JOJUE 10:12 - Bibəl ta Sar̄

¹² Ndɔ̄ ń Kɔ́ɔ̄ɓē əlań Amor gə̄ kem jī ngán Israel gə̄ tə́ ní, Jojue dəje Kɔ́ɔ̄ɓē yá̰á̰ ń toō ta kum ngán Israel gə̄ tə́ malang, ni-əga kɔŕ əda na: Mbang, ī-dəba dɔ ɓē kə́ Gabaon tə́, nāā, ī-dəba dɔ wól loo kə́ Ayalon tə́.

Bible sar

¹² Ndɔ̄ ń Kɔ́ɔ̄ɓē əlań Amor gə̄ kem jī ngán Israel gə̄ tə́ ní, Jojue dəje Kɔ́ɔ̄ɓē yá̰á̰ ń toō ta kum ngán Israel gə̄ tə́ malang, ni-əga kɔŕ əda na: Mbang, ī-dəba dɔ ɓē kə́ Gabaon tə́, nāā, ī-dəba dɔ wól loo kə́ Ayalon tə́.

JOJUE 10:12 Referans Kwoze

HABAKUK 3:11

Mbang ō, nāā ō, dəba ran̄ gotə kógə̄ḿ ta kum gərā yāí kə́ ndə́lē gə̄ ń ī-túr̄ tə́ ní ō, ta nənga yāí kə́ ndə́lē gə̄ tə́ ō.

IJAI 38:8

Loo gə̄ kə́ yā tə́ndā nja dɔ tə́ kalə̄ń kə̄ dɔɔ́ yā Akaj ń i kum mbang tə́ ní, ndíl reē dɔ tə́. Ní, Kɔ́ɔ̄ɓē a tél kə ndíĺ ní kɔ̄ɔ́ kadə̄ loo tə́ndā nja gə̄ kə́ gír kutə a ton̄ i kanjə̄ ndíl dɔdə́ tə́. Anī mbang tél reē gogə́ dɔ loo tə́ndā nja kə́ kutə gə̄ ń ndíl reē dɔ tə́ ní tə́.

IJAI 60:20

Mbang yāí a udə to̰ aĺ ō, nāā yāí a udə to̰ aĺ ō. A̰á̰ā̰, mā Kɔ́ɔ̄ɓē, m-ā m̄-tél loo kə́ unjə̄ kow kə́ ta tɔ̄l̄ tan gətóo tām̄ yāí tə́. Gír kəhɔ ndoō yāí a gān̄g.

IJAI 28:21

Kɔ́ɔ̄ɓē a rāā yá̰á̰ kógə̄ḿ tītə̄ ń rāań dɔ mbal̄ Perasim tə́ ní. Wōn̄g a rāān adə̄ ni a ndew tītə̄ ń ndewń wól loo kə́ Gabaon tə́ ní, yā rāań yá̰á̰ kógə̄ḿ ō, yā rāań kəla yān ō. Banī yá̰á̰ ń ni-rāā ní ɔr kum ngá̰ý, kəla ń ni-rāā ní i kəla kə́ rāā jóo alé!

PĀ GƏ̄ 19:4

I gotə najə̄ kə́ kənī alé, kum najə̄ gə̄ gətóon̄ tū tə́ ō. Deē oō kōōdə́ aĺ ō.

JOJUE 10:13

Anī mbang dəba ō, nāā ra gotə kógə̄ḿ ō, bátə́ adə̄ ngán Israel gə̄ tetənə̄ń madə̄ ba̰ā̰də́ gə̄ rɔ̄ɔ̄. Tītə̄ ń ndangnə̄ń kem makətūbə̄ yā de kə́ súmūú tə́ ní, mbang dəba ra gotə kógə̄ḿ ɓōdə̄ loo tə́. Ni-lōō gír ngɔ̄də̄ yān kə́ kum kə̄ no ɓē tə́ tə́ bátə́ ndɔ̄ kógə̄ḿ kə taá.

