JOEL 3:2 - Bibəl ta Sar̄

² Kem ndɔ̄ gə̄ ngeé ń noō tə́ ní, m-ā m̄-rāā kadə̄ Ndílə́ḿ risə dɔ ngé kəla kə́ dəngam gə̄ tə́ ō, dɔ ngé kəla kə́ dəyá̰ gə̄ tə́ ō.

Bible sar

² Kem ndɔ̄ gə̄ ngeé ń noō tə́ ní, m-ā m̄-rāā kadə̄ Ndílə́ḿ risə dɔ ngé kəla kə́ dəngam gə̄ tə́ ō, dɔ ngé kəla kə́ dəyá̰ gə̄ tə́ ō.

JOEL 3:2 Referans Kwoze

SOPONI 3:8

Kɔ́ɔ̄ɓē əda wáńg kə̄ ndágá na: I beé ní, ī-ngóōī ndɔ̄ ń kadə̄ m̄-reēń yā kəndā najə̄ dɔsí tə́ ní! m̄-gḛy kɔsə dɔ gotə nápar de kə́ rang gə̄ kə̄ naā tə́, m̄-gḛy kɔsə dɔ ɓē ko̰o̰ gə̄ kə̄ naā tə́, yā kadə̄ m̄-bə̄gań wōn̄g yāḿ kə́ ngá̰ý dɔdə́ tə́. A̰á̰ā̰, hor wōn̄g yāḿ a o̰o̰ dɔ nang kə taá malang.

IJAI 66:16

A̰á̰ā̰, Kɔ́ɔ̄ɓē reē i gān̄g saryaá dɔ deē ndul gə̄ tə́ malang kə horoó ō, kə kaskaraá ō. Yo a to ngá̰ý.

EJEKIEL 38:22

M-ā m̄-gān̄g sarya dɔí tə́ kadə̄ mo̰y ngāl̄bɔ̄gīí əsō dɔí tə́ ō, kadə̄ óy ta rɔ̄ɔ̄ tə́ ō. M-ā m-ə́la kə man̄ kə́ edə ngá̰ý ō, kɔ̄sə̄ ō, hor bursu ō, bumbə́ru kə́ təngā ō, dɔí tə́ ō, dɔ ngé rɔ̄ɔ̄ yāí gə̄ tə́ ō, dɔ de kə́ ngá̰ý gə̄ ń ɓoon̄ rɔ̄də́ tū yāí tə́ ní ō.

JEJU TEĒ KUM JA̰A̰ 16:16

Ndíĺ kə́ majaĺ gə̄ ní ɔsən̄ dɔ mban̄g gə̄ naā tə́ loo ń a ɓārə́n̄ kə ta Hebəro na i Harmagedo̰ ní tə́.

EJEKIEL 39:11

Kum mbang ngeé ń noō tə́ ní, m-ā m-ādə̄ Gog loo, loo ngeé ń noō tə́ kadə̄ dubə̄nən̄ tū tə́ dɔ nang kə́ Israel tə́. I kem wól loo ń rīn na i Ngé mān̄ róbə gə̄ ní tə́. Ré deē ra bā bo tə́ anī, loo ní i kə̄ dām̄ kə́ gír ɓē tə́ ō, bəlo ɓádə́ ní a ɔgə̄ ngé mān̄ róbə gə̄ mān̄ ō. A dubə̄n̄ Gog ō, ngé rɔ̄ɔ̄ yān gə̄ malang ō, i loo ngeé ń noō tə́. A əndān̄ rī loo ní na i Wól loo yā Kósə de gə̄ yā Gog.

EJEKIEL 35:10

Ḭ̄ ə́da na ɓē ko̰o̰ kə́ jōó gə̄ yā Israel ō, yā Juda ō, na a télən̄ ɓē ko̰o̰ yāí gə̄, ə́da na ā ī-taā ɓē gə̄ ń Kɔ́ɔ̄ɓē na ndi kemeé ní.

