JOEL 2:13 - Bibəl ta Sar̄

¹³ Ī-rə́yā̰ī dan wursí gə̄ ba i kūbə̄ kə́ rɔ̄sí tə́ gə̄ alé. Ī-téliī kə̄ rɔ̄ Kɔ́ɔ̄ɓē Nə́ɓā yāsí tə́. Ni i Nə́ɓā kə́ kumən a o̰o̰n ō, kə́ nge kem majə ō, kə́ a rāā wōn̄g láẃ aĺ ō, kə́ nge ra dɔ ndūn tə́ ō. Ni i nge lōō gír yá̰á̰ kə́ to kum kaȳ aĺ ń núm̄ kemən tə́ yā rāā kə deē ní ō.

Bible sar

¹³ Ī-rə́yā̰ī dan wursí gə̄ ba i kūbə̄ kə́ rɔ̄sí tə́ gə̄ alé. Ī-téliī kə̄ rɔ̄ Kɔ́ɔ̄ɓē Nə́ɓā yāsí tə́. Ni i Nə́ɓā kə́ kumən a o̰o̰n ō, kə́ nge kem majə ō, kə́ a rāā wōn̄g láẃ aĺ ō, kə́ nge ra dɔ ndūn tə́ ō. Ni i nge lōō gír yá̰á̰ kə́ to kum kaȳ aĺ ń núm̄ kemən tə́ yā rāā kə deē ní ō.

JOEL 2:13 Referans Kwoze

PĀ GƏ̄ 86:15

Banī Kɔ́ɔ̄ɓē, ḭ̄ i Nə́ɓā kə́ kumií a o̰o̰ī kə de gēé ō, kə́ nge ka̰a̰ kum tō ndoō yā de gə̄ ō, kə́ nge rāā wōn̄g láẃ aĺ ō, Kem majə yāí i ngá̰ý ō, ī-ra dɔ ndūí tə́ ngá̰ý ō.

PĀ GƏ̄ 34:18

De kə́ sew gə̄ əgan̄ kɔŕ anī Kɔ́ɔ̄ɓē oō ō, ɔr̄də́ kɔ̄ɔ́ kem wur kɔl yādə́ gə̄ tə́ malang ō.

IJAI 57:15

Yá̰á̰ ń Nə́ɓā kə́ táĺ əda ní n toó, ni ń i dɔ yá̰a̰ gə̄ tə́ malang ō, aw̄ kə kújə́ kə́ yā ndi tū tə́ kə́ to ngándáńg ō ní: Mā i Nə́ɓā kə́ táĺ, m̄-ndi dɔɔ́ nuū. Banī mā i naā tə́ kə de gə̄ ń de gə̄ a rējə̄n̄də́ ō, dan wurdə́ i dan wur nge ndoō ō ní. Ngé gə̄ ń dan wurdə́ i dan wur nge ndoō ní, m̄-ndigə tél kə ndi kə kumuú kadə̄də́ gogə́, ngé gə̄ ń de gə̄ rējə̄n̄də́ ní, m̄-ndigə tél kə ndi kə kumuú kadə̄də́ gogə́.

MISE 7:18

Nə́ɓā kə́ to tītīí ndi noó a? Ḭ̄ ɔ̄r̄ yá̰a̰ rāā kə́ gōtə́ aĺ gə̄ kɔ̄ɔ́ ō, ī-mā̰ȳ rɔ̄í dɔ mān̄ dɔ ndū najə̄ gə̄ yā gír deē yāí gə̄ ń na̰yn̄ kə kumdə́ ní tə́ ō. Wōn̄g yāí to gotoó ngándáńg alé, banī nelī kadə̄ ɔ́jə́jí kem majə yāí.

PĀ GƏ̄ 86:5

Kɔ́ɔ̄ɓē, ḭ̄ ń i de kə́ nge kem majə ō, ā ī-mā̰ȳ rɔ̄í dɔ de gə̄ tə́ ō ní, ḭ̄ ī-rāā kem majə ngá̰ý kə de gə̄ malang ń a ɓār̄nī ní.

PĀ GƏ̄ 103:8

Kɔ́ɔ̄ɓē i de kə́ kumən a o̰o̰n ō, a a̰a̰ kum tō ndoō yā deē ō, rāā wōn̄g láẃ aĺ ō, rāā kem majə ngá̰ý ō.

