JEREMI 9:5 - Bibəl ta Sar̄

⁵ Rāān̄ dɔ́nɔ ba tél rāān̄ ɓáý to̰ ō, gólə̄n̄ loo ba tél gōlə̄n̄ ɓáý to̰ ō. Nin̄ mbātə́n̄ gerə̄m̄ mā Kɔ́ɔ̄ɓē.

Bible sar

⁵ Rāān̄ dɔ́nɔ ba tél rāān̄ ɓáý to̰ ō, gólə̄n̄ loo ba tél gōlə̄n̄ ɓáý to̰ ō. Nin̄ mbātə́n̄ gerə̄m̄ mā Kɔ́ɔ̄ɓē.

JEREMI 9:5 Referans Kwoze

HABAKUK 2:13

I tām̄ najə̄ ń noō tə́ n kɔr rāā nápar de gə̄ tām̄ yā hor tə́ ō, de kə́ kem ɓēé gə̄ a̰a̰n̄ tápə̄ kanjə̄ kumən ō ní. Yá̰a̰ gə̄ ń noō malang ḭḭn̄ i rɔ̄ Kɔ́ɔ̄ɓē kə́ bo kə́ tɔ́gən i ngá̰ý tə́ aĺ a?

MISE 6:12

Ngé kənge yá̰á̰ kə́ kem ɓē bo ń toō tə́ gə̄ a əsan̄ i tətō ngé ndoō gə̄. De gə̄ ń ndin̄ kemeé ní, nin̄ i ngé sor̄ gə̄. Nin̄ teēn̄ tadə́ a ngól̄nəń i loo.

IJAI 57:10

Ḭ̄ ī-ngatə́rā ngá̰ý, banī ngatə́rā yāí ní rāā adə̄ kɔr rāāī. Banī ḭ̄ ə́da najə̄ ń toō alé: I yá̰á̰ kə́ kanjə̄ kumən! Ḭ̄ ī-téĺ ə́ngé tɔ́gə gogə́ rang, loo ń noō tə́ kɔr ń rāāī ní ḭ̄ ī-tetən rɔ̄ɔ̄.

Makətūbə̄ yā Job 15:5

Yá̰á̰ kə́ gōtə́ aĺ gə̄ ń ī-rāā ní, əndā najə̄ taí tə́ ō, ḭ̄ ún i najə̄ kɔr̄ ngé kɔr̄ najə̄ kə ngamaá gə̄ ō.

1 TIMOTE 4:2

Nin̄ a ndúmə̄n̄ sɔɔ̄ń najə̄ kə́ sor̄ yā ngé gól̄ loo gə̄. Ngé gól̄ loo gə̄ ngeé ń toō ní, dan wurdə́ i kə́ magə́rā kɔ̄ɔ́, tītə̄ kə́ əlan̄ gində̄ horoó adə̄ kərē tá əndān̄ tū tə́ beē.

EPEJƏ 4:25

Tām̄ ń toō tə́ ní, ə́ya̰ī sor̄ kɔ̄ɔ́, ādə̄ deē kógə̄ḿ kógə̄ḿ ɔr̄ najə̄ kə́ rɔ̄kum kə madə̄neé, tɔdɔ̄ jḭḭ̄ malang ní, jḭḭ̄ i ngán rɔ̄ naā gə̄.

MISE 6:3

Ni ədan na: Sḭḭ̄ gír deē yāḿ gə̄, m̄-rāā i rí sesí? Yá̰á̰ ń m̄-rāā sesí á kɔr rāańsí ní i rí? Ī-tūr̄mī najə̄ tə́!

EJEKIEL 24:12

Banī yá̰a̰ malang ń noō rāā yá̰á̰ kógə̄ḿ alé. Kārā malang ń rosə kem ní, aw̄ kum hor tə́ kɔ̄ɔ́ alé.

JEREMI 9:8

Ní kə m̄-rāā yá̰a̰ kə de gə̄ ń toō aĺ i ba̰ý? Najə̄ ń Kɔ́ɔ̄ɓē əda ní n noó.

