JOJUE 1:1 - Bibəl ta Sar̄

¹ Dan ń Moijə ń nge kəla yā Kɔ́ɔ̄ɓē ní oy anī Kɔ́ɔ̄ɓē əda Jojue ngōn̄ Nun ń i nge kílən ní na:

Bible sar

¹ Dan ń Moijə ń nge kəla yā Kɔ́ɔ̄ɓē ní oy anī Kɔ́ɔ̄ɓē əda Jojue ngōn̄ Nun ń i nge kílən ní na:

JOJUE 1:1 Referans Kwoze

NDŪ NAJƏ̄ 34:9

Ndíl kum kedə̄ rosə kem Jojue ngōn̄ Nun, tɔdɔ̄ Moijə əndā jīn dɔn tə́. Ngán Israel gə̄ oōn̄ tan, adə̄ rāān̄ yá̰a̰ i kə gō ndū ń Kɔ́ɔ̄ɓē ədań Moijə ní.

NDŪ NAJƏ̄ 31:23

Gō tə́ anī Kɔ́ɔ̄ɓē əda Jojue ngōn̄ Nun na: Ə́hɔ rɔ̄í tɔgə ō, ī-ra dəngam ō, tɔdɔ̄ i ḭ̄ n ā āw̄ kə ngán Israel gēé dɔ nang ń m-ə̄nī ndūḿ yā kadə̄də́ tə́ ní. Ba mā i naā tə́ seí.

NDŪ NAJƏ̄ 31:3

Adə̄ i Kɔ́ɔ̄ɓē Nə́ɓā yāí nəkɔ́ n a mān̄ kété noí tə́ ní. I ni n a nujə nápar de gə̄ ń ndin̄ gidə bā Jurdḛ kə́ dām̄ kə́ nú tə́ ní kɔ̄ɔ́ tá ā ásəń taā dɔ nang yādə́ ní. Ba tītə̄ ń Kɔ́ɔ̄ɓē ədań ní, nge njə̄rā kété noí tə́ i Jojue.

NDŪ NAJƏ̄ 1:38

Ba i nge kəla yāí ń i Jojue ngōn̄ Nun ní n a əndā njan tū tə́ ní. Əla go̰ kemən tə́ ādə̄ əhɔ rɔ̄n tɔgə. I ni n a ɔr no ngán Israel gə̄ yā kaw̄ kənīń rɔ̄ɔ̄ ba taāń dɔ nang kadə̄də́ ní.

Teē Ngán Israel gə̄ 24:13

Moijə əda kum kɔɔ̄ gə̄ yā ngán Israel gə̄ na kə ngóōn̄də́ loo ń noō tə́ kadə̄ n-tél kə n-reē kə n-əngen̄də́. Aaro̰ ō, Hur ō, na a ndin̄ sedə́ kə̄ naā tə́. Adə̄ ré najə̄ kə to ɓáa, kə aw̄n̄neé rɔ̄də́ tə́. Moijə ɔtə al̄ dɔ mbalá nin̄ kə Jojue nge kɔsə kílən.

Makətūbə̄ ń Pol ndang adə̄ Rom gə̄ ní 1:1

I mā Pol n m-ə́la kə makətūbūú mādə̄sí ní. Mā i nge kəla yā Jeju Kərist. Ni ɓārə́m̄ kadə̄ mā i ngōmbang kəla yān ō, ɔrə̄m̄ tayā kadə̄ m-ə̄nā mbēr̄ Najə̄ kə́ Majə yā Nə́ɓā ō.

KƏLA RĀĀ 7:45

Kaají gə̄ taān̄ kújə tandā ní udən̄neé kə Jojue nge kɔr nodə́ kem ɓē ń nin̄-taān̄ jī nápar de gə̄ ń Nə́ɓā tə̄ɓādə́ kɔ̄ɔ́ nodə́ tə́ ní tə́. Kújə́ ní ndi noó bátə́ ugə̄ ɓāl̄ yā Dabid tə́.

NDŪ NAJƏ̄ 34:5

Adə̄ Moijə ń i nge kəla yā Kɔ́ɔ̄ɓē ní oy i loo ń noō tə́, dɔ nang kə́ Moab tə́, tītə̄ ń Kɔ́ɔ̄ɓē ədań ní.

2 MBAN̄G 3:11

Ba Josapat dəje na ké nge koō ta yā Kɔ́ɔ̄ɓē kə́ yā kadə̄ n-oōn̄ najə̄ kə́ ta Kɔ́ɔ̄ɓē tə́ rɔ̄n tə́ ké gətóo laā wa. Anī ngol áskar gə̄ kógə̄ḿ yā mban̄g kə́ Israel tə́ əda na: Elije kə́ ngōn̄ Sapat ń kété a ɓōkə́ man̄ dɔ jī Eli tə́ ní i laā.

1 MBAN̄G GƏ̄ 19:16

Gō tə́ anī āw̄ úr yibə̄ dɔ Yehu kə́ ngōn̄ Nimsi tə́ ə̄ndānneé mban̄g dɔ ɓē kə́ Israel tə́ ō, úr yibə̄ dɔ Elije ngōn̄ Sapat kə́ Abel Mehola tə́ kadə̄ ni i nge koō ta yāḿ gotií tə́ ō.

