JOEL 2:2 - Bibəl ta Sar̄

² I ndɔ̄ kə́ ndul ndí ndí ō, risə til nding ō. I ndɔ̄ yā kil̄ man̄ gə̄ ō, yā kil̄ man̄ kə́ ndul kíndíńg kíndíńg ō. Gír de kə́ ngá̰ý gə̄ ō, ngangə̄n̄ ngá̰ý gə̄ ō, tə̄ndān̄ naā tḭ̄ḭ̄n̄ kə̄ dɔ mbal̄ gə̄ tə́, tītə̄ ta gír loo kə́ atə wororo beé. I gír de gə̄ kə́ deē a̰a̰də́ nja kógə̄ḿ aĺ ɓáý ō, kə́ deē a a̰a̰də́ gogə́ to̰ aĺ i kə́ bátə́ gə̄ tə́ ō, bátə́ ɓāl̄ yā gír kojə gə̄ kə́ ndɔ̄ń tə́ tə́.

Bible sar

² I ndɔ̄ kə́ ndul ndí ndí ō, risə til nding ō. I ndɔ̄ yā kil̄ man̄ gə̄ ō, yā kil̄ man̄ kə́ ndul kíndíńg kíndíńg ō. Gír de kə́ ngá̰ý gə̄ ō, ngangə̄n̄ ngá̰ý gə̄ ō, tə̄ndān̄ naā tḭ̄ḭ̄n̄ kə̄ dɔ mbal̄ gə̄ tə́, tītə̄ ta gír loo kə́ atə wororo beé. I gír de gə̄ kə́ deē a̰a̰də́ nja kógə̄ḿ aĺ ɓáý ō, kə́ deē a a̰a̰də́ gogə́ to̰ aĺ i kə́ bátə́ gə̄ tə́ ō, bátə́ ɓāl̄ yā gír kojə gə̄ kə́ ndɔ̄ń tə́ tə́.

JOEL 2:2 Referans Kwoze

JOEL 1:6

Dūbūú kur̄ kə́ ngá̰ý gə̄ rɔ̄ɔ̄n̄ ɓē yāḿ. Tɔ́gə́də́ i ngá̰ý ō, kutədə́ i kə́ dum̄ tə́da ō. Ngān̄gdə́ i ngān̄g ɓɔl ō, kə̄ngā mbɔ̄r̄də́ i kə̄ngā mbɔ̄r̄ ɓɔl kə́ kó̰o̰ ō.

JOEL 2:5

Nin̄ a tḭ́ḭ̄n̄ bal dɔ mbal̄ gə̄ tə́, kōōdə́ ɓār̄ tītə̄ kōō púsə rɔ̄ɔ̄ gə̄ beē, tītə̄ kōō ta ndo̰ hor kə́ o̰o̰ a kújə beé, tītə̄ gír de kə́ ngan̄g ngá̰ý gə̄ kə́ ran̄ kə ta naā yā rɔ̄ɔ̄ beé ō.

JOEL 2:25

Kōō yāsí gə̄ ń m-ə́la kə kur̄ kə́ ngá̰ý yāḿ gə̄ ń i yim̄ gə̄ ō kə́ndīŕ gə̄ ō gaẃ gə̄ ō taw̄ gə̄ ō, adə̄ nujənə̄ń kɔ̄ɔ́ kem ɓāl̄ kə́ kété gə̄ tə́ ní, m̄-téləń m-ādə̄sí gogə́.

DANIEL 12:1

Dan ngeé noō tə́ ní Misel i ngār yā de kə́ dɔ rā̰ tə́ gə̄ ō, i nge rɔ̄ɔ̄ dɔ gír deē yāí gə̄ tə́ ō ní, a teē hɔy. I dan kə́ deē a sōlə̄n̄ tə́. Ndɔ̄ ń nápar de gə̄ əlan̄neé gír ndi dɔ nang tə́, bátə́ ugə̄ń kum mbang ngeé ń noō tə́ ní, sōĺ kə́ tītə̄ ń noō gətóó ɓáý. Loo ń noō tə́ de gə̄ malang kə́ dan gír deē yāí gə̄ tə́ ń rīdə́ i kə́ ndang kem makətūbə̄ ndi kə kumuú tə́ ní a ajən̄.

