JOJUE 18:28 - Bibəl ta Sar̄

²⁸ Sela ō, Elep ō, ɓē yā Yebus gə̄ ń i Jerusalem ní ō, Gibea ō, Kiryat ō, adə̄ ɓē malang i kutə gidə i sɔ́, naā tə́ kə ngán ɓē gə̄ ń ndin̄ kə gō gidií ní. Dɔ nang ń ngán Benjamḛ gə̄ əngen̄ kə gír kaadə́ gēé ní n noó.

Bible sar

²⁸ Sela ō, Elep ō, ɓē yā Yebus gə̄ ń i *Jerusalem ní ō, Gibea ō, Kiryat ō, adə̄ ɓē malang i kutə gidə i sɔ́, naā tə́ kə ngán ɓē gə̄ ń ndin̄ kə gō gidií ní. Dɔ nang ń ngán Benjamḛ gə̄ əngen̄ kə gír kaadə́ gēé ní n noó.

JOJUE 18:28 Referans Kwoze

2 SAMUEL 21:14

aw̄ ɓōkə́n̄ kem bəlo ɓádə yā Kis kə́ bɔbə̄ Saul tə́, naā tə́ kə kə̄ngā Saul gə̄ ō, kə̄ngā Jonatan gə̄ ō, kem ɓē kə́ Sela tə́ gō nang yā Benjamḛ tə́. Dan ń rāān̄ yá̰a̰ malang ń mban̄g ədadə́ kadə̄ rāān̄ ní oy anī, Nə́ɓā ɔjə kem majə yān kə́ tām̄ yā ɓē tə́ kə̄ ndágá.

JOJUE 15:8

Tél un gō wól loo kə́ Ben Hinom kə gō kadə mbal̄ yā Yebus gə̄ kə́ dām̄ mbɔ́r ɓē kə́ geleé tə́ ń ɓē kə́ Jerusalem i tū tə́ ní, gō tə́ anī teē dɔ mbal̄ ń deē ra wól loo kə́ Hinom tə́ anī i kə̄ dām̄ kə́ no ɓē tə́ ō, deē ra wól loo yā Repay gə̄ tə́ anī, i ta ngóy wól loo yā Repay gə̄ tə́ kə̄ dām̄ mbɔ́r ɓē kə́ ko̰ó̰ tə́ ō ní.

OJEE 10:9

Əla gír dɔ yá̰á̰ kə́ majaĺ ngá̰ý kə́ Gibea tə́ ní, Israel, ī-mān̄ dɔ ndū Nə́ɓā! I gōtə́ ngá̰ý kadə̄ rɔ̄ɔ̄ ugə̄ dɔ ngé rāā majaĺ gə̄ kə́ Gibea tə́ ń noō.

IJAI 10:29

Nin̄-əndan̄ dūn̄ róbə́ kə́ dūú ngá̰ý gāngə̄n̄ ba ədan̄ na: Jə-ɓīī Geba. Ɓōĺ rāā de kə́ Rama gə̄ adə̄ ndewn̄. Gibea ń i ɓē yā Saul ní, de kə́ kemeé gə̄ a a̰ȳn̄ i naā.

2 SAMUEL 5:8

Ndɔ̄ ń noō tə́ ní Dabid əda na: Deē ń ndigə tetə Yebus gə̄ rɔ̄ɔ̄ anī ādə̄ kɔ́ɔ̄ udə kem bəlo ń mbutən̄ tū mbal̄ tə́ kadə̄ man̄ mānəń ní tə́ ba al̄ aw̄ gōdə́ tə́. Nelə̄m̄ mā Dabid kə ngé nja motə gēé aĺ ō, kə ngé kum tɔ̄ɔ̄ gēé aĺ ō. I tām̄ najə̄ ń noō tə́ n ədan̄ na ngé kum tɔ̄ɔ̄ gə̄ ō, ngé nja motə gə̄ ō, a udən̄ kem kújə yā Kɔ́ɔ̄ɓē tə́ aĺ ní.

1 SAMUEL 10:26

Saul tél aw̄ gogə́ ɓēé Gibea ō. Ba de kə́ wur kil gə̄ ń Nə́ɓā ɔr̄ najə̄ sedə́ kemdə́ tə́ ní aw̄n̄ seneé.

JOJUE 18:16

Ḭḭ loo ń noō tə́ risə aw̄ nja mbal̄ ń ra sɔɔ̄n̄ ta naā kə wól loo kə́ Ben Hinom ní tə́. Ré deē ra wól loo yā Repay gə̄ tə́ anī, mbal̄ ní i kə̄ dām̄ mbɔ́r ɓē kə́ ko̰ó̰ tə́ Dɔ nin̄ ní un gō kadə wól loo kə́ Hinom kə gō kadə mbal̄ yā Yebus gə̄ kə́ dām̄ mbɔ́r ɓē kə́ geleé tə́, ba risə kum kə̄ nang tə́ bátə́ aw̄ ugə̄ En Rogel.

