JOEL 1:7 - Bibəl ta Sar̄

⁷ Nin̄ nujən̄ kə kāgə̄ nduú yāḿ gə̄ sák sák kɔ̄ɔ́ ō. Jéngə̄n̄ kāgə̄ kótə̄ yāḿ gə̄ náḿ náḿ kɔ̄ɔ́ ō. Nin̄ əsan̄də́ ɔrə̄n̄ ngɔ̄ɔ̄də́ gə̄ kɔ̄ɔ́ ba yá̰á̰ gə̄ ń əya̰n̄ ní i ta jīdə́ kə́ tetə ndaa gə̄ ngóy.

Bible sar

⁷ Nin̄ nujən̄ kə *kāgə̄ nduú yāḿ gə̄ sák sák kɔ̄ɔ́ ō. Jéngə̄n̄ kāgə̄ kótə̄ yāḿ gə̄ náḿ náḿ kɔ̄ɔ́ ō. Nin̄ əsan̄də́ ɔrə̄n̄ ngɔ̄ɔ̄də́ gə̄ kɔ̄ɔ́ ba yá̰á̰ gə̄ ń əya̰n̄ ní i ta jīdə́ kə́ tetə ndaa gə̄ ngóy.

JOEL 1:7 Referans Kwoze

AMOS 4:9

Mā m̄-rāā ādə̄ kōō yāsí gə̄ tutən̄ ta bēl̄ tə́ aláa ndumən̄ kem ndɔrɔ́. Mā m̄-nujə ndɔr̄ tá̰a̰ yāsí gə̄ ō, ndɔr̄ kāgə̄ nduú yāsí gə̄ ō, gaẃ gə̄ əsan̄ kāgə̄ kótə̄ yāsí gə̄ ō, kāgə̄ olibə yāsí gə̄ ō. Ɓá tā banī sḭḭ̄ ī-téliī ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.

IJAI 5:6

M-ā m̄-rāān dɔ nang kə́ kem bembeé tə́. Deē a gán̄g ta jī kāgə̄ kə́ kemeé gə̄ aĺ ō, deē a ró̰ȳ mu kə́ kemeé aĺ ō. Túpə kōn̄ gə̄ a əɓan̄ kem ndɔr̄ kāgə̄ nduú yāḿ tə́ ō, m-ā m-ɔ̄gə̄ kil̄ man̄ gə̄ kəya̰ man̄ kadə̄ edə dɔ tə́ ō.

JOEL 1:12

Kāgə̄ nduú tutə kɔ̄ɔ́, kāgə̄ kótə̄ ndəlē riw kɔ̄ɔ́. Kāgə̄ gərenadə ō, kāgə̄ túmbur ō, kāgə̄ jīm̄ tītə̄ ō, kāgə̄ malang kə́ kem ndɔrɔ́ i kə́ tutə kɔ̄ɔ́. Rɔ̄nel̄ gətóo kɔ̄ɔ́ dan de gə̄ tə́.

HABAKUK 3:17

Kāgə̄ kótə̄ gə̄ hútə̄n̄ to̰ aĺ ō, kāgə̄ nduú gə̄ anə̄n̄ to̰ aĺ ō, kan̄ kāgə̄ olibə gə̄ gətóon̄ dɔ kāgə̄ olibə gə̄ tə́ ō, ndɔr̄ teē yá̰a̰ kəsa to̰ aĺ ō. Batə̄ gə̄ gətóon̄ kem gɔngɔɔ́ ō, man̄g gə̄ gətóon̄ gír dabə gə̄ tə́ ō.

OJEE 2:12

Ngɔlaā ní m-ā m̄-ɔ̄r̄ yá̰a̰ rɔ̄n tə́ ta kum ngé sāān gə̄ tə́, ba de kə́ yā kɔgə̄m̄ a gətóo.

JEREMI 8:13

m̄-gḛy kadə̄ gír yādə́ gān̄g kɔ̄ɔ́. Kan̄ kāgə̄ nduú gətóo dɔ kāgən tə́ ō. Kan̄ kótə̄ gətóo dɔ kāgə̄ tə́ ō. Mbī kāgə̄ gə̄ ndəlē ō. M-ə́yá̰də́ kem jī ngé mān̄ róbə gə̄ tə́.

IJAI 24:7

Kasə nduú kə́ kijə əhɔ ndoō, tɔ́gə kāgə̄ nduú gətóo kɔ̄ɔ́, ngé gə̄ ń kété kemdə́ nel̄də́ ngá̰ý ní, a nōōn̄ i mbée.

PĀ GƏ̄ 105:33

Nujə kāgə̄ nduú yādə́ gə̄ ō, kāgə̄ kótə̄ yādə́ gə̄ ō, tétə̄ kāgə̄ gə̄ kə́ gō nang yādə́ tə́ ō.

Teē Ngán Israel gə̄ 10:15

Yḭm̄ gə̄ ní taān̄ loo dɔ nang tə́ malang adə̄ dɔ nang tél ndul mikəri. Nin̄-əsan̄ mu gə̄ ō, kan̄ kāgə̄ gə̄ ō ń kɔ̄sə̄ nujəń aĺ ní, adə̄ dɔ nang kə́ Ejiptə malang ndágə doy ō, kāgə̄ kógə̄ḿ kə́ mbīn na̰y dɔ tə́ gətóo ō.

Teē Ngán Israel gə̄ 10:14

Yḭm̄ gə̄ tə̄ndān̄ naā tḭ̄ḭ̄n̄ kə̄ loo gə̄ tə́ malang dɔ nang kə́ Ejiptə tə́. Deē asə tə́dádə́ alé, tɔdɔ̄ nin̄ i ngá̰ý. Deē a̰a̰ yḭm̄ gə̄ kə́ asən̄ naā beé kété aĺ ō, gō yḭm̄ gə̄ ń noō tə́ ní deē a a̰a̰ kə́ rang gə̄ kə́ asən̄ naā beé aĺ ō.

IJAI 32:12

Ɔ́jiī rɔ̄nel̄ aĺ yāsí kə̄ ndágá. Ī-nōōī tām̄ majə kə́ ndɔr̄ gə̄ majən̄ tə́ ō, tām̄ kāgə̄ nduú gə̄ kə́ anə̄n̄ ngá̰ý tə́ ō.

MALASI 3:11

M-ā m̄-tūr̄ ta gaẃ gə̄ kɔ̄ɔ́ dɔsí tə́: Nin̄ a nujən̄ kōō yāsí gə̄ aĺ ō, a ɔgə̄n̄ kāgə̄ nduú yāsí gə̄ ka̰a̰n̄ aĺ ō. I mā Kɔ́ɔ̄ɓē kə́ bo kə́ tɔ́gə́ḿ i ngá̰ý n m-ə̄nī ndūḿ ní.