JOJUE 10:13 - Bibəl ta Sar̄

¹³ Anī mbang dəba ō, nāā ra gotə kógə̄ḿ ō, bátə́ adə̄ ngán Israel gə̄ tetənə̄ń madə̄ ba̰ā̰də́ gə̄ rɔ̄ɔ̄. Tītə̄ ń ndangnə̄ń kem makətūbə̄ yā de kə́ súmūú tə́ ní, mbang dəba ra gotə kógə̄ḿ ɓōdə̄ loo tə́. Ni-lōō gír ngɔ̄də̄ yān kə́ kum kə̄ no ɓē tə́ tə́ bátə́ ndɔ̄ kógə̄ḿ kə taá.

Bible sar

¹³ Anī mbang dəba ō, nāā ra gotə kógə̄ḿ ō, bátə́ adə̄ ngán *Israel gə̄ tetənə̄ń madə̄ ba̰ā̰də́ gə̄ rɔ̄ɔ̄. Tītə̄ ń ndangnə̄ń kem makətūbə̄ yā de kə́ súmūú tə́ ní, mbang dəba ra gotə kógə̄ḿ ɓōdə̄ loo tə́. Ni-lōō gír ngɔ̄də̄ yān kə́ kum kə̄ no ɓē tə́ tə́ bátə́ ndɔ̄ kógə̄ḿ kə taá.

JOJUE 10:13 Referans Kwoze

HABAKUK 3:11

Mbang ō, nāā ō, dəba ran̄ gotə kógə̄ḿ ta kum gərā yāí kə́ ndə́lē gə̄ ń ī-túr̄ tə́ ní ō, ta nənga yāí kə́ ndə́lē gə̄ tə́ ō.

IJAI 38:8

Loo gə̄ kə́ yā tə́ndā nja dɔ tə́ kalə̄ń kə̄ dɔɔ́ yā Akaj ń i kum mbang tə́ ní, ndíl reē dɔ tə́. Ní, Kɔ́ɔ̄ɓē a tél kə ndíĺ ní kɔ̄ɔ́ kadə̄ loo tə́ndā nja gə̄ kə́ gír kutə a ton̄ i kanjə̄ ndíl dɔdə́ tə́. Anī mbang tél reē gogə́ dɔ loo tə́ndā nja kə́ kutə gə̄ ń ndíl reē dɔ tə́ ní tə́.

JOJUE 10:14

Kété no ndɔ̄ ń nuū tə́, aké gō ndɔ̄ ń nuū tə́ ní, ndɔ̄ kə́ rang kə́ tītə̄ ndɔ̄ ń nuū gətóo. I ndɔ̄ ń nuū tə́ ngóy n Kɔ́ɔ̄ɓē raań yá̰a̰ kə gō ń deē ndul dəjenəń ní. Tɔdɔ̄ i Kɔ́ɔ̄ɓē nəkɔ́ n rɔ̄ɔ̄ tām̄ yā ngán Israel gə̄ tə́ ní.

NGÉ SARYA 16:28

Samso̰ ɔr̄ najə̄ kə Kɔ́ɔ̄ɓēé əda na: Kɔ́ɔ̄ɓē Nə́ɓā, m̄-rāāī ɓɔ́, Nə́ɓā, ādə̄ əga kemií dɔḿ tə́ ba ādə̄m̄ tɔ́gə́ tə́ nja kógə̄ḿ beē ngóy, ādə̄ m̄-daləń ba̰ā̰ dɔ Pilistin gə̄ tə́ gidə kógə̄ḿ tām̄ yā kumḿ kə́ jōó gə̄ ń tɔ̄ɔ̄n̄ tə́ ní.

Najə̄ kə́ Majə yā Jeju ń Luk ndang ní 18:7

I beé ní, ngé gə̄ ń Nə́ɓā nəkɔ́ gə̄rādə́ á nōōn̄ kə̄ dɔn tə́ ndɔ̄ɔ́ ō kadaá ō, ba ədadə́ kadə̄ ngóōn̄ tan ō, əndādə́ dɔɔ́ ō ní, tá Nə́ɓā a əda najə̄ kə́ gōtə́ dɔdə́ tə́ aĺ a?

