JOJUE 18:1 - Bibəl ta Sar̄

¹ Dan ń ngán Israel gə̄ taān̄ ɓē malang oy anī, kánə̄n̄ naā Silo, ba udən̄ kújə kənge naā kemeé.

Bible sar

¹ Dan ń ngán *Israel gə̄ taān̄ ɓē malang oy anī, kánə̄n̄ naā *Silo, ba udən̄ *kújə kənge naā kemeé.

JOJUE 18:1 Referans Kwoze

JOJUE 19:51

Eleajar kə́ nge tun̄ yá̰a̰ ō, Jojue ngōn̄ Nun ō, ngār gə̄ yā ngán Israel gə̄ ō, túgə̄n̄ wə̄lā ta kum Kɔ́ɔ̄ɓē tə́ Silo, ta kújə kənge naā tə́ n adə̄nəń dɔ nang gə̄ ń noō ní. I beé n tɔ̄l̄nəń ta nə̄ɓō naā dɔ nang ní.

1 SAMUEL 1:3

Dəngam ní a ḭḭ ɓē yān tə́ kə dɔ ɓāl̄ gə̄ a aw̄ Silo kɔsə non nang tə́ no Kɔ́ɔ̄ɓē nge tɔgə yá̰a̰ malang tə́ ō, tun̄ yá̰a̰ kadə̄n tə́ ō. Ngán Eli kə́ jōó gə̄ ń i Hopəni nin̄ kə Pinas ní n i ngé tun̄ yá̰a̰ gə̄ yā Kɔ́ɔ̄ɓē kə́ kem ɓē kə́ Silo tə́ ní.

JOJUE 21:2

kem ɓē kə́ Silo tə́, dɔ nang kə́ Kanaan tə́, ba ədan̄də́ na: Kété ní Kɔ́ɔ̄ɓē əda Moijə kadə̄ adə̄n̄jí ɓē gə̄ kadə̄ j-ndi tū tə́ ō, loo gə̄ kə́ kə gō gidií gə̄ tām̄ yā yá̰a̰ kul̄ yājí gə̄ tə́ ō.

JEREMI 26:6

yá̰á̰ ń m̄-rāā kə Silo ní, m-ā m̄-rāā kə kújə́ ń toō. M-ā m̄-rāā ɓē ń toō kadə̄ a téĺ yá̰á̰ kə́ nápar de gə̄ malang kə́ dɔ nang tə́ a ndɔ̄lə́n̄ naā kə rīneé.

JOJUE 22:9

Adə̄ ngán Ruben gə̄ ō, ngán Gad gə̄ ō, de kə́ gír ɓē yā Manase tə́ kə́ dām̄ kə́ gír ɓē tə́ gə̄ ō, əyan gotə ngán Israel gə̄ Silo dɔ nang kə́ Kanaan tə́, ba tél aw̄n̄ gogə́ ɓēé dɔ nang kə́ Galaad tə́. Nin̄ əngen̄ dɔ nang kə́ Galaad ní i kə gō ndū Kɔ́ɔ̄ɓē ń ədań Moijə ní.

PĀ GƏ̄ 78:66

Ni ənda gō madə̄ ba̰ā̰n gə̄, əla rɔ̄sɔl̄ kə́ a to ngándáńg dɔdə́ tə́.

1 MBAN̄G GƏ̄ 14:2

Anī Jeroboam əda nə̄yá̰n na kə əla kūbə̄ kə́ kadə̄ deē a̰a̰n anī ger̄ kadə̄ i nə̄yá̰ Jeroboam n aw̄ toó alé, ba kə aw̄ Silo na Ahia nge koō ta na ndi noó. I ni n ədan na n-a n-ndi yā ko̰o̰ ɓē dɔ ngán Israel gə̄ tə́ ní.

1 MBAN̄G GƏ̄ 2:27

Salomo̰ tə̄ɓā Abiatar kɔ̄ɔ́ kem kəla tun̄ yá̰a̰ yā Kɔ́ɔ̄ɓē tə́, adə̄ najə̄ ń Kɔ́ɔ̄ɓē əda dɔ gír kojə yā Eli tə́ kem ɓē kə́ Silo tə́ ní udə gírí.

