JOEL 1:10 - Bibəl ta Sar̄

¹⁰ Nujən̄ kə ndɔr̄ gēé sák sák kɔ̄ɔ́, dɔ nang əhɔ ndoō. Nujən̄ kə gémēé sák sák kɔ̄ɔ́ ō, kasə nduú kə́ kijə təgā kɔ̄ɔ́ ō, yibə̄ kə́ kijə gətóo kɔ̄ɔ́ ō.

Bible sar

¹⁰ Nujən̄ kə ndɔr̄ gēé sák sák kɔ̄ɔ́, dɔ nang əhɔ ndoō. Nujən̄ kə gémēé sák sák kɔ̄ɔ́ ō, kasə nduú kə́ kijə təgā kɔ̄ɔ́ ō, yibə̄ kə́ kijə gətóo kɔ̄ɔ́ ō.

JOEL 1:10 Referans Kwoze

OJEE 4:3

I tām̄ najə̄ ń toō tə́ n loo laa a rāā dɔ nang kə́ kem ɓēé kadə̄ tutə káḿ káḿ ní. De kə́ kem ɓēé gə̄ malang ō, dā̰ kə́ bembeé gə̄ ō, yel̄ kə́ dɔɔ́ gə̄ ō ní, tɔ́gə́də́ a gətóo i ndɔ̄ naā tə́ gidə kógə̄ḿ. Kānjə̄ gə̄ kə́ kum bā bo tə́ gə̄gē a gətóon̄ kɔ̄ɔ́.

OJEE 9:2

Banī gémē ń a əndan̄ loo kənda gémē tə́ ní ō, yibə̄ ń a taān̄ ta loo mbérē yibə̄ tə́ ō ní, i tām̄ yāí tə́ alé. Kasə nduú kə́ kijə ń ī-ndi ā ī-ngóō ní ā ə́nge alé.

JEREMI 12:11

Rāānən̄ adə̄ tél loo kə́ to kum ko̰. I ni n to noḿ tə́ toō, to nōō ngá̰ý ō, to kum ko̰ ō. Ɓē kə taá malang to kum ko̰, ba deē a̰a̰ de kə́ tōrə̄n najə̄n tə́ alé.

JOEL 1:5

Ngé kasə rāā gə̄, ī-ndólī dɔ ɓīī tə́ ō, ī-nōōī ō. Sḭḭ̄ malang, ngé ka̰ȳ kasə nduú gə̄, ī-nōōī rɔ̄sí. Tɔdɔ̄ ɔrə̄n̄ kasə nduú tasí tə́ kɔ̄ɔ́.

Makətūbə̄ yā Aje 1:11

m̄-rāā ādə̄ man̄ əhɔ laa kem ɓēé: Dɔ ngán mbal̄ gə̄ tə́ ō, dɔ ndɔr̄ kōō gémē tə́ ō, dɔ ndɔr̄ kāgə̄ nduú gə̄ tə́ ō, dɔ ndɔ̄r̄ kāgə̄ olibə gə̄ tə́ ō, dɔ ndɔr̄ kə́ rang gə̄ tə́ ō. Deē ndul gə̄ ō, dā̰ gə̄ ō a̰a̰n̄ tápə̄ najə̄ man̄ kə́ əhɔ laa tə́ ō, kəla malang ń ī-rāāī ní udə kɔ̄ɔ́ ō.

JOEL 1:12

Kāgə̄ nduú tutə kɔ̄ɔ́, kāgə̄ kótə̄ ndəlē riw kɔ̄ɔ́. Kāgə̄ gərenadə ō, kāgə̄ túmbur ō, kāgə̄ jīm̄ tītə̄ ō, kāgə̄ malang kə́ kem ndɔrɔ́ i kə́ tutə kɔ̄ɔ́. Rɔ̄nel̄ gətóo kɔ̄ɔ́ dan de gə̄ tə́.

