JOJUE 17:14 - Bibəl ta Sar̄

¹⁴ Ngán kaa Jəjep gə̄ ədan̄ Jojue na: Jḭḭ ń Kɔ́ɔ̄ɓē rāā majə sejí ngá̰ý, tɔdɔ̄ ni-adə̄ jə-tél kósə de kə́ ngá̰ý gə̄ ní, ādə̄jí dɔ nang gír loo kógə̄ḿ beé i tām̄ rí tə́?

Bible sar

¹⁴ Ngán kaa Jəjep gə̄ ədan̄ Jojue na: Jḭḭ ń Kɔ́ɔ̄ɓē rāā majə sejí ngá̰ý, tɔdɔ̄ ni-adə̄ jə-tél kósə de kə́ ngá̰ý gə̄ ní, ādə̄jí dɔ nang gír loo kógə̄ḿ beé i tām̄ rí tə́?

JOJUE 17:14 Referans Kwoze

TA KƏLA 48:22

Na n-adə̄n dɔ nang kə́ Sisem ń na n-taā jī Amor gə̄ tə́ kə kaskar yānneé ō, kə ga̰ gərā yānneé ō ní, kadə̄ yān na a tɔȳ yā ngákó̰o̰n gə̄.

TA KƏLA 48:19

Ba bɔbə̄n mbātə́ ədan na n-ger̄. N-ger̄ kadə̄ na a tél gír de kə́ ngá̰ý gə̄ ō, na a reē de kə́ bo ō, banī ngōkó̰o̰n kə́ dūú tá na a reē de kə́ bo tɔȳn ō, ngán kemən gə̄ na a télən̄ nápar de kə́ ngá̰ý gə̄ ō.

TƏ́DA 13:7

Igal ngōn̄ Jəjep, tām̄ yā gír ɓē yā Isakar tə́.

JOJUE 16:4

Manase gə̄ ō, Apəraim gə̄ ō ń i ngán kaa Jəjep gə̄ ní əngen̄ dɔ nang yādə́ i tītə̄ ń noō.

JOJUE 17:15

Jojue tél tūr̄ ədadə́ na: Ré kutəsí i ngá̰ý ō, gō nang kə́ mbalá yā Epəraim asəsí aĺ ō anī, āwī kem ku kāgə̄ gə̄ yā Periji gə̄ tə́ ō, Repay gə̄ tə́ ō, ā ə́hɔī loo tū tə́ tām̄ yāsí tə́.

EJEKIEL 48:5

Dɔ nang yā Epəraim a ra kə gō ngāl̄ dɔ nang yā Manase, ḭḭ gír ɓē tə́ ugə̄ no ɓē tə́.

TA KƏLA 48:20

Israel tɔ́r̄ tan dɔdə́ tə́ ndɔ̄ ń noō tə́, əda na ngán Israel gə̄ na a unən̄ na i rīdə́ n na a tɔ́r̄nəń tadə́ dɔ naā tə́ ní, a ədan̄ na kə Nə́ɓā kə rāā kem majə seí tītə̄ ń na rāań kə Epəraim nin̄ kə Manaseé ní. Jakob əndā Epəraim kété no Manase tə́.

TƏ́DA 26:54

Gír kaa ń de kə́ tū tə́ gə̄ i ngá̰ý ní, ā ī-gān̄g dɔ nang yādə́ kadə̄ asə tām̄ ō, gír kaa ń de kə́ tū tə́ gə̄ i sḛ́ý beē ní, ā ī-gān̄g dɔ nang yādə́ i kə looneé ō.

TƏ́DA 36:12

Adə̄ i dəngam gə̄ kə́ gír kojə gə̄ yā Manase ngōn̄ Jəjep tə́. I beé ń dɔ nang yādə́ gə̄ ń əngen̄ yá̰a̰ ndəbā tə́ ní na̰yn̄ kə́ gír ɓē ń gír kaa yā bɔbə̄də́ i tīī tə́ ní.