JOJUE 18:16 - Bibəl ta Sar̄

¹⁶ Ḭḭ loo ń noō tə́ risə aw̄ nja mbal̄ ń ra sɔɔ̄n̄ ta naā kə wól loo kə́ Ben Hinom ní tə́. Ré deē ra wól loo yā Repay gə̄ tə́ anī, mbal̄ ní i kə̄ dām̄ mbɔ́r ɓē kə́ ko̰ó̰ tə́ Dɔ nin̄ ní un gō kadə wól loo kə́ Hinom kə gō kadə mbal̄ yā Yebus gə̄ kə́ dām̄ mbɔ́r ɓē kə́ geleé tə́, ba risə kum kə̄ nang tə́ bátə́ aw̄ ugə̄ En Rogel.

Bible sar

¹⁶ Ḭḭ loo ń noō tə́ risə aw̄ nja mbal̄ ń ra sɔɔ̄n̄ ta naā kə wól loo kə́ Ben Hinom ní tə́. Ré deē ra wól loo yā Repay gə̄ tə́ anī, mbal̄ ní i kə̄ dām̄ mbɔ́r ɓē kə́ ko̰ó̰ tə́ Dɔ nin̄ ní un gō kadə wól loo kə́ Hinom kə gō kadə mbal̄ yā Yebus gə̄ kə́ dām̄ mbɔ́r ɓē kə́ geleé tə́, ba risə kum kə̄ nang tə́ bátə́ aw̄ ugə̄ En Rogel.

JOJUE 18:16 Referans Kwoze

2 MBAN̄G 23:10

Mban̄g rāā adə̄ majaĺ tákə̄ loo kə́ Topet ń ra kum wól loo kə́ Ben Hinom tə́ ní adə̄ de gə̄ róō ngáńdə́ kə́ dəngam gə̄ ō kə́ dəyá̰ gə̄ ō, horoó kadə̄ ɓesə̄ Molok ɓáý to̰ alé.

IJAI 30:33

Rāān̄ hor kógə̄ḿ jóó ngá̰ý kɔ̄ɔ́. Hor ní i tām̄ yā mban̄g tə́ ō. Ɓōkə́n̄ kīr̄ ngá̰ý kem bəlo kógə̄ḿ kə́ laa tə́ ō, ɗúú tə́ ō, adə̄ gōr̄ gong tām̄ yā hor tə́. Koō kə́ ta Kɔ́ɔ̄ɓē tə́ ń to tītə̄ bā bursu kə́ təngā ní, a əla hor tū kīr̄ ní tə́.

JEREMI 32:35

Rāān̄ loo kə́ ḭḭ kə̄ dɔɔ́ gə̄ tām̄ yā ɓesə̄ Baal tə́ wól loo kə́ Ben Hinom tə́, yā tɔ̄lə̄ń ngáńdə́ kə́ dəngam gə̄, kə kə́ dəyá̰ gə̄ dɔ tə́ yā kadə̄ ɓesə̄ Molok. I yá̰á̰ kə́ m-ə́dádə́ kadə̄ rāān̄ aĺ ō, i majaĺ kə́ to ɓōĺ ngá̰ý kə́ m̄-gír̄ mēr̄ ngán Juda gə̄ rāā kadə̄ nin̄ ndɔmə̄n̄neé ta róbə aĺ ō.

JEREMI 19:11

Gō tə́ anī, ā ə́dádə́ na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: m̄-nujə kə gír de gə̄ ń toō ō, kə ɓē ń toō ō, tītə̄ loo tɔ̄ɔ̄ jóó ń kɔdə̄ jóo əɓā ní beē, adə̄ deē a asə kəndā ta naā tə́ to̰ alé. Loo kə́ yā dubə̄ń yo a asə alé, adə̄ de gə̄ a dubə̄n̄ nīń Topet tə́ gə̄ gə̄gē.

JEREMI 19:6

I tām̄ najə̄ ń noō tə́ n ndɔ̄ gə̄ a reēn̄ noō kadə̄ a ɓārə́n̄ loo ń toō na i Topet to̰ aĺ ō, wól loo kə́ Ben Hinom to̰ aĺ ō, ba a ɓārə́n̄ na i wól loo tɔ̄l̄ naā ní. Najə̄ ń Kɔ́ɔ̄ɓē əda ní n noó. M-ā m̄-tɔ̄l̄də́ kə kaskaraá ta kum madə̄ ba̰ā̰də́ gə̄ tə́,

JEREMI 19:2

Gō tə́ anī, ī-teē kum kə̄ wól loo kə́ Ben Hinom ń i ta róbə yā jóo man̄ kə́ tɔ̄ɔ̄ gə̄ tə́ ní kadə̄ ə̄nī mbēr̄ najə̄ gə̄ ń m-ā m-ə́daī ní loo ń noō tə́.

