JOJUE 10:40 - Bibəl ta Sar̄

⁴⁰ Jojue taā ɓē malang. Mban̄g gə̄ ń ndin̄ gō nang kə́ mbal̄ bo gə̄ i tū tə́ tə́ ní ō, gō nang kə́ Negeb tə́ ní ō, gō nang kə́ mbal̄ bo gə̄ gətóon̄ tū tə́ ní ō, gō nang kə kḭḭ kə̄ dɔɔ́ tə́ ní, ni tetədə́ rɔ̄ɔ̄. Ni-əya̰ deē kógə̄ḿ alé. Ni-bāā dɔ yá̰a̰ malang ń ndi kə kumuú ní, tām̄ yā Nə́ɓā tə́. Ni-rāā i tītə̄ ń Kɔ́ɔ̄ɓē Nə́ɓā yā Israel ədań ní.

Bible sar

⁴⁰ Jojue taā ɓē malang. Mban̄g gə̄ ń ndin̄ gō nang kə́ mbal̄ bo gə̄ i tū tə́ tə́ ní ō, gō nang kə́ Negeb tə́ ní ō, gō nang kə́ mbal̄ bo gə̄ gətóon̄ tū tə́ ní ō, gō nang kə kḭḭ kə̄ dɔɔ́ tə́ ní, ni tetədə́ rɔ̄ɔ̄. Ni-əya̰ deē kógə̄ḿ alé. Ni-bāā dɔ yá̰a̰ malang ń ndi kə kumuú ní, tām̄ yā Nə́ɓā tə́. Ni-rāā i tītə̄ ń Kɔ́ɔ̄ɓē Nə́ɓā yā Israel ədań ní.

JOJUE 10:40 Referans Kwoze

PĀ GƏ̄ 9:17

Kɔ́ɔ̄ɓē rāā adə̄ de gə̄ ger̄nən̄ i kə ta kūl̄ sarya ń nəkɔ́ gān̄g ní. Gūmbə̄ yā de kə́ sew aĺ tél əhɔn nəkɔ́.

1 MBAN̄G GƏ̄ 15:29

Dan ń ni-ndi mban̄g ní, ni tɔ̄l̄ de kə́ gír kojə yā Jeroboam tə́ gə̄ malang kɔ̄ɔ́ kanjə̄ kəya̰ deē kógə̄ḿ. Ni-tɔ̄l̄də́ malang kə gō najə̄ ń Kɔ́ɔ̄ɓē əndā ta nge kəla yān Ahia kə́ Silo tə́ ní.

JOJUE 10:37

Nin̄ taān ɓē kə́ Hebron ba tɔ̄lə̄n̄ mban̄g kə́ kemeé ō, tɔ̄lə̄n̄ de kə́ kem ɓē gə̄ kə kəyā kaskaraá malang ō, taān̄ ngán ɓē gə̄ ń ndin̄ kadə ɓē kə́ Hebron tə́ ní ō, tɔ̄lə̄n̄ de kə́ kemeé gə̄ malang ō. Jojue bāā dɔ ɓē kə́ Hebron adə̄ Nə́ɓā tītə̄ ń bāań dɔ ɓē kə́ Egəlon ní. Ni-tɔ̄l̄ de kə́ kemeé gə̄ malang, ba əya̰ deē kógə̄ḿ adə̄ ndi kə kumuú alé.

JOJUE 10:35

Nin̄ taān̄ ɓē kə́ Egəlon ndɔ̄ nəkɔ́ ń nuū tə́, ba tɔ̄lə̄n̄ de kə́ kemeé gə̄ malang kə kəyā kaskaraá bāān̄neé dɔdə́ adə̄n̄ Nə́ɓā, tītə̄ ń rāānəń kə ɓē kə́ Lakis ní.

JOJUE 9:24

De kə́ Gabaon gə̄ tūr̄ ədan̄ Jojue na: J-oō kadə̄ Kɔ́ɔ̄ɓē Nə́ɓā yāí mēr̄ nge kəla yān Moijə kadə̄sí dɔ nang ń toō malang ō, mēr̄ tɔ̄l̄ de kə́ tū tə́ gə̄ kɔ̄ɔ́ malang nosí tə́ ō. I yá̰á̰ ń nuū n jə-ɓōĺsí ngá̰ý á rāań yá̰a̰ beé ní.

JOJUE 8:27

Ngán Israel gə̄ ɔyn̄ yá̰a̰ kul̄ gē ō, yá̰a̰ kənge gə̄ ō, tītə̄ ń Kɔ́ɔ̄ɓē ədań Jojue ní.

JOJUE 8:2

Yá̰á̰ ń ī-rāā kə ɓē kə́ Jeriko ō, kə mban̄g kə́ Jeriko ō ní, ā ī-rāā kə ɓē kə́ Ai ō, kə mban̄g kə́ Ai ō. Ba yá̰a̰ kənge gə̄ kə yá̰a̰ kul̄ gə̄ ń ā ə́ngeī kemeé ní tá ɔ́giī tām̄ yāsí tə́ kə ngé rɔ̄ɔ̄ yāí gēé. Ə̄ndā de gə̄ gidə ɓē tə́ ādə̄ əhɔn̄ madə̄ ba̰ā̰ gə̄ dɔ jīdə́ tə́.

JOJUE 6:17

Ɓē ní kə yá̰a̰ malang kə́ kemeé i kə́ bāā dɔ tām̄ yā Kɔ́ɔ̄ɓē tə́ Ba i Rahab ń i dəyá̰ ájə́ba ní ngóy n ā ə́ya̰in̄ kadə̄ ndi kə kumuú ō, de gə̄ malang ń a ndin̄ kújú gon tə́ ní ō, tɔdɔ̄ ni ɓɔ̄ɔ̄ ngé kum̄ loo gə̄ ń j-əlaīdə́ ní.

NDŪ NAJƏ̄ 7:24

A əla mban̄g yādə́ gə̄ jīsí tə́ kadə̄ deē a ɓāŕ rīdə́ dɔ nang tə́ to̰ alé. Mban̄g kə́ yā dum̄ tasí a gətóo. A ī-tɔ̄līdə́ kɔ̄ɔ́ malang.

JOJUE 18:21

Ɓē gə̄ yā de gə̄ kə́ gír ɓē yā Benjamḛ tə́ i Jeriko ō, Bet Hogəla ō, Emek Kesis ō,

JOJUE 12:8

Dɔ nang ń ni-gán̄g adə̄də́ kə dɔ gír ɓē yādə́ gēé ní i dɔ nang kə́ mbalá ō, kə mbal̄ bo gətóo tū tə́ tə́ ō, i gō nang ké Araba ō, i dɔ nang ń loo kə́ kḭḭ kə̄ dɔɔ́ gə̄ i tū tə́ ní ō, i dɔ nang kə́ mángá ō, i gō nang kə́ Negeb ō. I dɔ nang gə̄ kə́ Het gə̄ ō, Amor gə̄ ō, Kanaan gə̄ ō, Periji gə̄ ō, Hibi gə̄ ō, Yebus gə̄ ō, ndin̄ tū tə́ kété.

NDŪ NAJƏ̄ 1:7

ní ɔ̄rī dɔɔ́ tā. Āwī nang kə́ mbalá tə́, loo ń Amor gə̄ ndin̄ tū tə́ ní ō, āwī dɔ nang kə́ kadə tə́ gə̄ ń Kanaan gə̄ ndin̄ tū tə́ ní ō, adə̄ i dɔ nang kə́ Araba ō, nang kə́ mbalá ō, nang kə́ mbal̄ bo gətóo tū tə́ tə́ ō, dɔ nang kə́ Negeb tə́ ō, gō nang kə́ kadə bā bo tə́ ō. Āwī bátə́ ūgī mbal̄ gə̄ kə́ Liban tə́ ō, ta bā Opəratə ń i bā kə́ bo ní tə́ ō.

Teē Ngán Israel gə̄ 34:12

Ī-lōōī əhɔ madə̄ naā kə de gə̄ ń ndin̄ dɔ nang ń ā āwī kə̄ tū tə́ ní tə́, tɔdɔ̄ madə̄ naā ní a tél gūmbə̄ kə́ a əhɔsí.

JOJUE 10:39

Nin̄ taān̄ ɓē kə́ Debir ō, tɔ̄lə̄n̄ mban̄g kə́ tū tə́ ō, taān̄ ɓē gə̄ ń ndin̄ kadə tə́ ní ō. Nin̄ tɔ̄lə̄n̄ de ké kem ɓēé gə̄ malang kə kəyā kaskaraá bāān̄neé dɔdə́ adə̄n̄ Nə́ɓā, əya̰n̄ deē kógə̄ḿ adə̄ ndi kə kumuú alé. Yá̰á̰ ń Jojue rāā kə ɓē kə́ Debir ō, kə mban̄g kə́ Debir ō ní, i tītə̄ yá̰á̰ ń ni-rāā kə ɓē kə́ Hebron ō, kə ɓē kə́ Libəna ō, kə mban̄g kə́ tū tə́ ō ní.

JOJUE 11:16

I beé n Jojue taāń dɔ nang malang ní. Ni-taā gō nang ń mbal̄ bo gə̄ i tū tə́ ní ō, nang kə́ Negeb ō, kə́ Gosen ō, nang ké mbal̄ bo gə̄ gətóon̄ tū tə́ ō, nang kə́ Araba ō, mbal̄ bo kə́ Israel tə́ ō, nang kə́ kadə tə́ kə́ mbal̄ bo gətóo tū tə́ ō.

TƏ́DA 13:17

Pá tá kadə̄ aw̄n̄ ní, Moijə ədadə́ na: Ī-teēī gō nang kə́ Negeb tə́, ba āwī dām̄ kə́ mbalá tə́.

NDŪ NAJƏ̄ 2:34

Jə-táāī ɓē yān gə̄ kɔ̄ɔ́ malang ba jə-bāāī dɔdə́ j-adī Kɔ́ɔ̄ɓē. Jə-tɔ̄lī de kə́ kemeé gə̄ kɔ̄ɔ́ malang, dəngam gə̄ ō, dəyá̰ gə̄ ō, ngán gə̄ ō. J-əya̰ī deē kógə̄ḿ adə̄ ndi kə kumneé alé.

NEHEMI 9:24

Ngáńdə́ gə̄ aw̄ ugə̄n̄ dɔ nang ní tə́ ba taān̄ rɔ̄kum. Ī-tetə dɔ Kanaan gə̄ ń i de kə́ kem ɓē ní tə́ gə̄ ní kɔ̄ɔ nodə́ tə́ ba ə́la dɔdə́ gíŕ tɔ́gə yādə́ tə́, naā tə́ kə mban̄g yādə́ gə̄ ō, de kə́ kem ɓēé gə̄ ō, kadə̄ rāān̄ sedə́ yá̰á̰ ń kemdə́ ndigə ní.