JOJUE 10:26 - Bibəl ta Sar̄

²⁶ Gō tə́ anī Jojue adə̄ tɔ̄lə̄n̄ mban̄g gə̄ ní, ba do̰ō̰n̄də́ dɔɔ́ ta jī kāgə̄ gə̄ tə́ gír loo mí. Nīńdə́ ra tū kāgə̄ gə̄ ní tə́ bátə́ loo sɔlí.

Bible sar

²⁶ Gō tə́ anī Jojue adə̄ tɔ̄lə̄n̄ mban̄g gə̄ ní, ba do̰ō̰n̄də́ dɔɔ́ ta jī kāgə̄ gə̄ tə́ gír loo mí. Nīńdə́ ra tū kāgə̄ gə̄ ní tə́ bátə́ loo sɔlí.

JOJUE 10:26 Referans Kwoze

JOJUE 8:29

Jojue adə̄ əlān̄ kəla míndə mban̄g kə́ Ai tə́ ba do̰ō̰nən̄ ta jī kāgə̄ tə́ bátə́ adə̄ oy. Nīnə́n ra tū tə́ bátə́ loo sɔlí. Dan ń mbang udə anī Jojue mēr̄ kɔr̄ nīnə́n kɔ̄ɔ́. Ənīnən̄ ta róbə́ kə́ yā kudəń kə̄ kem ɓēé tə́ ba kánə̄n̄ mbal̄ gə̄ ngá̰ý dɔn tə́. Dūbə̄ mbal̄ gə̄ ní ra dɔ naā tə́ noō bátə́ ɓōólaā.

GALATƏ 3:13

Dan ń Kərist tél de kə́ ndɔ̄ĺ i dɔn tə́ kum gotəjí ní, ni-ɔr̄jí kɔ̄ɔ́ gír ndɔ̄ĺ yā ndū najə̄ tə́. Tɔdɔ̄ i kə́ ndang na: Deē ń naānən̄ dɔɔ́ tū kāgə̄ tə́ ní, ndɔ̄ĺ i dɔn tə́.

MATIYE 27:25

Anī kósə de gə̄ malang tél ədan̄ na: Ādə̄ mósən əsō dɔjí tə́ ō, dɔ ngáńjí gə̄ tə́ ō!

ESTER 2:23

Ndəlen̄ gíŕ yá̰á̰ ní anī teēn̄ dɔ tə́ kadə̄ i rɔ̄kum. Anī ənīn̄ kəlā míndə́ áji mbang kə́ jōó gə̄ ní tə́ ba do̰ō̰n̄də́ dɔɔ́ tū kāgə̄ tə́ adə̄ oyn̄. Ndangən̄ yá̰á̰ ní kem makətūbə̄ kənā gotə najə̄ yā mban̄g gə̄ tə́ ta kum mban̄g tə́.

2 SAMUEL 21:9

ba adə̄də́ kə Gabaon gēé ādə̄ rāān̄də́ yá̰á̰ kə́ tōr̄ dɔ mbal̄ tə́ ta kum Kɔ́ɔ̄ɓē tə́. Nin̄ oyn̄ naā tə́ sīrí mbak. Tɔ̄lə̄n̄də́ i dan ń a əlan̄ gír sāā kōō ɔrjə gə̄ ní.

2 SAMUEL 21:6

Ādə̄ adə̄n̄jí de kə́ gír kaan tə́ gə̄ sīrí ādə̄ jə-rāādə́ yá̰á̰ kə́ tōr̄ ta kum Kɔ́ɔ̄ɓē tə́ kem ɓē kə́ Gibea yā Saul tə́, Saul ń i de kə́ Kɔ́ɔ̄ɓē gə̄rān ní. Mban̄g əda na n-ā n-adə̄də́ kə de gə̄ ní.

1 SAMUEL 15:33

Banī Samuel əda Agag na: Kaskar yāí rāā adə̄ dəyá̰ gə̄ nalən̄ ngáńdə́ gə̄ ní, kó̰ó̰í a nal̄ ngōnən dan dəyá̰ madə̄n gə̄ tə́ ō. Loo ń noō tə́ Samuel tɔ̄l̄ Agag ta kum Kɔ́ɔ̄ɓē tə́ Gilgal.

NGÉ SARYA 8:21

Tā anī Jeba nin̄ kə Salmuna ədan̄ Jedeo̰ na: īkɔ́ ḭ́ḭ dɔɔ́ ī-tɔ̄l̄jí, tɔdɔ̄ náā nəkɔ́ asə rāā kem dəngam i kə gō tɔ́gəneé. Loo ń noō tə́ Jedeo̰ tɔ̄l̄ Jeba nin̄ kə Salmuna, ba ró̰ȳ yá̰á̰ súū rɔ̄ gə̄ ń tə́lan̄ míndə́ jámbal yādə́ gə̄ tə́ ní.

TƏ́DA 25:4

Kɔ́ɔ̄ɓē əda Moijə na: Ngār gə̄ yā ngán Israel gə̄ ní ə́hɔ́də́ malang, i tṵ́ṵ̄də́ dɔɔ́ tū kāgə̄ gə̄ tə́ ādə̄ ran̄ kumdə́ sɔɔ̄ mbang ta kum Kɔ́ɔ̄ɓē tə́ bátə́ kadə̄ oynə̄ń Loo ń noō tə́ wōn̄g ń rāām̄ sesí ngá̰ý ní a tetə.

JA̰A̰ 19:31

I ndɔ̄ ń əndānəń dɔ yá̰a̰ gə̄ danaá tām̄ yā ndɔ̄ sabat tə́ ní. Jipə gə̄ gḛyn̄ kadə̄ nīń de gə̄ ra dɔɔ́ tū kāgə̄ kə́ dēsə́ tə́ ndɔ̄ sabat tə́ alé. Tá ndɔ̄ sabat ní i ndɔ̄ kə́ bo. Adə̄ nin̄-dəjen̄ Pilatə kadə̄ tétə̄n̄ njadə́ gə̄ ba kə ró̰ȳn̄də́ kɔ̄ɔ́ tū kāgə̄ kə́ dēsə́ gə̄ tə́.

PĀ GƏ̄ 18:41

Ḭ̄ ī-rāā adə̄ madə̄ ba̰ā̰ḿ gə̄ tūrə̄n̄ gándə́də́ adə̄mə̄n̄, adə̄ m̄-tɔ̄l̄ ngé rɔ̄ɔ̄ḿ gə̄ kɔ̄ɔ́ malang.

PĀ GƏ̄ 149:7

I gáŕ kadə̄ rāān̄ ba̰ā̰ dɔ nápar de gə̄ tə́, kadə̄ tə̄ndān̄ gír de gə̄ tām̄ majaĺ yādə́ tə́,