɔ̄ɔ́ nosí tə́. Tū yá̰a̰ gə̄ ń noō tə́ malang ní, kaskar yāsí gə̄, kə ga̰ gərā yāsí gə̄ rāān̄ yá̰á̰ kógə̄ḿ alé.