1 SAMUEL 1:24

Dan ń ɔrə̄n ta mba tə́ kɔ̄ɔ́ anī aw̄ seneé kem kújə yā Kɔ́ɔ̄ɓē tə́. Nin̄ kə ngaaneé əhɔn̄ man̄g kə́ bəra kə́ ɓālə̄n i mətá jīdə́ tə́ ō. Unən̄ ndujə̄ kem káĺ kə́ bo kógə̄ḿ tə́ ō, kasə nduú jīdə́ tə́ kem sɔlɔɔ́ ō. Adə̄ Samuel tél nge rāā kəla yā Kɔ́ɔ̄ɓē.

NGÉ SARYA 18:31

Nin̄-ngɔ̄mə̄n̄ ɓesə̄ kə́ tɔ́l yā Mika ní adə̄ ra loo ń udənən̄ tū tə́ ní bátə́ ndɔ̄ ń kújə yā Nə́ɓā gətóoń Silo tə́ ní.

1 MBAN̄G GƏ̄ 14:4

Nə̄yá̰ Jeroboam rāā tītə̄ ń noō. Ni-ḭḭ dɔɔ́ əsō róbó ta kaw̄ kə̄ Silo, aw̄ ugə̄ ta kújə yā Ahia tə́. Ahia a̰a̰ loo to̰ alé, kumən ra ro, tɔdɔ̄ ni tɔgə ɓə́gá ngá̰ý kɔ̄ɔ́.

NGÉ SARYA 21:19

Loo ń noō tə́ əga kemdə́ dɔ tə́ kadə̄ sḛ́ý ɓáa na a rāān̄ nāā yā Kɔ́ɔ̄ɓē tītə̄ kə́ kə dɔ ɓāl̄ gə̄ kem ɓē kə́ Silo tə́. Deē ra Betel anī Silo i kə̄ dām̄ mbɔ́r ɓē kə́ ko̰ó̰ tə́, ba ré ra Lebona anī i kə̄ dām̄ mbɔ́r ɓē kə́ geleé tə́. Ré deē ra dɔ róbə́ ń ḭḭ Betel a aw̄ kə̄ Sisem ní tə́ anī i kə̄ dām̄ kə́ gír ɓē tə́.

KƏLA RĀĀ 7:45

Kaají gə̄ taān̄ kújə tandā ní udən̄neé kə Jojue nge kɔr nodə́ kem ɓē ń nin̄-taān̄ jī nápar de gə̄ ń Nə́ɓā tə̄ɓādə́ kɔ̄ɔ́ nodə́ tə́ ní tə́. Kújə́ ní ndi noó bátə́ ugə̄ ɓāl̄ yā Dabid tə́.

JOJUE 18:2

Gír ɓē gə̄ kə́ dɔ dáńdə́ tə́ ń əngen̄ dɔ nang aĺ ɓáý ní i sīrí.

JOJUE 18:8

De gə̄ ń gə̄rān̄də́ kadə̄ aw̄ əndān̄ ma̰ȳ dɔ nang ní rāān̄ rɔ̄də́ yā kaw̄. Ba pá tə́ kadə̄ aw̄n̄ ní, Jojue ədadə́ na: Āw̄ ī-njə̄rāī dɔ nang ní tə́ kə taá malang, ə̄ndāī ma̰ȳn kə gōó ké to i ba̰ý wa, ba ī-reē ə̄nīmī gotə. M-ā m̄-túgə̄ wə̄lā dɔ tə́ ta kum Kɔ́ɔ̄ɓē tə́ Silo laā yā Kadə̄ńsí.

JOJUE 22:12

Dan ń ngán Israel gə̄ oōn̄ najə̄ ń noō ní kánə̄n̄ naā malang Silo yā kaw̄ rɔ̄ɔ̄ gír ɓē gə̄ kə́ dām̄ kə́ gīr ɓē tə́.

