JOJUE 13:22 - Bibəl ta Sar̄

²² Balam kə́ kɔdə̄sā kə́ ngōn̄ Beor i dan de gə̄ ń ngán Israel gə̄ tɔ̄lə̄n̄də́ kə kaskaraá ní tə́ ō.

Bible sar

²² Balam kə́ kɔdə̄sā kə́ ngōn̄ Beor i dan de gə̄ ń ngán *Israel gə̄ tɔ̄lə̄n̄də́ kə kaskaraá ní tə́ ō.

JOJUE 13:22 Referans Kwoze

TƏ́DA 31:8

Nin̄ tɔ̄lə̄n̄ mban̄g kə́ mí gə̄ kə́ Madian ō. Rī mban̄g gə̄ ní n toó: Ebi ō, Rekem ō, Sur ō, Hur ō, Reba ō. Nin̄ tɔ̄lə̄n̄ Balam ngōn̄ Beor kə kəyā kaskaraá ō.

JEJU TEĒ KUM JA̰A̰ 2:14

Ba yá̰á̰ ń mā m̄-mbātə́ gōí tə́ sḛ́ý ní, i de kə́rēý gə̄ kə́ ɓēé looí kə́ əhɔn̄ gō yá̰á̰ ndóō yā Balam. Tɔdɔ̄ Balam ɔjə Balak kadə̄ əyā gūmbə̄ no ngán Israel gə̄ tə́ yā səlāńdə́ kadə̄ əsan̄ dā̰ kə́ tɔ̄l̄ ba tun̄ kadə̄ ɓesə̄ gə̄ ō, kadə̄ rāān̄ ájə́ba ō.

Makətūbə̄ ń Jud ndang ní 1:11

Yá̰á̰ kə́ to kum kaȳ aĺ a əsō dɔdə́ tə́ tām̄ nin̄-unən̄ i róbə́ ń Kain un ní. Nin̄-ndúmə̄n̄ tām̄ yā nar tə́ tītə̄ yā Balam ō, udən̄ kɔ̄ɔ́ sɔɔ̄ń mbātə́ najə̄ yādə́ kə́ tītə̄ yā Kore ō.

2 PIYER 2:15

Nin̄-əya̰n̄ róbə́ kə́ súmūú kɔ̄ɔ́ adə̄ ndúmə̄n̄. Nin̄-unən̄ róbə́ ń Balam kə́ ngōn̄ Bosor un ní. Balam ngeé ń toō gḛy nar kə́ kadə̄ adə̄nən̄ gíŕ yá̰a̰ rāān kə́ gō tə́ aĺ tə́.

TƏ́DA 24:1

Balam a̰a̰ kadə̄ yá̰á̰ ń Kɔ́ɔ̄ɓē ndigə ní i tɔ́r̄ tan dɔ ngán Israel gə̄ tə́ Adə̄ ni-aw̄ kadə̄ Kɔ́ɔ̄ɓē əndā najə̄ tan tə́ tītə̄ kə́ kété gə̄ alé, banī ni tūr̄ kumən kə̄ dəla loo tə́.

JEJU TEĒ KUM JA̰A̰ 19:20

Əhɔn̄ dā̰ ní ō, nge koō ta kə́ rɔ̄kum aĺ ní ō. Kété ní, nge koō ta kə́ rɔ̄kum aĺ ngeé ń toō rāā yá̰á̰ kə́ yáā gə̄ ta kum dā̰ ní tə́, góləń ngé gə̄ ń əndān̄ tə́ré yá̰a̰ yā dā̰ rɔ̄də́ tə́ ō, rɔȳn̄ ndíĺ yá̰á̰ kə́ tɔ́sə̄ kum gotə dā̰ ní ō ní. Dā̰ ní ō, nge koō ta kə́ rɔ̄kum aĺ ní ō ní, tə́nīn̄də́ kə kumdə́ kum bundūm̄ hor bursu kə́ a o̰o̰ tə́.

TƏ́DA 23:23

Kəndā gara gətóo dan ngán Israel gə̄ tə́ ō, koō ta kɔdə̄ sāā gə̄ gətóo dan ngán Israel gə̄ tə́ ō. Ré asə dɔ tə́ anī a ədan̄ ngán Jakob gə̄ ō, ngán Israel gə̄ ō, yá̰á̰ ń Nə́ɓā rāā ní.

TƏ́DA 24:14

Ngɔlaā m-ā m̄-tél yā kaw̄ gogə́ rɔ̄ de gə̄ yāḿ gə̄ tə́, ba ī-reē ādə̄ m-ə́daī yá̰á̰ ń ndɔ̄ń tə́ anī ngán Israel gə̄ a rāān̄ kə de yāí gēé ní.

JOJUE 13:23

Dɔ nang ń de kə́ gír ɓē yā Ruben tə́ kə́ dām̄ kə́ no ɓē tə́ i bā Jurdḛ. Dɔ nang ń de kə́ gír ɓē yā Ruben tə́ gə̄ əngen̄ kə gō gír kaa yādə́ gēé ní n noó. Ɓē bo yādə́ gə̄ n noó ō, ngán ɓē gə̄ n noó ō.