JONAS 4:2

Ni ndɔ̄ȳ Kɔ́ɔ̄ɓē tītə̄ ń toō beé əda na: Ha̰, Kɔ́ɔ̄ɓē, m̄-ger̄ majə i dan ń mā i kem ɓē yāḿ tə́ nú ɓáý ní. m̄-ger̄ kadə̄ ḭ̄ i de kə́ majə ngá̰ý ō, kumií o̰ō̰ī ngá̰ý ō, ḭ̄ i de kə́ nge tə́gā taí dɔ deē tə́ ō, ḭ̄ i de kə́ táŕ ngá̰ý ō, ré ə́la ɓōĺ kem deē tə́ anī, ī-tél ā ī-ndə̄ngā rɔ̄í ō.

IJAI 66:2

I mā n m̄-rāā yá̰a̰ gə̄ ń noō malang ní. Yá̰a̰ malang ń noō i yá̰a̰ yāḿ, i najə̄ ń Kɔ́ɔ̄ɓē əda ní n noó. Banī deē ń m-á̰a̰n kə kumḿ kə́ majaá ní, i de kə́ nge rɔ̄ to ndoō ń tɔ́gən ur̄ wak kɔ̄ɔ́ ní, i deē ń oō najə̄ yāḿ anī ɓōĺ gidə ngá̰ý ní.

2 SAMUEL 1:11

Dabid əhɔ ta kūbə̄ kə́ rɔ̄n tə́ rə̄yā̰ ō, de kə́ gōn tə́ gə̄ malang rə́yā̰n̄ kūbə̄ gə̄ kə́ rɔ̄də́ tə́ ō.

Makətūbə̄ ń Pol ndang adə̄ Rom gə̄ ní 2:4

Aké ī-kídə̄ i Nə́ɓā ń a rāā kem majə ngá̰ý ō, a tə́gā tan dɔ yá̰a̰ gə̄ tə́ ō, a əre wurən njam dɔ tə́ ō ní ḿ? Ī-ger̄ kadə̄ kem majə ń Nə́ɓā a rāā ní i kadə̄ ī-tūrəń hálí aĺ a?

PĀ GƏ̄ 51:17

Kɔ́ɔ̄ɓē, ī-teē taḿ ādə̄ m̄-ɓōkíīneé tɔ̄ȳ.

2 MBAN̄G 22:19

Najə̄ ń m-ə́da kemeé dɔ ɓē kə́ Jerusalem tə́ ō, dɔ de kə́ kemeé gə̄ tə́ ō, na loo n toō a tél loo kə́ to kum ko̰o̰ ō, ní ī-nēl̄ mbīí ōoń majə, adə̄ ī-ndə̄ngā rɔ̄í ō, ī-tél kə rɔ̄í kə̄ nang tə́ ta kumḿ tə́ ō, ī-*rə́yā̰ kūbə̄ yāí gə̄ ō, ī-nōō kə man̄ kumií ō. Ní, mā Kɔ́ɔ̄ɓē m-ə́daī na m-ōō ndūí.

EPEJƏ 2:4

Banī kum Nə́ɓā o̰o̰n ngá̰ý sɔɔ̄ń táŕ ń ni-táŕjí ngá̰ý ní.

PĀ GƏ̄ 106:45

Əga kemən dɔ madə̄ naā ń ni-əhɔ sedə́ ní tə́, anī lōō gíŕ yá̰á̰ ń sāā rāā ní tə́, sɔɔ̄ń kem majə yān kə́ ngá̰ý.

Makətūbə̄ yā Job 1:20

Anī Job ḭḭ dɔɔ́, əhɔ ta kūbə̄ kə́ dɔ madə̄ gə̄ tə́ kə́ rɔ̄n tə́ rə̄yā̰ ō, dəsā dɔn ō. Gō tə́ anī əsō sébə kumən nang tə́

TƏ́DA 14:18

Kɔ́ɔ̄ɓē i de kə́ nge rāā wōn̄g láẃ aĺ ō, nge rāā kem majə ngá̰ý ō, nge kəndā njan dɔ yá̰á̰ kə́ gōtə́ aĺ kə́ deē rāā tə́ ō, dɔ dum̄ naā yā deē tə́ ō. Banī deē ń najə̄ əhɔn̄ ní, a mbəre najə̄ dɔn tə́ kɔ̄ɔ́ aĺ ō, yá̰á̰ kə́ majaĺ gə̄ ń bəra ngán gə̄ rāān̄ ní, a ənda ngáńdə́ gə̄ ō, ngán kaadə́ gə̄ ō, kaa gugūdə́ gə̄ ō, kaa dɔgədə́ gə̄ ō najə̄n tə́.

