JOJUE 11:3 - Bibəl ta Sar̄

³ Kanaan gə̄ ń ndin̄ i dām̄ kə́ gír ɓē tə́ ō, no ɓē tə́ ō, Amor gə̄ kə Het gə̄ kə Periji gə̄ kə Yebus gə̄ ndin̄ i dɔ mbalá ō, Hibi gə̄ ndin̄ i nja mbal̄ Hermon tə́ gō nang kə́ Misəpa tə́ ō.

Bible sar

³ Kanaan gə̄ ń ndin̄ i dām̄ kə́ gír ɓē tə́ ō, no ɓē tə́ ō, *Amor gə̄ kə Het gə̄ kə Periji gə̄ kə Yebus gə̄ ndin̄ i dɔ mbalá ō, Hibi gə̄ ndin̄ i nja mbal̄ Hermon tə́ gō nang kə́ Misəpa tə́ ō.

JOJUE 11:3 Referans Kwoze

NGÉ SARYA 3:3

De gə̄ ń ni əya̰də́ adə̄ ndin̄ kem ɓēé ní i mban̄g kə́ mí gə̄ yā Pilistin gə̄ ō, Kanaan gə̄ malang ō, Sidon gə̄ kə Hibi gə̄ ń ndin̄ dɔ mbal̄ gə̄ kə́ Liban tə́ ní ō. Nin̄ əlan̄ gír ndi i mbal̄ Hermon tə́ bátə́ ugə̄ń Lebo Hamat.

JOJUE 18:26

Misəpe ō, Kepira ō, Mosa ō,

TA KƏLA 31:49

Əndān̄ rīn na i Misəpa ō, kumən na i loo ngɔ̄m̄ loo, tɔdɔ̄ Laban əda ɓáý to̰ na: Ādə̄ Kɔ́ɔ̄ɓē əndā kumən gōí ḭ̄ tə́ ō, gōḿ mā tə́ ō, dan ń j-a j-a̰a̰ń naā to̰ aĺ ní.

JOJUE 15:63

Yebus gə̄ ń ndin̄ Jerusalem ní, Juda gə̄ asən̄ tə́ɓādə́ alé, adə̄ nin̄ kem ɓē kə́ Jerusalem tə́ kə Juda gēé bátə́ ɓōólaā.

JOJUE 13:11

Gō nja loo yādə́ ní un nang kə́ Galaad ō, nang yā Gesur gə̄ ō, yā Maaka gə̄ ō, mbal̄ Hermon malang ō, gō, nang kə́ Basan malang ō, kemeé, bátə́ ugə̄ń Salka.

JEREMI 41:14

De gə̄ malang ń Ismael ɔydə́ Misəpa aw̄ sedə́ ní télən̄ dɔ tə́ ba reēn̄ rɔ̄ Yohanan ngōn̄ Karea tə́.

JEREMI 41:3

Ismael tɔ̄l̄ de gə̄ malang kə́ Juda tə́ ń ndin̄ kə Gedalia Misəpa ní ō, tɔ̄l̄ áskar Kalde gə̄ ń ndin̄ noó ní ō.

JEREMI 40:10

Mā m-ā m̄-ndi Misəpa tām̄ yā Kalde gə̄ ń a reēn̄ ɓēé loojí tə́ ní. Sḭḭ̄ tāa, ī-sāāī kan̄ kāgə̄ nduú kə́ yā rāā kasə tə́ ō, kan̄ kāgə̄ gə̄ ō, yibə̄ ō, ə̄ndāī kon̄ tə́, ba ī-ndiī kem ɓē gə̄ ń ə́hɔī loo tū tə́ ní tə́.

JEREMI 40:6

Jeremi aw̄ Misəpa rɔ̄ Gedalia, kə́ ngōn̄ Ahikam tə́. Ni-ndi seneé dan de gə̄ ń ndin̄ kem ɓēé ɓáý tə́ ní. Loo ń noō tə́ Kɔ́ɔ̄ɓē ɔr̄ najə̄ kə Jeremi.

PĀ KƏ́ MAJƏ 4:8

Nge nong yāḿ, ī-reē j-aw̄! Ə́ya̰ mbal̄ gə̄ kə́ Liban ba ī-reē j-aw̄! Ī-risə kɔ̄ɔ́ dɔ mbal̄ gə̄ kə́ Amana tə́ ō Senir tə́ ō Hermon tə́ ō. Loo gə̄ ń noō ń i loo to ɓɔl gə̄ ō, mbal̄ gə̄ ń noō ń i loo yā kagə gə̄ ō ní, ī-teē ā̰ȳ tū tə́ kɔ̄ɔ́!

