JOJUE 1:5 - Bibəl ta Sar̄

⁵ De kə́ asə ra ta kumií tə́ yā dumī a gətóó bátə́ kadə̄ óyń. Tɔdɔ̄ mā i naā tə́ seí tītə̄ ń mā i naā tə́ kə Moijə kété ní. M-ā m-ə́ya̰ī kɔ̄ɔ́ aĺ ō, m-ā m̄-lo dḭḭ̄ aĺ ō.

Bible sar

⁵ De kə́ asə ra ta kumií tə́ yā dumī a gətóó bátə́ kadə̄ óyń. Tɔdɔ̄ mā i naā tə́ seí tītə̄ ń mā i naā tə́ kə Moijə kété ní. M-ā m-ə́ya̰ī kɔ̄ɔ́ aĺ ō, m-ā m̄-lo dḭḭ̄ aĺ ō.

JOJUE 1:5 Referans Kwoze

Makətūbə̄ ń Pol ndang adə̄ Rom gə̄ ní 8:31

J-a j-ədaī na i rí dɔ tə́ ɓáý? Ré Nə́ɓā i sejí anī, i náā n a mbātə́jí?

MATIYE 28:20

Ī-ndóōīdə́ yá̰a̰ malang ń m-ə́dásí kadə̄ ī-rāāī ní. Ba mā i sesí kə dɔ ndɔ̄ gə̄ bátə́ ta ngóy ndɔ̄ gə̄ tə́.

JOJUE 1:9

Najə̄ ń m-ə́daī ní ādə̄ dɔí ndígə̄nal alé: M-ə́daī na kə ə́hɔ rɔ̄í tɔgə ō, ī-ra dəngam dɔ rɔ̄í tə́ ō. Ī-lōō ndebə ō, ī-lōō kadə̄ kemií gān̄g man̄ ō. Tɔdɔ̄ loo malang ń āw̄ tū tə́ ní, Kɔ́ɔ̄ɓē yāí i naā tə́ seí.

NDŪ NAJƏ̄ 20:4

Tɔdɔ̄ i Kɔ́ɔ̄ɓē Nə́ɓā yāsí n a njə̄rā sesí yā rɔ̄ɔ̄ madə̄ ba̰ā̰sí gə̄ dɔsí tə́ ō, yā dḭḭ̄sí ō ní.

2 TIMOTE 4:17

Banī Kɔ́ɔ̄ɓē ra rɔ̄ḿ tə́, ni-adə̄m̄ tɔ́gə adə̄ m-ɔ́jəń de gə̄ ń nin̄ i Jipə aĺ gə̄ ní najə̄ yān malang kə taá ō, ni ɔrə̄m̄ kɔ̄ɔ́ ta ɓɔl tə́ ō.

PĀ GƏ̄ 46:11

Əya̰ī yá̰a̰ rɔ̄ gə̄ dɔɔ́! Á̰a̰ ī-ger̄mī kadə̄ mā i Nə́ɓā! m̄-ndi dɔ nápar de gə̄ tə́. M-ó̰o̰ ɓē dɔ dɔ nang tə́.

HEBƏRO 13:5

Kadə̄ háĺsí i háĺ ngé rāā ta nar gə̄ alé, ba kadə̄ yá̰á̰ ń ə́ngeī ngɔlaā ní asəsí. Tɔdɔ̄ Kɔ́ɔ̄ɓē nəkɔ́ əda na: M-ā m-ə́ya̰ī kɔ̄ɔ́ aĺ ō, m-ā m̄-mbātíī aĺ ō.

JOJUE 3:7

Kɔ́ɔ̄ɓē əda Jojue na: Ɓōólaā m-ā m-ə́lá gír rāā kadə̄ ī-tél de kə́ bo ta kum ngán Israel gə̄ tə́ malang, kadə̄ gerə̄n̄ na mā i seí naā tə́ tītə̄ ń kété mā i naā tə́ kə Moijə ní.

Teē Ngán Israel gə̄ 3:12

Nə́ɓā tél ədan na ni na i naā tə́ seneé, na yá̰á̰ ń a ɔjə kadə̄ i ni n n-əlan ní n toó. Dan ń a teē kə ngán Israel gēé kem ɓē kə́ Ejiptə tə́ kɔ̄ɔ́ anī, na a rāān̄ kəla yān ni Nə́ɓā dɔ mbal̄ ń toō tə́.

Makətūbə̄ ń Pol ndang adə̄ Rom gə̄ ní 8:37

Ba nge ń táŕjí ní rāā adə̄ jə-tetiī rɔ̄ɔ̄ tū yá̰a̰ gə̄ ń noō tə́ malang.

