JOJUE 10:11 - Bibəl ta Sar̄

¹¹ Dan ń Amor gə̄ ń a̰ȳn̄ naā no ngán Israel gə̄ tə́ ní, ḭḭn̄ Bet Horon ba a risən̄ kə̄ wól loo tə́ anī, Kɔ́ɔ̄ɓē rāā adə̄ kɔ̄sə̄ kə́ bo tītə̄ kūbə̄rū mbal̄ gə̄ tə́sōn̄ dɔdə́ bátə́ Ajeka. Adə̄ de gə̄ ngá̰ý oyn̄. De gə̄ ń kɔ̄sə̄ tɔ̄ldə́ ní, kutədə́ tɔȳ kutə de gə̄ ń ngán Israel gə̄ tɔ̄lə̄n̄də́ kə kaskaraá ní.

Bible sar

¹¹ Dan ń Amor gə̄ ń a̰ȳn̄ naā no ngán Israel gə̄ tə́ ní, ḭḭn̄ Bet Horon ba a risən̄ kə̄ wól loo tə́ anī, Kɔ́ɔ̄ɓē rāā adə̄ kɔ̄sə̄ kə́ bo tītə̄ kūbə̄rū mbal̄ gə̄ tə́sōn̄ dɔdə́ bátə́ Ajeka. Adə̄ de gə̄ ngá̰ý oyn̄. De gə̄ ń kɔ̄sə̄ tɔ̄ldə́ ní, kutədə́ tɔȳ kutə de gə̄ ń ngán Israel gə̄ tɔ̄lə̄n̄də́ kə kaskaraá ní.

JOJUE 10:11 Referans Kwoze

IJAI 28:2

De kə́ tɔ́gən to ō ngan̄g ō n toó. I Kɔ́ɔ̄ɓē n əla seneé ní. Ni to i tītə̄ man̄ kə́ edə kə kɔ̄sɔ̄ɔ́ beē, to i tītə̄ nél man̄ kə́ nujə loo beé, to i tītə̄ man̄ kə́ edə ngá̰ý kə́ taā loo malang beé. Deē ngeé ń toō mbəre yá̰a̰ malang tə́nī kə tɔ́gɔ́.

NGÉ SARYA 5:20

Tə́yō̰ gə̄ ndin̄ dɔ rā̰ tə́ rɔ̄ɔ̄n̄ ō, rɔ̄ɔ̄n̄ Sisəra kanjə̄ tɔ̄ɔ̄ dɔ róbə njə̄rādə́ tə́.

JEJU TEĒ KUM JA̰A̰ 16:21

Kɔ̄sə̄ kə́ kɔȳ ngá̰ý gə̄ ḭḭn̄ dɔ rā̰ tə́ tə́sōn̄ dɔ de gə̄ tə́, adə̄ nin̄-tájə̄n̄ Nə́ɓā najə̄n tə́, tɔdɔ̄ i yá̰á̰ kə́ tōr̄ kə́ to ɓōĺ ngá̰ý.

JEJU TEĒ KUM JA̰A̰ 11:19

Ta kújə yā Nə́ɓā kə́ dɔ rā̰ tə́ teē ra wōyōó, anī m-á̰a̰ sandúkə madə̄ naā yān kemeé. Loo ń noō tə́ man̄ tel̄ ō, ndū de gə̄ ɓār̄ ō, man̄ ndang ō, dɔ nang ndew ō, kɔ̄sə̄ tə́sō ngá̰ý ō.

EJEKIEL 13:11

I beé ní, ə́dá ngé rāā hō̰rō̰ kutə̄ń gidə ndogə̄ mbal̄ na: A tɔ̄ɔ̄n̄ ndogə̄ mbal̄ yāsí kɔ̄ɔ́. Man̄ kə́ bo a edə ō, kɔ̄sə̄ a tə́sō ō, nél man̄ a əla kə tɔ́gɔ́ ō.

IJAI 30:30

Kɔ́ɔ̄ɓē a rāā kadə̄ de gə̄ a oōn̄ ndūn kə́ to ɓōĺ ngá̰ý ō, ni a rāā kadə̄ de gə̄ a a̰a̰n̄ tɔ́gə jīn ō. Ni a ɔjə wōn̄g yān kə́ ngá̰ý kə̄ ndágá dan ndo̰ hor kə́ a o̰o̰ tə́ ō, a dān̄ gō kə nél man̄ kə́ əla kə ngangá ngá̰ý ō, kə man̄ kə́ edə kə kɔ̄sɔ̄ɔ́ ō.

PĀ GƏ̄ 11:6

Ādə̄ ni-rāā yā̰l̄ hor ō, hor bursu ō adə̄ edən̄ kə́ man̄ tə́ dɔdə́ tə́. Ādə̄ nél man̄ bā kə́ bo undə́ no kem! Yá̰a̰ kəndā nja yādə́ n noó.

TA KƏLA 19:24

Loo ń noō tə́ Kɔ́ɔ̄ɓē rāā adə̄ hor bursu ḭḭ dɔ rā̰ tə́ edə tītə̄ man̄ dɔ ɓē kə́ Sodom tə́ ō, Gomor tə́ ō.

Makətūbə̄ yā Job 38:22

Ī-njə̄rā bátə́ ūgə̄ loo ń ngɔ̄mə̄n̄ néjə tū tə́ ní a? Á̰a̰ loo ń ngɔ̄mə̄n̄ kɔ̄sə̄ tū tə́ ní a?

NDŪ NAJƏ̄ 20:4

Tɔdɔ̄ i Kɔ́ɔ̄ɓē Nə́ɓā yāsí n a njə̄rā sesí yā rɔ̄ɔ̄ madə̄ ba̰ā̰sí gə̄ dɔsí tə́ ō, yā dḭḭ̄sí ō ní.

2 SAMUEL 18:8

Rɔ̄ ní i kə̄ loo gə̄ tə́ malang gō nang ngeé ń noō tə́. De gə̄ ń ku tɔ̄ldə́ ní kutədə́ tɔȳ de gə̄ ń oyn̄ yo kaskar ní.

Makətūbə̄ yā Job 38:23

m̄-ngɔ̄m̄də́ i tām̄ yā kum mbang wur kɔl tə́, i tām̄ yā ndɔ̄ məla ndaa tə́ ō, ndɔ̄ rɔ̄ɔ̄ tə́ ō.

PĀ GƏ̄ 147:17

Ni-rāā kɔ̄sə̄ man̄ yān adə̄ tə́sō tītə̄ butə̄ yá̰a̰ kəsa beé. I náā n asə ra kum kūl̄ yān tə́ ní?

IJAI 28:21

Kɔ́ɔ̄ɓē a rāā yá̰á̰ kógə̄ḿ tītə̄ ń rāań dɔ mbal̄ Perasim tə́ ní. Wōn̄g a rāān adə̄ ni a ndew tītə̄ ń ndewń wól loo kə́ Gabaon tə́ ní, yā rāań yá̰á̰ kógə̄ḿ ō, yā rāań kəla yān ō. Banī yá̰á̰ ń ni-rāā ní ɔr kum ngá̰ý, kəla ń ni-rāā ní i kəla kə́ rāā jóo alé!