JOJUE 1:8 - Bibəl ta Sar̄

⁸ Yá̰á̰ ndóō gə̄ ń ton̄ kem makətūbə̄ ndū najə̄ ń toō tə́ ní, ādə̄ i sa̰y rɔ̄í tə́ aĺ ō, ī-toń taí tə́ ndɔ̄ɔ́ ō, kadaá ō, kadə̄ ī-rāań yá̰a̰ malang ń i kə́ ndang kemeé ní. Loo ń noō tə́ yá̰a̰ gə̄ ń ā ī-rāā ní a majən̄ ō, a teēn̄ yá̰a̰ ō.

Bible sar

⁸ Yá̰á̰ ndóō gə̄ ń ton̄ kem makətūbə̄ *ndū najə̄ ń toō tə́ ní, ādə̄ i sa̰y rɔ̄í tə́ aĺ ō, ī-toń taí tə́ ndɔ̄ɔ́ ō, kadaá ō, kadə̄ ī-rāań yá̰a̰ malang ń i kə́ ndang kemeé ní. Loo ń noō tə́ yá̰a̰ gə̄ ń ā ī-rāā ní a majən̄ ō, a teēn̄ yá̰a̰ ō.

JOJUE 1:8 Referans Kwoze

PĀ GƏ̄ 119:15

m̄-ndigə gír̄ yá̰a̰ dɔ yá̰a̰ gə̄ ń ī-ra kə de gēé ta rāā ní tə́ ō, m-ā m-á̰a̰ gō róbə yāí gə̄ majə ō.

PĀ GƏ̄ 19:14

Ɔ̄r̄ nge kəla yāí kɔ̄ɔ́ dan ngé kɔjə rɔ̄də́ gə̄ tə́. Ī-rāā ādə̄ asən̄ yá̰a̰ rɔ̄n tə́ alé. Ɓá anī najə̄ a gətóo dɔn tə́ ō, deē a ɓār̄ rī majaĺ kə́ ngá̰ý dɔn tə́ aĺ ō.

KOLOSƏ 3:16

Kadə̄ Najə̄ yā Kərist ndi kemsí tə́ kə yá̰a̰ kənge kə́ tū tə́ gə̄ malang. Ī-ndóōī naā ō, ɔ̄jī naā ō, kə kum kedēé ngá̰ý. Ādə̄ Nə́ɓā rajəsí ba rāā adə̄ ə̄nīī pā gə̄ kə́ ton̄ kem makətūbə̄ pā gə̄ tə́ ō, pā gə̄ kə́ sḭḭ̄ kɔ́ gə̄ ī-rāāī ɔ́siīneé gɔnən ō, pā gə̄ kə́ Ndíĺ kə́ Táĺ əndā tasí tə́ ō, kə ngarān̄g kemsí gēé malang ādīin̄.

Gōsə̄ najə̄ gə̄ 3:1

Ngōnə̄ḿ, ī-lōō kadə̄ dɔí ndígə̄nal yá̰á̰ ń m̄-ndóōí ní ō, ādə̄ dan wurií ngɔ̄m̄ gō míndə́ḿ gə̄ ō.

NDŪ NAJƏ̄ 29:9

Ɓōólaā ī-raī ta kum Kɔ́ɔ̄ɓē Nə́ɓā yāsí tə́ malang kum naā tə́ kə ngār yāsí gə̄ ō, gír ɓē yāsí gə̄ ō, kum kɔɔ̄ yāsí gə̄ ō, ngé ndóō de gə̄ ndū najə̄ gə̄ ō, adə̄ i dəngam gə̄ malang kə́ Israel tə́.

JA̰A̰ 14:21

Deē ń ngɔ̄m̄ gō míndə́ḿ gə̄ ō, rāā yá̰a̰ gə̄ ń gō míndə́ḿ əda ō ní, i deē ń noō n tárəm̄ ni. Bɔbə́ḿ a tár deē ń tárəm̄ ní. M-ā m̄-tárən ō, m-ā m̄-rāā kadə̄ a a̰a̰m̄ ō.

