JOJUE 12:1 - Bibəl ta Sar̄

¹ Ngán Israel gə̄ tetən̄ mban̄g gə̄ jōó rɔ̄ɔ̄ gidə bā Jurdḛ kə́ dām̄ kə́ gír ɓē tə́, ba taān̄ dɔ nang yādə́ ń ḭḭ man̄ Arnon tə́ bátə́ ugə̄ mbal̄ Hermon tə́ ní, nin̄ taān̄ gō nang kə́ Araba tə́ dām̄ kə́ gír ɓē tə́ malang ō.

Bible sar

¹ Ngán Israel gə̄ tetən̄ mban̄g gə̄ jōó rɔ̄ɔ̄ gidə bā Jurdḛ kə́ dām̄ kə́ gír ɓē tə́, ba taān̄ dɔ nang yādə́ ń ḭḭ man̄ Arnon tə́ bátə́ ugə̄ mbal̄ Hermon tə́ ní, nin̄ taān̄ gō nang kə́ Araba tə́ dām̄ kə́ gír ɓē tə́ malang ō.

JOJUE 12:1 Referans Kwoze

NGÉ SARYA 11:18

Loo ń noō tə́ nin̄ unən̄ róbə́ kə́ kem dəla loo tə́, ba gōngə̄n̄ dɔ nang kə́ Edom ō, kə́ Moab ō. Aw̄ ugə̄n̄ dām̄ kə́ gír ɓē tə́ banī əya̰n̄ dɔ nang kə́ Moab kə̄ dām̄ kə́ no ɓē tə́. Nin̄ əndān̄ gérger yādə́ gidə man̄ Arnon tə́ kə̄ dām̄ kə́ nú tə́ ba udən̄ dɔ nang kə́ Moab tə́ alé. Tɔdɔ̄ man̄ Arnon rāā rɔ̄n i dɔ nin̄ dɔ nang kə́ Moab tə́.

JOJUE 1:15

bátə́ kadə̄ Kɔ́ɔ̄ɓē adə̄ńdə́ loo kə́ yā kadə̄ ndin̄neé tū tə́ lɔm tītə̄ yāsí ō, kadə̄ əngen̄neé dɔ nang ń Kɔ́ɔ̄ɓē Nə́ɓā yāsí adə̄də́ ní ō, pá tá ā ī-téliī kə̄ gogə́ dɔ nang ń ni Moijə nge kəla yā Kɔ́ɔ̄ɓē n-adə̄sí gidə bā Jurdḛ kə́ laā tə́ dām̄ kə́ gír ɓē tə́ ní.

TƏ́DA 21:24

Ngán Israel gə̄ tetən̄də́ rɔ̄ɔ̄ ba taān̄ dɔ nang yān malang. Dɔ nang yān ń taān̄ ní əla gír i bā Arnon tə́ bátə́ bā Yabok tə́, bátə́ ugə̄ń dɔ nin̄ dɔ nang yā Amon gə̄ ń rāān̄ ɓē kə́ kutə̄ gidə ngan̄g gə̄ tū tə́ ní tə́.

TƏ́DA 21:13

Nin̄ ḭḭn̄ noō aw̄ ndin̄ gidə man̄ Arnon tə́ kə̄ dām̄ kə́ nú tə́. Arnon i ngōn̄ bā kə́ ḭḭ dɔ nang yā Amor gə̄ tə́ ba ənda dəla loo gān̄g ō, rāā rɔ̄n i dɔ nin̄ ɓē kə́ Moab kə́ dɔ nang yā Amor gə̄ tə́ ō.

IJAI 16:2

Dəyá̰ kə́ Moab gə̄ i loo gə̄ ń de gə̄ a teēn̄ man̄ Arnon tū tə́ ní tə́. Nin̄ ton̄ i tītə̄ yel̄ gə̄ kə́ a̰ȳn̄ naā beé, yel̄ gə̄ kə́ tə̄ɓān̄də́ kɔ̄ɔ́ kem ɓēdə́ tə́ kadə̄ a̰ȳ aw̄n̄ sa̰y beé.

PĀ GƏ̄ 133:3

To i tītə̄ tal kə́ dɔ mbal̄ Hermon tə́, kə́ əhɔ dɔ mbal̄ Siyo̰ tə́. Kɔ́ɔ̄ɓē gḛy rāā majə kə deé ō, kadə̄ deē ndi kə kumneé ngándáńg ō, i loo ń noō tə́.

JOJUE 22:4

Ngɔlaā ní Kɔ́ɔ̄ɓē Nə́ɓā yāsí adə̄ ngákó̰ó̰sí gə̄ ta róbə adə̄ ndin̄ lɔm dɔ nang yādə́ tə́ kɔ̄ɔ́ ɓá tītə̄ ń ni-ənīń ndūn adə̄də́ ní, ī-tél āwī gogə́ ɓēé loosí tā, āw̄ ī-ndiī dɔ nang ń Moijə kə́ nge kəla yā Kɔ́ɔ̄ɓē adə̄sí gidə bā Jurdḛ tə́ dām̄ ké gír ɓē tə́ ní.

JOJUE 11:17

Əla gír mbal̄ Halak ń ra sɔɔ̄ Seir ní tə́, bátə́ teēn̄ Baal Gad kum wóĺ kə́ Liban tə́ nja mbal̄ Hermon tə́ ní, ni-tetə mban̄g kə́ tū tə́ gə̄ rɔ̄ɔ̄ ba tɔ̄l̄də́ malang.

JOJUE 11:3

Kanaan gə̄ ń ndin̄ i dām̄ kə́ gír ɓē tə́ ō, no ɓē tə́ ō, Amor gə̄ kə Het gə̄ kə Periji gə̄ kə Yebus gə̄ ndin̄ i dɔ mbalá ō, Hibi gə̄ ndin̄ i nja mbal̄ Hermon tə́ gō nang kə́ Misəpa tə́ ō.

