JOEL 2:26 - Bibəl ta Sar̄

²⁶ Ā ə́saī yá̰a̰ kadə̄ ndān̄sí. Ā ī-tɔ̄yī rī Kɔ́ɔ̄ɓē Nə́ɓā yāsí ń rāā yá̰á̰ kə́ to kɔr kum gə̄ tām̄ yāsí tə́ ní. Rɔ̄ gír deē yāḿ gə̄ a sɔl̄də́ to̰ aĺ bátə́.

Bible sar

²⁶ Ā ə́saī yá̰a̰ kadə̄ ndān̄sí. Ā ī-tɔ̄yī rī Kɔ́ɔ̄ɓē Nə́ɓā yāsí ń rāā yá̰á̰ kə́ to kɔr kum gə̄ tām̄ yāsí tə́ ní. Rɔ̄ gír deē yāḿ gə̄ a sɔl̄də́ to̰ aĺ bátə́.

JOEL 2:26 Referans Kwoze

Makətūbə̄ ń Pol ndang adə̄ Rom gə̄ ní 10:11

Tɔdɔ̄ makətūbə̄ əda na: Deē malang ń a taā kem Jeju ní rɔ̄n a sɔlə̄n alé.

PĀ GƏ̄ 22:26

Kɔ́ɔ̄ɓē, i ḭ̄ n ī-rāā adə̄ m̄-ɓókíī tɔ̄ȳ dan kósə́ ngé kán̄ naā kə́ ngá̰ý gə̄ tə́ ní. M-ā m̄-ra dɔ ndūḿ ń m-ə̄nī m-ādī tə́ ní ta kum ngé ɓōĺ ndílí gə̄ tə́.

Makətūbə̄ ń Pol ndang adə̄ Rom gə̄ ní 5:5

Ba deē ń əndā kemən dɔ Nə́ɓā tə́ ní, a ənge rɔ̄sɔl̄ loon tə́ alé, tɔdɔ̄ Nə́ɓā əla tár yān kemjí tə́ i kə ta kūl̄ Ndíĺ kə́ Táĺ ń adə̄jí ní.

NDŪ NAJƏ̄ 12:7

Ā ə́saī i loo ń noō tə́ ta kum Kɔ́ɔ̄ɓē Nə́ɓā yāsí tə́ kə gír kojə yāsí gēé. Ā ī-rāāī rɔ̄nel̄ dɔ kəla malang ń ī-rāāī á Kɔ́ɔ̄ɓē Nə́ɓā yāsí rāā adə̄ teē yá̰á̰ tə́ ní.

IJAI 49:23

Mban̄g gə̄ a ətōn̄ ngání gə̄, ngáń kə́ dəyá̰ yā mban̄g gə̄ a adə̄n̄də́ yá̰a̰ kəsa. Nin̄ a ɔsən̄ kejədə́ nang tə́ noí tə́, a ɔsən̄ nodə́ nang tə́. Nin̄ a tō̰nə́n̄ bumbə́rú kə́ njaí tə́. Loo ń noō tə́ ā ī-ger̄ kadə̄ mā i Kɔ́ɔ̄ɓē ō, ngé gə̄ ń əndān̄ kemdə́ dɔḿ tə́ ní, rɔ̄də́ a sɔl̄də́ aĺ ō.

IJAI 45:17

Banī Kɔ́ɔ̄ɓē ajə gír de gə̄ yā Israel, ni ajədə́ i kə́ njɔ́ḿ gə̄ tə́. A nujən̄də́ to̰ aĺ ō, a əlan̄ rɔ̄sɔl̄ dɔdə́ tə́ to̰ aĺ ō.

LEBI GƏ̄ 26:5

Ā ī-səɓāī kōō bátə́ yā kugə̄ń dan yā kəja kan̄ kāgə̄ nduú gə̄ tə́ ō, ā ə́jaī kan̄ kāgə̄ nduú gə̄ bátə́ yā kugə̄ń dan yā dubə̄ kōō gə̄ tə́ ō. Ā ə́ngeī yá̰a̰ kəsa ngá̰ý ō, ā ī-ndiī kem ɓē yāsí tə́ kanjə̄ sōl̄ yá̰á̰ kógə̄ḿ ō.

