JOJUE 11:20 - Bibəl ta Sar̄

²⁰ Tɔdɔ̄ Kɔ́ɔ̄ɓē rāā adə̄ kemdə́ ngan̄g ngóróró yā kadə̄ nin̄-dum̄nəń naā ba rɔ̄ɔ̄nneé ngán Israel gə̄, yā kadə̄ ngán Israel gə̄ bāān̄neé dɔdə́ adə̄n̄ Nə́ɓā kanjə̄ ka̰a̰ kum tó ndoō yādə́ ba tɔ̄l̄nəńdə́ kɔ̄ɔ́ malang tītə̄ ń Kɔ́ɔ̄ɓē nəkɔ́ ədań Moijə ní.

Bible sar

²⁰ Tɔdɔ̄ Kɔ́ɔ̄ɓē rāā adə̄ kemdə́ ngan̄g ngóróró yā kadə̄ nin̄-dum̄nəń naā ba rɔ̄ɔ̄nneé ngán Israel gə̄, yā kadə̄ ngán Israel gə̄ *bāān̄neé dɔdə́ adə̄n̄ Nə́ɓā kanjə̄ ka̰a̰ kum tó ndoō yādə́ ba tɔ̄l̄nəńdə́ kɔ̄ɔ́ malang tītə̄ ń Kɔ́ɔ̄ɓē nəkɔ́ ədań Moijə ní.

JOJUE 11:20 Referans Kwoze

Makətūbə̄ ń Pol ndang adə̄ Rom gə̄ ní 9:18

Adə̄ deē ń Nə́ɓā gḛy ka̰a̰ kum tō ndoō yān ní a, Nə́ɓā a a̰a̰ kum tō ndoō yān ō, deē ń Nə́ɓā gḛy rāā kadə̄ kemən ngan̄g ngóróró ní a, a rāā kadə̄ kemən a ngan̄g ngóróró ō.

Teē Ngán Israel gə̄ 4:21

Kɔ́ɔ̄ɓē əda Moijə na: Yá̰á̰ kə́ to kɔr kum gə̄ ń m-ādə̄ ī-rāā malang ní, dan ń ī-tél āw̄ gogə́ Ejiptə anī, āw̄ ī-rāādə́ ta kum Parao̰ tə́. Ba m-ā m̄-rāā kadə̄ Parao̰ a rāā dɔ ngan̄g adə̄ a əya̰ ngán Israel gə̄ kadə̄ aw̄n̄ alé.

NDŪ NAJƏ̄ 7:16

Gír de gə̄ malang ń Kɔ́ɔ̄ɓē Nə́ɓā yāsí a əladə́ kem jīsí tə́ ní, ā ī-nujiī sedə́ kɔ̄ɔ́ malang kanjə̄ ka̰a̰ kum tō ndoō yādə́. Ā ī-ndɔ̄yī ɓesə̄ yādə́ gə̄ alé, tɔdɔ̄ ɓesə̄ yādə́ gə̄ i gūmbə̄ tām̄ yāsí tə́.

NDŪ NAJƏ̄ 2:30

Banī Sihon mban̄g kə́ Hesəbon ɔgə̄jí mān̄ dɔ nang yān tə́. I Kɔ́ɔ̄ɓē Nə́ɓā yāsí n rāā adə̄ kemən ngan̄g, yā kadə̄ ī-taāīneé dɔ nang yān ndɔ̄ ń noō tə́ ní.

NGÉ SARYA 14:4

Bɔbə̄n nin̄ kə kó̰o̰neé gerə̄n̄ kadə̄ i Kɔ́ɔ̄ɓē n əndā ɓō dəyá̰ ní kem Samso̰ tə́ yā sāań ta Pilistin gə̄ ní alé. Dan ngeé ń noō tə́ Pilistin gə̄ ndin̄ dɔ Israel gə̄ tə́.

Teē Ngán Israel gə̄ 14:17

Na n-a n-rāā kadə̄ de kə́ Ejiptə gə̄ rāān̄ dɔ ngan̄g adə̄ na a udən̄ gōdə́ tə́ kum bā tə́. Loo ń noō tə́ na n-a n-tetə Parao̰ rɔ̄ɔ̄ kə deē yān gēé malang, púsə rɔ̄ɔ̄ yān gē, ngé kal̄ sə́nda yān gē, yā kɔsəń gɔnən nəkɔ́ Kɔ́ɔ̄ɓē.

Teē Ngán Israel gə̄ 9:16

Banī n-əya̰ī ādə̄ ī-ndi kə kumií i yā kadə̄ n-ɔjiīń tɔ́gən ō, kadə̄ rīn ɓārəń dɔ nang tə́ laā malang ō.

2 YÁ̰A̰ GƏ̄ 25:16

Dan ń a əda Amasia najə̄ ń noō ɓáý anī Amasia dəjen na ké əndānən̄ nge kadə̄ mban̄g kɔjə̄ wa. Ré gḛy kadə̄ əndanən̄ aĺ ɓáa kə lōō kaw̄ kə najə̄ ní kə̄ kété. Nge koō ta aw̄ kə najə̄ ní kə̄ kété to̰ alé banī əda na: Mā m̄-ger̄ kadə̄ Nə́ɓā gḛy rāā kadə̄ óy kɔ̄ɔ́ tām̄ ḭ̄ ī-rāā yá̰á̰ ń noō ō, ōō najə̄ yāḿ aĺ ō.