PĀ GƏ̄ 148:3

Mbang ō na ō ī-tɔ̄ȳniī. Sḭḭ̄ tə́yō̰ kə́ ndə́lē gə̄ malang ī-tɔ̄ȳniī.

Makətūbə̄ yā Job 9:7

Ni-əda kadə̄ mbang əɓa alé, anī mbang əɓa aĺ ō, ni utə̄ ta tə́yō̰ gə̄ kə lakélé ō.

NDŪ NAJƏ̄ 4:19

Ī-lōōī kənī kumsí kə̄ dɔɔ́ ka̰a̰ń mbang ō, nāā ō, tə́yō̰ gə̄ ō, ɓūtə̄ yá̰a̰ gə̄ kə́ dɔ rā̰ tə́ malang ō, ba kəya̰ rɔ̄sí kadə̄ gólə̄n̄sí kadə̄ ɔ́siī nosí nang tə́ nodə́ tə́ ō, ī-rāāī kəla ādīdə́ ō. Tɔdɔ̄ háĺ yá̰a̰ rāā kə́ tītə̄ ń noō ní, Kɔ́ɔ̄ɓē Nə́ɓā yāsí adə̄ i gír de kə́ rang gə̄ malang ń ndin̄ dɔ nang tə́ ní.

JAKARI 2:13

A̰á̰ā̰, m-ā m̄-rāā yá̰á̰ kógə̄ḿ kə gotə gír de kə́ rang gēé. Loo ń noō tə́ ngé gə̄ ń kété nin̄ i ɓəlo yādə́ gə̄ ní, ta i dɔdə́ tə́ kadə̄ ɔyn̄ yá̰a̰ yādə́ gə̄ dɔ gúú tə́. Dan ń yá̰á̰ ń noō a rāā yá̰a̰ anī, ā ī-gerī kadə̄ i Kɔ́ɔ̄ɓē kə́ bo kə́ tɔ́gən i ngá̰ý n əlam̄ ní.

HABAKUK 2:20

Kɔ́ɔ̄ɓē ni-ndi i kem kújə́ yān kə́ táĺ tə́. Ādə̄ de gə̄ malang kə́ dɔ nang tə́ ndin̄ kə tadə́ kə́ mbóó non tə́!

PĀ GƏ̄ 74:16

Ḭ̄ ń ī-rāā mbang ō nāā ō ní, loo kə́ kadaá i yāí ō, loo kə́ ndɔ̄ɔ́ i yāí ō.

JOJUE 19:42

Salabin ō, Ayalon ō, Idəla ō,

NDŪ NAJƏ̄ 17:3

adə̄ rāā kəla adə̄ i ɓesə̄ gə̄ ō, ɔsə i non nang tə́ nodə́ tə́ ō, no mbang tə́ ō, no nāā tə́ ō, tə́yō̰ gə̄ malang kə́ dɔ rā̰ tə́ tə́ ō, ndɔ̄yńdə́, nge ń noō ń i yá̰á̰ kə́ m-ə́daī kadə̄ ī-rāā aĺ ní,

AMOS 8:9

Najə̄ ń Kɔ́ɔ̄ɓē Nə́ɓā əda ní n toó: Ndɔ̄ ngeé ń noō tə́ ní, m-ā m̄-rāā kadə̄ mbang udə dan kadə ndaá ō, loo ndul dɔ nang tə́ dan kadə ndaá ō.

NGÉ SARYA 12:12

Gō tə́ anī ni oy. Dubə̄nən̄ i kem ɓē kə́ Ayalon tə́, dɔ nang kə́ Jabulo̰ tə́.

NGÉ SARYA 5:20

Tə́yō̰ gə̄ ndin̄ dɔ rā̰ tə́ rɔ̄ɔ̄n̄ ō, rɔ̄ɔ̄n̄ Sisəra kanjə̄ tɔ̄ɔ̄ dɔ róbə njə̄rādə́ tə́.

