JOJUE 15:7 - Bibəl ta Sar̄

⁷ ra noó teē wól loo kə́ Akor tə́ aw̄ Debir, gō tə́ anī ra dām̄ mbɔ́r ɓē kə́ ko̰ó̰ tə́ tūr̄ rɔ̄n aw̄ kum kə̄ Gilgal, loo ń ra sɔɔ̄n ta naā kə loo kə́ kḭḭ kə̄ dɔɔ́ kə́ Adumim tə́ ní, ré deē ra kum wóĺ tə́ anī, i kə̄ dām̄ mbɔ́r ɓē kə́ geleé tə́. Dɔ nin̄ ní teē kadə kəɓa man̄ gə̄ kə́ En Semes tə́, ba aw̄ ugə̄ En Rogel.

Bible sar

⁷ ra noó teē wól loo kə́ Akor tə́ aw̄ Debir, gō tə́ anī ra dām̄ mbɔ́r ɓē kə́ ko̰ó̰ tə́ tūr̄ rɔ̄n aw̄ kum kə̄ Gilgal, loo ń ra sɔɔ̄n ta naā kə loo kə́ kḭḭ kə̄ dɔɔ́ kə́ Adumim tə́ ní, ré deē ra kum wóĺ tə́ anī, i kə̄ dām̄ mbɔ́r ɓē kə́ geleé tə́. Dɔ nin̄ ní teē kadə kəɓa man̄ gə̄ kə́ En Semes tə́, ba aw̄ ugə̄ En Rogel.

JOJUE 15:7 Referans Kwoze

1 MBAN̄G GƏ̄ 1:9

Ndɔ̄ kə́rēý tə́ Adonia tun̄ yá̰a̰ kadə mbal̄ Johelet tə́, ngɔr kə̄ ta kəɓa man̄ yā ngé rāā kəla kūbə̄ gə̄ tə́. Ni tun̄ i batə̄ gə̄ ō, man̄g gə̄ ō, duĺ man̄g kə́ yḛmbə gə̄ ō. Ni mēr̄ ngán mban̄g Dabid gə̄ ń i ngákó̰o̰n gə̄ ní ō, de kə́ bo gə̄ kə́ gō nang yā Juda tə́ kə́ ngé rāā kəla yā Dabid gə̄ ō, malang reē loo ní tə́.

2 SAMUEL 17:17

Jonatan nin̄ kə Ahimas ran̄ i En Rogel. Ba i nge kəla kə́ dəyá̰ kə́rēý n kadə̄ reē ədadə́ tá kadə̄ nin̄ a télənneé yā kaw̄ kəda mban̄g Dabid ɓáý. Nin̄ udən̄ kem ɓēé aĺ i najə̄ kadə̄ deē a̰a̰də́.

JOJUE 7:26

Gō tə́ anī kánə̄n̄ mbal̄ gə̄ adə̄ ton̄ dɔ naā tə́ bing dɔn tə́. Mbal̄ gə̄ ń kánə̄n̄ dɔn tə́ ní ton̄ nuú bátə́ ɓōólaā. Loo ń noō tə́ wōn̄g yā Kɔ́ɔ̄ɓē tetə. I tām̄ najə̄ ń nuū tə́ n a ɓārə́n̄ wól loo ní na i Akor bátə́ ɓōólaā ní.

OJEE 2:5

Ré i beé aĺ anī, m-ā m-ɔ̄r̄ yá̰a̰ rɔ̄n tə́ kɔ̄ɔ́ kadə̄ rɔ̄n i karī tītə̄ kə́ ndɔ̄ kojən tə́. M-ā m̄-rāā dɔ nang kə́ Israel kadə̄ tél to tītə̄ loo kə́ dəla loo tə́. M-ā m̄-tūrə̄n kadə̄ tél to tītə̄ dɔ nang kə́ tutə káḿ káḿ. M-ā m̄-rāā kadə̄ kəndā man̄ tɔ̄lən.

IJAI 65:10

Tām̄ yā gír deē yāḿ gə̄ tə́ ní, tām̄ yā ngé gə̄ ń tūrə̄n̄ rɔ̄də́ kə̄ rɔ̄ḿ tə́ ní, ndágə mbō kə́ Saro̰ a tél i loo kə́ kadə̄ batə̄ gə̄ əsan̄ yá̰a̰ tū tə́ ō, wól loo kə́ Akor a tél i gong man̄g gə̄ ō.

JOJUE 15:15

Ni-ḭḭ noó aw̄ rɔ̄ɔ̄ de kə́ Debir gə̄, kété ní rī ɓē kə́ Debir na i Kiryat Seper.

JOJUE 10:43

Gō tə́ anī, Jojue nin̄ kə ngán Israel gēé télən̄ malang aw̄n̄ gogə́ gérger kə́ Gilgal tə́.

JOJUE 7:24

Jojue nin̄ kə ngán Israel gēé gon tə́ malang əhɔn̄ Akan ō, ɔyn̄ arjā̰a̰ ní ō, unən̄ kūbə̄-jī ní ō, unən̄neē lɔ́r ní ō, əhɔn̄ ngán Akan kə́ dəngam gə̄ ō, kə́ dəyá̰ gə̄ ō, əhɔn̄ man̄g kə́ bəra yān ō, kərō yān ō, batə̄ yān ō, bə̄yā̰ yān gə̄ ō, ɔrə̄n̄ kújə tandā yān ō, ɔyn̄ gotə yá̰a̰ kənge yān gə̄ malang ō, ba aw̄n̄ sedə́ wól loo ń y ɓārə́n̄ na i Akor ní tə́.

JOJUE 4:19

Ngán Israel gə̄ teēn̄ bā Jurdḛ i kə ndɔ̄ kə́ nge ko̰ kutə yā nāā kə́ ta kəga dɔ. Aw̄ ndin̄ Gilgal ba rāān̄ gérger yādə́ loo ń nuū tə́. Ré deē ra Jeriko anī, loo ń ndin̄ tū tə́ ní i kə̄ dām̄ kə́ gír ɓē tə́.

JOJUE 15:6

Dɔ ninə̄n ní əta tan kum kə̄ dɔɔ́, aw̄ Bet Hogəla, ra noó əya̰ Bet Araba kə̄ dām̄ mbɔ́r ɓē kə́ geleé tə́ ba teē dām̄ mbɔ́r ɓē kə́ ko̰ó̰ tə́, aw̄ bátə́ ugə̄ mbal̄ yā Bohan kə́ ngōn̄ Ruben tə́,

JOJUE 18:17

Loo ń noō tə́ rugə rɔ̄n dām̄ mbɔ́r ɓē kə́ ko̰ó̰ tə́ ba aw̄ kum kə̄ En Semes ō, Gelilot ń ra sɔɔ̄n̄ ta naā kə róbə́ ń əta tan kə̄ dɔɔ́ ta kaw̄ kə̄ Adumim ní tə́ ō. Ḭḭ loo ń noō tə́ risə aw̄ mbal̄ yā Bohan kə́ ngōn̄ Ruben tə́. Bohan i rī ngōn̄ Ruben kə́rēý.