Najə̄ kə́ Majə yā Jeju ń Luk ndang ní 11:28

Banī Jeju tél əda na: Ɓá tā ba i ngé koō najə̄ yā Nə́ɓā ba rāā yá̰á̰ ń Nə́ɓā əda ní gə̄ n i ngé rɔ̄nel̄ kə́ rɔ̄kum gə̄ ní!

MATIYE 7:24

Adə̄ deē malang ń oō najə̄ ń m-ə́dásí toō ō, rāā yá̰a̰ gə̄ ń m-ə́dá ní ō anī, a to i tītə̄ de kə́ nge kum kedə̄ kə́ rāā kújə yān dɔ mbal̄ tə́.

PĀ GƏ̄ 119:11

m̄-ngɔ̄m̄ yá̰a̰ gə̄ ń ɔ́sə kə de gēé ta rāā ní kemḿ tə́, kadə̄ m̄-rāań majaĺ seí alé.

PĀ GƏ̄ 119:97

Ndū najə̄ yāí nelə̄m̄ ngá̰ý. m̄-gír̄ dɔ tə́ kə dɔ ndɔ̄ gə̄ malang.

MATIYE 7:21

I ngé gə̄ ń a ədamə̄n̄ na: Kɔ́ɔ̄ɓē, Kɔ́ɔ̄ɓē! Ní n a udən̄ kem Ɓē ko̰o̰ kə́ dɔ rā̰ tə́ malang ní alé, banī i ngé gə̄ ń a rāān̄ yá̰á̰ ń kem Bɔbə́ḿ kə́ ndi dɔ rā̰ tə́ ndigə ní tá.

JA̰A̰ 13:17

Kə́ ngɔr ń toō tə́ ní ī-gerī yá̰á̰ ní kɔ̄ɔ́, ba ré ī-rāāī beé anī, rɔ̄sí a nel̄sí.

JOJUE 1:7

Yá̰á̰ ń kadə̄ ī-rāā ní i kadə̄ ə́hɔ rɔ̄í tɔgə ō, ī-ra dəngam ō, ī-ngɔ̄m̄ ndū najə̄ malang ń nge kəla yāḿ Moijə adī ní ō ngóy. Ī-tɔ̄ɔ̄ geleé aĺ ō, ko̰ó̰ aĺ ō. I beé n yá̰a̰ malang ń ā ī-rāā ní a majəń ní.

NDŪ NAJƏ̄ 30:14

Ndū najə̄ ní i rɔ̄í tə́ ngɔr. I taí tə́ ō, dan wurií tə́ ō, kadə̄ ī-rāań yá̰á̰ ń əda ní.

NDŪ NAJƏ̄ 5:29

Ré ran̄ dɔ míndə́də́ tə́ ō, ɓōlə́n̄ ndílə́ḿ adə̄ rāān̄ yá̰a̰ malang ń m-ə́dádə́ kadə̄ rāān̄ ní ō, kə ndɔ̄ gə̄ anī, nin̄ ō, ngáńdə́ gə̄ ō, ngán kaadə́ gə̄ ō ní rɔ̄də́ a nel̄də́ i ta kaw̄ kə̄ jóo.

PĀ GƏ̄ 119:99

m̄-ger̄ yá̰a̰ m̄-tɔȳ ngé ndóōḿ yá̰a̰ gə̄ malang, tɔdɔ̄ m̄-gír̄ yá̰a̰ dɔ yá̰a̰ gə̄ ń ə́dá tə́ ní.

IJAI 59:21

Kɔ́ɔ̄ɓē əda najə̄ kə́ rang dɔ tə́ ɓáý: Ba mā ɓáa, ndūḿ ń m-ə̄nī m-ādə̄ ngé gə̄ ń noō ní n toó: Ndílə́ḿ i dɔsí tə́ ō, m-ə̄ndā najə̄ yāḿ tasí tə́ ō. Nin̄ i tām̄ yāsí tə́ ō, tām̄ yā ngáńsí gə̄ tə́ ō, i tām̄ yā ngán kaasí gə̄ tə́ ō, ngɔlaā ō njɔ́ḿ kə̄ no tə́ ō. M-ā m̄-tél yā taādə́ jīsí tə́ kɔ̄ɔ́ aĺ i kə́ bátə́ gə̄ tə́. I mā Kɔ́ɔ̄ɓē n m-ə́da na najə̄ ń noō i rɔ̄kum ní.