NEHEMI 9:17

Nin̄ mbātə́n̄ koō ō, dɔdə́ ndígə̄nal yá̰á̰ kə́ yáā gə̄ ń ī-rāā tām̄ yādə́ tə́ ní kɔ̄ɔ́ ō. Nin̄ rāān̄ dɔ ngan̄g ō, loo dum̄ naā yādə́ tə́ ní gírə̄n̄ tél kaw̄ Ejiptə ta kəla ɓəlo yādə́ tə́ gogə́ ō. Banī ḭ̄ i Nə́ɓā kə́ ā ī-mā̰ȳ rɔ̄í ō, kemií majə ō, kumií a o̰o̰ī ō, ī-rāā wōn̄g láẃ aĺ ō, ī-rāā kem majə ngá̰ý ō, adə̄ ə́yá̰də́ kɔ̄ɔ́ alé.

1 TIMOTE 4:8

Tɔdɔ̄ ndóō kənī gambəla i yá̰á̰ kə́ majə, ba i tām̄ yā yá̰á̰ kə́ ngá̰ý aĺ tə́. Banī ndóō rāā yá̰a̰ kə gō ń Nə́ɓā ndigə ní, i yá̰á̰ kə́ majə tām̄ yā yá̰a̰ gə̄ tə́ malang. Tɔdɔ̄ Nə́ɓā ənī míndən tāmən tə́. Ba míndən ń ənī ní, i tām̄ yā ndi kə kumuú kə́ ngɔr ń toō tə́ ō, kə́ ndɔ̄ń tə́ ō.

NAHUM 1:3

Kɔ́ɔ̄ɓē i de kə́ nge tə́gā tan ō, tɔ́gən i ngá̰ý ō. Banī deē ń najə̄ i dɔn tə́ ní, ni a əya̰n karī kanjə̄ kəndan alé. Dan ń ni a mān̄ anī, nél man̄ kə́ ngan̄g ngá̰ý əla. Kil̄ man̄ i bumbə́rú kə́ gír njan tə́.

EJEKIEL 9:4

ba ədan na: Āw̄ ī-njə̄rā kem ɓē kə́ Jerusalem tə́ kə taá, ba de gə̄ malang ń a nōōn̄ rɔ̄də́ ō, najə̄ tōr̄ kemdə́ ō, tām̄ yā yá̰a̰ rāā kə́ majaĺ ngá̰ý gə̄ kə́ kemeé tə́ ní, ə́já yá̰a̰ nodə́ tə́.

2 MBAN̄G 6:30

Mban̄g oō gotə najə̄ ń dəyá̰ ɔjən ní beē anī, əhɔ kūbə̄ kə́ rɔ̄n tə́ rə̄yā̰. Ba dan ń ni a mān̄ i dɔ ndogə̄ mbal̄ tə́ ní, de kə́ kem ɓēé gə̄ malang a̰a̰n̄ kadə̄ mban̄g o̰ō̰ kūbə̄ sákə̄ rɔ̄n tə́ gír kūbə̄ madə̄ gə̄ tə́, adə̄ kūbə̄ ní ɔdə ndārə́n.

2 MBAN̄G 5:7

Dan ń mban̄g kə́ Israel tə́ tə́da makətūbə̄ ní oy anī, rə̄yā̰ kūbə̄ kə́ rɔ̄n tə́ ba əda na: Mā i Nə́ɓā á m-ásə rāā kadə̄ de gə̄ oyn̄ ō, ajən̄ ō a, á deē ń noō əla kə deē kadə̄ m̄-rāā bānjə̄ kə́ rɔ̄n tə́ kadə̄ ur̄ ní. Beé ní á̰a̰ī ō, ī-gerī ō, kadə̄ a sāā i taḿ!

1 MBAN̄G GƏ̄ 21:27

Dan ń Akab oō najə̄ gə̄ ń noō anī, ni rə̄yā̰ kūbə̄ kə́ rɔ̄n tə́ ba əla kūbə̄ sákə̄ rɔ̄n tə́ adə̄ ɔdə ndārə́n ō, ndi ɓō tām̄ yā Nə́ɓā tə́ ō, a to i kə kūbə̄ sákə̄ ní ō, a njə̄rā i jəke jəke ō.

TA KƏLA 37:34

Jakob rə̄yā̰ kūbə̄ kə́ rɔ̄n tə́ ō, do̰ō̰ kūbə̄ sákə̄ gírən tə́ ō, ba nōō ngōnə̄n dan i ngá̰ý.