IJAI 8:22

ba gō tə́ anī a a̰a̰n̄ loo nang tə́. Yá̰á̰ ń nin̄ a əngen̄ ní i wur kɔl ō, i loo kə́ risə til ō, i sōl̄ kə́ to ɓōĺ ngá̰ý ō, i loo kə́ ndul ndí ndḭ́ ō ō, ngóy.

IJAI 5:30

Ɓá tā ba ndɔ̄ kógə̄ḿ anī, man̄ a ndán̄g gír de gə̄ ń toō, tītə̄ kōō bā bo kə́ ɓār̄ dan ń nél man̄ a əlań kə tɔ́gɔ́ tə́ ní beē. A a̰a̰n̄ ɓē, banī loo kə́ ndɔ̄ɔ́ ō, wur kɔl ō, a ɓír̄ gidə kɔ̄ɔ́. Kil̄ man̄ gə̄ kə́ ndulən̄ ndí ndí a utə̄n̄ dɔ loo kə́ unjə̄ kow kə́ kadaá kɔ̄ɔ́.

Makətūbə̄ ń Jud ndang ní 1:13

Nin̄-ton̄ i tītə̄ bəngál bā bo gə̄ beé, adə̄ húūlú dɔdə́ i yá̰a̰ rāādə́ kə́ to rɔ̄sɔl̄ gə̄ ō, ton̄ i tītə̄ tə́yō̰ gə̄ kə́ a dáȳn̄ dɔɔ́, kə́ Nə́ɓā ngɔ̄m̄ loo kə́ risə til nding tām̄ yādə́ tə́ kadə̄ ndin̄ kum tə́ ngándáńg beé ō.

HEBƏRO 12:18

Dan ń sḭḭ̄ ī-ndɔ́tī ngɔr kə̄ kadə mbal̄ bo kə́ deē asə kɔdə kə jīneé tə́ alé, hor kə́ ajə ying gətóo ō, loo kə́ risə til nding gətóo ō, loo kə́ ndɔ̄ɔ́ gətóo ō, nél balway gətóo ō,

MARK 13:19

Tɔdɔ̄ wur de gə̄ a ɔldə́ ngá̰ý, wur kɔl kə́ tītə̄ń noō gətóo ta kəla gír dɔ rā̰ ō dɔ nang ō, dan ń Nə́ɓā əlań gír kəndā yá̰a̰ gə̄ malang ní tə́, bátə́ ngɔlaā ń toō tə́ ō, a to gogə́ to̰ aĺ ō.

AMOS 4:13

I ni n rāā mbal̄ bo gə̄ ní. Ni-rāā nél ō, ɔjə deē ndul gə̄ yá̰a̰ gə̄ ń ni núm̄ rāā ní ō. Ni-rāā loo kə́ dəloí kə́ unjə̄ kow adə̄ tél loo kə́ ndɔ̄ɔ́ ō, njə̄rā dɔ loo kə́ kḭḭ kə̄ dɔɔ́ gə̄ kə́ dɔ nang tə́ tə́ ō. Rīn na i Kɔ́ɔ̄ɓē, Nə́ɓā kə́ kɔ́ɔ̄ dɔ rā̰ ō dɔ nang ō.

DANIEL 9:12

Nə́ɓā rāā yā ń əda dɔjí tə́ ō dɔ ngé ko̰o̰ ɓē dɔjí tə́ gə̄ ō ní, ni-reē kə yá̰á̰ kə́ to kum kaȳ aĺ kə́ ngá̰ý dɔjí tə́ Jerusalem. Kum tō ndoō kə́ tītə̄ ń noō to loo kə́rēý tə́ dɔ nang tə́ aĺ ɓáý.

