JEREMI 9:25 - Bibəl ta Sar̄

²⁵ Adə̄ i Ejiptə gə̄ ō, Juda gə̄ ō, Edom gə̄ ō, Amon gə̄ ō, Moab gə̄ ō, de gə̄ malang ń ndin̄ kem dəla loo tə́ á i ngé dəsā mbɔ́ŕdə́ gə̄ ní ō. Tɔdɔ̄ nápar de gə̄ malang əjan̄ mɔtədə́ aĺ ō, de kə́ Israel tə́ gə̄ nəkɔ́ gə̄gē ní ə́jan̄ mɔtə kə́ dan wurdə́ tə́ aĺ ō.

Bible sar

²⁵ Adə̄ i Ejiptə gə̄ ō, *Juda gə̄ ō, Edom gə̄ ō, Amon gə̄ ō, Moab gə̄ ō, de gə̄ malang ń ndin̄ kem dəla loo tə́ á i ngé dəsā mbɔ́ŕdə́ gə̄ ní ō. Tɔdɔ̄ nápar de gə̄ malang *əjan̄ mɔtədə́ aĺ ō, de kə́ *Israel tə́ gə̄ nəkɔ́ gə̄gē ní *ə́jan̄ mɔtə kə́ dan wurdə́ tə́ aĺ ō.

JEREMI 9:25 Referans Kwoze

AMOS 3:2

Dan gír kojə gə̄ malang kə́ dɔ nang tə́ ní, i sḭḭ̄ ngóy m-ə̄ndā kumḿ gíŕsí tə́ ní. I tām̄ najə̄ ń noō tə́ n m-ā m̄-rāāsí yá̰á̰ kógə̄ḿ, najə̄ yá̰a̰ rāāsí gə̄ malang kə́ majaĺ ngá̰ý tə́ ní.

EJEKIEL 28:10

Ā óy yo kə́ to rɔ̄sɔl̄ yā de gə̄ ń əjan̄ mɔtədə́ aĺ ní, jī tə̄rā gə̄ kə́ ngé tɔ́sī tə́. I mā Kɔ́ɔ̄ɓē Nə́ɓā n m-ɔ̄r̄ najə̄ ní ō, yá̰á̰ ń m-ə́dá ní n noó ō.

Makətūbə̄ ń Pol ndang adə̄ Rom gə̄ ní 2:28

Tɔdɔ̄ i yá̰á̰ ń deē a̰ā̰ kə kumneé ní n rāā adə̄ deē i Jipə ní aĺ ō, i tə́re yá̰á̰ kə́ rɔ̄ deē tə́ n ɔjə kadə̄ deē əja mɔtən ní aĺ ō.

Makətūbə̄ ń Pol ndang adə̄ Rom gə̄ ní 2:29

Banī i yá̰á̰ kə́ to loo mundə̄ tə́ n rāā adə̄ deē i Jipə ní ō, i kəja mɔtə kə́ dan wur tə́ n i kəja mɔtə ní ō. Kəja mɔtə ngeé ń toō ní i yā Ndíl banī i yā ndū najə̄ alé. De kə́ beé ní i Nə́ɓā n i nge tɔ̄yn banī i deē ndul alé.

LEBI GƏ̄ 26:41

Adə̄ na m-mbātə́ najə̄ tadə́ tə́ ō, na m-āw̄ sedə́ ɓē madə̄ ba̰ā̰də́ gēé ō. Adə̄ majanī a sɔlə̄n̄ dɔdə́ ō, m-ā m̄-tɔ̄l̄ ta ndéý ń m-ə́ndádə́ tām̄ yá̰á̰ kə́ majaĺ ń nin̄ rāān̄ tə́ ní ō.

1 SAMUEL 14:6

Jonatan əda nge kətō yá̰a̰ rɔ̄ɔ̄ yān na: Ī-reē ādə̄ j-aw̄ bátə́ loo ń ngé kəja mɔtədə́ aĺ gə̄ ń noō ndin̄ tū tə́ ní. Majanī Kɔ́ɔ̄ɓē a rāā yá̰a̰ tām̄ yājí tə́. Ká ré jḭḭ̄ i ngá̰ý aké i sḛ́ý beē gə̄gē anī yá̰á̰ kə́ a ɔgə̄ Kɔ́ɔ̄ɓē tetə rɔ̄ɔ̄ kadə̄jí gətóo.

