JOEL 2:3 - Bibəl ta Sar̄

³ Hor o̰o̰ loo kété nodə́ tə́ ō, ɓáa, ta ndo̰ hor kə́ o̰o̰ bəlim bəlim i gōgə̄ gōdə́ tə́ ō. Ɓē to kété nodə́ tə́ i tītə̄ ndɔr̄ kə́ Eden beē. Ba ré mānə̄n̄ i dəla loo kə́ nujə sák sák kɔ̄ɔ́ beē. Yá̰á̰ kógə̄ḿ kə́ teē ta jīdə́ tə́ gətóo.

Bible sar

³ Hor o̰o̰ loo kété nodə́ tə́ ō, ɓáa, ta ndo̰ hor kə́ o̰o̰ bəlim bəlim i gōgə̄ gōdə́ tə́ ō. Ɓē to kété nodə́ tə́ i tītə̄ ndɔr̄ kə́ Eden beē. Ba ré mānə̄n̄ i dəla loo kə́ nujə sák sák kɔ̄ɔ́ beē. Yá̰á̰ kógə̄ḿ kə́ teē ta jīdə́ tə́ gətóo.

JOEL 2:3 Referans Kwoze

IJAI 51:3

Kum Kɔ́ɔ̄ɓē o̰o̰n tām̄ yā Siyo̰ tə́, kumən o̰o̰n tām̄ yā gájə́ kújə yān gə̄ tə́. Ɓē ń toō ń de kə́ kemeé gə̄ gətóon̄ ní, ni a tūrə̄n kadə̄ tél loo kə́ majə ngá̰ý. Ni a rāā dɔ nang kə́ tutə ń toō kadə̄ tél ndɔr̄ kə́ Eden. Rɔ̄nel̄ kə́ ngá̰ý ō, pā tɔ̄ȳ ō, yá̰á̰ kə́ ɓār̄ gōsə̄ ō, a to loo ń noō tə́.

TA KƏLA 2:8

Gō tə́ anī, Kɔ́ɔ̄ɓē Nə́ɓā rāā ndɔr̄ gō nang kə́ Eden tə́, dām̄ kə́ gír ɓē tə́, ba əndā deē ní tū tə́.

JAKARI 7:14

m̄-rāā adə̄ nin̄ aw̄n̄ kə̄ dan gír de gə̄ kə́ nin̄ gerə̄n̄də́ kété aĺ tə́. I tītə̄ ń noō n de gə̄ nujənə̄ń ɓē yādə́ gotədə́ tə́, dan ń nin̄ aw̄n̄ kɔ̄ɔ́ tə́ ní. Ɓē yādə́ ní, de kə́ aw̄ tū tə́ gətóo ō, de kə́ ḭḭ tū tə́ reē gətóo ō. Ɓē kə́ majə asə naā beé, nin̄ rāān̄ adə̄ tél loo kə́ nujə sák sák kə́ ra dɔ naā tə́ bing.

Teē Ngán Israel gə̄ 10:15

Yḭm̄ gə̄ ní taān̄ loo dɔ nang tə́ malang adə̄ dɔ nang tél ndul mikəri. Nin̄-əsan̄ mu gə̄ ō, kan̄ kāgə̄ gə̄ ō ń kɔ̄sə̄ nujəń aĺ ní, adə̄ dɔ nang kə́ Ejiptə malang ndágə doy ō, kāgə̄ kógə̄ḿ kə́ mbīn na̰y dɔ tə́ gətóo ō.

Teē Ngán Israel gə̄ 10:5

Na a taān̄ loo dɔ nang yān tə́ kadə̄ deē a a̰a̰ loo kə́ karī alé. Na gotə kōō kə́ sḛ́ý beē ń kɔ̄sə̄ tɔ̄l̄ aĺ ní, na a əsan̄ kɔ̄ɔ́ malang, na a əya̰n̄ yá̰á̰ kógə̄ḿ kadə̄ na̰y dɔ kāgə̄ kə́ bembeé gə̄ tə́ alé.

AMOS 7:4

Yá̰á̰ ń Kɔ́ɔ̄ɓē Nə́ɓā rāā adə̄ m-á̰a̰ā̰ ɓáý to̰ ní n toó: Ni sāā gān̄g sarya kógə̄ḿ kə horoó. Loo təngā rāā adə̄ man̄ kə́ gíŕ nángāá iī kɔ̄ɔ́ ō, loo təngā ní əla hor dɔ ɓē kə́ Israel tə́ ō.