1 JA̰A̰ 2:28

I beé ní, ngánə́ḿ kə́ dūú gə̄, ī-ndiī kemən tə́, yā kadə̄ ndɔ̄ ń ni a teē hɔy tə́ anī, jə-ndiī kanjə̄ sōl̄ yá̰á̰ kógə̄ḿ ō, kanjə̄ kadə̄ jḭḭ̄ i sa̰y rɔ̄n tə́ kə rɔ̄sɔlɔ̄ɔ́ ndɔ̄ télən tə́ ō.

Makətūbə̄ ń Pol ndang adə̄ Rom gə̄ ní 9:33

tītə̄ ń ndangən̄ kem makətūbūú ní, ndangən̄ na: Á̰a̰ī, m-ə̄ndā mbal̄ kə́ a tə́gā de gə̄ kem ɓē kə́ Siyo̰ tə́, mbal̄ bo kə́ a tə́gā de gə̄ tə́nīdə́. Ba deē ń taā kemən ní rɔ̄n a sɔlə̄n alé.

IJAI 54:4

Ī-lōō ɓōĺ na rɔ̄í a sɔlī ngá̰ý to̰ alé. Ī-lōō kadə̄ kemií nujə na a tájīn̄ to̰ alé. Dɔí a ndígə̄nal rɔ̄í ń sɔlī dan ń ī-na̰y ngōn̄ ɓáý tə́ ní. Ndū gə̄ ń tájīn̄ dan ń ḭ̄ i dəyá̰ kə́ ngaa koy ní, dɔí a ndígə̄nal kɔ̄ɔ́.

IJAI 25:1

Kɔ́ɔ̄ɓē, ḭ̄ i Nə́ɓā yāḿ. M-ā m-ə́ga kɔŕ yā kɔsəń gɔn rīí. A̰á̰ā̰, yá̰á̰ kə́ majə ngá̰ý gə̄ ń ḭ̄ ī-núm̄ ní, ḭ̄ ī-rāā yá̰a̰ gə̄ ní adə̄ reē udən̄ gíŕ kə́ rɔ̄ tə́. Yá̰a̰ gə̄ ní ran̄ ngan̄g i jóó ngá̰ý, nin̄ ngangə̄n̄ ō, ton̄ kum gotədə́ beē ō.

JAKARI 9:17

Rɔ̄də́ a nel̄də́ rɔ̄kum ō, nin̄ a majən̄ deē rɔ̄kum ō! Kōō gémē a adə̄ balsáa gə̄ tɔ́gə ō, kasə nduú kə́ kijə a adə̄ ngámandə gə̄ tɔ́gə ō.

JAKARI 9:15

Kɔ́ɔ̄ɓē kə́ bo kə́ tɔ́gən i ngá̰ý a ngɔ̄m̄ de gə̄ kə́ dan gír deē yān gə̄ tə́. Kɔkərɔ gə̄ kə́ kem bējə̄ gə̄ tə́ ní, nin̄ a nujənə̄ń kɔ̄ɔ́ ō, a tɔ̄ɔ̄n̄ kɔ̄ɔ́ ō. A ɓōkə́n̄ mósə madə̄ ba̰ā̰də́ gə̄ nang tə́ tītə̄ kasə nduú beē. Nin̄ a ɓōkə́n̄ tītə̄ mósə dā̰ kə́ tɔ̄l̄ yā tun̄ beé, kem bay ndējə̄ yá̰á̰ tə́, aláa tītə̄ mósə́ kə́ ɓōkə́ tū gajə gə̄ kə́ kíl loo tun̄ yá̰á̰ tə́ beē.

SOPONI 3:11

Ndɔ̄ ń noō tə́ ní, rɔ̄ gír deē yāḿ gə̄ a sɔl̄də́ najə̄ yá̰a̰ rāādə́ gə̄ malang kə́ majaĺ tə́ to̰ aĺ ō, najə̄ yá̰á̰ ń nin̄ rāān̄ seḿ tə́ ní to̰ aĺ ō. Tām̄ kum mbang ngeé ń noō tə́ ní, de gə̄ ń noō malang ń əgōn̄ ɔjənə̄ń rɔ̄də́ ní, m-ā m-ɔ̄r̄də́ kɔ̄ɔ́ ɓēé loosí ō, a asəsí jā̰ā̰ bɔ̄gə̄sí dɔ mbal̄ bo yāḿ kə́ táĺ tə́ ō.

IJAI 29:22

I tām̄ najə̄ ń toō tə́ ń, Kɔ́ɔ̄ɓē ń ajə Abəraham ní ɔr̄ najə̄ kə kojə yā Jakob gēé i beé ní: Ngɔlaā ní gír deē yā Jakob gə̄ a nalə̄n̄ yá̰á̰ ń nin̄ əndan̄ kemdə́ dɔ tə́ ní to̰ alé, rɔ̄də́ a sɔl̄də́ ngá̰ý to̰ alé.

