JOEL 2:11 - Bibəl ta Sar̄

¹¹ Ndū Kɔ́ɔ̄ɓē ɓār̄ kété no ngé rɔ̄ɔ̄ yān gə̄ tə́. Kutə ngé rɔ̄ɔ̄ yān gə̄ i ngá̰ý al̄ naā. Deē ń rāā yá̰á̰ ń Kɔ́ɔ̄ɓē əda ní i de kə́ tɔ́gən i ngá̰ý. Ndɔ̄ yā Kɔ́ɔ̄ɓē i ndɔ̄ kə́ bo ngá̰ý ō, to ɓōĺ ngá̰ý ō. I náā n asə tə́gā tan ndɔ̄ ndɔ̄ ní tə́ ní?

Bible sar

¹¹ Ndū Kɔ́ɔ̄ɓē ɓār̄ kété no ngé rɔ̄ɔ̄ yān gə̄ tə́. Kutə ngé rɔ̄ɔ̄ yān gə̄ i ngá̰ý al̄ naā. Deē ń rāā yá̰á̰ ń Kɔ́ɔ̄ɓē əda ní i de kə́ tɔ́gən i ngá̰ý. Ndɔ̄ yā Kɔ́ɔ̄ɓē i ndɔ̄ kə́ bo ngá̰ý ō, to ɓōĺ ngá̰ý ō. I náā n asə tə́gā tan ndɔ̄ ndɔ̄ ní tə́ ní?

JOEL 2:11 Referans Kwoze

MALASI 3:2

Dan ń a reē ní, i náā n a asə ra gas gotə kógə̄ḿ ní? Dan ń a ɔjə rɔ̄n kə̄ ndágá ní, i náa n a asə ra dɔɔ́ ní? Tɔdɔ̄ ni to i tītə̄ hor yā kɔdə̄ nge nōō gində̄ beé ō, tītə̄ sabūn̄ yā nge tə́go kūbə̄ beé ō.

NAHUM 1:6

I náā n asə ra ta wōn̄g yān tə́ ní? I náā n asə ndi kə kumneé dan ń wōn̄g yān o̰o̰ yá̰a̰ malang kə́ hor tə́ ní? Wōn̄g ní taā loo tītə̄ hor kə́ o̰o̰ loo beé. Mbal̄ gə̄ njárə̄n̄ non tə́.

JEJU TEĒ KUM JA̰A̰ 18:8

I tām̄ najə̄ ń noō tə́ n yá̰á̰ kə́ tōr̄ gə̄ ń əndān̄ dɔ danaá tām̄ yān tə́ ní, a reēn̄ dɔn tə́ i ndɔ̄ kógə̄ḿ beē ní. Yá̰á̰ kə́ tōr̄ gə̄ ní i yo ō, kəhɔ ndoō ō, ɓō ō, tá hor a o̰o̰n ō. Tɔdɔ̄ Kɔ́ɔ̄ɓē Nə́ɓā ń gān̄g sarya dɔn tə́ ní, tɔ́gən i ngá̰ý.

JEJU TEĒ KUM JA̰A̰ 6:17

Tɔdɔ̄ ndɔ̄ kə́ bo yā wōn̄g yādə́ ugə̄ kɔ̄ɔ́ ní i náā n asə ra dɔɔ́?

JEREMI 30:7

I yá̰á̰ kə́ to kum kaȳ aĺ kə́ ba̰ý beē! Rɔ̄kum, ndɔ̄ ní i ndɔ̄ kə́ to ɓōĺ ngá̰ý, ndɔ̄ kə́ tītə̄n gətóo. I kum mbang wur kɔl kə́ to ɓōĺ ngá̰ý tām̄ yā Jakob tə́. Banī ni a teē kum tə́ karī.

PĀ GƏ̄ 46:6

Nə́ɓā i kem ɓē ní tə́ adə̄ ɓē ní a ndebə alé. Ni dḭḭ̄ ɓē ní dəloí ɓatə.

AMOS 5:20

Ndɔ̄ yā Kɔ́ɔ̄ɓē ní, i ndɔ̄ kə́ loo kə́ tū tə́ a unjə̄ kow a? I beé alé, i ndɔ̄ kə́ loo kə́ tū tə́ risə til nding, i ndɔ̄ kə́ loo kə́ tū tə́ ndul ndí ndḭ́, i ndɔ̄ kə́ kanjə̄ loo kə́ unjə̄ kow.