JOEL 2:10

Dɔ nang ndebə ō, dɔ rā̰ yéȳ ō. Mbang nin̄ kə nāá ō udən̄ tilií ō. Tə́yō̰ gə̄ unjə̄n̄ to̰ aĺ ō kété nodə́ tə́.

PĀ GƏ̄ 148:3

Mbang ō na ō ī-tɔ̄ȳniī. Sḭḭ̄ tə́yō̰ kə́ ndə́lē gə̄ malang ī-tɔ̄ȳniī.

PĀ GƏ̄ 19:4

I gotə najə̄ kə́ kənī alé, kum najə̄ gə̄ gətóon̄ tū tə́ ō. Deē oō kōōdə́ aĺ ō.

ESTER 8:13

Makətūbə̄ ní rāā rɔ̄n i yá̰á̰ kə́ ndang kadə̄ yā rāā tə́ tām̄ yā de gə̄ ń a əngen̄ ní tə́ gō nang malang yā mban̄g tə́. I yā kadə̄ de gə̄ malang gerə̄n̄neé na ré ndɔ̄ ní asə anī Jipə gə̄ na a ndin̄ dɔ rɔ̄də́ tə́ yā dal ba̰ā̰ dɔ madə̄ ba̰ā̰də́ gə̄ tə́.

2 SAMUEL 1:18

Ni-mēr̄ ndóō Juda gə̄ pā ní. I pā nōō yo yā ga̰ gərā. Pā ní to kem makətūbə̄ yā de kə́ súmūú tə́ i tītə̄ ń toō:

IJAI 24:23

Rɔ̄ nāā a sɔlə̄n ō, rɔ̄ mbang a sɔlə̄n ngá̰ý ō. Tɔdɔ̄ i Kɔ́ɔ̄ɓē kə́ bo kə́ tɔ́gən i ngá̰ý ní n a ndi mban̄g Jerusalem, dɔ mbal̄ bo kə́ Siyo̰ tə́ ní. Kɔsə gɔn yān a ndə́lē ta kum kum kɔɔ̄ gə̄ kə́ kem ɓēé tə́.

NGÉ SARYA 5:2

Dan ń dɔ nang kə́ Israel tə́ de gə̄ əya̰n̄ nənga dɔdə́ adə̄ to gususu tām̄ yā rɔ̄ɔ̄ tə́ ō, adə̄n̄ rɔ̄də́ kə gō kem ndigə yādə́ ō anī, ī-tɔ̄yī Kɔ́ɔ̄ɓē.

JOJUE 10:11

Dan ń Amor gə̄ ń a̰ȳn̄ naā no ngán Israel gə̄ tə́ ní, ḭḭn̄ Bet Horon ba a risən̄ kə̄ wól loo tə́ anī, Kɔ́ɔ̄ɓē rāā adə̄ kɔ̄sə̄ kə́ bo tītə̄ kūbə̄rū mbal̄ gə̄ tə́sōn̄ dɔdə́ bátə́ Ajeka. Adə̄ de gə̄ ngá̰ý oyn̄. De gə̄ ń kɔ̄sə̄ tɔ̄ldə́ ní, kutədə́ tɔȳ kutə de gə̄ ń ngán Israel gə̄ tɔ̄lə̄n̄də́ kə kaskaraá ní.

TƏ́DA 31:2

Āw̄ ī-dal ba̰ā̰ yá̰á̰ kə́ majaĺ ń de kə́ Madian gə̄ rāān̄ kə ngán Israel gēé ní. Gō tə́ anī ā óy yā kaw̄ gō kaaí gə̄ tə́.

JEJU TEĒ KUM JA̰A̰ 21:23

Ɓē ní sāā i mbang ō nāā ō tá kadə̄ loo unjə̄ń kemeé alé. Tɔdɔ̄ kɔsə gɔn yā Nə́ɓā rāā adə̄ loo unjə̄ kow kemeé ō, lámbá kə́ kemeé i Ngōn̄ Batə̄ ō.

