JOEL 2:23 - Bibəl ta Sar̄

²³ Sḭḭ̄, de kə́ Siyo̰ tə́ gə̄, adə̄ rɔ̄sí nel̄sí ngá̰ý ō, ī-rāāī walya ō, najə̄ yā Kɔ́ɔ̄ɓē Nə́ɓā yāsí tə́. Tɔdɔ̄ ni-adə̄sí man̄ ta ɓar yā kajəńsí, ni-rāā adə̄ man̄ edə ngá̰ý dɔsí tə́, adə̄ man̄ ta ɓar ō, man̄ ta ɓāl̄ ō, edə dɔsí tə́ tītə̄ kə́ kété jóo.

Bible sar

²³ Sḭḭ̄, de kə́ *Siyo̰ tə́ gə̄, adə̄ rɔ̄sí nel̄sí ngá̰ý ō, ī-rāāī walya ō, najə̄ yā Kɔ́ɔ̄ɓē Nə́ɓā yāsí tə́. Tɔdɔ̄ ni-adə̄sí man̄ ta ɓar yā kajəńsí, ni-rāā adə̄ man̄ edə ngá̰ý dɔsí tə́, adə̄ man̄ ta ɓar ō, man̄ ta ɓāl̄ ō, edə dɔsí tə́ tītə̄ kə́ kété jóo.

JOEL 2:23 Referans Kwoze

PILIPƏ 4:4

Ī-rāāī rɔ̄nel̄ kə ndɔ̄ gə̄ najə̄ ɓoo kə́ ī-ɓooī naā kə Kɔ́ɔ̄ɓēé tə́. m̄-tél m-ə́dásí to̰: Ī-rāāī rɔ̄nel̄!

LEBI GƏ̄ 26:4

m-ā m̄-rāā kadə̄ man̄ edə tām̄ yāsí tə́ kə dɔ nān gēé. Dɔ nang a teē kōō ō, kāgə̄ gə̄ a anə̄n̄ ō.

OJEE 6:3

Loo ń noō tə́ ní, ādə̄ j-a̰a̰ī jə-gerī kadə̄ Kɔ́ɔ̄ɓē i Nə́ɓā. Ādə̄ jə-sāāī loo gerə̄n kə́ rɔ̄kum tə́. Ni a reē rɔ̄kum tītə̄ ń loo a tīiń rɔ̄kum ní. Ni a reē kə̄ rɔ̄jí tə́ i tītə̄ man̄ kə́ a edə beé, i tītə̄ man̄ ta ɓāl̄ kə́ edə adə̄ dɔ nang sɔl̄ lum beé.

NDŪ NAJƏ̄ 11:14

m-ā m̄-rāā kadə̄ man̄ edə dɔ nang yāsí tə́ kə dɔ nāāneé: M-ā m̄-rāā kadə̄ man̄ ta ɓar ō, man̄ ta ɓāl̄ ō, edən̄ dɔ nang yāsí tə́ kadə̄ ə́ngeīneé kōō gémē ō, kasə nduú ō, yibə̄ ō.

IJAI 41:16

Ā ī-tə́nīdə́ kum kə̄ dɔɔ́ ō, nél a aw̄ sedə́ kɔ̄ɔ́ tītə̄ ń aw̄ń kə muú kɔ̄ɔ́ ní ō. Nél man̄ kə́ əla kə tɔ́gɔ́ a ɔydə́ yā kaw̄ sedə́ kə̄ loo gə̄ tə́. Banī ḭ̄ ā ə́ga kɔŕ rɔ̄nel̄ najə̄ yā Kɔ́ɔ̄ɓē tə́, ā ə́nda kadií najə̄ yā Nə́ɓā kə́ táĺ yā Israel tə́.

PĀ GƏ̄ 149:2

Ādə̄ Israel rāā rɔ̄nel̄ nge kəndān. Ādə̄ ngáń kə́ Siyo̰ tə́ gə̄ rāān̄ rɔ̄nel̄ ngá̰ý tām̄ yā mban̄g yādə́ tə́.

