JOJUE 13:8 - Bibəl ta Sar̄

⁸ De kə́ gír ɓē yā Ruben tə́ gə̄ ō, Gad tə́ gə̄ ō, núsə de gə̄ kə́ ta kəga dɔ kə́ gír ɓē yā Manase tə́ ō, əngen̄ dɔ nang yādə́ gə̄ kɔ̄ɔ́ ɓá gidə bā Jurdḛ kə́ dām̄ kə́ gír ɓē tə́. I Moijə kə́ nge kəla yā Kɔ́ɔ̄ɓē n adə̄də́ dɔ nang gə̄ ní.

Bible sar

⁸ De kə́ gír ɓē yā Ruben tə́ gə̄ ō, Gad tə́ gə̄ ō, núsə de gə̄ kə́ ta kəga dɔ kə́ gír ɓē yā Manase tə́ ō, əngen̄ dɔ nang yādə́ gə̄ kɔ̄ɔ́ ɓá gidə bā Jurdḛ kə́ dām̄ kə́ gír ɓē tə́. I Moijə kə́ nge kəla yā Kɔ́ɔ̄ɓē n adə̄də́ dɔ nang gə̄ ní.

JOJUE 13:8 Referans Kwoze

JOJUE 12:6

Moijə nin̄ kə ngán Israel gēé tetən̄ mban̄g kə́ jōó gə̄ ń noō rɔ̄ɔ̄, ba Moijə ń i nge kəla yā Kɔ́ɔ̄ɓē ní tél kə dɔ nang yādə́ adə̄ de gə̄ gír ɓē yā Ruben tə́ gə̄ ō, yā Gad tə́ gə̄ ō, núsə de kə́ gír ɓē yā Manase tə́ gə̄ ō.

JOJUE 22:4

Ngɔlaā ní Kɔ́ɔ̄ɓē Nə́ɓā yāsí adə̄ ngákó̰ó̰sí gə̄ ta róbə adə̄ ndin̄ lɔm dɔ nang yādə́ tə́ kɔ̄ɔ́ ɓá tītə̄ ń ni-ənīń ndūn adə̄də́ ní, ī-tél āwī gogə́ ɓēé loosí tā, āw̄ ī-ndiī dɔ nang ń Moijə kə́ nge kəla yā Kɔ́ɔ̄ɓē adə̄sí gidə bā Jurdḛ tə́ dām̄ ké gír ɓē tə́ ní.

JOJUE 4:12

De gə̄ kə́ gír ɓē yā Ruben tə́ ō, yā Gad tə́ ō, núsə de gə̄ kə́ gír ɓē yā Manase tə́ ō, ɔyn̄ yá̰a̰ rɔ̄ɔ̄ yādə́ gə̄ ba mānə̄n̄ kété no ngán Israel gə̄ tə́ tītə̄ ń Moijə ədańdə́ ní.

TƏ́DA 32:19

Ré j-ənge dɔ nang yājí gidə bā Jurdḛ kə́ dām̄ kə́ gír ɓē tə́ laā anī, j-a j-əya̰ dɔ nang kə́ gidə bā Jurdḛ kə́ dām̄ kə́ nú tə́ yā kadə̄də́ nin̄.

NDŪ NAJƏ̄ 3:8

Adə̄ ɓāl̄ ngeé ń noō tə́ ní, Amor kə́ jōó gə̄ ń ndin̄ mban̄g gidə bā Jurdḛ kə́ dām̄ kə́ gír ɓē tə́, dɔ dán man̄ Arnon tə́ kə mbal̄ Hermon ní, jə-táāī dɔ nang yādə́ gə̄.

JOJUE 12:1

Ngán Israel gə̄ tetən̄ mban̄g gə̄ jōó rɔ̄ɔ̄ gidə bā Jurdḛ kə́ dām̄ kə́ gír ɓē tə́, ba taān̄ dɔ nang yādə́ ń ḭḭ man̄ Arnon tə́ bátə́ ugə̄ mbal̄ Hermon tə́ ní, nin̄ taān̄ gō nang kə́ Araba tə́ dām̄ kə́ gír ɓē tə́ malang ō.

JOJUE 13:7

Adə̄ ī-gán̄g dɔ nang ní ādə̄ de kə́ gír ɓē kə́ ndōhó gə̄ tə́ ō, núsə de kə́ gír ɓē yā Manase tə́ gə̄ ō.

JOJUE 13:9

Gō nja loo yādə́ teē ɓē kə́ Aroer dɔ gɔ́sə man̄ Arnon tə́ ō, teē ɓē ń ra kum wól tə́ ní ō. Gō nja loo ní un loo kə́ kḭḭ kə̄ dɔɔ́ ba gidə asə naā ń ḭḭ Medeba bátə́ Dibon ní ō,

1 SAMUEL 13:7

Ngé kə́rēý gə̄ gāngə̄n̄ bā Jurdḛ yā kaw̄ dɔ nang kə́ Gad tə́ ō, Galaad tə́ ō. Dan ń noō tə́ ní Saul na̰y Gilgal ɓáý ō, de kə́ gōn tə́ gə̄ malang a ndewn̄ i mbée ō.