JEJU TEĒ KUM JA̰A̰ 8:12

De kə́ dɔ rā̰ tə́ kə́ nge ko̰ sɔ́ kɔ̄ŕ bərúnjə, anī mbang ń gángə̄n̄ gír loo mətá ō, nāā ń gángə̄n̄ gír loo mətá ō, ɓūtə̄ tə́yō̰ gə̄ ń gángə̄n̄də́ gír loo mətá ō ní, gíŕdə́ kə́ ko̰ mətá gə̄ tetən̄ ndul malang. Adə̄ ré gángə̄n̄ loo kə́ kadaá gír loo mətá anī, gírən kə́ ko̰ mətá tetə ndul ō, ré gángə̄n̄ loo kə́ ndɔ̄ɔ́ gír loo mətá anī, gírən kə́ ko̰ mətá tetə ndul ō.

JEJU TEĒ KUM JA̰A̰ 6:12

Dan ń ni-ɔsə mbō̰ kə́ nge ko̰ mehḛ́ ɔr̄ anī, m-á̰a̰ dɔ nang ndew ngá̰ý ō, mbang tél ndul tītə̄ ngong kə́ rāā kə yiī sə́ndá beé ō, nāā kə taá tél to tītə̄ mósə beé ō.

JEJU TEĒ KUM JA̰A̰ 6:10

Nin̄-əgan̄ kɔŕ ngá̰ý ədan̄ na: Ngoljí kə́ táĺ ō, kə́ rɔ̄kum ō, ā ɔ́r bā̰ā̰ loo gān̄g sarya tə́ ō, loo dal ba̰ā̰ mósə́jí, dɔ de kə́ dɔ nang tə́ gə̄ tə́ ō, i bátə́ rə́ngáý tə́?

KƏLA RĀĀ 2:20

Mbang a ndul ō, nāā a kərē tītə̄ mósə ō, kété pá tá kadə̄ ndɔ̄ yā Kɔ́ɔ̄ɓē ugə̄ ɓáý. Ndɔ̄ ní i ndɔ̄ kə́ bo ō, i ndɔ̄ kə́ majə kɔsə gɔnən ō.

MATIYE 5:45

yā kadə̄ ī-téliīneé ngán Bɔbə̄sí ń ndi dɔ rā̰ tə́ ní. Tɔdɔ̄ ni-rāā adə̄ mbang yān əɓa dɔ ngé kem ndul gə̄ tə́ ō, dɔ ngé kem majə gə̄ tə́ ō. Ni-rāā man̄ adə̄ edə dɔ de kə́ súmūú gə̄ tə́ ō, dɔ de kə́ súmūú aĺ gə̄ tə́ ō.

TƏ́DA 21:14

Ɔrə̄n̄ najə̄ yā bā Arnon kem makətūbə̄ rɔ̄ɔ̄ gə̄ yā Kɔ́ɔ̄ɓē tə́ ədan̄ na: Man̄ Waheb kə́ Supa, naā tə́ kə ta jīn kə́ tɔ̄ɔ̄ gə̄, bā Arnon

MATIYE 24:29

Sḛ́ý gō wur kɔl gə̄ kə́ kem ndɔ̄ gə̄ ngeé ń noō tə́ anī, mbang a ndul ō, nāā a ndaa to̰ aĺ ō, tə́yō̰ kə́ dɔ rā̰ tə́ gə̄ a tə́sōn̄ dɔ nang tə́ ō, ngé tɔ́gə́ kə́ dɔ rā̰ tə́ gə̄ a ndewn̄ ō.

2 MBAN̄G 20:10

Ejekias tél əda na: Yā kadə̄ ndíl a̰ȳ kum kə̄ kété ní i yá̰á̰ kə́ tōr̄ alé. m̄-gḛy kadə̄ tél i kum kə̄ gogə́.

Makətūbə̄ yā Job 9:7

Ni-əda kadə̄ mbang əɓa alé, anī mbang əɓa aĺ ō, ni utə̄ ta tə́yō̰ gə̄ kə lakélé ō.