JOJUE 1:17

J-a j-oō taí tītə̄ ń j-oōń ta Moijə tū yá̰a̰ gə̄ té malang ní. Rɔ̄kum, Kɔ́ɔ̄ɓē Nə́ɓā yāí a ndi seí tītə̄ ń ni ndiń kə̄ Moijə kété ní.

NDŪ NAJƏ̄ 7:24

A əla mban̄g yādə́ gə̄ jīsí tə́ kadə̄ deē a ɓāŕ rīdə́ dɔ nang tə́ to̰ alé. Mban̄g kə́ yā dum̄ tasí a gətóo. A ī-tɔ̄līdə́ kɔ̄ɔ́ malang.

JOJUE 6:27

Kɔ́ɔ̄ɓē i naā tə́ kə Jojue, adə̄ rīn ɓār̄ ngá̰ý dɔ nang ní tə́ kə taá malang.

NDŪ NAJƏ̄ 31:23

Gō tə́ anī Kɔ́ɔ̄ɓē əda Jojue ngōn̄ Nun na: Ə́hɔ rɔ̄í tɔgə ō, ī-ra dəngam ō, tɔdɔ̄ i ḭ̄ n ā āw̄ kə ngán Israel gēé dɔ nang ń m-ə̄nī ndūḿ yā kadə̄də́ tə́ ní. Ba mā i naā tə́ seí.

NDŪ NAJƏ̄ 4:31

Tɔdɔ̄ Kɔ́ɔ̄ɓē Nə́ɓā yāsí i Nə́ɓā kə́ kumən a o̰o̰n, adə̄ ni a əya̰sí kɔ̄ɔ́ aĺ ō, a nujə sesí kɔ̄ɔ́ malang aĺ ō. Madə̄ naā ń ənī míndən rāań kə kaasí gēé ní dɔn a ndígə̄nal aĺ ō.

JOJUE 10:8

Kɔ́ɔ̄ɓē əda Jojue na: Ī-lōō ɓōĺdə́, tām̄ m-ə́ládə́ kem jīí tə́ kɔ̄ɔ́ ɓá. De kə́ yā dumī dandə́ tə́ nuū gətóo.

NGÉ SARYA 2:18

Dan ń Kɔ́ɔ̄ɓē a əla kə nge saryaá anī nəkɔ́ i seneé naā tə́ yā gāngəń dɔ ngán Israel gə̄ jī madə̄ ba̰ā̰də́ gə̄ tə́ kə ndɔ̄ gə̄ malang ń nge sarya ndiń kə kumneé ní. Tɔdɔ̄ kum Kɔ́ɔ̄ɓē o̰o̰n tām̄ yādə́ tə́ dan ń ngé rāā kumdə́ ndoō tə́ gə̄ a rāān̄də́ adə̄ a nōōn̄ ní.

NGÉ SARYA 6:16

Anī Kɔ́ɔ̄ɓē tél ədan na: Mā i seí naā tə́, i yá̰á̰ ń noō n ā ī-tetəń Madian gə̄ rɔ̄ɔ̄ tītə̄ kə́ nin̄ i de kə́ kógə̄ḿ beē ní.

1 SAMUEL 10:7

Ré yá̰a̰ gə̄ ń noō rāān̄ yá̰a̰ malang anī, yá̰á̰ ń kadə̄ ī-rāā ní ī-rāā tɔdɔ̄ Nə́ɓā i naā tə́ seí.

1 MBAN̄G GƏ̄ 1:37

Ādə̄ ni i naā tə́ kə Salomo̰ó̰ tītə̄ ń ni i naā tə́ seí ní ō, ādə̄ ni-rāā adə̄ ɓē ko̰o̰ yā Salomo̰ bo tɔȳ yāí ō!

1 MBAN̄G GƏ̄ 6:13

M-ā m̄-reē yā ndi dan ngán Israel gə̄ tə́ kem kújə́ ń toō tə́ ō, m-ā m-ə́ya̰ Israel gə̄ ń i gír deē yāḿ gə̄ ní kɔ̄ɔ́ aĺ ō.

1 MBAN̄G GƏ̄ 8:57

Ní, ādə̄ Kɔ́ɔ̄ɓē Nə́ɓā yājí i sejí naā tə́ tītə̄ ń ni i naā tə́ kə kaají gēé kété ní. Ādə̄ ni-mbātə́jí aĺ ō, əya̰jí kɔ̄ɔ́ aĺ ō.