JEREMI 48:33

Rɔ̄nel̄ kə́ ngá̰ý gətóo kɔ̄ɔ́ kem ndɔr̄ kāgə̄ nduú gə̄ kə́ Moab tə́ ō, gō nang yān tə́ ō. m̄-rāā adə̄ kasə nduú iī kɔ̄ɔ́ kem jóon gə̄ tə́. De gə̄ mbə́rēn̄ kan̄ nduú kə kɔŕ rɔ̄nelēé to̰ alé.

JEREMI 12:4

Dɔ nang a əhɔ ndoō i bátə́ ta kə́ rá? Mu kə́ ndɔrɔ́ a tutə kɔ̄ɔ́ malang i bátə́ ta kə́ rá? De kə́ kem ɓēé gə̄ ń ədan̄ na Nə́ɓā a̰a̰ yá̰á̰ kə́ ndɔ̄ń tə́ alé ní, kem ndul yādə́ a tɔ̄l̄ dā̰ kə́ bembeé gə̄ ō, yel̄ gə̄ ō yā təgā.

IJAI 24:11

De gə̄ nōōn̄ kasə kə́ kum róbə kɔsə gə̄ tə́, ədan̄ na kasə na gətóo, rɔ̄nel̄ gətóo kɔ̄ɔ́, tə̄ɓān̄ rɔ̄nel̄ kɔ̄ɔ́ kem ɓēé.

LEBI GƏ̄ 26:20

Ā ī-təgāī tɔ́gə́sí i karī, dɔ nang yāsí a teē yá̰a̰ aĺ ō, kāgə̄ yāsí gə̄ a anə̄n̄ aĺ ō.

TA KƏLA 4:12

Adə̄ ré ā ī-ndɔr̄ dɔ nang anī, ni a teē yá̰a̰ yā kadī to̰ alé. Ā ī-ndi gotə kógə̄ḿ alé, ā ī-tél i de kə́ nge dáȳ dɔɔ́.

IJAI 15:6

Dang man̄ kə́ Nimrim tél i dəla loo kə́ rɔ̄nel̄ gətóo tū tə́. Kāgə̄ gə̄ tutən̄ ō, mu gətóo kɔ̄ɔ́ ō. Yá̰á̰ kə́ to ɓōĺ gətóo.

IJAI 24:7

Kasə nduú kə́ kijə əhɔ ndoō, tɔ́gə kāgə̄ nduú gətóo kɔ̄ɔ́, ngé gə̄ ń kété kemdə́ nel̄də́ ngá̰ý ní, a nōōn̄ i mbée.

JOEL 2:19

Kɔ́ɔ̄ɓē tél əda gír deē yān gə̄ na: M-ā m-ə́la kə gémē ō, kasə nduú ō, yibə̄ ō, yā kadə̄sí kadə̄ ndān̄sí. M-ā m-ādə̄sí yá̰a̰ gə̄ ń noō ngá̰ý. M-ā m̄-rāā kadə̄ yá̰á̰ kə́ to rɔ̄sɔl̄ əsō dɔsí tə́ dáń nápar de gə̄ tə́ to̰ aĺ bátə́.

HABAKUK 3:17

Kāgə̄ kótə̄ gə̄ hútə̄n̄ to̰ aĺ ō, kāgə̄ nduú gə̄ anə̄n̄ to̰ aĺ ō, kan̄ kāgə̄ olibə gə̄ gətóon̄ dɔ kāgə̄ olibə gə̄ tə́ ō, ndɔr̄ teē yá̰a̰ kəsa to̰ aĺ ō. Batə̄ gə̄ gətóon̄ kem gɔngɔɔ́ ō, man̄g gə̄ gətóon̄ gír dabə gə̄ tə́ ō.

MALASI 2:3

M-ɔ̄r̄ najə̄ m-ə́lań ɓōĺ kem de gə̄ kə́ gír kaasí tə́ kɔ̄ɔ́ ɓá. Yedə̄ dā̰ gə̄ ń ā ī-ndējī ndɔ̄ rāā nāā yāsí gə̄ tə́ ní, m-ā -m̄-ɓōkə́ kumsí tə́ ō, a ɔyn̄sí naā tə́ kə yedə̄ dā̰ gēé ō.