TA KƏLA 33:11

Adə̄ m̄-rāāī ɓɔ́ ba ī-taā kadə̄ karī ń m-ə́lań m-ādī ní, tām̄ Nə́ɓā rāā kem majə seḿ asə kə̄ ta tə́, adə̄ m̄-nal̄ yá̰á̰ kógə̄ḿ alé. Jakob ra kə Esauú ngá̰ý adə̄ Esau taā

1 TIMOTE 6:17

Ə́dá ngé kənge yá̰á̰ ngá̰ý kə́ dɔ nang tə́ laā gə̄ kadə̄ ɔjən̄ rɔ̄də́ alé. Ə́dádə́ ādə̄ əndān̄ kemdə́ dɔ yá̰a̰ kənge kə́ a mān̄ kɔ̄ɔ́ tə́ alé, banī kadə̄ əndān̄ kemdə́ dɔ Nə́ɓā ń i nge kadə̄jí yá̰a̰ malang ngá̰ý tə́ kadə̄ jə-gerī nelə̄n̄ ní tə́.

IJAI 55:2

Yá̰a̰ kəsa kə́ ə́sa anī ul̄ rɔ̄í ní, úń nar ādə̄ gírí i tām̄ rí tə́? Yá̰á̰ kə́ ə́sa anī ndānī aĺ ní, ī-njə́ɓā rɔ̄í najə̄n tə́ i tām̄ rí tə́? Ōōī najə̄ yāḿ majə, anī ā ə́ngeī yá̰á̰ kə́ majə gə̄ yā kəsa, ā ī-nāāī yá̰á̰ kə́ nel̄ gə̄.

PĀ KƏ́ MAJƏ 5:1

Ngōkó̰ó̰ḿ kə́ dəyá̰, nge nong yāḿ, m̄-reē kem ndɔr̄ yāḿ tə́. M-ɔ̄r̄ nō kāgə̄ mír yāḿ naā tə́ kə nō kāgə̄ bomə yāḿ. M-ə́sa mbar̄ tejə yāḿ ō, m-ó̰o̰ yibə̄ tejə yāḿ ō. M-ā̰ȳ kasə nduú yāḿ ō, m-ā̰ȳ mba yāḿ ō! Madə̄ḿ gə̄, ə́saī yá̰a̰ ō, ā̰yī ō, ādī tár rāāsí kə́ kasə tə́!

Gōsə̄ najə̄ gə̄ 13:25

De kə́ súmūú əsa yá̰a̰ ndān̄ banī ɓō rāā ngé kem ndul gə̄.

PĀ GƏ̄ 116:7

Kemḿ, majə kadə̄ ī-tetə kə̄ nang tə́, tɔdɔ̄ Kɔ́ɔ̄ɓē rāā majə seí.

PĀ GƏ̄ 103:5

Ni ngɔ̄m̄ ɓə́gáí kə yá̰a̰ kəsa yān kə́ majə gēé ō, rāā adə̄ ī-tél de kə́ balsáa ō, ɔ́l watang tītə̄ kə̄rō ō.

PĀ GƏ̄ 72:18

Ādə̄ ɓōkə́n̄ Kɔ́ɔ̄ɓē Nə́ɓā yā Israel tɔ̄ȳ! I nəkɔ́ ngóy n i nge rāā yá̰á̰ kə́ kɔr kum gə̄ ní.

PĀ GƏ̄ 37:19

Dan yá̰á̰ kə́ to kum kaȳ aĺ tə́ anī rɔ̄də́ a sɔl̄də́ aĺ ō, dan yā ɓō tə́ anī nin̄ a ndānə̄n̄ ō.

PĀ GƏ̄ 13:6

Mā m-ə̄ndā kemḿ i dɔ ndūí ń ī-ra dɔ tə́ ní, ādə̄ m̄-rāā rɔ̄nel̄ kajə kə́ ájəm̄. Ādə̄ m-ə̄nī pā m̄-rɔȳń Kɔ́ɔ̄ɓē tām̄ majə ń rāā seḿ tə́ ní.