2 SAMUEL 7:6

Əla gír ndɔ̄ ń m̄-teēń kə ngán Israel gēé kɔ̄ɔ́ kem ɓē kə́ Ejiptə tə́ bátə́ ɓōólaā ní, m̄-ndi kem kújú aĺ ɓáý. m̄-njə̄rā i dɔɔ́ dɔɔ́ adə̄ loo ndi yāḿ i gíŕ kújə tandā tə́.

NEHEMI 9:24

Ngáńdə́ gə̄ aw̄ ugə̄n̄ dɔ nang ní tə́ ba taān̄ rɔ̄kum. Ī-tetə dɔ Kanaan gə̄ ń i de kə́ kem ɓē ní tə́ gə̄ ní kɔ̄ɔ nodə́ tə́ ba ə́la dɔdə́ gíŕ tɔ́gə yādə́ tə́, naā tə́ kə mban̄g yādə́ gə̄ ō, de kə́ kem ɓēé gə̄ ō, kadə̄ rāān̄ sedə́ yá̰á̰ ń kemdə́ ndigə ní.

PĀ GƏ̄ 78:60

Ni əya̰ kújə́ kə́ Silo kɔ̄ɔ́, kújə tandā ń ni udə dan de gə̄ tə́ ní.

JEREMI 26:9

Tām̄ ɔ̄r̄ najə̄ kə rī Kɔ́ɔ̄ɓēé əda na: Kújə́ ń toō na a to tītə̄ Silo ō, ɓē ń toō na a nujə sák sák ō, de kə́ kemeé gə̄ na a gətóon̄ kɔ̄ɔ́ ō. Loo ń noō tə́ de gə̄ malang kə́ kem ɓēé kánə̄n̄ naā kə̄ dɔ Jeremi tə́ kem kújə yā Kɔ́ɔ̄ɓē tə́.

JEREMI 41:5

Anī de kə́ dəngam gə̄ kutə sɔ́sɔ́ ḭḭn̄ Sisem ō, Silo ō, Samari ō, reēn̄. Nin̄ dəsān̄ mbāýdə́ kɔ̄ɔ́ ō, rə́yā̰n̄ kūbə̄ kə́ rɔ̄də́ gə̄ tə́ ō, tə́jān̄ rɔ̄də́ kə doó ō, əhɔn̄ yá̰a̰ ndējə̄ gə̄ ō, kajaja ō, jīdə́ tə́ yā ndējə̄ kem kújə yā Kɔ́ɔ̄ɓē tə́.

TƏ́DA 32:22

ré dɔ nang i gíŕ tɔ́gə yā Kɔ́ɔ̄ɓē tə́ pá tá ī-tél āwī ɓēé anī, najə̄ a gətóo dɔsí tə́ ta kum Kɔ́ɔ̄ɓē tə́ ō, ta kum ngán Israel gə̄ tə́ ō, dɔ nang kə́ gidə bā Jurdḛ kə́ dām̄ kə́ laā tə́ a tél yá̰a̰ kənge yāsí ta kum Kɔ́ɔ̄ɓē tə́ ō.

JOJUE 22:19

Ré á̰a̰ī kadə̄ dɔ nang yāsí i kə́ yḛr anī, ī-tél ī-reēī gogə́ dɔ nang yā Kɔ́ɔ̄ɓē tə́, loo ń loo ndi yān i tū tə́ ní tə́. Əhɔī loo ī-ndiīń dɔ dáńjí tə́ ba ī-lōōī rāā loo tun̄ yá̰á̰ kə́ rang kadə yā Kɔ́ɔ̄ɓē Nə́ɓā yājí tə́ ba mbātə́nń Kɔ́ɔ̄ɓē ō, mbātə́nńjí ō.

NGÉ SARYA 21:12

Dan de gə̄ kə́ kem ɓē kə́ Yabes tə́ ní, ngé rɔ̄ɔ̄ gə̄ əngen̄ ngámandə kə́ ger̄ dəngam aĺ ɓáý gə̄ i ɓú sɔ́. Nin̄ reēn̄ sedə́ gérger kə́ Silo tə́ dɔ nang kə́ Kanaan tə́.