JOEL 1:15

Ndoō wa. Ndɔ̄ kə́ to ɓōĺ ngá̰ý ń i ndɔ̄ yā Kɔ́ɔ̄ɓē ní dɔ i ngɔr! Loo kə́ nujə ń i Nə́ɓā kə́ bo kə́ tɔ́gən i ngá̰ý n gḛy ní, a reē naā tə́ seneé.

JEREMI 50:34

Ba nge rɔ̄ɔ̄ dɔdə́ tə́ tɔ́gən ngan̄g ngá̰ý, rīn na i Kɔ́ɔ̄ɓē kə́ bo kə́ tɔ́gən i ngá̰ý. Ni-ɔr̄ najə̄ kə́ tām̄ yādə́ tə́ kə ngangá ngá̰ý yā rāań kadə̄ ɓē tél ndi lɔm gogə́ ō, yā kəlań ɓōĺ kem Babilon gə̄ tə́ ō.

IJAI 42:13

Kɔ́ɔ̄ɓē njə̄rā kə̄ kété tītə̄ áskar kə́ nge wur kil beé, ni əhɔ rɔ̄n tɔgə tītə̄ de kə́ nge rɔ̄ɔ̄ beé. Ni ur kɔĺ rɔ̄ɔ̄ kə tɔ́gəneé, rɔ̄ɔ̄ madə̄ ba̰ā̰n gə̄ tītə̄ áskar kə́ nge wur kil beé.

IJAI 13:4

Ōōī kōō yá̰á̰ ń a ɓār̄ dɔ mbal̄ gə̄ tə́ noō: I kōō de kə́ ngá̰ý gə̄. Ōōī kōō ɓē ko̰o̰ gə̄ ń a ɓār̄ noó, kōō nápar de gə̄ kə́ ɔsən̄ dɔdə́ naā tə́. I Kɔ́ɔ̄ɓē kə́ bo kə́ tɔ́gən i ngá̰ý n a əndā ma̰ȳ ɓūtə̄ áskar yān gə̄ tām̄ yā rɔ̄ɔ̄ tə́ ní.

TƏ́DA 24:23

Ta tɔ̄l̄ ta anī Balam tə́da najə̄ gə̄ ń toō: Ndoō wa. I náā n a teē kum yá̰á̰ ń Nə́ɓā a rāā tə́ ní?

JEREMI 25:30

Ba ḭ̄ ā ə́dádə́ najə̄ gə̄ malang ń m-ɔ̄r̄ seí ní, ā ə́dádə́ na: Kɔ́ɔ̄ɓē ndán̄g rɔ̄n kə̄ dɔ rā̰ tə́, ndūn ɓār̄ kə̄ kem kújə yān kə́ táĺ tə́. Ni ndán̄g rɔ̄n dɔ ɓē yān tə́. Ni ur kɔĺ dɔ de gə̄ malang ń ndin̄ dɔ nang tə́ ní, tītə̄ yā ngé mbə̄sā kan̄ kāgə̄ nduú kə njadə́ beē.

AMOS 5:18

Ngé gə̄ ń tə́gān̄ tadə́ sétə́ loo ngóō ndɔ̄ yā Kɔ́ɔ̄ɓē tə́ ní, yá̰á̰ kə́ to kum kaȳ aĺ i tām̄ yādə́ tə́! Ndɔ̄ yā Kɔ́ɔ̄ɓē ngeé ń toō ní, i rí tām̄ yāsí tə́? I ndɔ̄ kə́ loo kə́ tū tə́ unjə̄ kow a? I beé alé: I ndɔ̄ kə́ loo kə́ tū tə́ ndul ndí ndḭ́!

AMOS 1:2

Amos əda na: Kɔ́ɔ̄ɓē nōō tītə̄ ɓɔl beé dɔ mbal̄ kə́ Siyo̰ tə́. A̰á̰ā̰, ni-ra Jerusalem rāań adə̄ de gə̄ oōn̄ ndūn. Loo gə̄ ń a aw̄n̄ kə yá̰a̰ kul̄ gēé tūtə̄ kadə̄ əsan̄ yá̰a̰ ní majən̄ aĺ ngá̰ý. Dɔ mbal̄ Karmel i kə́ tutə káḿ káḿ kɔ̄ɔ́.

JOEL 2:25

Kōō yāsí gə̄ ń m-ə́la kə kur̄ kə́ ngá̰ý yāḿ gə̄ ń i yim̄ gə̄ ō kə́ndīŕ gə̄ ō gaẃ gə̄ ō taw̄ gə̄ ō, adə̄ nujənə̄ń kɔ̄ɔ́ kem ɓāl̄ kə́ kété gə̄ tə́ ní, m̄-téləń m-ādə̄sí gogə́.