NEHEMI 9:25

Nin̄ taān̄ ɓē kə́ ngan̄g gə̄ ō, nang kə́ teē kōō ngá̰ý gə̄ ō, kújə́ kə́ yá̰a̰ kənge rosə kem gə̄ ō, bəlo man̄ kə́ ndēr̄ kɔ̄ɔ́ gə̄ ō, kāgə̄ nduú gə̄ ō, kāgə̄ olibə gə̄ ō, gotə kāgə̄ kə́ rang kə́ kan̄ gə̄ ō. Nin̄ əsan̄ yá̰a̰ ō, əsa ndānə̄n̄ ō, boon̄ lúbə́ lúbə́ ō, ndin̄ dan rɔ̄nel̄ tə́ ō, i kə ta kūl̄ rāā kem majə yāí kə́ ngá̰ý.

NDŪ NAJƏ̄ 12:18

Ā ə́saī i ta kum Kɔ́ɔ̄ɓē Nə́ɓā yāsí tə́ ngóy, kem loo ń ni a gə̄rā tə́ ní. Ā ə́saī i kə ngáńsí kə́ dəngam gə̄ ō, kə́ dəyá̰ gə̄ ō, ngé kəla yāsí kə́ dəngam gə̄ ō, kə́ dəyá̰ gə̄ ō, kə ngán Lebi gə̄ ń ndin̄ kem ɓē yāsí gə̄ tə́ ní ō. Ā ī-rāāī rɔ̄nel̄ ta kum Kɔ́ɔ̄ɓē Nə́ɓā yāsí tə́ dɔ kəla malang ń ī-rāāī tə́ ní.

NDŪ NAJƏ̄ 12:12

Ā ī-rāāī rɔ̄nel̄ ta kum Kɔ́ɔ̄ɓē Nə́ɓā yāsí tə́ kə ngáńsí kə́ dəngam gə̄ ō, kə́ dəyá̰ gə̄ ō, kə ngé rāā kəla yāsí gə̄ kə́ dəngam gə̄ ō, kə́ dəyá̰ gə̄ ō, naā tə́ kə ngán Lebi gə̄ ń ndin̄ kem ɓē yāsí gə̄ tə́ ní, tām̄ nin̄ əngen̄ dɔ nang yādə́ dɔ dáńsí tə́ alé.

NDŪ NAJƏ̄ 8:10

Ā ə́saī yá̰a̰ tū tə́ kadə̄ ā ī-ndānī ō, ā ə́daī najə̄ kə́ majə dɔ Kɔ́ɔ̄ɓē Nə́ɓā yāsí ń adə̄sí dɔ nang kə́ majə ní tə́ ō.

LEBI GƏ̄ 26:26

Loo ń m-ā m-ɔ̄gə̄sí yá̰a̰ kəsa ní, dəyá̰ gə̄ kutə̄ a ɓoon̄ naā dɔ sīl̄ kə́ kógə̄ḿ beē tə́ yā ndīrəń yá̰a̰ adə̄ a ndān̄sí alé a ɔjən̄ i mbée n a adə̄n̄sí ní.

MISE 6:14

Ā ə́saī yá̰a̰, banī ɓō a rāāsí ɓáý. Ā ī-gerī yá̰á̰ ń i ɓō kə́ əsō ní. Ā ī-ngɔ̄mī yá̰a̰ kəsa tām̄ yāsí tə́, banī a to ta kaw̄ jóo alé. Ba ré ī-ngɔ̄mī yá̰á̰ kə́rēý anī, m-ā m̄-nujəń kɔ̄ɔ́ kə rɔ̄ɔ́.

NDŪ NAJƏ̄ 11:15

M-ā m̄-rāā kadə̄ dɔ nang yāsí gə̄ a əɓan̄ mu tām̄ yā dā̰ yāsí gə̄ tə́ ō, ā ə́saī yá̰a̰ kadə̄ ā ī-ndānī ō.

PĀ GƏ̄ 67:5

Ādə̄ nápar de gə̄ ənīn̄ pā kə rɔ̄nelēé. Tɔdɔ̄ ḭ̄ ó̰o̰ ɓē dɔ gír de gə̄ tə́ i kə gō róbə́ kə́ súmūú ō, ɔ́r no nápar de gə̄ dɔ nang tə́ ō.

LEBI GƏ̄ 25:19

Kan̄ yá̰á̰ kə́ dɔ nang tə́ gə̄ a teēn̄ kadə̄ ə́saī kadə̄ asəsí ō, ā ī-ndiī kem ɓēé kanjə̄ sōl̄ yá̰á̰ kógə̄ḿ ō.