JOEL 2:20 - Bibəl ta Sar̄

²⁰ M-ā m̄-tə̄ɓā madə̄ ba̰ā̰sí kə́ ḭḭ mbɔ́r ɓē kə́ ko̰ó̰ tə́ kɔ̄ɔ́ sa̰y rɔ̄sí tə́. M-ā m̄ tə̄ɓān kum kə̄ loo kə́ mángá tə́ ō, kə́ nujə sák sák kɔ̄ɔ́ tə́ ō. M-ā m̄-tə̄ɓā ngé gə̄ ń njə̄rān̄ nodə́ tə́ kum kə̄ bā katə̄ tə́ gír ɓē tə́ ní ō, ngé gə̄ ń njə̄rān̄ gōdə́ tə́ kum kə̄ bā bo kə́ no ɓē tə́ ní ō. Nīńdə́ a ndum adə̄ loo a otə ndum rḭḭ. Rɔ̄kum, ni-rāā yá̰á̰ kə́ bo ngá̰ý gə̄.

Bible sar

²⁰ M-ā m̄-tə̄ɓā madə̄ ba̰ā̰sí kə́ ḭḭ mbɔ́r ɓē kə́ ko̰ó̰ tə́ kɔ̄ɔ́ sa̰y rɔ̄sí tə́. M-ā m̄ tə̄ɓān kum kə̄ loo kə́ mángá tə́ ō, kə́ nujə sák sák kɔ̄ɔ́ tə́ ō. M-ā m̄-tə̄ɓā ngé gə̄ ń njə̄rān̄ nodə́ tə́ kum kə̄ bā katə̄ tə́ gír ɓē tə́ ní ō, ngé gə̄ ń njə̄rān̄ gōdə́ tə́ kum kə̄ bā bo kə́ no ɓē tə́ ní ō. Nīńdə́ a ndum adə̄ loo a otə ndum rḭḭ. Rɔ̄kum, ni-rāā yá̰á̰ kə́ bo ngá̰ý gə̄.

JOEL 2:20 Referans Kwoze

JAKARI 14:8

Ndɔ̄ ngeé ń noō tə́ ní, man̄ kógə̄ḿ a əɓa nang tə́ kem ɓē kə́ Jerusalem tə́. Núsən kógə̄ḿ a nūgə́ kum kə̄ bā katə̄ tə́ ō, núsən kə́rēý a aw̄ bā bo kə́ no ɓē tə́ ō. Man̄ ní a nūgə́ kə́ njɔ́ḿ gə̄ tə́ ɓāl̄ kógə̄ḿ, a nūgə́ ɓālāá ō, ɓaraá ō.

AMOS 4:10

m̄-rāā adə̄ mo̰y ngāl̄bɔ̄gīí kógə̄ḿ kə́ tītə̄ nge ń əsō dɔ dā̰ gə̄ kə́ Ejiptə tə́ ní, əsō dɔsí tə́. M-ə́ya̰ madə̄ ba̰ā̰ gə̄ adə̄ tɔ̄lə̄n̄ balsáa yāsí gə̄, dan ń de gə̄ a ɔyn̄neé sə́nda yāsí gə̄ ní. Sēē nīń kə́ otə majaĺ ngá̰ý aw̄ bátə́ ugə̄ kó̰ńsí tə́. Ɓá tā banī sḭḭ̄ ī-tél ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.

IJAI 34:3

Nīń de gə̄ yādə́ gə̄ taā loo dɔ nang tə́, rɔ̄ de gə̄ yādə́ gə̄ otə ndum, mósə́də́ a̰ȳ dɔ mbal̄ bo gə̄ tə́ tītə̄ man̄ dɔ mbal̄ beé.

NDŪ NAJƏ̄ 11:24

Loo malang ń ā ə̄ndāī da njasí tū tə́ ní a tél loo yāsí: Dɔ nang yāsí a əla gír i dəla loo tə́ dām̄ mbɔ́r ɓē kə́ geleé tə́ bátə́ kadə̄ ugə̄ń mbal̄ gə̄ kə́ Liban tə́ dām̄ mbɔ́r ɓē kə́ ko̰ó̰ tə́ ō, a ḭḭ bā Opəratə ń i bā kə́ bo ní tə́ dām̄ kə́ gír ɓē tə́ bátə́ kadə̄ ugə̄ń bā bo tə́ no ɓē tə́ ō.

EJEKIEL 47:18

Dɔ nin̄ ɓē kə́ dām̄ kə́ gír ɓē tə́ a əla gír i loo ń ra dɔ dán Damas kə Hauran tə́ ní ō, dɔ nin̄ ɓē ní a un gō wól bā Jurdḛ dɔ dán gō nang kə́ Galaad kə ɓē kə́ Israel tə́ ō. Dɔ nin̄ ɓē ní aw̄ bátə́ ugə̄ Tamar kadə bā katə̄ tə́. Dām̄ dɔ nin̄ ɓē kə́ dām̄ kə́ gír ɓē tə́ n noó.

Teē Ngán Israel gə̄ 10:19

Anī Kɔ́ɔ̄ɓē tūr̄ nél adə̄ ḭḭ no ɓē tə́, əla kum kə̄ dūn̄ ɓē tə́ kə ngangá ngá̰ý, adə̄ ɔy yḭm̄ gə̄ aw̄ ɓōkə́də́ kum bā tə̄ɓā gə̄ tə́ kɔ̄ɔ́. Adə̄ yḭm̄ kógə̄ḿ gə̄gē gətóo dɔ nang kə́ Ejiptə tə́ kə taá malang.

2 MBAN̄G 8:13

Hajael əda na: Mā ń i nge kəla yāí kə́ m-ásə́ yá̰a̰ aĺ bátə́ ní, loo kadə̄ m̄-rāā yá̰á̰ kə́ bo ngá̰ý gə̄ kə́ tītə̄ ń noō i ba̰ý? Elije tél ədan na: Kɔ́ɔ̄ɓē ɔjəm̄ kadə̄ ndɔ̄ń tə́ ā ī-ndi mban̄g dɔ ɓē kə́ Aram tə́.

Teē Ngán Israel gə̄ 8:14

Ngé kəga kə́ Ejiptə gə̄ nāān̄ rāā yḭ́l̄ gə̄ kə kəga yādə́ gēé ō, banī asən̄ alé. Yḭ́l̄ gə̄ əsan̄ de gə̄ ō, dā̰ gə̄ ō.

PĀ GƏ̄ 126:3

Rɔ̄kum, Kɔ́ɔ̄ɓē rāā yá̰á̰ kə́ bo ngá̰ý tām̄ yājí tə́, adə̄ rɔ̄jí nel̄jí ngá̰ý.

MALASI 3:11

M-ā m̄-tūr̄ ta gaẃ gə̄ kɔ̄ɔ́ dɔsí tə́: Nin̄ a nujən̄ kōō yāsí gə̄ aĺ ō, a ɔgə̄n̄ kāgə̄ nduú yāsí gə̄ ka̰a̰n̄ aĺ ō. I mā Kɔ́ɔ̄ɓē kə́ bo kə́ tɔ́gə́ḿ i ngá̰ý n m-ə̄nī ndūḿ ní.