TA KƏLA 37:29

Ruben tél reē ta bəlo taā man̄ ndī ní tə́, anī ənge Jəjep kemeé alé. Ni rə̄yā̰ kūbə̄ kə́ rɔ̄n tə́

IJAI 58:5

Ndi ɓō kə́ nelə̄m̄ to i tītə̄ ń noō a? Tél kə rɔ̄sí kə̄ nang tə́ kadə̄ sḭḭ̄ i de kə́ dūú gə̄ ní, Kəla dɔ kə̄ nang tə́ tītə̄ tītə̄ mu tə̄ɓā beé, kəla kūbə̄ kəhɔ ndoō rɔ̄ tə́, kəto kum bumbə́rú tə́, i yá̰á̰ ń noō n ā ī-ɓāríin̄ na i ndi ɓō ní a? I yá̰á̰ ń noō n ā ī-ɓāríin̄ na i ndɔ̄ kə́ nelə̄m̄ mā ní a?

2 MBAN̄G 22:11

Dan ń mban̄g oō najə̄ kə́ kem makətūbə̄ ndū najə̄ tə́ oy anī, rə́yā̰ kūbə̄ gə̄ kə́ rɔ̄n tə́.

JEREMI 41:5

Anī de kə́ dəngam gə̄ kutə sɔ́sɔ́ ḭḭn̄ Sisem ō, Silo ō, Samari ō, reēn̄. Nin̄ dəsān̄ mbāýdə́ kɔ̄ɔ́ ō, rə́yā̰n̄ kūbə̄ kə́ rɔ̄də́ gə̄ tə́ ō, tə́jān̄ rɔ̄də́ kə doó ō, əhɔn̄ yá̰a̰ ndējə̄ gə̄ ō, kajaja ō, jīdə́ tə́ yā ndējə̄ kem kújə yā Kɔ́ɔ̄ɓē tə́.

JEREMI 42:10

Ré ī-ndigiī ndi kem ɓē ń toō tə́ anī, m-ā m̄-ə̄ndāsí kemeé ō, m-ā m̄-nujə sesí to̰ aĺ ō. M-ā m̄-mbūsə̄sí kadə̄ ī-raī ngan̄g ō, m-ā m-ɔ̄r̄sí to̰ aĺ i kə́ bátə́ gə̄ tə́ ō. Yá̰á̰ kə́ majaĺ ń m̄-rāā sesí ní, m-ā m̄-tə́ndā gír yā gán̄g kɔ̄ɔ́ ō.

OJEE 14:1

De kə́ Samari gə̄ a əgān̄ kə̄rā yá̰a̰ rāādə́ kə́ gōtə́ aĺ gə̄, tɔdɔ̄ nin̄ mbātə́n̄ najə̄ gō Nə́ɓā yādə́ tə́. Nin̄ a oyn̄ ta rɔ̄ɔ̄ tə́ ō, a rējə̄n̄ ngáń kásə̄ yādə́ gə̄ ō, a njarən̄ kem dəyá̰ yādə́ gə̄ kə́ ndānə̄n̄ ngán gə̄ ō.

2 YÁ̰A̰ GƏ̄ 6:27

ḭ̄ ń ī-ndi dɔ rā̰ tə́ ní ōō ndūdə́ ō, ī-mā̰ȳ rɔ̄í dɔ majaĺ yādə́ tə́ ō, tɔdɔ̄ nin̄ i ngé kəla yāí gə̄ ō, i gír deē yāí gə̄ ō. Tá ɓáý to̰ ní, ɔ́jə́də́ ta róbə́ kə́ majə ń kadə̄ unən̄ ní ō. Gō tə́ anī ī-rāā ādə̄ man̄ edə dɔ nang yāí ń ādə̄də́ kə́ yādə́ tə́ ní.

JEREMI 36:7

Majanī ndɔ̄ȳ yādə́ a ugə̄ ta kum Kɔ́ɔ̄ɓē tə́ ō, nin̄ kógə̄ḿ kógə̄ḿ a tūrə̄n̄ yá̰a̰ rāādə́ kə́ majaĺ gə̄ ō, tɔdɔ̄ wōn̄g ō, wōn̄g kə́ ngá̰ý ō ń Kɔ́ɔ̄ɓē rāā kə gír de gə̄ ń toō ní to ɓōĺ ngá̰ý.

JONAS 3:9

I náa n ger̄? Majanī Nə́ɓā a lōō gíŕ yá̰á̰ ń ní sāā rāā tə́ ní kɔ̄ɔ́. Ni a əya̰ gō wōn̄g ń rāān dɔjí tə́ ní kɔ̄ɔ́, adə̄ j-a j-oyiī alé.