JOJUE 11:15 - Bibəl ta Sar̄

¹⁵ Yá̰á̰ ń Kɔ́ɔ̄ɓē ɔjə nge kəla yān Moijə ní, Moijə ɔjə Jojue kə gō ń Kɔ́ɔ̄ɓē ɔjənəń ní. Jojue rāā yá̰a̰ malang ń Kɔ́ɔ̄ɓē ɔjə Moijə ní kanjə̄ kəya̰ yá̰á̰ kógə̄ḿ kɔ̄ɔ́.

Bible sar

¹⁵ Yá̰á̰ ń Kɔ́ɔ̄ɓē ɔjə nge kəla yān Moijə ní, Moijə ɔjə Jojue kə gō ń Kɔ́ɔ̄ɓē ɔjənəń ní. Jojue rāā yá̰a̰ malang ń Kɔ́ɔ̄ɓē ɔjə Moijə ní kanjə̄ kəya̰ yá̰á̰ kógə̄ḿ kɔ̄ɔ́.

JOJUE 11:15 Referans Kwoze

JOJUE 1:7

Yá̰á̰ ń kadə̄ ī-rāā ní i kadə̄ ə́hɔ rɔ̄í tɔgə ō, ī-ra dəngam ō, ī-ngɔ̄m̄ ndū najə̄ malang ń nge kəla yāḿ Moijə adī ní ō ngóy. Ī-tɔ̄ɔ̄ geleé aĺ ō, ko̰ó̰ aĺ ō. I beé n yá̰a̰ malang ń ā ī-rāā ní a majəń ní.

KƏLA RĀĀ 20:20

Sḭḭ̄ ī-gerī kadə̄ mā m̄-ɓɔ̄ɔ̄sí dɔ yá̰á̰ kógə̄ḿ kə́ kadə̄ rāā majə sesí alé: M-ə́dásí yá̰a̰ malang ō, m-ɔ́jə́sí yá̰a̰ malang ō, i ndágə loo gə̄ tə́ ō, i kem kújə gə̄ tə́ ō.

NDŪ NAJƏ̄ 7:2

Kɔ́ɔ̄ɓē a əladə́ kem jīsí tə́ kadə̄ ī-tetiīdə́ rɔ̄ɔ̄ ō, ī-bāāī dɔdə́ ādə̄niī ō. Ī-lōōī əhɔ madə̄ naā sedə́ ō, ka̰a̰ kum tō ndoō yādə́ ō.

2 YÁ̰A̰ GƏ̄ 30:12

Kɔ́ɔ̄ɓē rāā kəla kem de gə̄ tə́ dɔ nang kə́ Juda tə́ ō, adə̄ de gə̄ malang gḛyn̄ rāā yá̰á̰ ń mban̄g ō, de kə́ bo gə̄ ō, ədan̄ kə gō ndū Kɔ́ɔ̄ɓēé ní.

NDŪ NAJƏ̄ 31:7

Gō tə́ anī Moijə ɓāŕ Jojue ba ədan ta kum ngán Israel gə̄ tə́ malang na: Ə́hɔ rɔ̄í tɔgə ō, ī-ra dəngam ō, tɔdɔ̄ i ḭ̄ n ā āw̄ kə ngán Israel gēé dɔ nang ń Kɔ́ɔ̄ɓē ənī ndūn adə̄ kaadə́ gə̄ yā kadə̄də́ ní tə́. I ḭ̄ n ā ī-nə̄ɓōdə́ dɔ nang ní ní.

NDŪ NAJƏ̄ 4:5

Ī-gerī kadə̄ m-ɔ́jə́sí ndū najə̄ gə̄ ō, jī-bēl̄ loo rāā yá̰a̰ gə̄ ō, tītə̄ ń Kɔ́ɔ̄ɓē Nə́ɓā yāḿ ədam̄neé na kə m-ɔ́jə́sí ní, yā kadə̄ ré ūgī dɔ nang ń ā ī-taāī tə́ ní anī, ī-rāāī tītə̄ ń m-ɔ́jəńsí ní.

KƏLA RĀĀ 20:27

Tɔdɔ̄ m-ɔ́jə́sí yá̰a̰ malang ń Nə́ɓā əndā dɔ danaá kété kɔ̄ɔ́ ní kanjə̄ mundə̄sí yá̰á̰ kógə̄ḿ.

NDŪ NAJƏ̄ 4:2

Yá̰a̰ gə̄ ń Kɔ́ɔ̄ɓē Nə́ɓā yāsí əndā dɔsí tə́ kadə̄ ī-rāāī á m-ə́dásí ní, ā ə̄nīī kə́ rang dɔ tə́ aĺ ō, ā ə́ya̰ī kógə̄ḿ kɔ̄ɔ́ aĺ ō, ba ā ī-ngɔ̄mīdə́.

1 SAMUEL 15:11

m̄-ndə̄ngā rɔ̄ḿ tām̄ kəndā ń m-ə̄ndā Saul mban̄g tə́ ní. Tɔdɔ̄ ni tūr̄ gidən kɔ̄ɔ́ taḿ tə́ ō, rāā yá̰a̰ gə̄ ń m-ə́dan ní aĺ ō. Najə̄ ń noō tōr̄ kem Samuel ngá̰ý, adə̄ ni nōō kə̄ dɔ Kɔ́ɔ̄ɓē tə́ ndɔ̄ɔ́ bátə́ loo tīī dɔn tə́.