JEREMI 5:17

Əsan̄ kōō yāí ō, mápa yāí ō. Nin̄ əsan̄ ngání kə́ dəngam gə̄ ō kə́ dəyá̰ gə̄ ō. Əsan̄ yá̰a̰ kul̄ yāí kə́ dūú ō, kə́ bo ō. Əsan̄ kan̄ kāgə̄ nduú yāí ō, kan̄ kāgə̄ kótə̄ yāí ō. Nin̄ reēn̄ kə kaskaraá nujən̄neé ɓē yāí kə́ ngan̄g gə̄ ń ī-ndi kemeé kanjə̄ sōl̄ yá̰á̰ kógə̄ḿ ní.

PĀ GƏ̄ 50:3

Ādə̄ Nə́ɓā yājí reē ba ndi tan mbóo alé! Hor kógə̄ḿ a o̰o̰ loo kété non tə́ ō, néĺ kə́ ngan̄g ngá̰ý əla kə gō gidəneé ō.

TA KƏLA 13:10

Lot un kumən kə́ dɔɔ́ anī a̰a̰ ndágə loo kə́ Jurdḛ tə́ ń man̄ aw̄ tū tə́ majə ní. Kété tá kadə̄ Kɔ́ɔ̄ɓē nujə Sodom ō, Gomor ō ní, ndágə loo kə́ Jurdḛ tə́ ní to i tītə̄ loo kə́ kem ndɔr̄ yā Kɔ́ɔ̄ɓē tə́ ō, to i tītə̄ dɔ nang kə́ Ejiptə tə́ ō, bátə́ ugə̄ń Soar.

PĀ GƏ̄ 97:3

Hor kógə̄ḿ njə̄rā non tə́, o̰o̰ madə̄ ba̰ā̰n gə̄ kə gō gidəneé.

IJAI 9:18

Hor o̰o̰ ɓē sɔɔ̄ ń wōn̄g yā Kɔ́ɔ̄ɓē kə́ bo kə́ tɔ́gən i ngá̰ý. To tītə̄ kə́ hor a o̰o̰ i gír de gə̄ beé. De kə́ kumən o̰o̰n tām̄ yā ngōkó̰o̰n tə́ gətóo.

IJAI 9:19

De gə̄ rə́yā̰n̄ dāmə̄n kə́ ko̰ó̰, banī ɓō rāādə́ ɓáý. Nin̄ do̰ō̰n̄ dāmə̄n kə́ geleé, banī ndānə̄n̄ alé. Náā nəkɔ́ ɓáa ənī madə̄ ɓēn i rɔ̄ɔ̄.

IJAI 14:17

Ni ń kété rāā dɔ nang adə̄ tél dəla loo ō, nujə ɓē bo gə̄ ō, mbātə́ kəya̰ dəngáy gə̄ dɔɔ́ ō ní.

IJAI 15:6

Dang man̄ kə́ Nimrim tél i dəla loo kə́ rɔ̄nel̄ gətóo tū tə́. Kāgə̄ gə̄ tutən̄ ō, mu gətóo kɔ̄ɔ́ ō. Yá̰á̰ kə́ to ɓōĺ gətóo.

EJEKIEL 36:35

Adə̄ de gə̄ a ədan̄ na: Ɓē ń toō ń i kə́ nujə kɔ̄ɔ́ ní, tél to tītə̄ ndɔr̄ kə́ Eden beé. Ɓē gə̄ ń télən̄ i kɔkərɔ kə́ kán̄ dɔ naā tə́ bing gə̄ ní, ɓē gə̄ ń i kə́ nujə kɔ̄ɔ́ gə̄ ō, de gə̄ əya̰n̄ kɔ̄ɔ́ ō ní, tél rāān̄ gogə́ rang ō, de gə̄ tél ndin̄ kemeé gogə́ ō.

IJAI 33:4

Loo ń noō tə́ kɔy yá̰a̰ kənge dɔ gúú tə́ əla gír. De gə̄ ton̄ tītə̄ yim̄ gə̄ beé. De gə̄ urən̄ naā kə̄ dɔ yá̰a̰ kənge gə̄ tə́ tītə̄ yim̄ gə̄ kə́ ton̄ tītə̄ kil̄ man̄ beé.

HABAKUK 1:6

Babilon gə̄ ń i gír de kə́ ngé rāā yá̰a̰ kə dɔ́nɔ́ gə̄ ō, kumdə́ o̰o̰də́ aĺ ō ní, m-ā m̄-reē sedə́. Nin̄-aw̄n̄ kə̄ loo gə̄ tə́ malang dɔ nang tə́ yā taā gō nang gə̄ ń i yādə́ aĺ ní.