JOJUE 17:1 - Bibəl ta Sar̄

¹ De kə́ gír ɓē yā Manase tə́ gə̄ əngen̄ dɔ nang yādə́ ō. Manase i hágə Jəjep. Makir ń i go̰ rɔ̄ɔ̄ ō, ni i hágə Manase ō, bɔbə̄ Galaad ō ní, ənge dɔ nang kə́ Galaad ō, dɔ nang kə́ Basan ō, kɔ̄ɔ́ ɓá.

Bible sar

¹ De kə́ gír ɓē yā Manase tə́ gə̄ əngen̄ dɔ nang yādə́ ō. Manase i hágə Jəjep. Makir ń i go̰ rɔ̄ɔ̄ ō, ni i hágə Manase ō, bɔbə̄ Galaad ō ní, ənge dɔ nang kə́ Galaad ō, dɔ nang kə́ Basan ō, kɔ̄ɔ́ ɓá.

JOJUE 17:1 Referans Kwoze

TƏ́DA 26:29

Ngán Manase gə̄ n toó: Makir gə̄ i de gə̄ kə́ gír kaa yā Makir tə́. Makir ojə Galaad. Galaad gə̄ i de gə̄ kə́ gír kaa yā Galaad tə́.

TA KƏLA 41:51

Jəjep əndā rī ngōn̄ hágən na i Manase, tɔdɔ̄ əda na Nə́ɓā na rāā adə̄ dɔn na ndígə̄nal yá̰á̰ kə́ tōr̄ gə̄ ń na rāān ní malang ō, ndɔ̄ gə̄ ń na n-a̰a̰nə̄ń naā kə bɔbə̄neé aĺ ní ō.

TA KƏLA 50:23

Ni-a̰a̰ ngán Epəraim gə̄ ō, ngán kaa Epəraim gə̄ ō, taā ngán Makir kə́ ngōn̄ Manase rāādə́ kə́ yān tə́ ō.

TA KƏLA 46:20

Asənat ngōn̄ Potipera nge tun̄ yá̰á̰ kə́ On ojə Manase ō, Epəraim ō, kə Jəjepé dɔ nang kə́ Ejiptə tə́.

TA KƏLA 48:18

əda bɔbə̄n na i beé alé, nge ń noō na i nga tɔ́gə, kə əndā jī ko̰n dɔn tə́.

1 YÁ̰A̰ GƏ̄ 2:23

Banī Gesur gə̄ ō, Aram gə̄ ō, taān̄ ɓē gə̄ yā Yair kɔ̄ɔ́. Nin̄ taān̄ ɓē kə́ Kenat ō, ngán ɓē gə̄ ń ɓē kə́ Kenat o̰o̰ ɓē dɔ tə́ ní ō. Ɓē gə̄ malang ń nin̄ taān̄ ní i kutə mehḛ́. De kə́ kemeé gə̄ malang i de gə̄ kə́ gír kojə yā Makir bɔbə̄ Galaad tə́.

NGÉ SARYA 5:14

Ngé tetə Amalek gə̄ rɔ̄ɔ̄ ḭḭn̄ i dɔ nang yā Epəraim tə́ n reēn̄ ní. Benjamḛ gə̄ utə̄n̄ gōdə́, ba əlan̄ rɔ̄də́ dan deē yādə́ gə̄ tə́. Ngol áskar gə̄ teēn̄ i dan de yā Makir gə̄ tə́, ba ngār gə̄ teēn̄ i dan deē yā Jabulo̰ gə̄ tə́.

NDŪ NAJƏ̄ 21:17

Majə kadə̄ ger̄ na i ngōn̄ dəyá̰ ń ni tárən ngá̰ý aĺ ní n i ngōn̄ hágən ní. Adə̄ yá̰a̰ kənge yān malang ń ni a kēgə̄ yā kadə̄n ní, a adə̄n i loo nja kə́ jōó tə́ tɔdɔ̄ i ni n i ngōn̄ hágən ní ō, ta róbə kənge yá̰á̰ hágə i yān ō.