JOJUE 11:12

Mban̄g gə̄ ń əndān̄ rɔ̄də́ naā tə́ ní Jojue tetədə́ rɔ̄ɔ̄ malang ba táā ɓē yādə́ gə̄. Ni-tɔ̄l̄ mban̄g gə̄ ní ō, de kə́ kem ɓēé gə̄ malang ō, kə kəyā kaskaraá bāań dɔdə́ adə̄ Nə́ɓā tītə̄ ń Moijə nge kəla yā Kɔ́ɔ̄ɓē ədanəń ní.

Najə̄ kə́ Majə yā Jeju ń Luk ndang ní 11:42

Rɔ̄ ndoō i yāsí sḭḭ̄ Parijiyḛ gə̄! Tām̄ sḭḭ̄ ɔ̄rī dɔ kámbə kotə ō, kámbə ru ō, mbī kámbə́ kə́ tayā tayā gə̄ ō kə́ nge ko̰ kutə ādī Nə́ɓā ō, banī yá̰á̰ kə́ gōtə́ ō, táŕ Nə́ɓā ō, ɓáa usəsí dɔ tə́ alé. Tá i yá̰a̰ gə̄ ń toō n majə kadə̄ ə̄nīī rɔ̄sí rak ī-rāāīdə́ kanjə̄ kəya̰ ngé gə̄ noō kɔ̄ɔ́ ō ní.

MATIYE 23:23

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ kámbə kotə yāsí gə̄ ń i kámbə kotə ō, penuwil ō kumḛ̄ḛ ō ní, sḭḭ̄ ɔ̄rī dɔ kə́ nge ko̰ kutə ādī Nə́ɓā. Ba ré i yá̰á̰ kə́ bo bo gə̄ kə́ tū ndū najə̄ tə́, kə́ tītə̄ yá̰á̰ kə́ gōtə́ ō, rāā kem majə ō, ra dɔ ndū kə́ kənī tə́ ō, ɓáa sḭḭ̄ ī-mānī dɔ tə́ kɔ̄ɔ́. Tá i yá̰a̰ gə̄ ń noō n majə kadə̄ ī-rāāīdə́ kanjə̄ kəya̰ gotə gə̄ kɔ̄ɔ́ ní.

JOJUE 11:14

Yá̰a̰ kənge gə̄ kə́ kem ɓē gə̄ ní tə́ ō, yá̰a̰ kul̄ gə̄ kə́ kemeé ō ní, ngán Israel gə̄ ɔyn̄ tām̄ yādə́ tə́ ba tɔ̄lə̄n̄ de kə́ kemeé gə̄ malang. Nin̄ tɔ̄lə̄n̄ de kə́ kemeé gə̄malang kə kəyā kaskaraá ba əya̰n̄ deē kógə̄ḿ adə̄ ndi kə kumuú alé.

JOJUE 11:16

I beé n Jojue taāń dɔ nang malang ní. Ni-taā gō nang ń mbal̄ bo gə̄ i tū tə́ ní ō, nang kə́ Negeb ō, kə́ Gosen ō, nang ké mbal̄ bo gə̄ gətóon̄ tū tə́ ō, nang kə́ Araba ō, mbal̄ bo kə́ Israel tə́ ō, nang kə́ kadə tə́ kə́ mbal̄ bo gətóo tū tə́ ō.

TƏ́DA 33:50

Kɔ́ɔ̄ɓē mēr̄ Moijə kəda ngán Israel gə̄ najə̄ ń toō ndágə loo gə̄ kə́ Moab tə́, kadə bā Jurdḛ ń sɔɔ̄n̄ ta naā kə ɓē kə́ Jeriko ní tə́: Ré ī-teēī bā Jurdḛ ba ūgī dɔ nang kə́ Kanaan tə́ anī,

TƏ́DA 33:52

ī-tə̄ɓāī de kə́ tū tə́ gə̄ malang kɔ̄ɔ́ nosí tə́. Ī-tɔ̄ɔ̄ī ɓesə̄ mbal̄ yādə́ gə̄ ō, ī-nujiī ɓesə̄ gə̄ ń hēlə̄n̄ kə gində̄ kə́ nō horoó ní ō. Ī-nujiī loo ndɔ̄ȳ yādə́ gə̄ kɔ̄ɔ́ malang.

NDŪ NAJƏ̄ 31:3

Adə̄ i Kɔ́ɔ̄ɓē Nə́ɓā yāí nəkɔ́ n a mān̄ kété noí tə́ ní. I ni n a nujə nápar de gə̄ ń ndin̄ gidə bā Jurdḛ kə́ dām̄ kə́ nú tə́ ní kɔ̄ɔ́ tá ā ásəń taā dɔ nang yādə́ ní. Ba tītə̄ ń Kɔ́ɔ̄ɓē ədań ní, nge njə̄rā kété noí tə́ i Jojue.

NDŪ NAJƏ̄ 31:5

Kɔ́ɔ̄ɓē a əladə́ kem jīí tə́, ba i gō míndə malang ń m-ə́daī kadə̄ ī-rāā ní n ā ī-rāā sedə́ ní.