JEREMI 9:6 - Bibəl ta Sar̄

⁶ I tām̄ ń toō tə́ n Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ i tītə̄ ń toō beé ní: M-ā m̄-nōōdə́ horoó ō, m-ā m-ə̄ndā ma̰ȳdə́ ō. Tɔdɔ̄ m-ā m-ə́ndá gír deē yāḿ gə̄ najə̄ kem ndul yādə́ tə́.

Bible sar

⁶ I tām̄ ń toō tə́ n Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ i tītə̄ ń toō beé ní: M-ā m̄-nōōdə́ horoó ō, m-ā m-ə̄ndā ma̰ȳdə́ ō. Tɔdɔ̄ m-ā m-ə́ndá gír deē yāḿ gə̄ najə̄ kem ndul yādə́ tə́.

JEREMI 9:6 Referans Kwoze

JEREMI 13:10

Gír de kə́ ngé kem ndul gə̄ ń mbātə́n̄ koō najə̄ yāḿ ba rāān̄ dɔ ngan̄g kə̄ nodə́ tə́ ō, ngɔ̄də̄n̄ gō nə́ɓā kə́ rang gə̄ tə́ yā ndɔ̄ȳdə́ ō, ɔsən̄ nodə́ nang tə́ nodə́ tə́ rɔȳn̄də́ ō ní, ādə̄ tél ton̄ tītə̄ ta kūbə̄ do̰ō̰ ɓōdə̄ ń toō ń majə rāań yá̰a̰ to̰ alé ní.

Makətūbə̄ ń Pol ndang adə̄ Rom gə̄ ní 1:28

Dan ń nin̄-mbātə́n̄ ger̄ Nə́ɓā ní, Nə́ɓā əya̰də́ kə ger̄ yá̰a̰ aĺ yādə́ adə̄ nin̄-rāān̄ yá̰á̰ ń sɔɔ̄ kadə̄ nin̄-rāān̄ aĺ ní.

OJEE 4:6

Gír deē yāḿ gə̄ a oyn̄ i tām̄ nin̄ ger̄mə̄n̄ alé. Sḭḭ̄ ī-mbātíī gerə̄m̄. I tām̄ najə̄ ń toō tə́ n m̄ gḛy najə̄ yāsí to̰ aĺ ní. Sḭḭ̄ i ngé tun̄ yá̰a̰ yāḿ gə̄ to̰ alé. Dɔsí ndígə̄nal yá̰á̰ ń Nə́ɓā yāsí ndóōsí ní kɔ̄ɔ́ ɓá ní, dɔḿ mā a ndígə̄nal ngáńsí gə̄ ō.

JEREMI 20:10

M-ōō najə̄ kə́ to ka̰ȳ ndíl gə̄ ń kósə de gə̄ ɔrə̄n̄ ní, nin̄ ədan̄ na: Ɓōĺ kə́ al̄ naā i kə̄ loo gə̄ tə́ malang. Ī-teēī kə gírneé ndágá, j-a jə-teēī kə gírneé. Madə̄ taḿ gə̄ ń m̄-gḛydə́ ngá̰ý ní ngóōn̄ taḿ sḛḛ yā ka̰a̰ ké tɔ́gə́ḿ a gətóo i rə́ngáý tə́ wa. Nin̄ ədan̄ na: Majanī yá̰á̰ kógə̄ḿ a gól̄ mbóo deē ń noō ngɔr, kadə̄ j-a jə-rāāī yá̰á̰ ń kemjí ndigə ní ta ō, j-a jə-rāāī ba̰ā̰ seneé ō.

JEREMI 11:19

Mā, m̄-to tītə̄ ngōn̄ batə̄ kə́ dɔn sɔl̄ lɔ́ḿ lɔ́ḿ ń aw̄n̄ seneé kə̄ loo tɔ̄lən tə́ ní. m̄-ger̄ kadə̄ gír̄ yādə́ kə́ majaĺ gə̄ ní sɔɔ̄ i dɔḿ mā alé. Nin̄ ədan̄ na: Jə-nujiī kə kāgə̄ kə́ a̰ȳ bəto ngá̰ý, jə-tɔ̄l̄niī kɔ̄ɔ́ kem ɓē yā de kə́ ndin̄ kə kumdə́ gə̄ tə́.

JEREMI 8:5

Jerusalem, i tām̄ rí tə́ á gír de gə̄ ń toō tūrə̄n̄ gidədə́ kɔ̄ɔ́ taḿ tə́ ō, túyn̄ taā kem yādə́ kə̄ nodə́ tə́ kanjə̄ kadə̄ asədə́ ō ní? Nin̄ gólə̄n̄ rɔ̄də́ kə̄ nodə́ tə́ ba mbātə́n̄ tél dɔ njadə́ tə́.

JEREMI 5:27

Yá̰á̰ kə́ kɔy loo ɓogə tə́ taā kem kújə yādə́ gə̄, tītə̄ jáńg kə́ yel̄ gə̄ rosən̄ kem beé. I beé n nin̄ télən̄neé de kə́ ngan̄g ngá̰ý gə̄ ō, kə́ ngé kənge yá̰á̰ ngá̰ý gə̄ ō ní.

