JOJUE 14:11 - Bibəl ta Sar̄

¹¹ ba tɔ́gə́ḿ to tītə̄ kə́ kété ń Moijə əlamə̄ń kəndā ma̰ȳ looó ní. Tɔ́gə́ḿ kə́ ɓōólaā to tītə̄ tɔ́gə́ḿ kə́ kété ń m-ā m̄-rɔ̄ɔń ō, m-ā m̄-rāań yá̰á̰ kə́ rang gə̄ ō ní.

Bible sar

¹¹ ba tɔ́gə́ḿ to tītə̄ kə́ kété ń Moijə əlamə̄ń kəndā ma̰ȳ looó ní. Tɔ́gə́ḿ kə́ ɓōólaā to tītə̄ tɔ́gə́ḿ kə́ kété ń m-ā m̄-rɔ̄ɔń ō, m-ā m̄-rāań yá̰á̰ kə́ rang gə̄ ō ní.

JOJUE 14:11 Referans Kwoze

NDŪ NAJƏ̄ 34:7

Dan ń Moijə oy ní, ɓālə̄n i ɓú kə kutə jōó. Kumən a̰a̰ loo majə ɓáý ō, tɔ́gən təgā aĺ ɓáý ō n oyń ní.

PĀ GƏ̄ 103:5

Ni ngɔ̄m̄ ɓə́gáí kə yá̰a̰ kəsa yān kə́ majə gēé ō, rāā adə̄ ī-tél de kə́ balsáa ō, ɔ́l watang tītə̄ kə̄rō ō.

NDŪ NAJƏ̄ 31:2

Ngɔlaā ní ɓālə̄ḿ i ɓú kə kutə jōó kɔ̄ɔ́, adə̄ m-ásə kɔr nosí to̰ alé. Tá ɓáý to̰ ní Kɔ́ɔ̄ɓē ədam̄ na m-ā m̄-teē bā Jurdḛ ń toō aĺ ō.

PĀ GƏ̄ 90:10

J-asə ndi ɓāl̄ kutə sīrí. Ngé kə́ tɔ́gə́də́ i ngá̰ý gə̄ asən̄ ndi ɓāl̄ kutə sɔ́sɔ́. Banī yá̰á̰ ń j-ənge gírí ní i tápə̄ ō, kum tō ndoō ō. Gír ndi kə kumuú yājí gān̄g láẃ ngá̰ý ō, koōjí teē kɔ̄ɔ́ ō.

JOJUE 14:10

Asə ɓāl̄ kutə sɔ́ gidə i mí kɔ̄ɔ́ tā-n Kɔ́ɔ̄ɓē ədań Moijə najə̄ ń noō ní. Dan ń noō tə́ ní ngán Israel gə̄ i kem loo ké mángá tə́. Əla gír ndɔ̄ ń noō tə́ bátə́ ɓōólaā ní, Kɔ́ɔ̄ɓē ndɔ̄mə̄m̄ adə̄ m̄-ndi kə kumḿ tītə̄ ń ni-ənīń míndən ní. Ń-toō ɓālə̄ḿ i kutə sɔ́sɔ́ gidə i mí,

NDŪ NAJƏ̄ 33:25

Ādə̄ yá̰a̰ kutə̄ ta róbə yāí gə̄ i kə gində̄ kə́ karīí aláa i kə gində̄ nə̄ngá kasaá. Ādə̄ tɔ́gí i rɔ̄í tə́ kə dɔ ndɔ̄ gə̄ malang ń ā ī-ndiń kə kumií ní.

IJAI 40:31

Banī ngé gə̄ ń əndān̄ kemdə́ dɔ Kɔ́ɔ̄ɓē tə́ ní əngen̄ tɔ́gə́ kə́ kijə. Nin̄ ḭḭn̄ bɔ̄gə̄ tītə̄ kə̄rō gə̄ beé, nin̄ a̰ȳn̄ ngɔ̄də̄ kanjə̄ kadə̄ kɔr rāādə́, nin̄ njə̄rān̄ kumdə́ kə̄ kété kanjə̄ kadə̄ tɔ́gə́də́ təgā.