JEREMI 25:31

Kōn ɓār̄ bátə́ ugə̄ ta ngóy dɔ nang tə́, tɔdɔ̄ Kɔ́ɔ̄ɓē nējə̄n̄ naā najə̄ tə́ kə nápar de gēé, ni-rāā sarya kə de gēé kógə̄ḿ kógə̄ḿ. Əya̰ de gə̄ ń najə̄ i dɔdə́ tə́ ní adə̄ oyn̄ yo kaskar. Najə̄ ń Kɔ́ɔ̄ɓē əda ní n noó.

JEJU TEĒ KUM JA̰A̰ 20:8

Nápar de gə̄ malang ń ndin̄ dɔ nang tə́ á i Gog nin̄ kə Magog ní, ni a teē yā kaw̄ rāādə́ kadə̄ ndúmə̄n̄. Ni a ɔsə dɔdə́ naā tə́ tām̄ yā rɔ̄ɔ̄ tə́ ō, kutə de gə̄ ní i ngá̰ý tītə̄ nán̄g ngárə̄ḿnjēý kə́ ta bā bo tə́ ō.

JEJU TEĒ KUM JA̰A̰ 16:14

Nin̄ i ndíĺ kə́ majaĺ gə̄ kə́ ngé rāā yá̰á̰ kə́ yáā gə̄. Nin̄-aw̄n̄ rɔ̄ mban̄g kə́ dɔ nang tə́ gə̄ tə́ malang yā kɔsə dɔdə́ naā tə́, tām̄ ndɔ̄ kə́ bo ngá̰ý ń i ndɔ̄ yā Nə́ɓā kə́ bo kə́ tɔ́gən i ngá̰ý ní tə́.

JEJU TEĒ KUM JA̰A̰ 16:6

Dan ń nin̄-ɓōkə́n̄ mósə deē yāí gə̄ ō, mósə́ ngé koō ta yāí gə̄ ō nang tə́ ní, i gō tə́ kadə̄ ādə̄də́ mósə kadə̄ a̰ȳn̄.

AMOS 1:11

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Edom gə̄ dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Nin̄ ngɔ̄də̄n̄ ngákó̰ó̰də́ Israel gə̄ kə kaskaraá jīdə́ tə́. Kumdə́ o̰o̰də́ tām̄ yādə́ tə́ sḛ́ý aĺ bátə́ asədə́ tɔ̄l̄ deē alé, sɔɔ̄ń wōn̄g kə́ kemdə́ tə́. Gír kəhɔ deē kem tə́ yādə́ gān̄g aĺ bátə́. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.

EJEKIEL 36:5

A̰á̰ā̰, mā Kɔ́ɔ̄ɓē Nə́ɓā, kem hor wōn̄g yāḿ kə́ ngá̰ý tə́ ní, m-ə́da kadə̄ i rɔ̄kum, m-ɔ̄r̄ najə̄ m̄-rɔ̄ɔń kə nápar de kə́ rang gə̄ ō, kə Edom kə taá malang ō. Nin̄ taān̄ ɓē yāḿ kə rɔ̄nel̄ kə́ ngá̰ý ō, kə kídə̄ loo kə́ ngá̰ý ō, yā kɔyń yá̰a̰ gə̄ kə́ kem loo gə̄ ń a aw̄n̄ kə yá̰a̰ kul̄ gēé ko̰ó̰ tū tə́ ní tə́.

EJEKIEL 25:8

Najə̄ ń Kɔ́ɔ̄ɓē Nə́ɓā ɔr̄ ní n toó: Moab gə̄ ədan̄ na: De gə̄ kə́ gír yā Juda tə́ gə̄ ton̄ i tītə̄ gotə nápar de gə̄.

JEREMI 49:1

Kə́ tām̄ yā Amon gə̄ tə́ ní, najə̄ ń Kɔ́ɔ̄ɓē əda ní n toó: Israel ojə ngōn̄ aĺ a? Ngé kán̄ ta yá̰a̰ ndəbān gə̄ gətóon̄ a? Ní, i tām̄ rí tə́ á ɓesə̄ Milkom o̰o̰ ɓē Gad tə́ ō, gír deē yān gə̄ ndin̄ kem ɓē gə̄ tə́ ō ní?