2 YÁ̰A̰ GƏ̄ 33:6

Ni-aw̄ bátə́ tɔ̄l̄ ngánən kə́ dəngam gə̄ ba tun̄də́ wól loo kə́ Ben Hinom tə́. Ni-rāā mbōlí kə́ tayā tayā gə̄ ō, rāā kəga kə́ tayā tayā gə̄ ō, aw̄ ndḛḛ̄ sāá ɓē kɔdə̄ sāā gə̄ tə́ ō. Ni-rāā yá̰á̰ kə́ nel̄ Kɔ́ɔ̄ɓē aĺ gə̄ ngá̰ý adə̄ wōn̄g rāā Kɔ́ɔ̄ɓē seneé.

2 YÁ̰A̰ GƏ̄ 28:3

Ni-rāā yá̰á̰ kə́ yḛr kum gə̄ yā nápar de gə̄ ń Kɔ́ɔ̄ɓē tə̄ɓādə́ kɔ̄ɔ́ ba əya̰ń loo adə̄ ngán Israel gə̄ ní: Róō kajaja wól loo kə́ Ben Hinom tə́ ō, róō ngánən kə́ dəngam gə̄ horoó ō.

1 YÁ̰A̰ GƏ̄ 14:9

Pilistin gə̄ reē ugə̄n̄ ba taān̄ loo malang wól loo yā Repay gə̄ tə́.

1 MBAN̄G GƏ̄ 1:9

Ndɔ̄ kə́rēý tə́ Adonia tun̄ yá̰a̰ kadə mbal̄ Johelet tə́, ngɔr kə̄ ta kəɓa man̄ yā ngé rāā kəla kūbə̄ gə̄ tə́. Ni tun̄ i batə̄ gə̄ ō, man̄g gə̄ ō, duĺ man̄g kə́ yḛmbə gə̄ ō. Ni mēr̄ ngán mban̄g Dabid gə̄ ń i ngákó̰o̰n gə̄ ní ō, de kə́ bo gə̄ kə́ gō nang yā Juda tə́ kə́ ngé rāā kəla yā Dabid gə̄ ō, malang reē loo ní tə́.

2 SAMUEL 17:17

Jonatan nin̄ kə Ahimas ran̄ i En Rogel. Ba i nge kəla kə́ dəyá̰ kə́rēý n kadə̄ reē ədadə́ tá kadə̄ nin̄ a télənneé yā kaw̄ kəda mban̄g Dabid ɓáý. Nin̄ udən̄ kem ɓēé aĺ i najə̄ kadə̄ deē a̰a̰də́.

NGÉ SARYA 19:10

Dəngam ní ndigə ɓīī alé, adə̄ ɔr̄ dɔɔ́ kə də̄yá̰ gidə ndogə̄ yān ō, kərō yān kə́ jōó gə̄ ń yá̰a̰ kətō i gidədə́ tə́ ní ō. Aw̄ əndān̄ dɔ ɓē kə́ Yebus ń i Jerusalem ní.

NGÉ SARYA 1:21

Ba Yebus gə̄ ń ndin̄ Jerusalem ní ngán Benjamḛ gə̄ tə̄ɓān̄də́ kɔ̄ɔ́ alé, adə̄ ndin̄ naā tə́ sedə́ kem ɓē kə́ Jerusalem tə́ bátə́ ɓōólaā.

NGÉ SARYA 1:8

Ngán Juda gə̄ ənīn̄ ɓē kə́ Jerusalem rɔ̄ɔ̄ ō, taān̄ ō. Nin̄ tɔ̄lə̄n̄ de kə́ kemeé gə̄ kɔ̄ɔ́ malang kə kəyā kaskaraá ba əlan̄ hor dɔ ɓē tə́.

JOJUE 18:28

Sela ō, Elep ō, ɓē yā Yebus gə̄ ń i Jerusalem ní ō, Gibea ō, Kiryat ō, adə̄ ɓē malang i kutə gidə i sɔ́, naā tə́ kə ngán ɓē gə̄ ń ndin̄ kə gō gidií ní. Dɔ nang ń ngán Benjamḛ gə̄ əngen̄ kə gír kaadə́ gēé ní n noó.

JOJUE 15:63

Yebus gə̄ ń ndin̄ Jerusalem ní, Juda gə̄ asən̄ tə́ɓādə́ alé, adə̄ nin̄ kem ɓē kə́ Jerusalem tə́ kə Juda gēé bátə́ ɓōólaā.

2 SAMUEL 5:18

Pilistin gə̄ reēn̄ ba tɔ̄ɔ̄n̄ naā kə̄ loo gə̄ tə́ kum wól loo yā Repay gə̄ tə́.