PĀ GƏ̄ 133:3

To i tītə̄ tal kə́ dɔ mbal̄ Hermon tə́, kə́ əhɔ dɔ mbal̄ Siyo̰ tə́. Kɔ́ɔ̄ɓē gḛy rāā majə kə deé ō, kadə̄ deē ndi kə kumneé ngándáńg ō, i loo ń noō tə́.

PĀ GƏ̄ 89:12

Dɔ rā̰ i yāí ō, dɔ nang i yāí ō! I ḭ̄ n i nge kəndā loo kə́ dɔɔ́ ō, kə́ nang tə́ ō, yá̰a̰ malang kə́ kemeé ō ní.

1 MBAN̄G GƏ̄ 15:22

Loo ń noō tə́ mban̄g Asa ɓāŕ de ké Juda tə́ gə̄ malang adə̄ reēn̄ náḿ náḿ. Nin̄ reē ɔyn̄ mbal̄ gə̄ kə kāgə̄ gə̄ ń Baasa ɔrəń gong gidə ɓē kə́ Rama tə́ ní kɔ̄ɔ́. Mbal̄ gə̄ kə kāgə̄ gə̄ ní mban̄g Asa ɔrəń gong gidə ɓē kə́ Geba yā Benjamḛ tə́ ō gidə ɓē kə́ Misəpa tə́ ō.

1 MBAN̄G GƏ̄ 9:20

Kété ní gotə Amor gə̄ ō, Het gə̄ ō, Periji gə̄ ō, Hibi gə̄ ō, Yebus gə̄ ō, nayn̄ kem ɓēé. Nin̄ i Israel gə̄ alé.

2 SAMUEL 24:16

De kə́ dɔ rā̰ tə́ əla jīn kə̄ dɔ ɓē kə́ Jerusalem tə́ yā nujəń kɔ̄ɔ́ anī Kɔ́ɔ̄ɓē lōō gír nujə loo tə́ ba ədan na: Asə beé, ī-tetə jīí kə̄ nang tə́. Nge kəla ní ra i kadə loo kənda kōō gémē yā Arona kə́ Yebus tə́.

1 SAMUEL 10:17

Samuel ɓāŕ ngán Israel gə̄ malang adə̄ kánə̄n̄ naā rɔ̄ Kɔ́ɔ̄ɓē tə́ kem ɓē kə́ Misəpa tə́,

NGÉ SARYA 21:8

Tā anī ədan̄ na: Dan gír ɓē gə̄ kə́ Israel tə́ ní, de kə́rēý kə́ aw̄ ta kum Kɔ́ɔ̄ɓē tə́ Misəpa aĺ i noó? Anī nin̄ a̰a̰n̄ kadə̄ de kə́ kem ɓē kə́ Yabes kə́ Galaad tə́ ní aw̄n̄ kán̄ naā alé.

NGÉ SARYA 21:5

Gō tə́ anī ngán Israel gə̄ dəjen̄ naā dɔ dáńdə́ tə́ na: Dan gír ɓē gə̄ malang kə́ Israel tə́ ní, i nge kə́ rá n aw̄ kán̄ naā Misəpa aĺ ní? Tɔdɔ̄ na n-ənīn̄ ndūdə́ adə̄ gō ngan̄g ngá̰ý n-ədan̄ na deē ń a aw̄ kán̄ naā kə́ Misəpa tə́ aĺ ní na n-a n-tɔ̄l̄nən̄.

NGÉ SARYA 20:1

Ngán Israel gə̄ malang teēn̄ gidə kógə̄ḿ kánə̄n̄ naā ta kum Kɔ́ɔ̄ɓē tə́ kem ɓē kə́ Misəpa tə́. Ḭḭn̄ i kə̄ dɔ ɓē yādə́ gə̄ tə́ malang n reēn̄ ní. Ḭḭn̄ i ɓē gə̄ ń əla gír Dan bátə́ teēń Beer Seba ní ō, ḭḭn̄ i dɔ nang kə́ Galaad tə́ ō.