PILIPƏ 3:1

Ba ngɔlaā ní ngákó̰ó̰ḿ gə̄, ī-rāāī rɔ̄nel̄ najə̄ ɓoo ń ī-ɓooī naā kə Kɔ́ɔ̄ɓēé ní tə́. M-ɔ́r loo ndang yá̰á̰ kə́ kógə̄ḿ beē tə́ yā kadə̄sí kə̄ nja naā tə́ alé. Tām̄ yāsí tə́ ɓáa i nge ń noō n kadə̄ ī-raī dɔ tə́ ngan̄g ní.

JAKARI 10:1

Ī-dəjeī Kɔ́ɔ̄ɓē man̄, dan ń ndɔr̄ gə̄ a gḛyn̄ man̄ ní. I ni n i nge rāā kadə̄ man̄ edə kə néĺ kə́ əla kə ngangá ngá̰ý ní. Ni a rāā kadə̄ man̄ edə ngá̰ý ō, ni a adə̄ de gə̄ kógə̄ḿ kógə̄ḿ mu kə́ ndɔrɔ́ ō.

PĀ GƏ̄ 28:7

Kɔ́ɔ̄ɓē i loo ɓɔ̄ɔ̄ rɔ̄ yāḿ kə́ ngan̄g ngá̰ý ō, i der yāḿ ō. M-ə̄ndā kemḿ dɔn tə́, anī ni dḭḭ̄m̄. Adə̄ m̄-rāā walya ō m-ə̄nī pā m-ɔ́səń gɔnən ō!

IJAI 30:23

Loo ń noō tə́ Kɔ́ɔ̄ɓē a rāā kadə̄ man̄ edə dɔ kum yá̰a̰ gə̄ ń ī-dubə̄ tə́ ní ō, yá̰a̰ kəsa ń dɔ nang a adī ní a i ngá̰ý ō, a nel̄ ngá̰ý ō. Ndɔ̄ ngeé ń noō tə́ ní, ɓūtə̄ yá̰a̰ kul̄ yāí gə̄ a aw̄n̄ ko̰ó̰ loo kə́ bo tə́.

NDŪ NAJƏ̄ 32:2

Ādə̄ yá̰á̰ ndóō yāḿ gə̄ edən̄ tītə̄ man̄ ō, ādə̄ najə̄ kə́ taḿ tə́ teē tītə̄ tal kə́ a tə́sō ō, i tītə̄ man̄ kə́ edə dɔ mbī kámbə́ tə́ ō, dɔ mu tə́ ō.

NDŪ NAJƏ̄ 28:12

Kɔ́ɔ̄ɓē a teē ta man̄ yān kə́ majə kə́ dɔ rā̰ tə́ yā kadī, kadə̄ edə dɔ nang yāí tə́ kə dɔ nāāneé, kadə̄ kəla malang ń ī-rāā ní majə. Nápar de gə̄ ngá̰ý a tə̄nān̄ yá̰a̰ jīí tə́, banī ḭ̄ ā ī-tə̄nā yá̰a̰ alé.

PILIPƏ 3:3

I jḭḭ̄ n i ngé kəja mɔtə kə́ rɔ̄kum gə̄ ní ba i nin̄ alé, tām̄ jḭḭ̄ jə-rāāī kəla j-adī Nə́ɓā i kə Ndíĺ Nə́ɓāá ō, i Jeju Kərist n i kɔsə gɔn yājí ní ō, j-əndāī tɔ́gə́jí i dɔ rɔ̄jí jḭḭ̄ kɔ́ gə̄ tə́ aĺ ō.

JAKARI 10:7

De kə́ dəngam gə̄ kə́ Epəraim a əhɔn̄ rɔ̄də́ tɔgə, tītə̄ go̰ rɔ̄ɔ̄ gə̄ beé. Rɔ̄də́ a nel̄də́, tītə̄ kə́ a̰ȳn̄ i kasə nduú beé. Dan ń ngáńdə́ gə̄ a̰a̰n̄də́ anī, a rāān̄ rɔ̄nel̄ ō, a ndāmə̄n̄ ndām̄ rɔ̄nel̄ najə̄ yā Kɔ́ɔ̄ɓē tə́ ō.