NDŪ NAJƏ̄ 5:32

Yá̰á̰ ń Kɔ́ɔ̄ɓē Nə́ɓā yāsí ədasí ní, ə̄ndāī kumsí gírí ī-rāāī kə gōó kanjə̄ tɔ̄ɔ̄ geleé aláa ko̰ó̰.

EPEJƏ 4:29

Ādī najə̄ kə́ majaĺ teē tasí tə́ alé, banī i najə̄ kə́ majə tá, yā kadə̄ ngé gə̄ ń oōn̄ ní rāā majə sedə́ ō, aw̄n̄neé kum kə̄ kété ō.

MATIYE 12:35

De kə́ majə a teē kə yá̰á̰ kə́ majə gə̄ dan yá̰a̰ kənge yān kə́ majə gə̄ tə́ ō, de kə́ majaĺ a teē kə yá̰á̰ kə́ majaĺ gə̄ dan yá̰a̰ kənge yān kə́ majaĺ gə̄ tə́ ō.

PĀ GƏ̄ 40:10

M-ə́da najə̄ yá̰á̰ kə́ gōtə́ gə̄ ń ī-rāā ní dan ngé kán̄ naā kə́ ngá̰ý gə̄ tə́. Kɔ́ɔ̄ɓē, ī-ger̄ kadə̄ m-ūtə̄ taḿ alé.

MATIYE 28:20

Ī-ndóōīdə́ yá̰a̰ malang ń m-ə́dásí kadə̄ ī-rāāī ní. Ba mā i sesí kə dɔ ndɔ̄ gə̄ bátə́ ta ngóy ndɔ̄ gə̄ tə́.

JEJU TEĒ KUM JA̰A̰ 22:14

Ngé gə̄ ń tə́gon̄ kūbə̄ ngāl̄ yādə́ gə̄ ní, rɔ̄də́ nel̄də́. Tɔdɔ̄ nin̄ a əngen̄ ta róbə kəsa kan̄ kāgə̄ ndi kə kumuú ní ō, a udən̄ kem ɓē ní tə́ kə ta róbə gə̄ ní ō.

TA KƏLA 24:63

Ndɔ̄ kógə̄ḿ tə́ loo sɔlí, Isaak teē aw̄ njə̄rāá kem bembeé. Ni-un kumən kə̄ dɔɔ́ anī a̰a̰ jámbal gə̄ a reēn̄.

NDŪ NAJƏ̄ 31:24

Dan ń Moijə ndang ndū najə̄ yā Nə́ɓā kem makətūbūú malang oy anī,

JOJUE 8:34

Tā anī Jojue tə́dá yá̰a̰ gə̄ ń ndangən̄ kem makətūbə̄ ndū najə̄ tə́ ní malang, ni tə́da najə̄ gə̄ ń Nə́ɓā a rāań majə kə ngán Israel gēé ní ō, najə̄ gə̄ ń Nə́ɓā a ndɔ̄ĺəń ngán Israel gə̄ ní.

NDŪ NAJƏ̄ 5:1

Moijə ɓāŕ ngán Israel gə̄ malang ba ədadə́ na: Israel gə̄, ōōī ndū najə̄ gə̄ ō, jī-bēl̄ loo rāā yá̰a̰ gə̄ ō ń m-ā m-ə́dásí ɓōólaā kadə̄ ōōī ní. Ī-ndóōī ō, ə̄ndāī kumsí gírí kadə̄ úniī gō ō.

NDŪ NAJƏ̄ 29:8

Adə̄ ī-ngɔ̄mī najə̄ gə̄ ń Nə́ɓā əhɔń madə̄ naā ń toō sesí ní ō, ī-rāāī yá̰a̰ gə̄ ń ni-əda ní ō. Loo ń noō tə́ yá̰a̰ malang ń ā ī-rāāī ní a majə.

2 YÁ̰A̰ GƏ̄ 26:5

Ojias sāā Nə́ɓā kə dɔ ndɔ̄ gə̄ malang ń Jakari nge ndóōn ɓōĺ ndíĺ Nə́ɓā ndiń kə kumneé ní. Adə̄ Nə́ɓā rāā seneé tū yá̰a̰ gə̄ tə́ malang.