JOEL 2:21 - Bibəl ta Sar̄

²¹ Dɔ nang, ī-lōō ɓōĺ, ādə̄ rɔ̄í nelī ngá̰ý ō, ī-rāā walya ō, tɔdɔ̄ Kɔ́ɔ̄ɓē rāā yá̰á̰ kə́ bo ngá̰ý gə̄.

Bible sar

²¹ Dɔ nang, ī-lōō ɓōĺ, ādə̄ rɔ̄í nelī ngá̰ý ō, ī-rāā walya ō, tɔdɔ̄ Kɔ́ɔ̄ɓē rāā yá̰á̰ kə́ bo ngá̰ý gə̄.

JOEL 2:21 Referans Kwoze

IJAI 54:4

Ī-lōō ɓōĺ na rɔ̄í a sɔlī ngá̰ý to̰ alé. Ī-lōō kadə̄ kemií nujə na a tájīn̄ to̰ alé. Dɔí a ndígə̄nal rɔ̄í ń sɔlī dan ń ī-na̰y ngōn̄ ɓáý tə́ ní. Ndū gə̄ ń tájīn̄ dan ń ḭ̄ i dəyá̰ kə́ ngaa koy ní, dɔí a ndígə̄nal kɔ̄ɔ́.

IJAI 41:10

Ī-lōō ɓōĺ, na mā i naā tə́ seí. Ī-lōō ka̰a̰ loo kə́ gidií tə́ kə sōlōó. A̰á̰ā̰, Nə́ɓā yāí i mā. m̄-rāā adə̄ tɔ́gí to. m̄-reē dḭḭ̄ tə́ ō, m̄-ngɔ̄mī kə jīḿ kə́ kə tɔ́gɔ́ ō kə́ tetə rɔ̄ɔ̄ ō.

JEREMI 33:3

Ī-ɓārə́m̄ anī, m-ā m̄-ndigiī, m-ā m-ɔ́jiī yá̰á̰ kə́ bo ngá̰ý gə̄ kə́ ton̄ loo ɓɔ̄ɔ̄ rɔ̄ tə́, i yá̰a̰ gə̄ kə́ ī-ger̄ aĺ ɓáý.

IJAI 35:1

Dəla loo ō, loo kə́ mángá ō, ādī rɔ̄sí nel̄sí! Gō nang kə́ man̄ gətóo tū tə́, ī-rāā rɔ̄nel̄ ō, ī-hútə̄ ō!

1 SAMUEL 12:16

Ba ngɔlaā ní ī-raī dɔ rɔ̄sí tə́ kadə̄ á̰a̰īń yá̰á̰ kə́ to kɔr kum ngá̰ý ń Kɔ́ɔ̄ɓē a rāā yā rāā ta kumsí tə́ ní.

JAKARI 8:15

Banī ngɔlaā ní, m̄-gḛy rāā majə sesí, sḭḭ̄ de kə́ Jerusalem gə̄ ō, de gə̄ malang kə́ kem ɓē ko̰ kə́ Juda tə́ ō. Ī-lōōī ɓōĺ.

JOEL 2:20

M-ā m̄-tə̄ɓā madə̄ ba̰ā̰sí kə́ ḭḭ mbɔ́r ɓē kə́ ko̰ó̰ tə́ kɔ̄ɔ́ sa̰y rɔ̄sí tə́. M-ā m̄ tə̄ɓān kum kə̄ loo kə́ mángá tə́ ō, kə́ nujə sák sák kɔ̄ɔ́ tə́ ō. M-ā m̄-tə̄ɓā ngé gə̄ ń njə̄rān̄ nodə́ tə́ kum kə̄ bā katə̄ tə́ gír ɓē tə́ ní ō, ngé gə̄ ń njə̄rān̄ gōdə́ tə́ kum kə̄ bā bo kə́ no ɓē tə́ ní ō. Nīńdə́ a ndum adə̄ loo a otə ndum rḭḭ. Rɔ̄kum, ni-rāā yá̰á̰ kə́ bo ngá̰ý gə̄.

1 SAMUEL 12:24

Ba yá̰á̰ ń kadə̄ sḭḭ̄ ī-rāāī ní i ɓōĺ Kɔ́ɔ̄ɓē ō, i rāā kəla yān kə gō róbə́ kə́ súmūú ō, kə ngarang kemsí gēé malang ō. Tɔdɔ̄ á̰a̰ī yá̰á̰ kə́ to ɓōĺ ngá̰ý gə̄ ń ni-rāā tām̄ yāsí tə́ ní.