EJEKIEL 22:14

Ndɔ̄ ń m-ā m̄-rɔ̄ɔńsí tə́ ní ā ə́hɔī rɔ̄sí tɔgə ō, ā ə́ngeī tɔ́gə ō a? I mā Kɔ́ɔ̄ɓē n m-ɔ̄r̄ najə̄ ní, ba yá̰á̰ ń m-ə́dá ní m-ā m̄-rāā.

IJAI 7:18

Ndɔ̄ kógə̄ḿ tə́ anī, Kɔ́ɔ̄ɓē a kɔ̄ŕ yá̰a̰ ta kógə̄ḿ, yā ɓārə́nń kón̄g gə̄ kə́ gō loo ń bā Nil a əsō kum bā bo tə́ tū tə́ ní tə́ ō, tejə gə̄ kə́ dɔ nang kə́ Asiri tə́ ō, kadə̄ reēn̄.

1 TESALONIK 4:16

Tām̄ ngol de kə́ dɔ rā̰ tə́ gə̄ a adə̄ ndūn ō, bərúnjə yā Nə́ɓā a ɓār̄ ō, anī Kɔ́ɔ̄ɓē nəkɔ́ a teē dɔ rā̰ tə́ yā reē. Adə̄ de gə̄ ń ɓoon̄ naā kə Kərist tá oyn̄ ní, a ndólə̄n̄ kété.

JOEL 1:6

Dūbūú kur̄ kə́ ngá̰ý gə̄ rɔ̄ɔ̄n̄ ɓē yāḿ. Tɔ́gə́də́ i ngá̰ý ō, kutədə́ i kə́ dum̄ tə́da ō. Ngān̄gdə́ i ngān̄g ɓɔl ō, kə̄ngā mbɔ̄r̄də́ i kə̄ngā mbɔ̄r̄ ɓɔl kə́ kó̰o̰ ō.

JOEL 2:1

Ī-kɔ̄ríī tōw̄ Siyo̰ tə́. Úriī kɔl rɔ̄ɔ̄ dɔ mbal̄ yāḿ kə́ táĺ tə́. Ādə̄ de kə́ kem ɓēé gə̄ malang ndewn̄. Ndɔ̄ yā Kɔ́ɔ̄ɓē a reē noó, dɔ ndɔ̄ ní i ngɔr.

JOEL 2:2

I ndɔ̄ kə́ ndul ndí ndí ō, risə til nding ō. I ndɔ̄ yā kil̄ man̄ gə̄ ō, yā kil̄ man̄ kə́ ndul kíndíńg kíndíńg ō. Gír de kə́ ngá̰ý gə̄ ō, ngangə̄n̄ ngá̰ý gə̄ ō, tə̄ndān̄ naā tḭ̄ḭ̄n̄ kə̄ dɔ mbal̄ gə̄ tə́, tītə̄ ta gír loo kə́ atə wororo beé. I gír de gə̄ kə́ deē a̰a̰də́ nja kógə̄ḿ aĺ ɓáý ō, kə́ deē a a̰a̰də́ gogə́ to̰ aĺ i kə́ bátə́ gə̄ tə́ ō, bátə́ ɓāl̄ yā gír kojə gə̄ kə́ ndɔ̄ń tə́ tə́.

ABƏDIAS 1:15

A̰á̰ā̰, ndɔ̄ ń mā Kɔ́ɔ̄ɓē m-ā m̄-gāngəń sarya dɔ nápar de gə̄ tə́ malang ní, dɔ to ngɔr. Yá̰á̰ ń ḭ̄ ī-rāā kə madí gēé ní, a rāān̄ seí ō. Yá̰a̰ rāāí kə́ majaĺ gə̄ a télən̄ yā kəsō dɔí tə́.

PĀ GƏ̄ 18:14

Kɔ́ɔ̄ɓē rāā adə̄ man̄ ndang dɔ rā̰ tə́, Nə́ɓā kə́ dɔɔ́ sa̰y ngá̰ý rāā adə̄ ndūn ɓār̄.

PĀ GƏ̄ 68:18

Púsə rɔ̄ɔ̄ gə̄ yā Nə́ɓā i dūbú ngá̰ý, i dūbú ngá̰ý nja kutə kə̄ gogə́. Kɔ́ɔ̄ɓē i dandə́ tə́, mbal̄ Sinai i kem loo kə́ táĺ tə́.