JEREMI 13:16

Ɔ́siī gɔn Kɔ́ɔ̄ɓē Nə́ɓā yāsí kété tá kadə̄ ni-əla kə tilií dɔsí tə́ ō, kété tá kadə̄ ī-bḭ́ḭ̄ dɔ mbal̄ gə̄ kə́ til taā dɔdə́ tə́ ō. Ī-ngóōī i loo kə́ unjə̄ kow, ba ni-tūrə̄n adə̄ téĺ ndíl yo ō, kil̄ man̄ kə́ ndul ndí ndí ō.

PĀ GƏ̄ 97:2

Loo kə́ ndul ndí ndḭ́ ō kil̄ man̄ ō gīrə̄n̄ gidən, yá̰a̰ rāā kə́ gōtə́ ō kə́ súmūú ō i bir̄ nja kōr̄ kāgə̄ mbang yān gə̄.

PĀ GƏ̄ 10:6

Ni-əda kə̄ kemən tə́ na: Yá̰á̰ a yéȳm̄ yek alé, yá̰á̰ kə́ to kum kaȳ aĺ a əsō dɔḿ tə́ aĺ bátə́!

NDŪ NAJƏ̄ 32:7

Ādə̄ əga kemsí dɔ ndɔ̄ kə́ kété gə̄ tə́. Ādə̄ əga kemsí dɔ ɓāl̄ gə̄ ń mānə̄n̄ tə́ ní. Ī-dəjeī bɔbə̄sí gə̄ anī, a ɔjən̄sí. Ī-dəjeī kum kɔɔ̄ yāsí gə̄ anī, a ədan̄sí.

Teē Ngán Israel gə̄ 20:21

Ngán Israel gə̄ ran̄ sa̰y, ba Moijə tá ndɔ́tə̄ kə̄ kadə kil̄ man̄ kə́ ndul kíndíńg ń Nə́ɓā i tū tə́ ní tə́.

Teē Ngán Israel gə̄ 10:14

Yḭm̄ gə̄ tə̄ndān̄ naā tḭ̄ḭ̄n̄ kə̄ loo gə̄ tə́ malang dɔ nang kə́ Ejiptə tə́. Deē asə tə́dádə́ alé, tɔdɔ̄ nin̄ i ngá̰ý. Deē a̰a̰ yḭm̄ gə̄ kə́ asən̄ naā beé kété aĺ ō, gō yḭm̄ gə̄ ń noō tə́ ní deē a a̰a̰ kə́ rang gə̄ kə́ asən̄ naā beé aĺ ō.

Teē Ngán Israel gə̄ 10:6

Na a taān̄ kem kújə yān ō, kem kújə yā ngé kəla yān gə̄ ō, yā de kə́ kem ɓē kə́ Ejiptə tə́ gə̄ malang ō. I yá̰á̰ kə́ tōr̄ kə́ kaadə́ gə̄ ō, bɔbə̄də́ gə̄ ō, nin̄ kɔ́ gə̄ ō, na a̰a̰n̄ nja kógə̄ḿ aĺ ɓáý. Loo ń noō tə́ Moijə əya̰ Parao̰ ba teē aw̄.

MATIYE 24:21

Tɔdɔ̄ kem ndɔ̄ gə̄ ngeé ń noō tə́ ní, wur de gə̄ a ɔldə́ ngá̰ý. Wur kɔl kə́ tītə̄ ń noō gətóo ta kəla gír tə́ bátə́ ngɔlaā ń toō tə́ ō, a to gogə́ to̰ aĺ bátə́ ō.

JEJU TEĒ KUM JA̰A̰ 9:2

Ni-teē ta bəlo ní anī, sa kógə̄ḿ teē tū tə́ tītə̄ sa hor kə́ bo ngá̰ý beē. Sa ní rāā adə̄ mbang ndul ō, loo risə til ō.

