JOEL 2:19 - Bibəl ta Sar̄

¹⁹ Kɔ́ɔ̄ɓē tél əda gír deē yān gə̄ na: M-ā m-ə́la kə gémē ō, kasə nduú ō, yibə̄ ō, yā kadə̄sí kadə̄ ndān̄sí. M-ā m-ādə̄sí yá̰a̰ gə̄ ń noō ngá̰ý. M-ā m̄-rāā kadə̄ yá̰á̰ kə́ to rɔ̄sɔl̄ əsō dɔsí tə́ dáń nápar de gə̄ tə́ to̰ aĺ bátə́.

Bible sar

¹⁹ Kɔ́ɔ̄ɓē tél əda gír deē yān gə̄ na: M-ā m-ə́la kə gémē ō, kasə *nduú ō, yibə̄ ō, yā kadə̄sí kadə̄ ndān̄sí. M-ā m-ādə̄sí yá̰a̰ gə̄ ń noō ngá̰ý. M-ā m̄-rāā kadə̄ yá̰á̰ kə́ to rɔ̄sɔl̄ əsō dɔsí tə́ dáń nápar de gə̄ tə́ to̰ aĺ bátə́.

JOEL 2:19 Referans Kwoze

EJEKIEL 34:29

M-ā m-ādə̄də́ ndɔr̄ kə́ teē kōō majə adə̄ de gə̄ gerə̄n̄. Ɓō a rāādə́ kem ɓēé to̰ alé. Nápar de gə̄ a əlan̄ rɔ̄sɔl̄ dɔdə́ tə́ to̰ alé.

EJEKIEL 36:15

Ndū gə̄ ń nápar de kə́ rang gə̄ a tájə̄n̄sí ní ō, lur ń nin̄ a lurən̄sí ní ō ní, ā ōōī to̰ alé. Tɔdɔ̄ dɔ nang yāsí a tɔ̄l̄ ngáńsí gə̄ to̰ alé. Najə̄ ń Kɔ́ɔ̄ɓē Nə́ɓā əda ní n noó.

MATIYE 6:33

Yá̰á̰ ń kadə̄ ə̄ndāī kumsí gō tə́ ngá̰ý ī-sāāī ta kəga dɔ bang ní, i Ɓē ko̰o̰ yā Nə́ɓā ō, i háĺ kə́ súmūú ń ni-gḛy ní ō. Gō tə́ anī Nə́ɓā a adə̄sí yá̰a̰ gə̄ ń noō malang dɔ tə́ ɓáý.

JOEL 2:24

Kōō gémē rosə kem gár̄ gə̄ ō, Kasə nduú mbə́rē rosə kem jóon gə̄ ba rə̄ɓā kə̄ nang tə́ ō, yibə̄ rosə kem kūn gə̄ ba rə̄bā kə̄ nang tə́ ō.

JEREMI 31:12

Nin̄ reē ugə̄n̄ kə kɔŕ rɔ̄nelēé tadə́ tə́ dɔ mbal̄ kə́ Siyo̰ tə́. A kánə̄n̄ naā ɓuk ɓuk kum kə̄ rɔ̄ yá̰a̰ kənge gə̄ yā Kɔ́ɔ̄ɓē tə́, kum kə̄ rɔ̄ gémē tə́ ō, kasə nduú tə́ ō, yibə̄ kə́ kijə tə́ ō, kum kə̄ rɔ̄ dā̰ kə́ dūú gə̄ tə́ ō, kə́ bo gə̄ tə́ ō. Rɔ̄də́ a to mbōl̄ sṵy tītə̄ ndɔr̄ kə́ rāān̄ man̄ dɔ tə́ beé ō, Kəndā a rāādə́ to̰ aĺ ō.

JOEL 1:10

Nujən̄ kə ndɔr̄ gēé sák sák kɔ̄ɔ́, dɔ nang əhɔ ndoō. Nujən̄ kə gémēé sák sák kɔ̄ɔ́ ō, kasə nduú kə́ kijə təgā kɔ̄ɔ́ ō, yibə̄ kə́ kijə gətóo kɔ̄ɔ́ ō.