JOJUE 12:6

Moijə nin̄ kə ngán Israel gēé tetən̄ mban̄g kə́ jōó gə̄ ń noō rɔ̄ɔ̄, ba Moijə ń i nge kəla yā Kɔ́ɔ̄ɓē ní tél kə dɔ nang yādə́ adə̄ de gə̄ gír ɓē yā Ruben tə́ gə̄ ō, yā Gad tə́ gə̄ ō, núsə de kə́ gír ɓē yā Manase tə́ gə̄ ō.

NDŪ NAJƏ̄ 33:1

Moijə ń i deē yā Nə́ɓā ní, kété pá tá kadə̄ oy ní, najə̄ gə̄ ń ni-ɔr̄ á tɔ́rəń tan dɔ ngán Israel gə̄ tə́ ní n toó:

TƏ́DA 13:16

De gə̄ ń Moijə əladə́ kəndā ma̰ȳ nang kə́ Kanaan tə́ ní, rīdə́ n noó. Moijə ənda rī Hose ngōn̄ Nun na i Jojue.

TƏ́DA 13:8

Hose ngōn̄ Nun, tām̄ yā gír ɓē yā Epəraim tə́.

TƏ́DA 12:7

Banī nge kəla yāḿ Moijə ń i nge ka̰a̰ gō kósə de gə̄ yāḿ gə̄ malang kə gōó majə ní, m̄-rāā seneé i beé alé.

TƏ́DA 11:28

Jojue ngōn̄ Nun ń rāā kəla yā Moijə i kə ngōn̄ dūúneé ní əda na: Kɔ́ɔ̄ḿ Moijə, ɔ̄gə̄də́ rāā.

JEJU TEĒ KUM JA̰A̰ 1:18

deē ń ndi kə kumneé ní ō. Kété ní m-óy, banī ngɔlaā m̄-ndi kə kumḿ kə dɔ ɓāl̄ gə̄ ɓāl̄ gə̄. Tá kélé gə̄ yā yo ō, yā loo kə́ ɓádá ō, i jīḿ tə́.

JAKƏ 1:1

I mā Jakə ń i nge kəla yā Nə́ɓā ō, yā Kɔ́ɔ̄ɓē Jeju Kərist ō ní n m-ə́la kə makətūbə̄ ń toō m-ādə̄ gír ɓē kə́ kutə̄ gidə i jōó gə̄ ń tḭ̄ḭ̄n̄ naā kə̄ dan nápar de gə̄ tə́ ní. m̄-rāāsí lápə́ya.

TITƏ 1:1

I mā Pol n m-ə́la kə makətūbūú mādə̄sí ní. Mā i nge kəla yā Nə́ɓā ō, ngōmbang kəla yā Jeju Kərist ō. Əndān̄ dɔḿ tə́ kadə̄ m-ɔ́jə́ ngé gə̄ ń Nə́ɓā gə̄rādə́ ní najə̄ kadə̄ taān̄ kem ō, kadə̄ m-ə́dádə́ najə̄ kə́ rɔ̄kum kə́ əhɔn̄ naā kə yá̰a̰ rāā kə́ kə gō ń Nə́ɓā ndigə ní kadə̄ gerə̄n̄ ō.

Najə̄ kə́ Majə yā Jeju ń Luk ndang ní 16:10

Deē ń ni i de kə́ sew loo ngɔ̄m̄ yá̰á̰ kə́ sḛ́ý beē gə̄ tə́ ní, ni a tél de kə́ sew loo ngɔ̄m̄ yá̰á̰ kə́ ngá̰ý gə̄ tə́ ō. Ba deē ń ni i de kə́ sew alé loo ngɔ̄m̄ yá̰á̰ kə́ sḛ́ý beē gə̄ tə́ ní, ni a tél de kə́ sew alé loo ngɔ̄m̄ yá̰á̰ kə́ ngá̰ý gə̄ tə́ ō.

NDŪ NAJƏ̄ 34:12

Moijə rāā yá̰a̰ kə tɔ́gə́ kə́ to ɓōĺ ngá̰ý ta kum ngán Israel gə̄ tə́ malang ō.

JOJUE 1:2

Nge kəla yāḿ Moijə oy kɔ̄ɔ́, adə̄ ngɔlaā ní i ḭ̄ n ə̄ndā dɔ rɔ̄í danaá yā teē bā Jurdḛ kə ngán Israel gēé yā kaw̄ sedə́ dɔ nang ń m-ādə̄də́ tə́ ní.

JOJUE 1:15

bátə́ kadə̄ Kɔ́ɔ̄ɓē adə̄ńdə́ loo kə́ yā kadə̄ ndin̄neé tū tə́ lɔm tītə̄ yāsí ō, kadə̄ əngen̄neé dɔ nang ń Kɔ́ɔ̄ɓē Nə́ɓā yāsí adə̄də́ ní ō, pá tá ā ī-téliī kə̄ gogə́ dɔ nang ń ni Moijə nge kəla yā Kɔ́ɔ̄ɓē n-adə̄sí gidə bā Jurdḛ kə́ laā tə́ dām̄ kə́ gír ɓē tə́ ní.

NEHEMI 8:17

Ngé kán̄ naā gə̄ malang, adə̄ i ngé gə̄ ń télən̄ ɓəloó ní, rāān̄ kújə́ kámbə gə̄ ba ndin̄ kemeé. Rɔ̄ de gə̄ neldə́ ngá̰ý, tɔdɔ̄ əla gír ɓāl̄ yā Jojue ngōn̄ Nun tə́ bátə́ ɓōólaā ní, ngán Israel gə̄ rāān̄ yá̰á̰ kə́ tītə̄ ń noō alé.