NDŪ NAJƏ̄ 4:48

Adə̄ dɔ nang ń ḭḭ Aroer dɔ gɔ́sə man̄ Arnon tə́ bátə́ ugə̄ń mbal̄ Hermon ń a ɓārə́n̄ na i Sion tə́ ní,

NDŪ NAJƏ̄ 2:24

Gō tə́ anī Kɔ́ɔ̄ɓē əda na: Ɔ̄rī dɔɔ́ āwī, ī-teēī wól man̄ Arnon. M-ā m-ə́la mban̄g Sihon kə́ Hesəbon ń ni i Amor ní jīsí tə́ kadə̄ ī-taāī dɔ nang yān. Ə́laī gír taā dɔ nang yān, ə̄nīniī rɔ̄ɔ̄.

TƏ́DA 32:19

Ré j-ənge dɔ nang yājí gidə bā Jurdḛ kə́ dām̄ kə́ gír ɓē tə́ laā anī, j-a j-əya̰ dɔ nang kə́ gidə bā Jurdḛ kə́ dām̄ kə́ nú tə́ yā kadə̄də́ nin̄.

TƏ́DA 32:33

Moijə adə̄ de gə̄ kə́ gír ɓē yā Gad tə́ ō, yā Ruben tə́ ō, núsə de gə̄ kə́ gír ɓē yā Manase ngōn̄ Jəjep tə́ ō, dɔ nang yā mban̄g Sihon ń i mban̄g yā Amor gə̄ ní ō, dɔ nang yā mban̄g kə́ Basan ń rīn na i Og ní ō. Ni-adə̄də́ dɔ nang gə̄ ní kə ɓē bo gə̄ kə́ tū tə́ ō, kə dɔ nang gə̄ kə́ kadə ɓē bo gə̄ ní tə́ ō.

JOJUE 13:8

De kə́ gír ɓē yā Ruben tə́ gə̄ ō, Gad tə́ gə̄ ō, núsə de gə̄ kə́ ta kəga dɔ kə́ gír ɓē yā Manase tə́ ō, əngen̄ dɔ nang yādə́ gə̄ kɔ̄ɔ́ ɓá gidə bā Jurdḛ kə́ dām̄ kə́ gír ɓē tə́. I Moijə kə́ nge kəla yā Kɔ́ɔ̄ɓē n adə̄də́ dɔ nang gə̄ ní.

PĀ GƏ̄ 89:12

Dɔ rā̰ i yāí ō, dɔ nang i yāí ō! I ḭ̄ n i nge kəndā loo kə́ dɔɔ́ ō, kə́ nang tə́ ō, yá̰a̰ malang kə́ kemeé ō ní.

PĀ GƏ̄ 136:21

Gō tə́ anī un dɔ nang yādə́ adə̄ yá̰a̰ ndəbā tə́, tɔdɔ̄ kem majə yān to ngándáńg.

TƏ́DA 21:21

Ngán Israel gə̄ əlan̄ de gə̄ rɔ̄ mban̄g yā Amor gə̄ ń rīn na i Sihon ní tə́ kadə̄ ədanən̄ na:

TƏ́DA 32:32

Jə kɔ́ j-a jə-mān̄ kété no Kɔ́ɔ̄ɓē tə́ kə yá̰a̰ rɔ̄ɔ̄ gēé yā kudəń dɔ nang kə́ Kanaan tə́. Ba loo yājí i gidə bā Jurdḛ kə́ dām̄ kə́ laā tə́.

NDŪ NAJƏ̄ 2:32

Sihon teē kə gír deē yān gēé malang reē rɔ̄ɔńjí loo ń a ɓārə́n̄ na i Yahas ní tə́.

NDŪ NAJƏ̄ 3:1

Gō tə́ anī jə-tūrī rɔ̄jí j-awī kumjí kə̄ Basan. Banī Og ń i mban̄g kə́ Basan ní, teē tə́nī tají kə deē yān gēé malang reē rɔ̄ɔńjí Edrey.

NDŪ NAJƏ̄ 4:44

Dan ń ngán Israel gə̄ teēn̄ kɔ̄ɔ́ kem ɓē kə́ Ejiptə tə́ ní, Moijə adə̄də́ ndū najə̄ gə̄ yā Nə́ɓā. Ni-adə̄də́ ndū kə́ kun gə̄ ō, ndū najə̄ gə̄ ō, ɔjədə́ jī-bēl̄ loo rāā yá̰a̰ gə̄ ō.

NDŪ NAJƏ̄ 4:46

Dan ń noō tə́ ní nin̄ i gidə bā Jurdḛ kə́ dām̄ kə́ gír ɓē tə́, kum wól loo ń ra sɔɔ̄n̄ ta naā kə Bet Peor ní tə́, dɔ nang yā Sihon mban̄g yā Amor gə̄ tə́. Mban̄g Sihon ndi i Hesəbon. Banī Moijə nin̄ kə ngán Israel gə̄ tetənən̄ rɔ̄ɔ̄ kɔ̄ɔ́ ba taān̄ dɔ nang yān.

1 MBAN̄G GƏ̄ 4:19

Geber kə́ ngōn̄ Uri i nge ko̰o̰ ɓē kə́ Galaad tə́, adə̄ i gō nang yā Sihon mban̄g yā Amor gə̄ ō, gō nang yā Og mban̄g kə́ Basan ō. Tá nge ko̰o̰ ɓē kə́ rang i noó ɓáý kem ɓēé gō nang kə́ Juda tə́.