NŌŌ RƆ̄ 1:12

Sḭḭ̄ malang ń ā ī-mānī kum róbə́ ń toō tə́ ní, yá̰á̰ kə́ beē rāāsí alé. Ə̄ndāī ma̰ȳ ō, á̰a̰ī ō, ké wur kɔl kə́ tītə̄ yāḿ ń toō i noó wa, kə́ tītə̄ nge ń tōr̄ rɔ̄ḿ ngá̰ý toō, adə̄ i nge ń Kɔ́ɔ̄ɓē rāā adə̄ m̄-ndi kum tə́ ndɔ̄ wōn̄g yān kə́ ngá̰ý tə́ ní.

EJEKIEL 32:7

Dan ń ā ī-ndi kə kumií to̰ aĺ ní, m-ā m-ūtə̄ gidə dɔ rā̰ kə kūbə̄ kógə̄ḿ ō, tə́yō̰ gə̄ a ndulən̄ ō. M-ā m-ūtə̄ gidə mbang kə kil̄ maná ō, nāā a ndaa aĺ ō.

EJEKIEL 34:12

Loo ń ré nge ngɔ̄m̄ yá̰a̰ kul̄ gə̄ ra dan ɓūtə̄ yá̰a̰ kul̄ gə̄ kə́ tə̄ndān̄ naā tḭ̄ḭ̄n̄ kə̄ loo gə̄ tə́ anī, ni a̰a̰ gō batə̄ yān gə̄. M-ā m-á̰a̰ gō yá̰a̰ kul̄ yāḿ gə̄ i tītə̄ ń noō ō. M-ā m-āw̄ gō batə̄ gə̄ tə́, loo malang ń nin̄ aw̄n̄ tū tə́ ní tə́, yā kaw̄ gān̄g dɔdə́. M-ā m̄-njə̄rā kum kə́ tuú tū tə́ ō, kum loo kə́ risə til tə́ ō, yā kaw̄ń gōdə́ tə́.

EJEKIEL 38:9

Ḭ̄ ō, ngé rɔ̄ɔ̄ yāí gə̄ ō, ngé ɓoo rɔ̄də́ tū yāí tə́ gə̄ ń nin̄ i ngá̰ý ní ō, ā ə̄nīdə́ rɔ̄ɔ̄. Ā āwī kə̄ dɔdə́ tə́ i tītə̄ nél man̄ kə́ əla kə ngangá ngá̰ý beē ō, ā ī-taāī loo kem ɓē yādə́ tə́ malang tītə̄ kil̄ man̄ kə́ to tītə̄ mbal̄ bo beé.

JEREMI 13:6

Ndɔ̄ ngá̰ý gō tə́ anī, Kɔ́ɔ̄ɓē ədam̄ na: Ḭ́ḭ dɔɔ́ āw̄ kum kə̄ Opəratə tə́ ba un ta kūbə̄ do̰ō̰ ɓōdə̄ ń m-ə́daī na kə ī-ɓɔ̄ɔ̄ noó ní.

JOEL 3:4

Mbang a tél loo kə́ risə til nding ō, nāā a tél mósə ō, pá tá kadə̄ ndɔ̄ yā Kɔ́ɔ̄ɓē ń i ndɔ̄ kə́ bo ngá̰ý ō, to ɓōĺ ngá̰ý ō ní ugə̄ ɓáý.

SOPONI 1:7

Ī-ndiī tasí mbóo kə̄ no Kɔ́ɔ̄ɓē Nə́ɓā tə́, tɔdɔ̄ dɔ i ngɔr. A̰á̰ā̰, Kɔ́ɔ̄ɓē əndā dɔ yá̰á̰ tun̄ kógə̄ḿ danaá kɔ̄ɔ́. De gə̄ ń ni-ɓāŕdə́ ta kəsa yá̰á̰ ní, ni tə́gódə́ adə̄ unjə̄n̄ njáý njáý kɔ̄ɔ́ ɓá.

JAKARI 14:6

Ndɔ̄ ngeé ń noō tə́ ní, deē a sāā nja loo kə́ unjə̄ kow to̰ alé. Kūl̄ a o̰o̰ to̰ aĺ ō, kūl̄ a rāā man̄ kadə̄ a tél kɔ̄sə̄ to̰ aĺ ō.