NGÉ SARYA 3:5

Adə̄ ngán Israel gə̄ ndin̄ dan Kanaan gə̄ tə́ ō, Het gə̄ tə́ ō, Amor gə̄ tə́ ō, Periji gə̄ tə́ ō, Hibi gə̄ tə́ ō, Yebus gə̄ tə́ ō.

JOJUE 15:38

Dila ō, Misəpe ō, Yokəteel ō,

NDŪ NAJƏ̄ 7:1

Kɔ́ɔ̄ɓē Nə́ɓā yāsí a aw̄ sesí dɔ nang ń kadə̄ ī-taāī tə́ ní. A tə̄ɓā nápar de kə́ ngá̰ý gə̄ kə́ dɔ nang ní tə́ kɔ̄ɔ́ nosí tə́. A tə̄ɓā nápar de gə̄ sīrí kə́ nin̄ i ngá̰ý tɔȳsí ō, ngangə̄n̄ tɔȳsí ō, adə̄ i Het gə̄ ō, Girgas gə̄ ō, Amor gə̄ ō, Kanaan gə̄ ō, Periji gə̄ ō, Hibi gə̄ ō, Yebus gə̄ ō.

NDŪ NAJƏ̄ 4:48

Adə̄ dɔ nang ń ḭḭ Aroer dɔ gɔ́sə man̄ Arnon tə́ bátə́ ugə̄ń mbal̄ Hermon ń a ɓārə́n̄ na i Sion tə́ ní,

TƏ́DA 13:29

Amalek gə̄ ndin̄ i gō nang kə́ Negeb tə́. Ba Het gə̄ ō, Yebus gə̄ ō, Amor gə̄ ō, ndin̄ i dām̄ kə́ mbalá tə́. Kanaan gə̄ ndin̄ i kadə bā bo tə́ ō, kə gō kadə bā Jurdḛ ō.

JOJUE 11:8

Kɔ́ɔ̄ɓē əladə́ jī Israel gə̄ tə́ adə̄ Israel gə̄ tetən̄də́ rɔ̄ɔ̄ ba ngɔ̄də̄n̄də́ bátə́ teēn̄ sedə́ Sidon kə́ bo tə́ ō, Misərepot Maim tə́ ō, ngɔ̄də̄ndə́ kum kə̄ gír ɓē tə́ bátə́ teēn̄ sedə́ kum wól loo kə́ Misəpe tə́ ō. Ngán Israel gə̄ tetən̄də́ rɔ̄ɔ̄ ō, tɔ̄lə̄n̄də́ malang kanjə̄ kəya̰ deē kógə̄ḿ kadə̄ ndi kə kumuú ō.

JOJUE 11:17

Əla gír mbal̄ Halak ń ra sɔɔ̄ Seir ní tə́, bátə́ teēn̄ Baal Gad kum wóĺ kə́ Liban tə́ nja mbal̄ Hermon tə́ ní, ni-tetə mban̄g kə́ tū tə́ gə̄ rɔ̄ɔ̄ ba tɔ̄l̄də́ malang.

JOJUE 13:5

Dɔ nang kə́ yā taā ɓáý to̰ i dɔ nang kə́ Gebal ō, dɔ nang Liban kə́ dām̄ kə́ gír ɓē tə́ ń a ɓārə́n̄ na i Baal Gad á i loo kə́ nja mbal̄ Hermon tə́ ní bátə́ teēń Lebo Hamat ō,

2 SAMUEL 24:7

Tir ń i ɓē kə́ ngan̄g ń ndogə̄ mbal̄ gīr̄ gidə ní ō, aw̄n̄ kem ɓē gə̄ ń kété i ɓē yā Hibi gə̄ ō, Kanaan gə̄ ō, ní malang ō, aw̄n̄ Beer Seba ń i ɓē kə́ gō nang kə́ Negeb yā Juda tə́ ní ō.

JOJUE 3:10

Ā ī-gerī kadə̄ Nə́ɓā kə́ kə kumuúi dɔ dáńsí tə́ ō, kadə̄ ni a tə̄ɓā Kanaan gə̄ ō, Het gə̄ ō, Hibi gə̄ ō, Periji gə̄ ō, Girgas gə̄ ō, Amor gə̄ ō, Yebus gə̄ kɔ̄ɔ́ nosí tə́ i kə ta kūl̄ yá̰á̰ ń toō: