JOJUE 10:29 - Bibəl ta Sar̄

²⁹ Jojue nin̄ kə ngán Israel gēé malang ḭḭn̄ Makeda aw̄n̄ Libəna, aw̄ ənīn̄ ɓē kə́ Libəna rɔ̄ɔ̄.

Bible sar

²⁹ Jojue nin̄ kə ngán *Israel gēé malang ḭḭn̄ Makeda aw̄n̄ Libəna, aw̄ ənīn̄ ɓē kə́ Libəna rɔ̄ɔ̄.

JOJUE 10:29 Referans Kwoze

JOJUE 21:13

Gō Hebron ń i ɓē ɓɔ̄ɔ̄ rɔ̄ kə́ tām̄ yā ngé tɔ̄l̄ de gə̄ tə́ ní, ɓē gə̄ ń adə̄n̄ ngán Aaro̰ kə́ nge tun̄ yá̰á̰ ní i Libəna ō,

JOJUE 15:42

Ɓē kə́ rang gə̄ i Libəna ō, Eter ō, Asan ō,

JEREMI 52:1

Dan ń Sedekias ndi mban̄g ní, ɓālə̄n i kutə jōó gidə i kógə̄ḿ. Ni-o̰o̰ ɓē ɓāl̄ kutə gidə i kógə̄ḿ kem ɓē kə́ Jerusalem tə́. Rī kó̰o̰n na i Hamutal, ni i ngōn̄ Irmeya kə́ Libəna.

2 MBAN̄G 19:8

Dan ń ngol ngé kadə̄ mban̄g yá̰a̰ ka̰ȳ oō kadə̄ mban̄g kə́ Asiri gətóo Lakis anī, aw̄ əngen Libəna loo ń a rɔ̄ɔ̄ tū tə́ ní tə́.

2 MBAN̄G 8:22

I beé n Edom gə̄ mbātə́n̄neé kadə̄ Juda gə̄ ndin̄ dɔdə́ tə́ bátə́ ɓōólaā ní. Dan ngeé ń noō tə́ ní de kə́ Libəna gə̄ mbātə́n̄ kadə̄ Juda gə̄ ndin̄ dɔdə́ tə́ ō.

JOJUE 12:15

Libəna ō, Adulam ō,

JOJUE 10:28

Ndɔ̄ nəkɔ́ ń nuū tə́ Jojue taā ɓē kə́ Makeda. Ni-tɔ̄l̄ mban̄g kə́ Makeda ō, de kə́ kem ɓē gə̄ malang ō, kə kəyā kaskaraá bāań dɔdə́ adə̄ Nə́ɓā. Ni-əya̰ deē kógə̄ḿ adə̄ ndi kə kumuú alé. Yá̰á̰ ń rāā kə mban̄g kə́ Makeda ní i tītə̄ yá̰á̰ ń rāā kə mban̄g kə́ Jeriko ní.

JOJUE 8:29

Jojue adə̄ əlān̄ kəla míndə mban̄g kə́ Ai tə́ ba do̰ō̰nən̄ ta jī kāgə̄ tə́ bátə́ adə̄ oy. Nīnə́n ra tū tə́ bátə́ loo sɔlí. Dan ń mbang udə anī Jojue mēr̄ kɔr̄ nīnə́n kɔ̄ɔ́. Ənīnən̄ ta róbə́ kə́ yā kudəń kə̄ kem ɓēé tə́ ba kánə̄n̄ mbal̄ gə̄ ngá̰ý dɔn tə́. Dūbə̄ mbal̄ gə̄ ní ra dɔ naā tə́ noō bátə́ ɓōólaā.

JOJUE 8:2

Yá̰á̰ ń ī-rāā kə ɓē kə́ Jeriko ō, kə mban̄g kə́ Jeriko ō ní, ā ī-rāā kə ɓē kə́ Ai ō, kə mban̄g kə́ Ai ō. Ba yá̰a̰ kənge gə̄ kə yá̰a̰ kul̄ gə̄ ń ā ə́ngeī kemeé ní tá ɔ́giī tām̄ yāsí tə́ kə ngé rɔ̄ɔ̄ yāí gēé. Ə̄ndā de gə̄ gidə ɓē tə́ ādə̄ əhɔn̄ madə̄ ba̰ā̰ gə̄ dɔ jīdə́ tə́.

JOJUE 6:21

Nin̄ bāān̄ dɔ de kə́ kemeé gə̄ malang tɔ̄ləndə́ kə kaskaraá dəngam gə̄, kə dəyá̰ gə̄, kə ngán gə̄, kə de kə́ tɔgə gə̄, tɔ̄lə̄n̄ man̄g kə́ bəra gə̄ ō, batə̄ gə̄ ō, kərō gə̄ ō.

TƏ́DA 33:20

Ḭḭn̄ Rimon Peres aw̄ ndin̄ Libəna.

JOJUE 10:30

Kɔ́ɔ̄ɓē əla ɓē kə́ Libəna kə mban̄g kə́ tū tə́ kem jīdə́ ɓáý to̰. Ngán Israel gə̄ tɔ̄lə̄n̄ de kə́ kem ɓēé gə̄ malang kə kəyā kaskaraá əya̰n̄ deē kógə̄ḿ adə̄ ndi kə kumuú alé. Yá̰á̰ ń rāān̄ kə mban̄g kə́ Libəna ní i tītə̄ yá̰á̰ ń rāān̄ kə mban̄g kə́ Jeriko ní.

IJAI 37:8

Ngol áskar kə́ dɔ madə̄ gə̄ tə́ ń ni i de kə́ Asiri ní, oō kadə̄ na mban̄g na əya̰ ɓē kə́ Lakis ba na aw̄ kɔ̄ɔ́. Ni-ra a rɔ̄ɔ̄ i ɓē kə́ Libəna. Anī ngol áskar gə̄ ní aw̄ əngen nú.

2 YÁ̰A̰ GƏ̄ 21:10

Ɓá tā banī bátə́ ɓōólaā gə̄gē ní Edom gə̄ mbātə́n̄ kadə̄ Juda gə̄ o̰o̰n̄ ɓē dɔdə́ tə́. Dan ngeé ń noō tə́ ní ɓē kə́ Libəna mbātə́ kadə̄ Juda gə̄ ndin̄ dɔdə́ tə́ ō, tām̄ Joram əya̰ Kɔ́ɔ̄ɓē yā kaan gə̄ kɔ̄ɔ́.