JEREMI 9:3

Ə̄ndāī kum kedə̄ dɔ rɔ̄sí tə́ kə naá. Ī-lōōī kənī kemsí kadə̄ ngōkó̰ó̰sí deē, tɔdɔ̄ ngákó̰o̰ naā gə̄ malang gerə̄n̄ i kəla mbóo dɔ naā tə́ ō, madə̄ naā gə̄ malang i ngé tétə̄ najə̄ dɔ naā tə́ ō.

IJAI 5:18

I yá̰á̰ kə́ to kum kaȳ aĺ kə́ ba̰ý beē, tām̄ yā ngé gə̄ ń kəlā sor̄ do̰ō̰də́ tū yá̰a̰ rāādə́ kə́ gōtə́ aĺ tə́ ní! Nin̄ ndɔ́rə̄n̄ majaĺ yādə́ gōdə́ tə́ tītə̄ loo ndɔ́r̄ púsə beé.

Gōsə̄ najə̄ gə̄ 4:16

Nin̄ a ɓīīn̄ alé, bátə́ kadə̄ ré rāān̄ yá̰á̰ kə́ majaĺ pá tá, ré nin̄ rāān̄ deē kógə̄ḿ adə̄ əsō aĺ anī, ɓīī a əhɔ ta kumdə́ alé.

PĀ GƏ̄ 140:3

Nin̄ ndin̄ i gíŕ núm̄ yá̰á̰ kə́ majaĺ tə́ yā rāā ngóy. Nin̄ i ngé sāā tām̄ kə dɔ ndɔ̄ gə̄.

PĀ GƏ̄ 64:3

Ī-ɓɔ̄ɔ̄m̄ ādə̄ mā i sa̰y rɔ̄ ngé kem ndul gə̄ tə́, sa̰y rɔ̄ ngé rāā yá̰a̰ gōtə́ aĺ gə̄ ń oōn̄ naā loo mundə̄ tə́ dɔḿ tə́ ní.

PĀ GƏ̄ 50:19

Ɔ̄r̄ najə̄ kə́ majaĺ ō ī-sor̄ ō.

PĀ GƏ̄ 7:14

Yá̰a̰ rɔ̄ɔ̄ gə̄ kə́ yā tɔ̄ləń deē ní ni-əndā dɔ jīn, Ni-əndā hor ta kum gərā yān gə̄ tə́ yā kə róoń loo.

Makətūbə̄ yā Job 11:3

Najə̄ kɔrīí kə́ kanjə̄ kumən gə̄ rāā adə̄ ta de gə̄ ra kə wōyōó yaka. Ḭ̄ ī-mbóo kə de gēé kanjə̄ kadə̄ əlan̄ rɔ̄sɔl̄ dɔí tə́.

TA KƏLA 19:11

Ba rāān̄ adə̄ kum de gə̄ ń ran̄ ta kújə́ tə́ ní a̰a̰ loo alé, əla gír dɔ ngé kə́ dūú gə̄ tə́ bátə́ ugə̄ń dɔ ngé kə́ tɔgə gə̄ tə́, adə̄ nin̄ sāān̄ ta kújə́ sétə́, əngen̄ alé.

PĀ GƏ̄ 52:3

Ḭ̄ ń tɔ́gí i ngá̰ý ní ə́nda nganjií tām̄ yá̰á̰ kə́ majaĺ kə́ ī-rāā tə́ i tām̄ rí tə́? Kem majə yā Nə́ɓā to i kə dɔ ndɔ̄ gə̄!

JEREMI 7:28

Tā anī, ə́dádə́ na: Á̰a̰ī nápar de gə̄ ń oōn̄ ta Kɔ́ɔ̄ɓē Nə́ɓā yādə́ aĺ ní n toō. Nin̄ mbātə́n̄ kəndā kumdə́ gíŕ yá̰á̰ ń Nə́ɓā ɔjədə́ tə́ ní: Najə̄ kə́ rɔ̄kum gətóo, najə̄ kə́ rɔ̄kum gətóo tadə́ tə́.

