JOJUE 13:6 - Bibəl ta Sar̄

⁶ gō nang kə́ mbalá ń ra dɔ dán Liban kə Misərepot Maim tə́ á de kə́ tū tə́ gə̄ i Sidon gə̄ malang ní ō. Mə̄kɔ́ m-ā m̄-tə̄ɓā de gə̄ ń ndin̄ dɔ nang gə̄ ń noō tə́ ní kɔ̄ɔ́ no ngán Israel gə̄ tə́. Yá̰a̰ ń kadə̄ i rāā ní i kadə̄ ī-gán̄g dɔ nang ní ādə̄ ngán Israel gə̄ tītə̄ ń m-ə́daīń ní ngóy.

Bible sar

⁶ gō nang kə́ mbalá ń ra dɔ dán Liban kə Misərepot Maim tə́ á de kə́ tū tə́ gə̄ i Sidon gə̄ malang ní ō. Mə̄kɔ́ m-ā m̄-tə̄ɓā de gə̄ ń ndin̄ dɔ nang gə̄ ń noō tə́ ní kɔ̄ɔ́ no ngán *Israel gə̄ tə́. Yá̰a̰ ń kadə̄ i rāā ní i kadə̄ ī-gán̄g dɔ nang ní ādə̄ ngán Israel gə̄ tītə̄ ń m-ə́daīń ní ngóy.

JOJUE 13:6 Referans Kwoze

JOJUE 11:8

Kɔ́ɔ̄ɓē əladə́ jī Israel gə̄ tə́ adə̄ Israel gə̄ tetən̄də́ rɔ̄ɔ̄ ba ngɔ̄də̄n̄də́ bátə́ teēn̄ sedə́ Sidon kə́ bo tə́ ō, Misərepot Maim tə́ ō, ngɔ̄də̄ndə́ kum kə̄ gír ɓē tə́ bátə́ teēn̄ sedə́ kum wól loo kə́ Misəpe tə́ ō. Ngán Israel gə̄ tetən̄də́ rɔ̄ɔ̄ ō, tɔ̄lə̄n̄də́ malang kanjə̄ kəya̰ deē kógə̄ḿ kadə̄ ndi kə kumuú ō.

JOJUE 23:13

Kɔ́ɔ̄ɓē Nə́ɓā yāsí a na̰y kə̄ loo tə̄ɓā nápar de gə̄ ń noō tə́ kɔ̄ɔ́ nosí tə́ alé, ní, majə kadə̄ ī-gerī nge ń noō majə. Nin̄ a télən̄ gūmbə̄ tām̄ yāsí tə́ ō, bəlo mbḛ̄ yāsí tə́ ō, ndéý kə́ yā kəndań gidəsí ō, a ran̄ kumsí tə́ tītə̄ kōn̄ kə́ ra kum deē tə́ ɔgə̄n ka̰a̰ loo ō. Ta tɔ̄l tasí anī, ā ī-gətóoī kɔ̄ɔ́ dɔ nang kə́ majə ń Kɔ́ɔ̄ɓē Nə́ɓā yāsí adə̄sí tə́ ní.

JOJUE 23:4

Á̰a̰ī, m̄-túgə̄ wə̄lā m-ādəń gír ɓē yāsí gə̄ dɔ nang yā nápar de gə̄ ń na̰y kadə̄ yā tetədə́ rɔ̄ɔ̄ ɓáý ní ō, dɔ nang yā nápar de gə̄ ń m̄-tɔ̄l̄də́ bā Jurdḛ tə́ bátə́ bā bo kə́ no ɓē tə́ ní ō.

TƏ́DA 33:54

Ā ī-túgī i wə̄lā n ā ī-kēgīiń gír kaa yāsí gə̄ dɔ nang ní. Gír kaa ń de gə̄ i ngá̰ý kemeé ní, ā ādīdə́ dɔ nang ní i ngá̰ý ō, gír kaa ń de kə́ kemeé gə̄ i ngá̰ý aĺ ní, ā ādīdə́ dɔ nang ní i sḛ́ý beē ō. Gír ɓē gə̄ kógə̄ḿ kógə̄ḿ a əngen̄ dɔ nang ní i kə gō ń wə̄lā a ɔjəń ní.

JOJUE 13:7

Adə̄ ī-gán̄g dɔ nang ní ādə̄ de kə́ gír ɓē kə́ ndōhó gə̄ tə́ ō, núsə de kə́ gír ɓē yā Manase tə́ gə̄ ō.

PĀ GƏ̄ 80:8

Nə́ɓā kə́ bo kə́ tɔ́gən i ngá̰ý, ī-tél ī-reē sejí gogə́, á̰á̰jí kə kumií kə́ majaá, anī j-a j-ajə.

JOJUE 1:6

ə́hɔ rɔ̄í tɔgə ō, ī-ra dəngam ō. Tɔdɔ̄ i ḭ̄-n ā ādə̄ gír de gə̄ ń toō dɔ nang ń m-ə̄nī ndūḿ m-ādə̄ kaadə́ gə̄ yā kadə̄də́ ní.

JOJUE 11:12

Mban̄g gə̄ ń əndān̄ rɔ̄də́ naā tə́ ní Jojue tetədə́ rɔ̄ɔ̄ malang ba táā ɓē yādə́ gə̄. Ni-tɔ̄l̄ mban̄g gə̄ ní ō, de kə́ kem ɓēé gə̄ malang ō, kə kəyā kaskaraá bāań dɔdə́ adə̄ Nə́ɓā tītə̄ ń Moijə nge kəla yā Kɔ́ɔ̄ɓē ədanəń ní.

JOJUE 23:5

Kɔ́ɔ̄ɓē Nə́ɓā yāsí nəkɔ́ a tə̄ɓādə́ kɔ̄ɔ́ kadə̄ a̰ȳn̄ naā nosí tə́, adə̄ ā ī-taāī dɔ nang yādə́ yā ndi tū tə́ tītə̄ ń Kɔ́ɔ̄ɓē Nə́ɓā yāsí ədańsí ní.