JOJUE 15:2 - Bibəl ta Sar̄

^2-4 Dɔ ninə̄n kə́ dām̄ mbɔ́r ɓē kə́ geleé tə́ gír i ta ngóy bā katə̄ tə́, əla gír i loo ń bā katə̄ əla so̰ō̰ tū tə́ á ra sɔɔ̄n̄ ta naā kə dɔ nang kə́ Negeb ní tə́, dɔ ninə̄n ní əta tan Akrabim aw̄ kum kə̄ dām̄ mbɔ́r ɓē kə́ geleé tə́ aw̄ teē Təsin gō tə́ anī əya̰ Kades Barnea kə̄ dām̄ mbɔ́r ɓē kə́ ko̰ó̰ tə́ ba teē dām̄ mbɔ́r ɓē kə́ geleé tə́ gān̄g Hesəron, ra tū tə́ noō aw̄ Adar ń i loo kə́ kḭḭ kə̄ dɔɔ́ tə́ ní, ba tūr̄ rɔ̄n Karka aw̄ Asmon, ḭḭ Asmon aw̄ bátə́ ugə̄ man̄ ń a ɓārə́n̄ na i man̄ kə́ Ejiptə tə́ ní, ḭḭ noó aw̄ bátə́ ugə̄ bā bo tə́. Loo ń dɔ nin̄ dɔ nang yādə́ kə́ dām̄ mbɔ́r ɓē kə́ geleé tə́ teē tū tə́ ní n noó.

Bible sar

^2-4 Dɔ ninə̄n kə́ dām̄ mbɔ́r ɓē kə́ geleé tə́ gír i ta ngóy bā katə̄ tə́, əla gír i loo ń bā katə̄ əla so̰ō̰ tū tə́ á ra sɔɔ̄n̄ ta naā kə dɔ nang kə́ Negeb ní tə́, dɔ ninə̄n ní əta tan Akrabim aw̄ kum kə̄ dām̄ mbɔ́r ɓē kə́ geleé tə́ aw̄ teē Təsin gō tə́ anī əya̰ Kades Barnea kə̄ dām̄ mbɔ́r ɓē kə́ ko̰ó̰ tə́ ba teē dām̄ mbɔ́r ɓē kə́ geleé tə́ gān̄g Hesəron, ra tū tə́ noō aw̄ Adar ń i loo kə́ kḭḭ kə̄ dɔɔ́ tə́ ní, ba tūr̄ rɔ̄n Karka aw̄ Asmon, ḭḭ Asmon aw̄ bátə́ ugə̄ man̄ ń a ɓārə́n̄ na i man̄ kə́ Ejiptə tə́ ní, ḭḭ noó aw̄ bátə́ ugə̄ bā bo tə́. Loo ń dɔ nin̄ dɔ nang yādə́ kə́ dām̄ mbɔ́r ɓē kə́ geleé tə́ teē tū tə́ ní n noó.

JOJUE 15:2 Referans Kwoze

EJEKIEL 47:8

Ni ədam̄ na: Man̄ ń noō a aw̄ i kum kə̄ dām̄ ɓē kə́ gír ɓē tə́, ni a mān̄ kem wól bā Jurdḛ tə́ ō, a ugə̄ kum bā bo tə́ ō. Dan ń ni teē kum bā bo tə́ anī, ni-rāā adə̄ man̄ nel̄ ō, kumən majə ō.

IJAI 11:15

Bā bo kə́ Ejiptə ní, Kɔ́ɔ̄ɓē a rāā kadə̄ man̄ kə́ tū tə́ gətóo kɔ̄ɔ́. Ni a wél̄ jīn yā kəlań ɓōĺ kem bā Opəratə tə́. Ni a gān̄g bā ngeé ń toō kə koō kə́ tan tə́ kə́ tɔ́gən i ngá̰ý kadə̄ a téĺ ngán man̄ gə̄ gír loo sīrí. Deē a asə teē man̄ gə̄ ní kə sākə̄rāá njan tə́.

TA KƏLA 14:3

Mban̄g gə̄ ngeé ń toō əngen̄ naā i wól loo kə́ Sidim tə́ ń bā katə̄ i tū tə́ ngɔlaā ní.

EJEKIEL 47:18

Dɔ nin̄ ɓē kə́ dām̄ kə́ gír ɓē tə́ a əla gír i loo ń ra dɔ dán Damas kə Hauran tə́ ní ō, dɔ nin̄ ɓē ní a un gō wól bā Jurdḛ dɔ dán gō nang kə́ Galaad kə ɓē kə́ Israel tə́ ō. Dɔ nin̄ ɓē ní aw̄ bátə́ ugə̄ Tamar kadə bā katə̄ tə́. Dām̄ dɔ nin̄ ɓē kə́ dām̄ kə́ gír ɓē tə́ n noó.

JOJUE 3:16

bā lōō gír nūgə́ tə́ ba dəba tītə̄ kə́ deē gān̄g gírən i kə babəraá. Man̄ dəba i sa̰y, ɓē ń rīn na i Dam ní tə́, kadə Sartan tə́, ba dāmə̄n ń a nūgə́ kum kə̄ bā katə̄ kə́ Araba tə́ ní gətóo kɔ̄ɔ́ malang, loo ń noō tə́ gír de gə̄ teēn̄ bā Jurdḛ kə̄ gidə kə́rēý tə́, teēn̄ i loo ń ra sɔɔ̄n̄ ta naā kə ɓē kə́ Jeriko ní tə́.

TƏ́DA 34:3

Loo kə́ mángá kə́ Təsin ō, dɔ nang kə́ Edom ō n i dɔ nin̄ dɔ nang yāsí kə́ dām̄ mbɔ́r ɓē kə́ geleé tə́ ní. Dɔ nin̄ dɔ nang yāsí kə́ dām̄ kə́ gír ɓē tə́ a əla gír i ta ngóy bā katə̄ tə́, a əla gír i ta ngóyn kə́ dām̄ mbɔ́r ɓē kə́ geleé tə́.

JOJUE 15:1

Dɔ nang ń adə̄n̄ de gə̄ kə́ gír ɓē yā Juda tə́ gə̄ kə gō gír kaadə́ gēé ní, to ta kaw̄ kə̄ dɔ nin̄ dɔ nang kə́ Edom tə́, dəla loo kə́ Təsin tə́, gō nang kə́ Negeb tə́, ta ngóý mbɔ́r ɓē ké geleé tə́.