1 SAMUEL 14:31

Ndɔ̄ ngé ń noō tə́ ní tetən̄ Pilistin gə̄ rɔ̄ɔ̄, ba ngɔ̄də̄n̄də́ Mikəmas bátə́ Ayalon. Kɔr asə ngán Israel gə̄ nák,

2 SAMUEL 2:12

Abner kə́ ngōn̄ Ner nin̄ kə ngé rɔ̄ɔ̄ gə̄ yā Isəboset kə́ ngōn̄ Saul teēn̄ Mahanaim ba aw̄n̄ kumdə́ kə̄ Gabaon.

2 MBAN̄G 20:11

Loo ń noō tə́ Ijai nge koō ta ndɔ̄ȳ Kɔ́ɔ̄ɓē, anī Kɔ́ɔ̄ɓē rāā adə̄ ndíĺ a̰ȳ kɔ̄ɔ́ dɔ loo kəndā nja gə̄ kə́ kutə kógə̄ḿ gə̄ tə́ kum kə̄ gogə́.

JEREMI 28:1

Kem ɓāl̄ gə̄ ń Sedekias mban̄g kə́ Juda tə́ o̰o̰ń ɓē tə́ ní, kə nāā kə́ nge ko̰ mí yā ɓāl̄ kə́ nge ko̰ sɔ́ anī, Hanania nge koō ta kə́ ngōn̄ Ajur ń i de kə́ Gabaon ní, ɔr̄ najə̄ seḿ kem kújə yā Kɔ́ɔ̄ɓē tə́, ta kum ngé tun̄ yá̰a̰ gə̄ tə́ ō, Juda gə̄ tə́ malang ō ədam̄ na:

AMOS 2:9

Tá mā m̄-nujə Amor gə̄ tām̄ yāsí tə́. De gə̄ ngeé ń noō ní, ngālə̄n̄ tītə̄ kāgə̄ sedər gə̄ beé ō, ngangə̄n̄ tītə̄ kāgə̄ sén gə̄ beé ō. Ba m̄-nujədə́ kɔ̄ɔ́ malang.

JOJUE 21:24

Ayalon ō, Gat Rimon ō, adə̄ ɓē gə̄ ní malang i sɔ́, naā tə́ kə loo kə́ kə gō gidií gə̄.

1 SAMUEL 12:18

Samuel dəje Kɔ́ɔ̄ɓē anī ndɔ̄ nəkɔ́ ń noō tə́ Kɔ́ɔ̄ɓē rāā adə̄ man̄ ndang ō, edə ō. Adə̄ ngán Israel gə̄ malang ɓōlə́n̄ Kɔ́ɔ̄ɓē ō, Samuel ō ngá̰ý.

2 MBAN̄G 20:9

Anī Ijai tél ədan na yá̰á̰ ń a ɔjə kadə̄ Kɔ́ɔ̄ɓē a rāā yá̰á̰ ń əda ní n toó: Ndíl a a̰ȳ kɔ̄ɔ́ dɔ loo kəndā nja gə̄ ń Akaj a alə̄ń kə̄ dɔɔ́ kem kújə yān tə́ ní gír loo kutə. Ní ī-gḛy i kadə̄ a̰ȳ i kum kə̄ kété aké i kum kə̄ gogə́?

2 MBAN̄G 20:10

Ejekias tél əda na: Yā kadə̄ ndíl a̰ȳ kum kə̄ kété ní i yá̰á̰ kə́ tōr̄ alé. m̄-gḛy kadə̄ tél i kum kə̄ gogə́.

1 YÁ̰A̰ GƏ̄ 8:13

Beria ō, Sema ō i ngār gə̄ kə́ dɔ gír kojə yā de kə́ Ayalon tə́ gə̄. I nin̄ n rāān̄ adə̄ de kə́ Gat gə̄ a̰ȳn̄ naā kɔ̄ɔ́ ní.

2 YÁ̰A̰ GƏ̄ 11:10

Sora ō, Ayalon ō, Hebron ō. Ɓē kə́ ngan̄g gə̄ ń noō i ɓē gə̄ kə́ gō nang yā Juda tə́ ō, yā Benjamḛ tə́ ō.