Gōsə̄ najə̄ gə̄ 1:29

Tɔdɔ̄ nin̄ mbātə́n̄ ger̄ yá̰a̰ ō, gə̄rān̄ kadə̄ kə n-ɓōlən̄ ndíĺ Kɔ́ɔ̄ɓē aĺ ō.

Gōsə̄ najə̄ gə̄ 1:24

Banī m̄-ɓāŕsí anī ī-mbātíī ɓār̄ yāḿ ō, m-ə́la jīḿ kə̄ rɔ̄sí tə́ anī de kə́ usən dɔ tə́ gətóo ō,

1 KORḚNTƏ 15:34

Ādī asəsí mbóo ō, ī-lōōī rāā majaĺ ō. Tɔdɔ̄ de kə́rēý gə̄ kə́ dáńsí tə́ gerə̄n̄ Nə́ɓā alé. M-ə́da nge ń noō i yā kəlań rɔ̄sɔl̄ dɔsí tə́.

JEREMI 18:18

Anī de kə́rēý gə̄ ədan̄ na: Ī-reē j-oōī naā dɔ Jeremi tə́. Na ndū najə̄ a nal̄ ta ngé tun̄ yá̰a̰ gə̄ aĺ ō, Kɔjə̄ a nal ta kum kɔɔ̄ gə̄ aĺ ō, najə̄ yā Nə́ɓā a nal̄ ta ngé koō ta gə̄ aĺ ō. Ī-reēī jə-tə́daī najə̄ kə́ majaĺ gə̄ dɔn tə́ jə-nujiīneé rīn. J-əndāī mbījí gír najə̄ kɔrə̄n gə̄ tə́ alé.

1 SAMUEL 2:12

Ngán Eli gə̄ i ngé tun̄ yá̰á̰ kə́ háĺdə́ nujə kɔ̄ɔ́ gə̄. Nin̄ gerə̄n̄ Kɔ́ɔ̄ɓē alé.

IJAI 1:3

Man̄g ger̄ kɔ́ɔ̄n ō, kərō ger̄ loo ń kɔ́ɔn a adə̄n yá̰a̰ kəsa tū tə́ ní ō. Banī Israel ger̄ yá̰á̰ kógə̄ḿ alé, gír deē yāḿ gə̄ gerə̄n̄ najə̄ alé.

JEREMI 11:10

Nin̄ tél rāān̄ majaĺ yā kaadə́ gə̄ ń mbātə́n̄ koō najə̄ yāḿ gə̄ ní. Ngɔ̄də̄n̄ gō nə́ɓā kə́ rang gə̄ tə́ ō, ndɔ̄ȳn̄də́ ō. I beé n de gə̄ kə́ Israel tə́ ō, kə́ Juda tə́ gə̄ ō gāngə̄n̄neé madə̄ naā ń m-ə́hɔ kə kaadə́ gēé ní.

IJAI 1:25

Jerusalem, m-ā m̄-tūr̄ rɔ̄ḿ yā rɔ̄ɔ̄ seí. M-ā m̄-rāāī kadə̄ ā ūnjə̄ njáý njáý tītə̄ kə́ i kə katāá beē, m-ā m̄-rāā yedīí kadə̄ a yḛḛ̄ kɔ̄ɔ́, m-ā m-ɔ́ý yá̰á̰ kə́ yḛr yāí gə̄ kɔ̄ɔ́ malang.

IJAI 4:4

Kɔ́ɔ̄ɓē a rāā kadə̄ néĺ yá̰á̰ kə́ gōtə́ ō, néĺ kə́ a tə́go deē kadə̄ unjə̄ ō əla. Dan ń ni a tə́gó yá̰á̰ kə́ yḛr gə̄ kə́ rɔ̄ dəyá̰ kə́ Jerusalem tə́ gə̄ tītə̄ ń noō anī, dan ń ni a tə́gó mósə́ ń ɓē kə́ Siyo̰ ɓōkə́ nang tə́ ɓēé looneé ní,

OJEE 11:8

Epəraim, loo kadə̄ m-ə́ya̰ī kɔ̄ɔ́ i noó a? Israel, loo kadə̄ m̄-tél gōí tə́ kɔ̄ɔ́ i noó a? Yá̰á̰ ń m̄-rāā kə ɓē kə́ Adəma ní, m-ásə rāāī a? M-ásə rāāī kadə̄ ī-to tītə̄ Seboim a? Kem nujə kɔ̄ɔ́ ō, m̄-ndew kə̄ rɔ̄ḿ gə̄ tə́ malang ō.

JAKARI 13:9

Ngé gə̄ ń a ndin̄ kə kumdə́ ɓáý ní, m-ā m̄-rāādə́ kadə̄ nin̄ a unjə̄n̄ njáý njáý, tītə̄ lɔ́r ō gində̄ arjā̰a̰ ń deē nōō kum hor tə́ adə̄ unjə̄ njáý njáý noó beē. Loo ń noō tə́ nin̄ a ɓārə́mə̄n̄ ō, m-ā m̄-ndigədə́ ō. M-ā m-ə́da na: Sḭḭ̄ i gír deē yāḿ gə̄ ō, nin̄ a ədan̄ na: Kɔ́ɔ̄ɓē, ḭ̄ i Nə́ɓā yājí ō.