JOJUE 15:63

Yebus gə̄ ń ndin̄ Jerusalem ní, Juda gə̄ asən̄ tə́ɓādə́ alé, adə̄ nin̄ kem ɓē kə́ Jerusalem tə́ kə Juda gēé bátə́ ɓōólaā.

TƏ́DA 33:54

Ā ī-túgī i wə̄lā n ā ī-kēgīiń gír kaa yāsí gə̄ dɔ nang ní. Gír kaa ń de gə̄ i ngá̰ý kemeé ní, ā ādīdə́ dɔ nang ní i ngá̰ý ō, gír kaa ń de kə́ kemeé gə̄ i ngá̰ý aĺ ní, ā ādīdə́ dɔ nang ní i sḛ́ý beē ō. Gír ɓē gə̄ kógə̄ḿ kógə̄ḿ a əngen̄ dɔ nang ní i kə gō ń wə̄lā a ɔjəń ní.

TƏ́DA 26:54

Gír kaa ń de kə́ tū tə́ gə̄ i ngá̰ý ní, ā ī-gān̄g dɔ nang yādə́ kadə̄ asə tām̄ ō, gír kaa ń de kə́ tū tə́ gə̄ i sḛ́ý beē ní, ā ī-gān̄g dɔ nang yādə́ i kə looneé ō.

TƏ́DA 26:38

Ngán Benjamḛ gə̄ kə gír kaadə́ gēé n toó: Bela gə̄ i de gə̄ kə́ gír kaa yā Bela tə́. Asəbel gə̄ i de gə̄ kə́ gír kaa yā Asəbel tə́. Ahiram gə̄ i de gə̄ kə́ gír kaa yā Ahiram tə́.

JOJUE 18:27

Rekem ō, Irpeel ō, Tarala ō,

JOJUE 19:1

Wə̄lā kə́ túgə̄ əhɔ dɔ nang kə́ nge ko̰ jōó i de kə́ gír ɓē yā Simeo̰ tə́ gə̄ kə gír kaadə́ gēé. Dɔ nang yādə́ ní yā ngán Juda gə̄ gīr̄ gidə.

2 SAMUEL 5:6

Mban̄g Dabid nin̄ kə deē yān gēé aw̄n̄ kənī ɓē kə́ Jerusalem rɔ̄ɔ̄ tə́. Anī Yebus gə̄ ń ndin̄ gō nang ń noō tə́ ní ədan̄ Dabid na de gə̄ ń ni na a mbə́rēdə́ kə̄ gogə́ yā kudəń kem ɓē yādə́ nin̄ tə́ ní na i ngé kum tɔ̄ɔ̄ gə̄ ō, ngé nja motə gə̄ ō. Kumən na Dabid na a udə loodə́ alé.

2 SAMUEL 23:29

Heleb ngōn̄ Baana kə́ Netopa ō, Itai ngōn̄ Ribai kə́ Gibea kə́ dɔ nang yā Benjamḛ tə́ ō,

JEREMI 6:1

Ngán Benjamḛ gə̄, ī-teēī kɔ̄ɔ́ Jerusalem ba ī-sāāī loo ɓɔ̄ɔ̄ rɔ̄ yāsí loo kə́ rang tə́. Ī-kɔ̄ríī tōw̄ Tekoa tə́. Ə́laī dərapóo kə̄ dɔɔ́ dɔ ɓē kə́ Bet Kerem tə́. Yá̰á̰ kə́ to kum kaȳ aĺ ḭḭ dām̄ mbɔ́r ɓē kə́ ko̰ó̰ tə́ a reēsí noó, ā ī-nujiī nujə kə́ to ɓōĺ ngá̰ý.

NGÉ SARYA 1:21

Ba Yebus gə̄ ń ndin̄ Jerusalem ní ngán Benjamḛ gə̄ tə̄ɓān̄də́ kɔ̄ɔ́ alé, adə̄ ndin̄ naā tə́ sedə́ kem ɓē kə́ Jerusalem tə́ bátə́ ɓōólaā.

NGÉ SARYA 19:10

Dəngam ní ndigə ɓīī alé, adə̄ ɔr̄ dɔɔ́ kə də̄yá̰ gidə ndogə̄ yān ō, kərō yān kə́ jōó gə̄ ń yá̰a̰ kətō i gidədə́ tə́ ní ō. Aw̄ əndān̄ dɔ ɓē kə́ Yebus ń i Jerusalem ní.

1 YÁ̰A̰ GƏ̄ 8:28

Ngār gə̄ kə́ dɔ kojə gə̄ tə́ n noó kə gō ɓāl̄ kojədə́ gēé. Kété ndin̄ i Jerusalem.