JOEL 2:16 - Bibəl ta Sar̄

¹⁶ Ɔ́siī dɔ ngán Israel gə̄ kə̄ naā tə́. Ī-ɓāríīdə́ tām̄ yā kán̄ naā kə́ táĺ tə́. Ɔ́siī dɔ de kə́ tɔgə ɓə́ga gə̄ ō, balsáa gə̄ ō, ngáń kə́ ta mba tə́ gə̄ ō naā tə́. Ādə̄ nge taā dəyá̰ kijə teē kújú kɔ̄ɔ́ ō, nge taā ngaa kijə teē kújú kɔ̄ɔ́ ō.

Bible sar

¹⁶ Ɔ́siī dɔ ngán *Israel gə̄ kə̄ naā tə́. Ī-ɓāríīdə́ tām̄ yā kán̄ naā kə́ *táĺ tə́. Ɔ́siī dɔ de kə́ tɔgə ɓə́ga gə̄ ō, balsáa gə̄ ō, ngáń kə́ ta mba tə́ gə̄ ō naā tə́. Ādə̄ nge taā dəyá̰ kijə teē kújú kɔ̄ɔ́ ō, nge taā ngaa kijə teē kújú kɔ̄ɔ́ ō.

JOEL 2:16 Referans Kwoze

2 YÁ̰A̰ GƏ̄ 29:5

ba ədadə́ na: Ngán Lebi gə̄, ōōī najə̄ ń m-ā m-ə́dásí ní: Ngɔlaā ní ī-tə́goī rɔ̄sí ō, ī-tə́goī kújə yā Kɔ́ɔ̄ɓē Nə́ɓā yā kaasí gə̄ ō. Yá̰a̰ kə́ yḛr gə̄ malang kə́ kem loo kə́ táĺ tə́ ní ɔ́yiī kɔ̄ɔ́ ō.

2 YÁ̰A̰ GƏ̄ 20:13

Juda gə̄ malang ran̄ kə njadə́ dɔɔ́ ta kum Kɔ́ɔ̄ɓē tə́ kum naā tə́ kə ngéédə́ gēé adə̄ i nə̄yá̰də́ gə̄ ō, ngándə́ gə̄ ō.

1 KORḚNTƏ 7:5

Ɔ̄gī naā rɔ̄sí alé. Ba ré ōōī i naā tām̄ yā kum mbang kə́ sḛ́ý beē kə́ yā kəndāń rɔ̄sí ta ndɔ̄ȳ Nə́ɓā tə́ tá. Gō tə́ anī ī-tél āwī naā tə́, na sōgə́ dum̄ ta ngur dā̰ rɔ̄ aĺ yāsí teē ta róbə adə̄ Sətan, yā kadə̄ ni-nāāsí kə yá̰á̰ gól̄ yānneé.

JOEL 1:14

Ī-*ndiī ɓō tām̄ yā Nə́ɓā ɔ̄rīineé kam̄sí, ə̄nīī mbēr̄ kán̄ naā kə́ táĺ, ɔ́siī dɔ kum kɔɔ̄ gə̄ ō, de gə̄ malang kə́ kem ɓēé ō naā tə́, kem kújə yā Kɔ́ɔ̄ɓē ń i Nə́ɓā yāsí ní tə́, ba ī-ɓāríī Kɔ́ɔ̄ɓē ādə̄ dḭḭ̄sí.

1 SAMUEL 16:5

Anī ni ədadə́ na: A̰á̰ā̰, m̄-reē i tun̄ yá̰á̰ tə́ yā kadə̄ Kɔ́ɔ̄ɓē. Ní ī-tə́goī rɔ̄sí ādə̄ unjə̄ njáý njáý ba ī-reē āwī seḿ loo tun̄ yá̰á̰ tə́. Samuel mēr̄ Jese nin̄ kə ngánən kə́ dəngam gēé kadə̄ tə́gon̄ rɔ̄də́ kadə̄ unjə̄ njáý njáý ba kə aw̄n̄ loo tun̄ yá̰á̰ ní tə́ ō.

Teē Ngán Israel gə̄ 19:22

Kadə̄ ngé tun̄ yá̰a̰ gə̄ ń asən̄ ndɔ́tə̄ kə̄ rɔ̄n tə́ ní gə̄gē kə ɔrə̄n̄ kam̄də́ kɔ̄ɔ́ tū yá̰á̰ kə́ yḛr tə́, na sōgə́ n-əndadə́.

Teē Ngán Israel gə̄ 19:10

Kɔ́ɔ̄ɓē əda Moijə na: Āw̄ ə́dá ngán Israel gə̄ ādə̄ ɔrə̄n̄ kam̄də́ kɔ̄ɔ́ tū yá̰á̰ kə́ yḛr tə́ ɓōólaā ō, bírí ō, ādə̄ tə́gon̄ kūbə̄ yādə́ gə̄ ō.

MATIYE 9:15

Anī Jeju tél ədadə́ na: Dan ń nga dəyá̰ ndiń kə madə̄n gēé ɓáý ní madə̄n gə̄ ní a əhɔn̄ ndoō a? Banī ndɔ̄ gə̄ a reēn̄ noó kadə̄ a ɔrə̄n̄ nga dəyá̰ dandə́ tə́ kɔ̄ɔ́, tā anī a ndin̄ ɓō tām̄ yā Nə́ɓā tə́ tā.