1 SAMUEL 17:26

Dabid dəje ngé rɔ̄ɔ̄ gə̄ ń ran̄ rɔ̄n tə́ ngɔr ní na: Deē ń tetə Pilistin ń toō rɔ̄ɔ̄ yā kɔrə̄ń rɔ̄sɔl̄ kɔ̄ɔ́ dɔ ngán Israel gə̄ tə́ ní a əndān̄ njan i kə rí? Pilistin kə́ kəja mɔtən aĺ nəkɔ́ ń toō i náā á a tɔ́sə̄ gātə̄ ngé rɔ̄ɔ̄ gə̄ yā Nə́ɓā kə́ kə kumneé beé?

JEREMI 4:4

De kə́ Juda tə́ gə̄ ō, de kə́ kem ɓē kə́ Jerusalem tə́ gə̄ ō, ə́jaī mɔtəsí tām̄ yā Kɔ́ɔ̄ɓē tə́, ə́jaī mɔtə kə́ dan wursí tə́. Ré i beé aĺ anī, wōn̄g yāḿ a ndūbə̄ tītə̄ hor yā ko̰o̰ loo kanjə̄ kadə̄ deē asə tɔ̄l̄ ɔjəń dɔ kəla rāāsí kə́ majaĺ ngá̰ý gə̄.

EJEKIEL 31:18

Kem ndɔr̄ kə́ Eden tə́ ní, kāgə̄ kə́ majə tītīí gətóo ō, kə́ bo tītīí gətóo ō. Ɓá tā ba m-ā m̄-rāāī kadə̄ āw̄ gíŕ nángāá naā tə́ kə kāgə̄ gə̄ ń noō. Ā ī-to loo ń noō tə́ kə de gə̄ kə́ əjan̄ mɔtədə́ aĺ ō, kə de gə̄ kə́ oyn̄ yo rɔ̄ɔ̄ ō. Yá̰á̰ ń a rāā mban̄g kə́ Ejiptə ō, a rāā gír deē yān gə̄ malang ō ni n noó. I Kɔ́ɔ̄ɓē Nə́ɓā n əda najə̄ ń noō ní.

LEBI GƏ̄ 19:27

Əjaī gír nənga dɔsí kadə̄ gōr̄ gong aĺ ō, ī-dəsāī mbāýsí kə mbɔ́rsí gə̄ tə́ aĺ ō.

JEREMI 25:23

kə́ Dedan tə́ ō, kə́ Tema tə́ ō, kə́ Bujə tə́ ō, de gə̄ malang ń i nge dəsā mbāý kə́ mbɔ́ŕdə́ gə̄ tə́ ní ō,

JEREMI 49:32

De gə̄ a narə̄n̄ jámbal yādə́ gə̄ ō, a ənīn̄də́ rɔ̄ɔ̄ yā taā ɓūtə̄ yá̰a̰ kul̄ kə́ ngá̰ý gə̄ ō jīdə́ tə́. Ngé dəsā mbāý kə́ mdɔ́ŕdə́ tə́ gə̄ ń noō, m-ā m̄-tə̄ndā yā tḭ̄ḭ̄də́ kógə̄ḿ kógə̄ḿ kə̄ loo gə̄ tə́ ō, m-ā m̄-rāā kadə̄ yá̰á̰ kə́ to nujə loo gə̄ teēn̄ kə̄ ta loo gə̄ tə́ malang kə̄ dɔdə́ tə́ ō. Najə̄ ń Kɔ́ɔ̄ɓē əda ní n noó.

EJEKIEL 44:7

Dan ń ā ī-ndējə̄mīiń núsə́ yá̰a̰ kəsa kə́ tām̄ yāḿ tə́ ní, adə̄ i yibə̄ dā̰ kə́ tun̄ gə̄ ō, mósə dā̰ kə́ tun̄ gə̄ ō ní, tə̄rā gə̄ ń əjan̄ mɔtədə́ aĺ ō, oōn̄ taḿ aĺ ō ní, sḭḭ̄ ə́ya̰īdə́ adə̄ nin̄ udən̄ kem loo yāḿ kə́ táĺ tə́. Sḭḭ̄ ī-kídī kújə yāḿ i tītə̄ ń noō. Sḭḭ̄ ī-nujiī madə̄ naā ń do̰ō̰ rɔ̄sí tū yāḿ tə́ ní kɔ̄ɔ́, kə yá̰a̰ rāāsí kə́ majaĺ ngá̰ý gə̄ malang.