JOEL 1:13 - Bibəl ta Sar̄

¹³ Ngé tun̄ yá̰a̰ gə̄ ī-dō̰ō̰ī ɓōdə̄sí ō, ī-nōōī rɔ̄sí ō. Sḭḭ̄ ngé rāā kəla tun̄ yá̰a̰ ī-gāngī kɔŕ. Sḭḭ̄ de kə́ bo gə̄ yā Nə́ɓā yāḿ, ī-reēī, ō̰ō̰ī kūbə̄ kəhɔ ndoō ī-ɓīīneé. Tɔdɔ̄ ndəjə̄ yá̰a̰ aláa tə́te kasə nduú kem kújə yā Nə́ɓā yāsí tə́ kɔ̄ɔ́.

Bible sar

¹³ *Ngé tun̄ yá̰a̰ gə̄ ī-dō̰ō̰ī ɓōdə̄sí ō, ī-nōōī rɔ̄sí ō. Sḭḭ̄ ngé rāā kəla *tun̄ yá̰a̰ ī-gāngī kɔŕ. Sḭḭ̄ de kə́ bo gə̄ yā Nə́ɓā yāḿ, ī-reēī, ō̰ō̰ī kūbə̄ kəhɔ ndoō ī-ɓīīneé. Tɔdɔ̄ ndəjə̄ yá̰a̰ aláa tə́te kasə *nduú kem kújə yā Nə́ɓā yāsí tə́ kɔ̄ɔ́.

JOEL 1:13 Referans Kwoze

JEREMI 4:8

Tām̄ najə̄ ń toō tə́ ní, ō̰ō̰ī sákə̄ kūbə̄ tə́ rɔ̄sí tə́. Ī-nōōī rɔ̄sí ō, ə́gaī kɔŕ ō, tɔdɔ̄ wōn̄g yā Kɔ́ɔ̄ɓē kə́ al̄ naā ngá̰ý əya̰ gōjí alé.

JOEL 2:17

Ādə̄ ngé tun̄ yá̰a̰ gə̄ ń i de kə́ bo gə̄ yā Kɔ́ɔ̄ɓē ní ran̄ mbənā ngōn̄ kújə́ kə́ ta róbə́ tə́ kújə yā Kɔ́ɔ̄ɓē tə́ kə loo tun̄ yá̰a̰ ba nōōn̄ tə́. Ādə̄ ədan̄ na: Kɔ́ɔ̄ɓē, á̰a̰ kum tō ndoō yā gír deē yāí gə̄. Ī-lōō rāā kadə̄ yá̰á̰ kə́ to rɔ̄sɔl̄ ə̄sō dɔ yá̰a̰ kənge yāí tə́, yā kadə̄ nápar de gə̄ lúrən̄də́. I tām̄ rí tə́ á de gə̄ ədan̄ dan gír nápar de gə̄ tə́ na Nə́ɓā yādə́ i rá ní?

EJEKIEL 7:18

Nin̄ a o̰o̰n̄ kūbə̄ kəhɔ ndoō ō, ɓōĺ a ndewdə́ ō. Ta kumdə́ i kə rɔ̄sɔlɔ̄ɔ́ ō, nin̄ malang a dəsān̄ dɔdə́ kɔ̄ɔ́ ō.

JEREMI 9:10

M-ā m̄-rāā Jerusalem kadə̄ to tītə̄ mbal̄ kə́ kán̄ dɔ naā tə́ ō, kadə̄ to tītə̄ loo ra tal̄ gə̄ ō. m-ā m̄-rāā ɓē kə́ Juda tə́ gə̄ kadə̄ télən̄ loo kə́ to kum ko̰ ō, de gə̄ a gətóon̄ kemeé ō.

1 MBAN̄G GƏ̄ 21:27

Dan ń Akab oō najə̄ gə̄ ń noō anī, ni rə̄yā̰ kūbə̄ kə́ rɔ̄n tə́ ba əla kūbə̄ sákə̄ rɔ̄n tə́ adə̄ ɔdə ndārə́n ō, ndi ɓō tām̄ yā Nə́ɓā tə́ ō, a to i kə kūbə̄ sákə̄ ní ō, a njə̄rā i jəke jəke ō.