PĀ GƏ̄ 19:5

Banī ndūdə́ əsō gō naā tə́ ō, taā loo dɔ nang tə́ malang ō. Deē ra i ta ngóy dɔ nang tə́ gə̄gē anī a oō najə̄ kɔr̄də́ ní. Nə́ɓā udə kújə tandā nú tām̄ yā mbang tə́.

Makətūbə̄ yā Job 1:5

Ré əsan̄ yá̰á̰ gír gān̄g anī, Job ɓāŕdə́, ba rāā yá̰á̰ kə́ yā kunəń majaĺ dɔdə́ tə́ kɔ̄ɔ́ kadə̄ nin̄-unjə̄n̄neé njáý njáý. Ni a ḭḭ dɔɔ́ i kə gír looí ɓatə yā ndējə̄ Nə́ɓā yá̰a̰ tun̄ kə́ róō horoó kə taá tām̄ yā ngánən gə̄ tə́ kógə̄ḿ kógə̄ḿ. Tɔdɔ̄ ni-əda kə̄ kemən tə́ na: Majanī ngánə́ḿ gə̄ rāān̄ yá̰á̰ kə́rēý kə́ gōtə́ aĺ, aláa ndɔ̄lə́n̄ Nə́ɓā kemdə́ tə́! Job a rāā i beé dejə.

2 YÁ̰A̰ GƏ̄ 35:6

Ā ī-tɔ̄lī dā̰ Paákə adə̄ majə kadə̄ ī-tə́goī rɔ̄sí ba ī-dḭḭ̄ī ngákó̰ó̰sí gə̄ yā rāań yá̰á̰ ń Kɔ́ɔ̄ɓē əndā ta Moijə tə́ á əda ní.

2 YÁ̰A̰ GƏ̄ 30:19

Kɔ́ɔ̄ɓē, Nə́ɓā yā kaají gə̄, ḭ̄ ń i de kə́ majə ní, de gə̄ malang ń ɓōkə́n̄ rɔ̄də́ a sāānī kə ngarā̰ kemdə́ mámák ní, ká ré nin̄ unjə̄n̄ njáý njáý tām̄ yā yá̰á̰ kə́ táĺ gə̄ tə́ aĺ gə̄gē anī, ī-mā̰ȳ rɔ̄í dɔdə́ tə́.

2 YÁ̰A̰ GƏ̄ 30:17

De gə̄ ngá̰ý dan ngé kán̄ naā gə̄ tə́ tə́gon̄ rɔ̄də́ alé, adə̄ unjə̄n̄ njáý njáý yā rāań yá̰á̰ kə́ yā ɓōĺ gidə yā Kɔ́ɔ̄ɓē alé. I tām̄ najə̄ ń noō tə́ n ngán Lebi gə̄ əndān̄neé rɔ̄də́ ta kəla kəja míndə dā̰ Pákə gə̄ tə́ kum gotədə́ ní.

JOJUE 7:13

Ngɔlaā ní āw̄ əda de gə̄ ādə̄ əndān̄ dɔ rɔ̄də́ danaá tām̄ yāḿ tə́. ə́dádə́ ādə̄ ɔrə̄n̄ kamdə́ tayā tām̄ yā Nə́ɓā tə́, ādə̄ majaĺ gətóo dɔdə́ tə́ tām̄ yā ndɔ̄ kə́ bírí tə́. Tɔdɔ̄ yá̰á̰ ń Kɔ́ɔ̄ɓē Nə́ɓā yā Israel əda ní n toó Sḭḭ̄ ngán Israel gə̄, yá̰á̰ kə́ bāā dɔ dáńsí tə́, adə̄ ā ásiī dum̄ ta madə̄ ba̰ā̰sí gə̄ alé, bátə́ kadə̄ ré uniī yá̰á̰ ní ī-teēiń kɔ̄ɔ́ pá tá.

Teē Ngán Israel gə̄ 19:15

Gō tə́ anī ədadə́ na kə ndin̄ dɔ rɔ̄də́ tə́ tām̄ yā ndɔ̄ kə́ nge ko̰ mətá tə́. Kə lōōn̄ ɓīī kə nə̄yá̰də́ gēé.

MATIYE 21:16

ba dəjen̄ Jeju na ké oō najə̄ ń a ədan̄ noó wa. Anī ni-tél ədadə́ na: A̰á̰ā̰ m-ōō, ba najə̄ ń ndangən̄ na ḭ̄ ī-rāā ādə̄ ngáń kə́ dūú gə̄ ō, ngáń kásə̄ gə̄ ō, ɓōkə́nī tɔ̄ȳ ní, sḭḭ̄ ī-tə́daī nja kógə̄ḿ aĺ a?

JOJUE 8:35

Jojue tə́dá yá̰a̰ gə̄ ń Moijə əda kadə̄ rāān̄ ní ta kum ngán Israel gə̄ tə́ malang kanjə̄ kəya̰ yá̰á̰ kógə̄ḿ kɔ̄ɔ́. Dəyá̰ gə̄ ō, ngán gə̄ ō, tə̄rā gə̄ ń ndin̄ dan ngán Israel gə̄ tə́ ní ō, nin̄ i kum tə́.