NDŪ NAJƏ̄ 4:32

Ī-gírī dɔ yá̰a̰ gə̄ ń rāān̄ yá̰á̰ kété jóo nosí tə́ ní, ə́laī gír dɔ ndɔ̄ ń Nə́ɓā əndāń deē dɔ nang tə́ ní tə́. Yá̰a̰ gə̄ ń rāān̄ yá̰á̰ gír dɔ nang tə́ laā ta kaw̄ kə̄ ta ngóý dɔ nang tə́ nú ní, ī-gírī á̰a̰ī ké yá̰á̰ kə́ bo ngá̰ý kə́ beé rāā yá̰á̰ kété ɓá wa. De gə̄ ədan̄ gotə najə̄ kə́ beé kété ɓá a?

PĀ GƏ̄ 98:8

Ādə̄ bā gə̄ əndan̄ jīdə́, ādə̄ mbal̄ bo gə̄ əndān̄ rɔ̄də́ naā tə́ sedə́ ba urən̄ kɔĺ rɔ̄nel̄

TA KƏLA 15:1

Gō yá̰a̰ gə̄ ń noō tə́ anī, Kɔ́ɔ̄ɓē ndɔ̄bə̄ Abəram ɔr̄ najə̄ seneé ədan na: Abəram, ī-lōō ɓōĺ na mā i der yāí. Yá̰a̰ kəndā nja i ngá̰ý jīḿ tə́ kadə̄ m-ā m-ə̄ndań njaí.

OJEE 2:21

Israel, ā ī-tél nge nong yāḿ, ba i kə́ ngándáńg tə́. Ā ī-tél nge nong yāḿ, ba nar gírí ń m-ā m-ādə̄ ní i ra dɔ ndū tə́ ō, i yá̰a̰ rāā kə́ gōtə́ ō, i tár ō, rāā tɔdɔ̄ naā ō.

IJAI 44:23

A̰á̰ā̰, Kɔ́ɔ̄ɓē rāā yá̰a̰. Adə̄ ḭ̄ dɔ rā̰, ə̄nī pā rɔ̄nel̄, ḭ̄ loo kə́ dɔ nang tə́ kə́ ɗúú ngá̰ý, ī-rāā ādə̄ ndūí ɓār̄. Sḭḭ̄ mbal̄ bo gə̄ ō, kāgə̄ gə̄ kə́ kem ku loo tə́ gə̄ ō, ə́gaī kɔŕ rɔ̄nel̄. Tām̄ Kɔ́ɔ̄ɓē gān̄g dɔ gír deē yān gə̄, ni ɔjə kɔsə gɔn yān kə̄ ndágá dɔ nang kə́ Israel tə́!

IJAI 55:12

Ā ī-teēī kɔ̄ɔ́ kem ɓē kə́ Babilon tə́ i kə rɔ̄nelēé ō, a télən̄ yā kaw̄ sesí gogə́ ɓēé loosí i kə kem kə́ sɔl̄ lɔmɔɔ́ ō. Dan ń ā ī-mānī anī, mbal̄ bo gə̄ ō, ngán mbal̄ gə̄ ō, a urən̄ kɔĺ rɔ̄nel̄. Kāgə̄ kə́ bembeé gə̄ malang a əndan̄ jīdə́ gíŕsí tə́.

PĀ GƏ̄ 71:19

Nə́ɓā, háĺ kə́ gōtə́ yāí ngāl̄ ngá̰ý kə̄ dɔɔ́ ō, ī-rāā yá̰á̰ kə́ bo ngá̰ý gə̄ ō! Nə́ɓā, de kə́ to tītīí gətóo.

JOEL 2:26

Ā ə́saī yá̰a̰ kadə̄ ndān̄sí. Ā ī-tɔ̄yī rī Kɔ́ɔ̄ɓē Nə́ɓā yāsí ń rāā yá̰á̰ kə́ to kɔr kum gə̄ tām̄ yāsí tə́ ní. Rɔ̄ gír deē yāḿ gə̄ a sɔl̄də́ to̰ aĺ bátə́.