JEREMI 5:24

Nin̄ mbātə́n̄ kəda kə̄ kemdə́ tə́ na: Jə-ɓōlíī ndíĺ Kɔ́ɔ̄ɓē Nə́ɓā yājí, Nə́ɓā ń adə̄ man̄ edə kə kum mbangneé, ɓaraá ō, ta ɓāl̄ tə́ ō ní ni ń gə̄rā dəmásə gə̄ kə́ yā sāań kōō adə̄jí ní.

PĀ GƏ̄ 104:34

Kɔ́ɔ̄ɓē, ādə̄ pā tə́da yāḿ nel̄ kemií ō, ādə̄ rɔ̄ḿ nelə̄m̄ dɔí tə́ ō.

JEREMI 3:3

Man̄ kə́ bo ngá̰ý edə alé najə̄ yāí tə́ ō, man̄ kaw̄ ɓēé edə aĺ ō. Ba ḭ̄ ī-to gír rāā ájə́ba tə́ kə̄ noí tə́ kanjə̄ kadə̄ rɔ̄í sɔlí.

IJAI 61:10

Rɔ̄nel̄ kə́ kemḿ tə́ al̄ naā najə̄ yā Kɔ́ɔ̄ɓē tə́. Dan wurəḿ rāā rɔ̄nel̄ najə̄ yā Nə́ɓā yāḿ tə́. A̰á̰ā̰, ni ajəm̄ ō, utə̄ gidə rɔ̄ḿ kə kajə yānneé tītə̄ kūbə̄ ngāl̄ kə́ yā kəla rɔ̄ tə́ kété pá tá yā kəla madə̄ dɔ tə́ beē ō. Ni ɓírə̄m̄ kə tetə rɔ̄ɔ̄ yānneé tītə̄ kūbə̄ beé. m̄-to tītə̄ balsáá kə́ taā dəyá̰ kijə, kə́ ənda dɔn kə kūbə̄ kə́ yā kəndań dɔ ndɔ̄ nāā tə́ beē, aláa m̄-to tītə̄ ngōmandə kə́ taā ngaa kijə, kə́ tə́lá yá̰á̰ súū rɔ̄ gə̄ rɔ̄n tə́ adə̄ adə̄ taā gidə rɔ̄n malang beé.

IJAI 30:21

Ā ōō najə̄ ń toō gidií tə́: Róbə n toó, majə kadə̄ ún āwń dām̄ kə́ ko̰ó̰ tə́, aláa dām̄ kə́ geleé tə́!

Gōsə̄ najə̄ gə̄ 16:15

Dan ń dɔ kum mban̄g nelə̄n anī de gə̄ ndin̄ majə! Kem majə yān to i tītə̄ man̄ kə́ rāā majə kə kōō gēé beē.

PĀ GƏ̄ 32:11

Sḭḭ̄ de kə́ gōtə́ gə̄ ḭ́ḭī bal walya najə̄ yā Kɔ́ɔ̄ɓē tə́ ō, ī-rāāī rɔ̄nel̄ ō. Sḭḭ̄ malang ń kemsí i súmūú ní, ə́gaī kɔŕ rɔ̄nel̄!

Makətūbə̄ yā Job 33:23

Ba ré deē yā Nə́ɓā kə́ dɔ rā̰ tə́ kógə̄ḿ i kadə nge mo̰y ní tə́, adə̄ i nge kɔr̄ najə̄ tām̄ yā deē tə́ kógə̄ḿ, kə́ kunən dan ngé kə́ dūbú gə̄ tə́, yā kadə̄ ter̄ kem nge mo̰y ní dɔ yá̰á̰ kə́ kadə̄ rāā tə́,

JAKARI 9:9

Ɓē kə́ Siyo̰, ī-ndām̄ kə tɔ́gí gēé malang! A̰á̰ā̰, ɓē kə́ Jerusalem, ə́ga kɔŕ rɔ̄nel̄! Á̰a̰ā̰, mban̄g yāí a reē kə́ rɔ̄í tə́. Ni i de kə́ nge rāā yá̰á̰ kə́ gōtə́ ō, nge tetə rɔ̄ɔ̄ ō, ni i de kə́ najə̄n gətóo ō. Ni-ndi i gidə kərō kógə̄ḿ tə́, adə̄ i gidə ngōn̄ kərōó kógə̄ḿ kə́ kó̰o̰n i noó tə́.