1 MBAN̄G GƏ̄ 11:38

Ré na ōō yá̰a̰ malang ń n-ədaī ní ō, na ún gō róbə gə̄ ń n-ɔjiī ní ō, na ī-rāā yá̰á̰ kə́ gōtə́ ta kumən tə́ ō, na ī-rāā yá̰a̰ gə̄ kə gō ndū najə̄ gə̄ ń n-adī ní ō, na ī-rāā gō míndə gə̄ ń n-ədaī kadə̄ ī-rāā ní tītə̄ ń nge kəla yān Dabid rāań kété ní ō anī, ni na i naā tə́ seí ō, gír kojə yāí na a o̰o̰ ɓē ngándáńg tītə̄ gír kojə yā Dabid ō, na n-a n-adī Israel ō,

1 YÁ̰A̰ GƏ̄ 28:20

Gō tə́ anī əda ngōnən Salomo̰ na: Ī-lōō kəya̰ rɔ̄í yɔkəlɔ ba ə́hɔ rɔ̄í tɔgə ī-rāań yá̰a̰! Ī-lōō sōl̄ ō, ī-lōō ɓōĺ ō, tɔdɔ̄ Kɔ́ɔ̄ɓē Nə́ɓā yāḿ i seí naā tə́. Ni a əya̰ī kɔ̄ɔ́ aĺ ō, a tél gōí tə́ aĺ ō, bátə́ kadə̄ ī-rāań kəla kújə yān kadə̄ təgā.

IJAI 42:16

M-ā m-ɔ́ŕ ngé kum tɔ̄ɔ̄ gə̄ ta róbə dɔ róbə́ kə́ deē ger̄ aĺ tə́, m-ā m̄-njə̄rā sedə́ dɔ róbə́ kə́ nin̄ gerə̄n̄ aĺ tə́. M-ā m̄-tūr̄ loo kə́ ndɔ̄ɔ́ kadə̄ tél loo kə́ unjə̄ kow kété nodə́ tə́, m-ā m̄-ró̰ȳ yá̰á̰ kə́ dēsə́ nodə́ tə́ ɔgə̄də́ kaw̄ kum kə̄ kété gə̄ kɔ̄ɔ́ gír njadə́ tə́. Yá̰á̰ ń m̄-sāā rāā ní n noó, yá̰á̰ ń noō ń m̄-núm̄ rāā ní, m-ā m̄-lōō gírí alé.

JEREMI 1:8

Ī-lōō ɓōĺ deē kógə̄ḿ bátə́, mā i naā tə́ seí yā gān̄g dɔí. Najə̄ ń Kɔ́ɔ̄ɓē əda ní n noó.

DANIEL 11:16

Nge taā loo ní a rāā yá̰a̰ i tītə̄ ń kemən ndigə ní sɔɔ̄ń dum̄ kə́ deē dum̄ tan aĺ tə́. Loo ń ni a mān̄ tū tə́ ɓáa a nujə loo tū tə́. Gō tə́ anī a ndi kem ɓē kə́ majə tɔȳ gotə ɓē gə̄ malang tə́.

TA KƏLA 39:2

Kɔ́ɔ̄ɓē i naā tə́ kə Jəjepé adə̄ yá̰a̰ rāān gə̄ i kə́ majə malang. Ni-ndi i kem kújə yā kɔ́ɔ̄n tə́.

NDŪ NAJƏ̄ 20:1

Ré āw̄ yā rɔ̄ɔ̄ madə̄ ba̰ā̰í gə̄, ba á̰á̰ sə́nda gə̄ ō, púsə rɔ̄ɔ̄ gə̄ ō, kósə de gə̄ kə́ kutədə́ i ngá̰ý tɔȳ yāí ō anī, ī-lōō ɓōĺ. Tɔdɔ̄ Kɔ́ɔ̄ɓē Nə́ɓā yāí ń teē seí kɔ̄ɔ́ kem ɓē kə́ Ejiptə tə́ ní i naā tə́ seí.

JOJUE 21:44

Kɔ́ɔ̄ɓē adə̄ lápə́ya reē dɔ nang yādə́ tə́ malang tītə̄ ń ənīń ndūn adə̄ kaadə́ gə̄ ní. Ni-rāā adə̄ nin̄ tetən̄ madə̄ ba̰ā̰də́ gə̄ malang rɔ̄ɔ̄. Madə̄ ba̰ā̰də́ kógə̄ḿ kə́ asə ra ngan̄g nodə́ tə́ gətóo.