JOJUE 14:15 - Bibəl ta Sar̄

¹⁵ Kété ní rī ɓē kə́ Hebron na i Kiryat Arba. Arba i deē kógə̄ḿ kə́ bo tɔȳ madə̄n gə̄ malang dan ngán Anak gə̄ tə́. Loo ń noō tə́ de gə̄ ndin̄ lɔm tɔdɔ̄ rɔ̄ɔ̄ gətóo kem ɓēé.

Bible sar

¹⁵ Kété ní rī ɓē kə́ Hebron na i Kiryat Arba. Arba i deē kógə̄ḿ kə́ bo tɔȳ madə̄n gə̄ malang dan ngán Anak gə̄ tə́. Loo ń noō tə́ de gə̄ ndin̄ lɔm tɔdɔ̄ rɔ̄ɔ̄ gətóo kem ɓēé.

JOJUE 14:15 Referans Kwoze

JOJUE 11:23

Adə̄ Jojue taā dɔ nang malang tītə̄ ń Kɔ́ɔ̄ɓē ədań Moijə ní. Gō tə́ anī ni-adə̄ Israel gə̄ dɔ nang ní kə́ yādə́ tə́. Ni-gán̄g dɔ nang ní adə̄də́ i kə dɔ gír ɓē yādə́ gēé. Loo ń noō tə́ ngán Israel gə̄ ndin̄ lɔm tām̄ rɔ̄ɔ̄ gətóo tā.

TA KƏLA 23:2

Ni-oy i Kiryat Arba ń i Hebron ní, dɔ nang kə́ Kanaan tə́. Abəraham nōō nə̄yá̰n.

NGÉ SARYA 3:11

Loo ń noō tə́ ɓē tél ndi lɔm ɓāl̄ kutə sɔ́. Gō tə́ anī Otəniel ngōn̄ Kenas oy.

JOJUE 15:13

Gāngə̄n̄ dɔ nang adə̄n Kaleb ngōn̄ Yepune dan Juda gə̄ tə́, tītə̄ ń Kɔ́ɔ̄ɓē ədań Jojue ní. I ɓē ń rīn na i Kiryat Arba á i ɓē yā Arba ní n adə̄n̄ Kaleb ní. Arba i rī bɔbə̄ Anak.

NGÉ SARYA 8:28

I beé n Madian gə̄ əngenə̄ń rɔ̄sɔl̄ ta kum ngán Israel gə̄ tə́ ní. Nin̄ ɔrə̄n̄ dɔdə́ to̰ alé. Ɓē tél ndi lɔm kem ɓāl̄ kə́ kutə sɔ́ gə̄ ń Jedeo̰ ndiń kə kumneé tə́ ní.

NGÉ SARYA 5:31

Kɔ́ɔ̄ɓē, ādə̄ madə̄ ba̰ā̰í gə̄ malang oyn̄ yo kə́ tītə̄ yā Sisəra, banī ādə̄ madə̄ taí gə̄ ton̄ tītə̄ mbang ń ḭḭ kə̄ dɔɔ́ á ndə́lē ngá̰ý ní. Ɓē tél ndi lɔm ɓāl̄ kutə sɔ́.

NGÉ SARYA 3:30

Əla gír ndɔ̄ ń noō tə́ ní Moab gə̄ əlan̄ dɔdə́ nang tə́ no ngán Israel gə̄ tə́ ō, ɓē tél ndi lɔm ɓāl̄ kutə̄ sɔ́sɔ́ ō.

TA KƏLA 35:27

Jakob ugə̄ rɔ̄ bɔbə̄n Isaak tə́ Mamre, kadə Kiryat Arba ń a ɓārə́n̄ na i Hebron ní tə́. I loo ń Abəraham ō, Isaak ō, ndin̄ tū tə́ kété ní.

TA KƏLA 37:14

Israel ədan na kə aw̄ kə a̰a̰ ngákó̰o̰n gə̄ ké ton̄ karī ō, ké yá̰a̰ kul̄ gə̄ ton̄ karī ō wa, ba kə tél kə reē kə ədan kōōdə́. Israel ndi i wól loo kə́ Hebron tə́ n əlań Jəjep ní, adə̄ Jəjep ḭḭ aw̄ Sisem.

JOJUE 14:14

I tām̄ najə̄ ń noō tə́ n bátə́ ɓōólaā gə̄gē ɓē kə́ Hebron i ɓē yā Kaleb ngōn̄ Yepune kə́ Keniji ní. Tɔdɔ̄ ni un gō Kɔ́ɔ̄ɓē Nə́ɓā yā Israel kanjə̄ kadə̄ kemən kēgə̄.

JOJUE 21:11

Ta kəga dɔ i Kiryat Arba. Arba i rī kaa Anak gə̄. Rī ɓē ní kə́ ngɔlaā na i Hebron. I ɓē gō nang kə́ mbaláa yā Juda tə́ Adə̄n̄də́ ɓē ní i naā tə́ kə dɔ nang gə̄ ń gīrə̄n̄ gidə ní.

NEHEMI 11:25

Gír kojə kə́rēý gə̄ kə́ Juda tə́ ndin̄ i kem ɓē kə́ ndágá gə̄ tə́: Ndin̄ i Kiryat Arba ō, kem ngán ɓē gə̄ kə́ gidə tə́ ō, Dibon ō, kem ngán ɓē gə̄ kə́ gidə tə́ ō, Yekabəsel ō, kem ngán ɓē gə̄ kə́ gidə tə́ ō,

JOJUE 21:12

Ba ndɔr̄ gə̄ kə ngán ɓē gə̄ ń kə gō gidií ní, adə̄n̄ Kaleb kə́ ngōn̄ Yepune.

NGÉ SARYA 1:20

Adə̄n̄ Kaleb ɓē kə́ Hebron tītə̄ń Moijə ədań ní, adə̄ taā ɓē ní jī ngán Anak gə̄ ń ndin̄ gír loo mətá tə́ ní.

1 SAMUEL 30:31

Hebron ō ngé gə̄ ń ndin̄ kə gō ngán ɓē gə̄ malang ń ni mān̄ tū tə́ kə deē yān gēé ní ō.

1 YÁ̰A̰ GƏ̄ 6:4

Rī ngán Merari gə̄ na i Mali ō, Musi ō. De gə̄ ń rīdə́ i dɔ gír kaa gə̄ yā Lebi tə́ ní n noó.