2 KORḚNTƏ 11:23

Nin̄ i ngé rāā kəla gə̄ yā Kərist a? Ré i nge ń noō ɓáa m-ā m-ɔ̄r̄ i kə́ nge kɔ̄r̄ tə́ ɗer. Mā m̄-tɔȳdə́ loo rāā kəla yā Kərist tə́. m̄-rāā kəla m̄-tɔȳdə́. m̄-rāā dəngáy kə̄ nja naā tə́ ō, əndamə̄n̄ nja i ngá̰ý ō, m-ə́ngé yá̰á̰ kə́ asə yoḿ kə̄ nja naā tə́ ō.

2 KORḚNTƏ 6:4

Ba tū yá̰a̰ gə̄ tə́ malang ɓáa j-ɔjə kə̄ ndágá kadə̄ jḭḭ i de kə́ bo gə̄ yā Nə́ɓā. Jə-tə́gā tají ngá̰ý dan wur kɔl gə̄ tə́ ō, dan yá̰á̰ gə̄ kə́ tɔyn̄ dɔjí tə́ ō, dan sōl̄ gə̄ tə́ ō.

2 KORḚNTƏ 3:6

Tɔdɔ̄ i ni n i nge rāā tá kadə̄ jḭḭ j-asəń téĺ ngé rāā kəla gə̄ yā madə̄ naā kə́ kíjə ní. Madə̄ naā kə́ kijə ní ra i dɔ ndū najə̄ kə́ ndang tə́ alé, banī ra i dɔ Ndíĺ tə́. Ndū najə̄ kə́ ndang a tɔ̄l̄ i deē, banī Ndíĺ i nge rāā kadə̄ deē ndi kə kumneé.

1 KORḚNTƏ 9:13

Ngé rāā kəla kem kújə yā Kɔ́ɔ̄ɓē tə́ gə̄ a əsan̄ i yá̰á̰ kə́ kem kújə yā Kɔ́ɔ̄ɓē tə́ ō, ngé rāā kəla loo tun̄ yá̰á̰ tə́ gə̄ a əngen̄ kumən yādə́ dan yá̰á̰ gə̄ ń ndējə̄n̄ Nə́ɓā dɔ loo tun̄ yá̰á̰ tə́ ní ō ní ī-gerī aĺ a?

1 KORḚNTƏ 4:1

I beé ní, majə kadə̄ ī-rāāījí ngé kəla yā Kərist gə̄ tə́ ō, ī-rāāījí de gə̄ kə́ əndān̄də́ ta kəla najə̄ kə́ rɔ̄kum gə̄ yā Nə́ɓā kə́ to loo mundə̄ tə́ ō.

IJAI 61:6

Ba sḭḭ̄, a əndān̄ rīsí na i ngé tun̄ yá̰a̰ gə̄ yā Kɔ́ɔ̄ɓē. A ɓārə́n̄sí na i ngé rāā kəla gə̄ yā Nə́ɓā yājí. Yá̰a̰ kənge yā nápar de gə̄ a rāā majə sesí ō, ā ɔ́jiī rɔ̄sí kə yá̰a̰ kənge yādə́ ō.

2 SAMUEL 12:16

Dabid rāā Nə́ɓā ɓɔ́ tām̄ yā ngōn̄ ní tə́. Ni-*ndi ɓō tām̄ yā Nə́ɓā tə́ ō, ré a aw̄ kə̄ kətoó nang tə́ ndɔ̄ɔ́ anī, a to i dɔ dā nang tə́ ō.

TƏ́DA 29:6

Ā ī-róōī dā̰ gə̄ ń noō horoó yā kərōń dā̰ kə́ róō ndɔ̄ nāā kə́ ta kəga dɔ tə́ kə ndujə̄ kə́ dɔ tə́ ō, dā̰ kə́ róō kə dɔ ndɔ̄ gə̄ kə ndujə̄ kə́ dɔ tə́ ō, kasə nduú kə́ yā tə́te dɔdə́ tə́ gə̄ ō. Ā ī-rāāī i kə gō looneé. Nge ń noō i yá̰a̰ kəsa kə́ sēēn sɔl̄ kem Kɔ́ɔ̄ɓē.