TƏ́DA 32:33

Moijə adə̄ de gə̄ kə́ gír ɓē yā Gad tə́ ō, yā Ruben tə́ ō, núsə de gə̄ kə́ gír ɓē yā Manase ngōn̄ Jəjep tə́ ō, dɔ nang yā mban̄g Sihon ń i mban̄g yā Amor gə̄ ní ō, dɔ nang yā mban̄g kə́ Basan ń rīn na i Og ní ō. Ni-adə̄də́ dɔ nang gə̄ ní kə ɓē bo gə̄ kə́ tū tə́ ō, kə dɔ nang gə̄ kə́ kadə ɓē bo gə̄ ní tə́ ō.

TƏ́DA 27:1

Ngáń kə́ dəyá̰ yā Selopad ngōn̄ Heper kə́ ngōn̄ Galaad, kə́ ngōn̄ Makir kə́ ngōn̄ Manase gə̄ ń rīdə́ na i Mala ō, Noa ō, Hogəla ō, Milka ō, Tirsa ō ní, nin̄ i ngán kə́ dəyá̰ gə̄ kə́ gír kaa kógə̄ḿ yā Manase ngōn̄ Jəjep tə́.

TA KƏLA 48:17

Dan ń Jəjep a̰a̰ kadə̄ bɔbə̄n əndā i jī ko̰n dɔ Epəraim tə́ ní, nelə̄n alé, adə̄ əhɔ jī bɔbə̄n yā tūr̄ dɔ Epəraim tə́ kaw̄ń dɔ Manase tə́,

JOJUE 17:2

Gotə ngán Manase gə̄ əngen̄ dɔ nang kə gír kaadə́ gēé. Gír kaa gə̄ ń adə̄n̄də́ dɔ nang ní i gír kaa yā Abiejer ō, Helek ō, Asriel ō, Sekem ō, Heper ō, Semida ō. Manase kə́ ngōn̄ Jəjep ní, ngánən kə́ dəngam gə̄ malang n nuú kə gír kaadə́ gēé.

JOJUE 22:7

Ni ədadə́ na: Ī-tél āwī ɓēé kə yá̰a̰ kənge ngá̰ý gə̄ ń ə́neī ní adə̄ i yá̰a̰ kul̄ gə̄ ō, gində̄ arjā̰a̰ ō, lɔ́r ō, gində̄ nə̄ngá kasə ō, gində̄ kə́ karī ō, kūbə̄ gə̄ ngá̰ý ō. Yá̰a̰ kənge yā madə̄ ba̰ā̰sí gə̄ ń ɔ́yiī ní ī-kēgī naā kə ngákó̰ó̰sí gēé. Núsə de gə̄ kə́ ta kəga dɔ kə́ gír ɓē yā Manase tə́ ní, Moijə adə̄də́ loo dɔ nang ké Basan tə́, gidə bā Jurdḛ tə́, dām̄ kə́ gír ɓē tə́. Ba núsə de gə̄ kə́ nge ko̰ jōó kə́ gír ɓē yā Manase tə́ ní, Jojue adə̄də́ loo gidə bā Jurdḛ dām̄ kə́ no ɓē tə́ tītə̄ yā gotə gír ɓē kə́ rang gə̄.

EJEKIEL 48:4

Dɔ nang yā Manase a ra kə gō ngāl̄ dɔ nang yā Nepətali, ḭḭ gír ɓē tə́ ugə̄ no ɓē tə́.

TA KƏLA 41:52

Əndā rī ni kə́ nge ko̰ jōó na i Epəraim, tɔdɔ̄ əda na Nə́ɓā na adə̄n ngán gə̄ kem ɓē ń na n-a̰a̰ tápə̄ ngá̰ý tū tə́ tə́ ní.

2 SAMUEL 2:9

Ni-aw̄ əndān mban̄g dɔ de kə́ Galaad gə̄ tə́ ō, Aser gə̄ tə́ ō, Jisreel gə̄ tə́ ō, Epəraim gə̄ tə́ ō, Benjamḛ gə̄ tə́ ō, dɔ Israel gə̄ tə́ malang.

EJEKIEL 47:13

Najə̄ ń Kɔ́ɔ̄ɓē Nə́ɓā əda ní n toó: Dɔ nin̄ ɓē gə̄ ń gír ɓē kə́ Israel kə́ kutə gidə i jōó gə̄ a nə̄ɓōn̄ naā ní n toó. Gír ɓē Jəjep a ənge yān i gír jōó.