OJEE 2:15

M-ā m̄-rɔ̄ɔ̄n najə̄ kum mbang ń ni un rɔȳń ɓesə̄ Baal gə̄ ní. Ni róō ndujə̄ yá̰á̰ kə́ kotə majə adə̄də́. Ni o̰ō̰ nə̄ngá gə̄ ō, yá̰á̰ súū rɔ̄ gə̄ ō tām̄ yādə́ tə́. Ni un gō ngé sāān gə̄, mā ɓáa dɔn ndígə̄naləḿ kɔ̄ɔ́ ō. Najə̄ ń Kɔ́ɔ̄ɓē əda ní n noó.

EJEKIEL 39:29

Israel gə̄ ń i gír deē yāḿ gə̄ ní, m-ā m-ādə̄də́ ndílə́ḿ ō, m-ā m̄-tūr̄ gidəḿ kɔ̄ɔ́ tadə́ tə́ to̰ aĺ ō. Najə̄ ń Kɔ́ɔ̄ɓē Nə́ɓā əda ní n noó.

LEBI GƏ̄ 26:5

Ā ī-səɓāī kōō bátə́ yā kugə̄ń dan yā kəja kan̄ kāgə̄ nduú gə̄ tə́ ō, ā ə́jaī kan̄ kāgə̄ nduú gə̄ bátə́ yā kugə̄ń dan yā dubə̄ kōō gə̄ tə́ ō. Ā ə́ngeī yá̰a̰ kəsa ngá̰ý ō, ā ī-ndiī kem ɓē yāsí tə́ kanjə̄ sōl̄ yá̰á̰ kógə̄ḿ ō.

OJEE 2:21

Israel, ā ī-tél nge nong yāḿ, ba i kə́ ngándáńg tə́. Ā ī-tél nge nong yāḿ, ba nar gírí ń m-ā m-ādə̄ ní i ra dɔ ndū tə́ ō, i yá̰a̰ rāā kə́ gōtə́ ō, i tár ō, rāā tɔdɔ̄ naā ō.

OJEE 2:22

A̰á̰ā̰, nar gírí ń m-ā m-ādə̄ ní i ra dɔ ndū tə́. Loo ń noō tə́ ā ī-ger̄ kadə̄ mā i Kɔ́ɔ̄ɓē.

NDŪ NAJƏ̄ 11:14

m-ā m̄-rāā kadə̄ man̄ edə dɔ nang yāsí tə́ kə dɔ nāāneé: M-ā m̄-rāā kadə̄ man̄ ta ɓar ō, man̄ ta ɓāl̄ ō, edən̄ dɔ nang yāsí tə́ kadə̄ ə́ngeīneé kōō gémē ō, kasə nduú ō, yibə̄ ō.

RUTƏ 1:6

Dan ń Noemi ndi dɔ nang kə́ Moab tə́ ní, ni oō kadə̄ Kɔ́ɔ̄ɓē a̰a̰ gō gír deē yān gə̄ adə̄ adə̄də́ yá̰a̰ kəsa. Ni-ḭḭ dɔɔ́ kə umən kə́ dəyá̰ kə́ jōó gēé yā tél kaw̄ gogə́ dɔ nang kə́ Juda tə́.

EJEKIEL 36:29

M-ā m-ɔ̄r̄ yá̰a̰ rāāsí kə́ yḛr gə̄ kɔ̄ɔ́ malang. M-ā m-ādə̄ ɓō a rāāsí, banī m-ā m̄-rāā kadə̄ gémē əɓa ō, ā ə́ngeī gémē ngá̰ý ndɔ̄ sāān tə́ ō.

EJEKIEL 36:30

Kāgə̄ yāsí gə̄ a anə̄n̄ ngá̰ý ō, ndɔr̄ yāsí gə̄ a teēn̄ kōō ngá̰ý ō, kə ta kūlə̄ḿ. Loo ń noō tə́ rɔ̄sí a sɔl̄sí najə̄ yā ɓō kə́ rāāsí tə́ ta kum nápar de gə̄ tə́ to̰ alé.

JAKARI 8:12

M-ā m̄-rāā kadə̄ lɔm a reē dɔ nang tə́ ō, kāgə̄ nduú gə̄ a anə̄n̄ ō, dɔ nang a teē yá̰a̰ ō, man̄ kə́ dɔ rā̰ tə́ a edə ō. Gír deē yāḿ gə̄ ń teēn̄ ta yo tə́ ní, m-ā m̄-rāā majə sedə́ kə yá̰a̰ gə̄ ń noō malang.