JEJU TEĒ KUM JA̰A̰ 11:3

Ba m-ā m-ādə̄ de kə́ kum tə́ yāḿ kə́ jōó gə̄ kadə̄ a ədan̄ najə̄ kə́ Nə́ɓā əndā tadə́ tə́. Nin̄ a o̰ō̰n̄ kūbə̄ kəhɔ ndoō yā kədań najə̄ ní ndɔ̄ 1260.

IJAI 22:12

Ndɔ̄ ngeé ń noō tə́ ní, Kɔ́ɔ̄ɓē Nə́ɓā kə́ bo kə́ tɔ́gən i ngá̰ý dəjesí kadə̄ ī-nōōī ō, ə́gaī kɔŕ ō, ī-dəsāī dɔsí ō, ō̰ō̰ī kūbə̄ kəhɔ ndoō ō.

EJEKIEL 21:12

Loo ń ré a dəjeīn̄ na ké ā ī-tó̰ō̰ rus rus i tām̄ rí tə́ wa anī, ī-téĺ ə́dádə́ na ōō najə̄ kə́ majaĺ ō, yá̰á̰ ni na a rāā yá̰a̰ ō. Kem de gə̄ na a nujə sák sák kɔ̄ɔ́ ō, jī de gə̄ a ur̄ wak kɔ̄ɔ́ ō. Kum mbangən n toó! Yá̰á̰ ní a rāā yá̰a̰ i ngɔr ń toō tə́. Najə̄ ń Kɔ́ɔ̄ɓē Nə́ɓā əda ní n noó.

OJEE 9:5

Yá̰á̰ ń ā ī-rāāī ndɔ̄ kənge naā tə́, adə̄ i ndɔ̄ rāā nāā yā Kɔ́ɔ̄ɓē tə́ ní, i rí?

JOEL 2:14

Majanī Nə́ɓā a tél yā tūr̄ ndūn ō, kemən a sɔl̄ ō, adə̄ a nujə sejí kɔ̄ɔ́ alé. Ni a adə̄jí yá̰a̰ kənge ngá̰ý ō. Adə̄ ā ī-tunī yá̰a̰ ō, ā ī-tə́teī kasə nduú ō, yā kadə̄ Kɔ́ɔ̄ɓē yāsí.

TƏ́DA 28:4

A ndējə̄n̄ kógə̄ḿ kə ndɔ̄ý ō, kə́ noō loo sɔlí ō.

TƏ́DA 28:7

A tə́ten̄ kasə kə́ ngan̄g kə́ asə lāngá kógə̄ḿ kə núsə tām̄ yā ngōn̄ batə̄ kə́ kə ndɔ̄ý tə́ yā ndējə̄ Kɔ́ɔ̄ɓē kem loo kə́ táĺ tə́.

TƏ́DA 28:14

Kasə nduú i lāngá mətá kə dɔ man̄g kə́ bəra gēé ō, lāngá jōó dɔ bal batə̄ tə́ ō, i lāngá kógə̄ḿ kə núsə kə dɔ ngán batə̄ gēé ō. Dā̰ gə̄ kə́ yā róōdə́ horoó kə ndɔ̄ kə́ ta kəga dɔ yā nāā tə́ kə dɔ ɓāl̄ gə̄ n noó.

EJEKIEL 27:31

Nin̄ dəsān̄ dɔdə́ ō, a o̰o̰n̄ kūbə̄ kəhɔ ndoō ō, najə̄ yāí tə́. Nin̄ a nōōīn̄ kə man̄ kumdə́, tɔdɔ̄ kemdə́ nel̄də́ aĺ ngá̰ý ō, nin̄ a nōōn̄ rɔ̄də́ kə wur katāá ō.

JOEL 2:12

Kɔ́ɔ̄ɓē ɔr̄ najə̄ əda na: Ngɔlaā ní, ī-teliī kə̄ rɔ̄ḿ tə́ kə ngarā̰ kemsí malang. Ī-*ndiī ɓō tām̄ yāḿ tə́ ō, ī-nōōī ō, ī-sɔ̄míī ō.