AMOS 4:7

M-ɔ̄gə̄sí man̄, adə̄ man̄ edə dɔsí tə́ alé nāā mətá kété no sāā kōō gə̄ tə́. m̄-rāā adə̄ man̄ edə dɔ ɓē kógə̄ḿ tə́ banī edə dɔ ɓē kə́ rang tə́ alé. M-ādə̄ man̄ edə dɔ ndɔr̄ kógə̄ḿ tə́ banī edə dɔ ndɔr̄ kə́rēý tə́ alé, adə̄ ndɔr̄ ní tutə kɔ̄ɔ́.

NŌŌ RƆ̄ 4:2

Ngán kə́ Siyo̰ gə̄ majən̄ ngá̰ý ō, gātə̄də́ asə kə yā lɔ́ŕ kə́ unjə̄ njáý njáý ō, ba i ba̰ý tā á rāān̄də́ i jóó nánjə́ ń i yá̰á̰ kə́ kɔdə̄ jóo rāā kə jīneé tə́ ní?

JAKARI 9:13

M-ā m-ún dɔ nang kə́ Juda tītə̄ loo kun ga̰ gərā kə́ yā rɔ̄ɔń beē. Epəraim a rāā rɔ̄n i kum gərā tə́. Ḭ̄ ɓē kə́ Jerusalem, m-ā m-ə́lá ngání gə̄ kadə̄ aw̄ ənīn̄ Gərek gə̄ rɔ̄ɔ̄. M-ā m-úńdə́ yā rāań kəla tītə̄ kaskar yā nge rɔ̄ɔ̄ beē.

KƏLA RĀĀ 14:17

Ɓá tā ba ni-əya̰də́ kanjə̄ kədadə́ najə̄ kə́ kum tə́ kə́ dɔ rāā majə yān tə́ alé. Tām̄ ni-adə̄sí man̄ kə́ dɔ rā̰ tə́ ō, ɓāl̄ gə̄ kə́ kōō gə̄ teēn̄ tū tə́ ngá̰ý ō, adə̄sí yá̰a̰ kəsa kə́ ə́saī adə̄ ndān̄ kemsí ō, rāā adə̄ kemsí nel̄sí ngá̰ý ō.

PĀ GƏ̄ 84:6

Rɔ̄nel̄ i kə deē ń ngan̄g i kə ta kūlīí ní, a əsō róbó ta kaw̄ kə̄ Jerusalem i kə kemən kə́ majaá.

1 MBAN̄G GƏ̄ 8:36

ḭ̄ ń ī-ndi dɔ rā̰ tə́ ní ī-nēl̄ mbīí ōoń ndūdə́ ba ī-mā̰ȳ rɔ̄í dɔ majaĺ yādə́ gə̄ tə́, tɔdɔ̄ nin̄ i ngé kəla yāí gə̄ ō, i gír deē yāí gə̄ ō. Ɔ́jə́də́ róbə́ kə́ majə kə́ kadə̄ unən̄, ba gō tə́ anī ī-rāā ādə̄ man̄ edə dɔ nang yāí ń toō ń ādə̄də́ yá̰a̰ haladə́ tə́ ní.

Makətūbə̄ yā Job 37:13

Ká ré i yā rāań kadə̄ yá̰a̰ tɔȳ tɔ́gə dɔ nang, aké i yā sə̄kań man̄ dɔ nang tə́, aké i yā rāań majə kə dɔ nangaá gə̄gē anī, i nin̄ n ni a əladə́ ní.

PĀ GƏ̄ 147:8

I ni n rāā adə̄ kil̄ man̄ gə̄ taān̄ loo dɔ rā̰ tə́ ní. Man̄ ń kadə̄ edə dɔ nang tə́ ní ni-əndā dɔ danaá i tītə̄ ń noō. I ni n i nge rāā kadə̄ mu gə̄ əɓan̄ dɔ mbal̄ gə̄ tə́ ní.

EJEKIEL 34:26

M-ā m-ə́yá̰də́ yā kadə̄ nin̄ a ndin̄ kə kumdə́ kadə ngōn̄ mbal̄ bo yāḿ kə́ táĺ tə́. M-ā m̄-rāā man̄ kadə̄ a edə kə kum mbang kə́ majə ō, man̄ ní a rāā majə sedə́ ō.