JEREMI 12:6

De kə́ gír kojə yāí tə́ gə̄, adə̄ i ngákó̰ó̰í gə̄ n unən̄ dɔí igəneé ní. Rɔ̄kum, i nin̄ kɔ́ gə̄ n ɔsən̄ dɔ de gə̄ naā tə́ ba ɔrə̄n̄ najə̄ gidií tə́ jəke ní. Ré ənīn̄ rɔ̄də́ sɔl̄ lɔm ɔrə̄n̄neé najə̄ seí gə̄gē anī, ī-lōō kənī kemií kadə̄də́.

JEREMI 12:13

De gə̄ dubə̄n̄ gémē, ba əjan̄ i kōn̄ ngar̄. De gə̄ rāān̄ kəla ɔrən̄, ba yá̰á̰ kə́ teēdə́ yá̰á̰ tə́ gətóó bátə́. Ādə̄ rɔ̄sí sɔl̄sí tām̄ kɔr kə́ to kə̄ dɔsí tə́. I wōn̄g kə́ ngá̰ý yā Kɔ́ɔ̄ɓē n rāā yá̰á̰ ní.

JEREMI 13:23

De kə́ Kus asə tūr̄ ɓálən a? Kagə asə tūr̄ bḭḭ̄n a? Sḭḭ̄ de gə̄ ń rāā majaĺ ndér̄sí kɔ̄ɔ́ ní, ā ásiī rāā yá̰á̰ kə́ majə a?

JEREMI 51:58

Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ i tītə̄ ń toō beé: Ndogə̄ mbal̄ kə́ ngāl̄ ngá̰ý gə̄ kə́ Babilon tə́ tə́sōn̄ ō, hor o̰o̰ ta róbə yān gə̄ kə́ ngālə̄n̄ ngá̰ý kum kə̄ dɔɔ́ gə̄ ō. Gír de gə̄ rāān̄ i kəla kə́ ndāńg karī ō, nápar de gə̄ rāān̄ kəla adə̄ kɔr rāādə́ i tām̄ yā hor tə́ ngóy ō.

JEREMI 51:64

gō tə́ anī ā ə́da na: Babilon a gətóo kɔ̄ɔ́ i tītə̄ ń noō ō, ni a ḭḭ dɔɔ́ kum yá̰á̰ kə́ to kum kaȳ aĺ gə̄ ń rāānən̄ ní tə́ to̰ aĺ ō. Nápar de gə̄ tə́sōn̄ sɔɔ̄ń kɔr kə́ rāādə́ ngá̰ý. Ta tɔ̄l̄ ta Najə̄ yā Jeremi i loo ń toō tə́.

MALASI 2:10

Jiḭ̄ malang ní, bɔbə̄jí i kógə̄ḿ beē aĺ a? I Nə́ɓā kə́ kógə̄ḿ beē n rāājí ní aĺ a? Ɓá tā ba jə-raī dɔ ndūjí tə́ kə naā alé. I beé n jə-ɓōlíiń gidə madə̄ naā ń to dɔ dáń Nə́ɓā tə́ kə kaají gēé ní aĺ ní. Ní, i tām̄ rí tə́?

NGÉ SARYA 2:10

Go tə́ anī de kə́ ɓāl̄ yān tə́ gə̄ oyn̄ ō. De gə̄ ń utə̄n̄ gīdə́ ní gerə̄n̄ Kɔ́ɔ̄ɓē aĺ ō, gerə̄n̄ kəla gə̄ ń Kɔ́ɔ̄ɓē rāā tām̄ yā ngán Israel gə̄ tə́ ní aĺ ō.

Gōsə̄ najə̄ gə̄ 12:5

De kə́ súmūú gə̄ a gírə̄n̄ i rāā yá̰á̰ kə́ gōtə́ ngóy ō, ngé kem ndul gə̄ a gírə̄n̄ i rāā yá̰á̰ kə́ gōtə́ aĺ ngóy ō.

JEREMI 4:22

Rɔ̄kum, gír deē yāḿ gə̄ i de kə́ mbóo gə̄. Nin̄ ger̄mə̄n̄ alé. I ngán kə́ sapə gə̄, asən̄ ger̄ kum yá̰á̰ kógə̄ḿ alé. Nin̄ ɔlən̄ tū rāā yá̰á̰ kə́ majaĺ tə́, ba gerə̄n̄ rāā majə alé.