JEREMI 12:14

Najə̄ ń Kɔ́ɔ̄ɓē əda ní n toó: Madə̄ ɓēḿ gə̄ malang kə́ ngé kem ndul gə̄ ń əlan̄ jīdə́ ɔdən̄neé yá̰á̰ kənge ń m-ādə̄ Israel gír deē yāḿ gə̄ ní, m-ā m-ɔ̄r̄də́ kə ngəradə́ kɔ̄ɔ́ dɔ nang yādə́ tə́. M-ā m-ɔ̄r̄ de kə́ Juda tə́ gə̄ kə ngəradə́ kɔ̄ɔ́ ō dɔ dáńdə́ tə́.

2 YÁ̰A̰ GƏ̄ 20:26

Kə ndɔ̄ kə́ nge ko̰ sɔ́ anī əngen̄ naā wól loo ń a ɓārə́n̄ na i wól loo tɔ̄ȳ tə́ ní, tɔdɔ̄ nin̄ tɔyn̄ Kɔ́ɔ̄ɓē loo ń noō tə́. Adə̄ bátə́ ɓōólaā gə̄gē ní a ɓārə́n̄ loo ní na i wól loo tɔ̄ȳ.

JEJU TEĒ KUM JA̰A̰ 11:18

Nápar de gə̄ rāān̄ wōn̄g, ba i wōn̄g yāí ḭ̄ n reē rāā yá̰á̰ ní. Kum mbang kə́ yā gāngəń sarya dɔ de kə́ koy gə̄ tə́ asə ō, kum mbang kə́ yā kəndāń nja ngé kəla yāí gə̄ ń i ngé koō ta gə̄ ō, i deē yāí gə̄ ō, ngé ɓōĺ rīí gə̄ ō ń nin̄ i de kə́ dūú gə̄ ō, kə́ bo gə̄ ō ní, asə ō, kum mbang nujə ngé nujə dɔ nang gə̄ asə ō.

IJAI 66:18

Kɔ́ɔ̄ɓē əda na: m̄-ger̄ yá̰a̰ rāādə́ ō, gír̄ yādə́ ō. m̄-reē i kɔsə dɔ nápar de gə̄ malang kə́ ta kɔr̄də́ i tayā tayā tə́ kə̄ naā tə́. Nin̄ a reēn̄ ō, a a̰a̰n̄ kɔsə go̰n yāḿ ō.

JEREMI 50:17

Kété ní Israel i batə̄ kə́ ra kə keŕneé adə̄ ɓɔl gə̄ ngɔ̄də̄nən̄. I mban̄g kə́ Asiri tə́ n ənī ta kəsan ta kəga dɔ ní. Gō tə́ anī, i Nabukodonosor, mban̄g kə́ Babilon tə́ n əsan bátə́ ngor kə̄ngān dɔ tə́ ní.

EJEKIEL 34:6

Ɓūtə̄ yá̰a̰ kul̄ yāḿ gə̄ aw̄ tḭ̄ḭ̄n̄ ta rɔ̄də́ kə̄ dɔ mbal̄ gə̄ tə́ ō, kə̄ dɔ ngán mbal̄ gə̄ tə́ ō. Batə̄ yāḿ gə̄ tə̄ndān̄ naā tḭ̄ḭ̄n̄ kə̄ loo gə̄ tə́ kem ɓēé kə taá malang. Deē aw̄ sāādə́ aĺ ō, deē əndā kumən gíŕdə́ tə́ aĺ ō.

EJEKIEL 36:1

Ngōn̄ deē, najə̄ yā mbal̄ gə̄ kə́ Israel tə́ ń m-ə̄ndā taí tə́ ní, ɔ̄r̄ ngɔlaā. Ī-mēr̄də́ koō najə̄ gə̄ ń mā Kɔ́ɔ̄ɓē Nə́ɓā m-ɔ̄r̄ sedə́ ní.

MISE 4:12

De gə̄ ngeé ń noō ní, nin̄ gerə̄n̄ yá̰a̰ gə̄ ń Kɔ́ɔ̄ɓē ɔjə rāā ní alé. Yá̰a̰ gə̄ ń ni gír̄ rāā ní, nin̄ gerə̄n̄ kum alé. Ni gḛy kɔsə njadə́ kə̄ naā tə́ tītə̄ loo kɔsə dɔ do̰ō̰ kōō gémē kə̄ naā tə́ beē, ndágə loo kənda kōō gémē tə́ tə́.