JOJUE 19:18 - Bibəl ta Sar̄

¹⁸ Dɔ nin̄ loo yādə́ teē Jisreel ō, Kesulot ō, Sunem ō,

Bible sar

¹⁸ Dɔ nin̄ loo yādə́ teē Jisreel ō, Kesulot ō, Sunem ō,

JOJUE 19:18 Referans Kwoze

1 SAMUEL 28:4

Ndɔ̄ kə́rēý tə́ anī Pilistin gə̄ kánə̄n̄ ɓūtə̄ ngé rɔ̄ɔ̄ yādə́ gə̄ naā tə́ malang loo kógə̄ḿ, ba aw̄ ndin̄ sedə́ kadə ɓē kə́ Sunem tə́ ō. Saul kán̄ ngé rɔ̄ɔ̄ gə̄ yā ngán Israel gə̄ malang ba aw̄ ndin̄ kadə mbal̄ kə́ Gilboa tə́ ō.

2 MBAN̄G 4:8

Ndɔ̄ kógə̄ḿ tə́ Elije mān̄ Sunem. Anī dəyá̰ kóməlō kógə̄ḿ kə́ ndi kem ɓē ní tə́ ɔsə seneé gar gar ta kaw̄ kəsa yá̰a̰ ɓē looneé. Əla gír ndɔ̄ ń noō tə́ ní, ré Elije mān̄ Sunem anī, a aw̄ i ɓē yā dəyá̰ ní tə́ kəsa yá̰á̰.

2 MBAN̄G 9:30

Yá̰a̰ malang ń rāā yá̰á̰ ní Jesabel oō. Adə̄ rāā yá̰á̰ súū rɔ̄ dɔ kumən tə́ ō, rāā dɔn adə̄ majə ō. Ba dan ń Yehu tél dɔ tə́ reē gogə́ Jisreel anī, Jesabel aw̄ ndi kum ko̰rō̰ kújə́ kə́ bo kə́ rāān̄ tū kújə́ tə́.

2 MBAN̄G 8:29

Joram tél dɔ tə́ reē gogə́ Jisreel kadə̄ do̰ō̰n̄ don tə́. Loo ń noō tə́ Akajias aw̄ go̰ō̰n tə́ Jisreel tām̄ do ń ənge tə́ ní.

2 MBAN̄G 4:12

Ni-mēr̄ nge kəla yān Geaji kadə̄ ɓāŕ dəyá̰ kə́ Sunem ní. Dan ń Geaji ɓāŕ dəyá̰ ní anī, ni-reē ra non tə́.

1 MBAN̄G GƏ̄ 21:1

Gō yá̰a̰ gə̄ ń noō tə́ ní, yá̰á̰ ń rāā yá̰á̰ ní n toó. Nabot kə́ Jisreel aw̄ kə ndɔr̄ kāgə̄ nduú kem ɓē kə́ Jisreel tə́. Ndɔr̄ ní i kadə kújə yā Akab mban̄g kə́ Samari tə́,

1 MBAN̄G GƏ̄ 2:21

Batəseba əda na: Abisag kə́ Sunem ní deē a adə̄n kə ngōkó̰ó̰í Adonia kadə̄ tél nə̄yá̰n karī aĺ a? Salomo̰ tél əda kó̰o̰n na:

1 MBAN̄G GƏ̄ 2:17

Adonia tél ədan na: Mban̄g Salomo̰ ndigə ndílí ngá̰ý ní, m̄-rāāī ɓɔ́ ba ə́dan ādə̄ adə̄m̄ Abisag kə́ Sunem kadə̄ tél dəyá̰ jīḿ.

1 MBAN̄G GƏ̄ 1:3

Ngé kəla gə̄ ní sāān̄ ngōn̄ kə́ dəyá̰ kə́ mandə ngá̰ý dɔ nang kə́ Israel tə́ malang ba əngen̄ i kem ɓē kə́ Sunem tə́. Rī ngōn̄ kə́ dəyá̰ ní na i Abisag. Nin̄ reēn̄ seneé adə̄nən̄ kə mbangāá adə̄ rāā kəla yā mban̄g ō, a̰a̰ gōn ō, banī mban̄g ɓīī seneé alé.

JOJUE 19:17

Wə̄lā ké túgə̄ əhɔ dɔ nang kə́ nge ko̰ sɔ́ adə̄ i ngán Isakar tə́ kə gír kaadə́ gēé.

JOJUE 19:19

Haparaim ō, Sion ō, Anaharat ō,

JOJUE 15:56

Jisreel ō, Yokədeam ō, Janoa ō,

JOJUE 17:16

Ngán kaa Jəjep gə̄ tél ədan̄ Jojue na: Gō nang kə́ mbalá a asəjí alé. Tá Kanaan gə̄ ń ndin̄ ndágə loo gə̄ tə́ á i ngé gə̄ ń ndin̄ Bet Sean ō, kem ngán ɓē gə̄ ń Bet Sean o̰o̰ ɓē dɔ tə́ ní ō, ngé gə̄ ń ndin̄ ndágə loo gə̄ kə́ Jisreel tə́ ō ní, aw̄n̄ kə púsə rɔ̄ɔ̄ kə́ rāā kə gindīí gə̄.

2 SAMUEL 2:9

Ni-aw̄ əndān mban̄g dɔ de kə́ Galaad gə̄ tə́ ō, Aser gə̄ tə́ ō, Jisreel gə̄ tə́ ō, Epəraim gə̄ tə́ ō, Benjamḛ gə̄ tə́ ō, dɔ Israel gə̄ tə́ malang.