JOJUE 10:16 - Bibəl ta Sar̄

¹⁶ Mban̄g kə́ mí gə̄ ní a̰ȳ aw̄ ɓɔ̄ɔ̄n̄ rɔ̄də́ bəlo mbal̄ kə́ Makeda tə́.

Bible sar

¹⁶ Mban̄g kə́ mí gə̄ ní a̰ȳ aw̄ ɓɔ̄ɔ̄n̄ rɔ̄də́ bəlo mbal̄ kə́ Makeda tə́.

JOJUE 10:16 Referans Kwoze

JEJU TEĒ KUM JA̰A̰ 6:15

Mban̄g kə́ dɔ nang tə́ gə̄ ō, de kə́ bo gə̄ kə ngol áskar gə̄ ō, de kə́ ngé kənge yá̰a̰ gə̄ kə de kə́ ngan̄g gə̄ ō, ɓəlo gə̄ kə de kə́ kɔ́ɔ̄ rɔ̄də́ gə̄ malang ō, ɓɔ̄ɔ̄n̄ rɔ̄də́ bəlo mbal̄ gə̄ tə́ ō, mbo̰ō̰ mbal̄ gə̄ tə́ ō.

MISE 7:17

Nin̄ a tō̰nə́n̄ bumbə́ru tītə̄ lī beé, tītə̄ dā̰ kə́ kagə nang tə́ gə̄ beé. Nin̄ a teēn̄ loo ɓɔ̄ɔ̄ rɔ̄ yādə́ kə́ ngan̄g ngá̰ý gə̄ tə́ kə rɔ̄ ndeweé, yā reē rɔ̄í ḭ̄ Kɔ́ɔ̄ɓē Nə́ɓā yājí tə́. Nin̄ a ɓōlə́n̄ tɔ́gí ngá̰ý.

AMOS 9:2

Ré nin̄ rāān̄ bátə́ ba udən̄ dan de kə́ koy kɔ̄ɔ́ gə̄ tə́ anī, m-ā m-āw̄ gōdə́ tə́ yā kɔydə́. Ré nin̄ alə̄n̄ bátə́ aw̄ ugə̄n̄ dɔ rā̰ tə́ anī, m-ā m-āw̄ gōdə́ tə́ dɔɔ́ yā rāādə́ kadə̄ risən̄.

1 SAMUEL 24:8

Dabid ɔgə̄ deē yān gə̄ rɔ̄ Saul i kə najə̄ gə̄ ń noō. Saul ḭḭ dɔɔ́, ni teē kɔ̄ɔ́ kem bəlo mbalá ba un ta róbə yān.

1 SAMUEL 24:3

Anī Saul gə̄rā go̰ rɔ̄ɔ̄ gə̄ dūbú mətá dan ngán Israel gə̄ tə́ malang, ba aw̄ sedə́ ndəle Dabid nin̄ kə deē yān gēé tə́, loo ń ra sɔɔ̄n̄ ta naā kə mbal̄ ń bə̄yā̰ kɔ̄r̄ gə̄ ran̄ tū tə́ ní tə́.

1 SAMUEL 13:6

Dan ń de kə́ Israel gə̄ a̰a̰n̄ kadə̄ yo otə́ bḭḭ tɔdɔ̄ Pilistin gə̄ ń gīrə̄n̄də́ ní reēn̄ ngɔr ngá̰ý anī ɓɔ̄ɔ̄n̄ rɔ̄də́ kə̄ kem bəlo gə̄ tə́ ō, kem bəlo mbal̄ gə̄ tə́ ō, dɔ mbal̄ gə̄ tə́ ō, kem loo kə́ rāā gíŕ nángāá gə̄ tə́ ō, kə̄ kem bəlo kə́ ndēr̄ yā taāń man̄ ndī gə̄ tə́ ō.

NGÉ SARYA 6:2

Madian gə̄ rāān̄ kum ngán Israel gə̄ ndoō tə́ ngá̰ý, adə̄ nin̄ rāān̄ loo ɓɔ̄ɔ̄ rɔ̄ yādə́ mbo̰ō̰ mbal̄ gə̄ tə́ ō, bəlo mbal̄ gə̄ tə́ ō, dɔ mbal̄ gə̄ kə́ loo kaw̄ kə̄ tū tə́ tōr̄ ngá̰ý tə́ ō.

JOJUE 10:5

I beé n mban̄g kə́ mí gə̄ yā Amor gə̄, adə̄ i mban̄g kə́ Jerusalem ō, kə́ Hebron ō, kə́ Yarmut ō, kə́ Lakis ō, kə́ Egəlon ō, əndān̄neé rɔ̄də́ naā tə́ ba ɔynə̄ń ɓūtə̄ áskar yādə́ gə̄ malang aw̄ utə̄n̄neé ɓē kə́ Gabaon yā rɔ̄ɔ̄n ní.

JOJUE 10:15

Gō tə́ anī Jojue ō, ngán Israel gə̄ malang ō, tél reēn̄ gogə́ gérger kə́ Gilgal tə́.

JOJUE 10:17

De gə̄ teēn̄ dɔdə́ tə́ ba reē ədan̄ Jojue.

PĀ GƏ̄ 68:12

Kɔ́ɔ̄ɓē əda najə̄ tan kógə̄ḿ, anī dəyá̰ kə́ ngé kəla yān gə̄ teēn̄ láẃ tītə̄ kósə́ áskar gə̄ beé.

PĀ GƏ̄ 68:13

Mban̄g gə̄ ō ngé rɔ̄ɔ̄ gə̄ ō a̰ȳn̄ naā. Nin̄ a̰ȳn̄ naā ō, dəyá̰ gə̄ ń ndin̄ kem kújú ní, nə̄ɓōn̄ yá̰a̰ kənge kə́ kɔy ta rɔ̄ɔ̄ tə́ gə̄ ō.