1 MBAN̄G GƏ̄ 12:15

I tītə̄ ń noō n mban̄g oōń najə̄ yā ngán Israel gə̄ alé ní. Ta róbə́ ń Kɔ́ɔ̄ɓē rāā yā kadə̄ najə̄ ń ni-əda Jeroboam ngōn̄ Nebat ní reē udəń gírí ní n noó. Kɔ́ɔ̄ɓē əndā najə̄ ní i ta nge koō ta yān kə́ Silo ń rīn na i Ahia ní tə́.

1 SAMUEL 2:25

Ré i deē n rāā majaĺ kə deē madə̄neé anī Nə́ɓā a ra danaá yā mā̰ȳdə́ naā tə́. Ba ré deē rāā majaĺ i kə Kɔ́ɔ̄ɓēé anī, i náā n asə ra danaá yā mā̰ȳ ní? Banī najə̄ ń bɔbə̄də́ ədadə́ ní usədə́ alé. Tɔdɔ̄ Kɔ́ɔ̄ɓē ndigə kadə̄ oyn̄.

Teē Ngán Israel gə̄ 9:12

Banī Kɔ́ɔ̄ɓē rāā adə̄ Parao̰ rāā dɔ ngan̄g, adə̄ tītə̄ ń Kɔ́ɔ̄ɓē ədań Moijə ní, Parao̰ oō najə̄ yā Moijə nin̄ kə Aaro̰ alé.

Teē Ngán Israel gə̄ 10:1

Kɔ́ɔ̄ɓē əda Moijə na kə aw̄ kə ənge Parao̰, tɔdɔ̄ na i ni Kɔ́ɔ̄ɓē n n-rāā adə̄ Parao̰ nin̄ kə ngé kəla yān gēé rāān dɔ ngan̄g ní, i yā kadə̄ n-rāań yá̰á̰ kə́ yáā gə̄ ń noō malang dɔ dáńdə́ tə́ ō,

Teē Ngán Israel gə̄ 11:10

Moijə nin̄ kə Aaro̰ rāān̄ yá̰á̰ kə́ to kɔr kum gə̄ ń noō malang ta kum Parao̰ tə́. Banī Kɔ́ɔ̄ɓē rāā adə̄ Parao̰ rāā dɔ ngan̄g ɔgə̄ ngán Israel gə̄ teē kem ɓē yān tə́ kɔ̄ɔ́.

Teē Ngán Israel gə̄ 14:4

M-ā m̄-rāān kadə̄ a dum̄ naā, adə̄ a ngɔ̄də̄ gōsí. Ba m-ā m̄-tetən rɔ̄ɔ̄ kə deē yān gēé malang kadə̄ m-ɔ́səń gɔn rɔ̄ḿ. Loo ń noō tə́ de kə́ Ejiptə gə̄ a gerə̄n̄ kadə̄ mā i Kɔ́ɔ̄ɓē. Ngán Israel gə̄ rāān̄ yá̰á̰ ń Kɔ́ɔ̄ɓē ɔjədə́ ní.

Teē Ngán Israel gə̄ 14:8

Kɔ́ɔ̄ɓē rāā adə̄ Parao̰ mban̄g kə́ Ejiptə rāā dɔ ngan̄g ba ngɔ̄də̄ gō ngán Israel gə̄ ń teēn̄ kem ɓē kə́ Ejiptə tə́ kɔ̄ɔ́ tītə̄ kə́ nin̄ i kɔ́ɔ̄ rɔ̄də́ gə̄ ní.

2 SAMUEL 17:14

Absalom ō, de kə́ dəngam gə̄ kə́ Israel tə́ ō, ədan̄ na: Kɔjə̄ ń Husai adə̄ ní majə tɔȳ yā Ahitopel. Tɔdɔ̄ Kɔ́ɔ̄ɓē ndigə rāā kadə̄ kɔjə̄ kə́ majə yā Ahitopel to karī kɔ̄ɔ́, yā rāań kadə̄ yá̰á̰ kə́ to kum kaȳ aĺ əsō dɔ Absalom tə́.

2 YÁ̰A̰ GƏ̄ 22:7

I Nə́ɓā n ndigə kadə̄ Akajias ənge yo oy kə ta kūl̄ kaw̄n go̰ō̰ Joram tə́ ní. Tām̄ dan ń Akajias reē ugə̄ ní, ni teē aw̄ tə́nī ta Yehu ngōn̄ Nimsi tə́ kə Joram. Tá Yehu i deē ń Kɔ́ɔ̄ɓē ur yibə̄ mban̄g dɔn tə́ kadə̄ tɔ̄l̄ de kə́ gír kojə yā Akab tə́ gə̄ malang kɔ̄ɔ́ ní.

IJAI 14:24

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: m̄-túbə, yá̰á̰ m-ɔ́jə rāā ní, a reē yā kudə gírí.

IJAI 34:2

Wōn̄g rāā Kɔ́ɔ̄ɓē kə nápar de gə̄ malang, wōn̄g rāān kə ɓūtə̄ yādə́ malang. Ni gḛy nujə sedə́ kɔ̄ɔ́ malang. Ni-aw̄ sedə́ loo tɔ̄l̄də́ tə́.