JEREMI 9:22 - Bibəl ta Sar̄

²² Najə̄ ń Kɔ́ɔ̄ɓē əda ní n toó: Ādə̄ nge kum kedə̄ tɔ̄ȳ rɔ̄n tām̄ kum kedə̄ yān tə́ aĺ ō, ādə̄ de kə́ tɔ́gən i ngá̰ý tɔ̄ȳ rɔ̄n dɔ tɔ́gən kə́ ngá̰ý tə́ aĺ ō. ādə̄ nge kənge yá̰a̰ tɔ̄ȳ rɔ̄n tām̄ yá̰a̰ kənge yān tə́ aĺ ō.

Bible sar

²² Najə̄ ń Kɔ́ɔ̄ɓē əda ní n toó: Ādə̄ nge kum kedə̄ tɔ̄ȳ rɔ̄n tām̄ kum kedə̄ yān tə́ aĺ ō, ādə̄ de kə́ tɔ́gən i ngá̰ý tɔ̄ȳ rɔ̄n dɔ tɔ́gən kə́ ngá̰ý tə́ aĺ ō. ādə̄ nge kənge yá̰a̰ tɔ̄ȳ rɔ̄n tām̄ yá̰a̰ kənge yān tə́ aĺ ō.

JEREMI 9:22 Referans Kwoze

JEREMI 8:2

A ɓōkə́n̄də́ kum mbang tə́ ō, nāā ndaá ō, ta kum kɔýyo̰ gə̄ tə́ ō. I yá̰a̰ gə̄ ń nin̄ tárən̄də́ ō, rāān̄ kəla adə̄n̄də́ ō, unən̄ gōdə́ ō, aw̄n̄ koō tadə́ tə́ ō, əsōn̄ kə̄ nang tə́ nodə́ tə́ rɔȳn̄də́ ō ní. De gə̄ a kánə̄n̄ kə̄ngā gə̄ ń toō yā dubə̄ alé, a télən̄ i yedə̄ yá̰a̰ dɔ nang tə́.

JEREMI 25:33

Əla gír dām̄ dɔ nang kógə̄ḿ tə́ bátə́ gān̄g kə́ noō tə́ ní, de gə̄ a əndān̄ yo ngé gə̄ ń Kɔ́ɔ̄ɓē a tɔldə́ ní, ndɔ̄ ń noō tə́ alé. De gə̄ a ɔyn̄də́ yā dubə̄də́ alé, adə̄ a télən̄ dɔ bū loo kə́ dɔ nang tə́.

SOPONI 1:17

Kɔ́ɔ̄ɓē əda na: De gə̄ mānə̄n̄ dɔ ndūḿ. Ní, m-ā m-ə́la tadə́ kum wur kɔl tə́, adə̄ nin̄ a hə́yān̄ loo njə̄rā tə́ tītə̄ ngé kum tɔ̄ɔ̄ gə̄ beé. A ɓōkə́n̄ mósə́də́ tītə̄ loo ɓōkə́ bumbə́ru beé ō, nīńdə́ a ndum tītə̄ loo kə́ yḛr beé ō.

JEREMI 16:4

Ɓō a rāādə́ bátə́ yā tɔ̄l̄də́. Deē a nōōdə́ aĺ ō, dubə̄də́ aĺ ō, a télən̄ bū loo dɔ dā̰ nang tə́ ō, a oyn̄ yo kaskar ō, yo ɓō ō. Nīńdə́ a téĺ yá̰a̰ kəsa yā yel̄ kə́ no rā̰ tə́ gə̄ ō, dā̰ kə́ dɔ nang tə́ gə̄ ō.

IJAI 5:25

I tām̄ najə̄ ń toō tə́ n wōn̄g rāā Kɔ́ɔ̄ɓē ngá̰ý kə gír deē yān gēé ní. Ni ɓir̄ jīn ba un kə̄ dɔɔ́ əndańdə́. Mbal̄ bo gə̄ ndewn̄, nīń de gə̄ to kə̄ kum róbə kɔsə gə̄ tə́ tītə̄ loo gə̄ kə́ kánə̄n̄ yá̰á̰ kə́ yḛr gə̄ tū tə́ beē. Yá̰a̰ malang ń noō rāā yá̰á̰ ɓá tā, banī wōn̄g yā Kɔ́ɔ̄ɓē tetə alé. Ni əhɔ jīn kə́ ɓir̄ dɔɔ́.

PĀ GƏ̄ 83:10

Nə́ɓā, ī-rāādə́ yá̰á̰ ń ī-rāā kə Sisəra ō Yabin ō ta man̄ Kison tə́ ní, aláa ī-rāādə́ yá̰á̰ ń ī-rāā kə Madian gə̄ ní.

JEREMI 7:33

Nīń gír de gə̄ ń toō a téĺ yá̰a̰ kəsa yā yel̄ kə́ dɔ rā̰ tə́ gə̄ ō, yā dā̰ kə́ dɔ nang tə́ gə̄ ō, de kə́ yā tə̄ɓādə́ dɔ tə́ gətóo.

2 MBAN̄G 9:37

nīnə́n a to i tītə̄ yedə̄ dā̰ kə́ deē seĺ kem ndɔrɔ́ ō, adə̄ deē a asə kəda na yá̰á̰ ń toō i Jesabel alé.

JEREMI 6:21

I tām̄ ń toō tə́ n najə̄ ń Kɔ́ɔ̄ɓē əda ní n toó ní. m̄-tə́ndā gīgə̄ gə̄ no gír de gə̄ ń toō tə́, kadə̄ tə́gādə́ kadə̄ bḭ́ḭ̄n̄ ba tə́sōn̄. Bɔbə̄ ngōn̄ ō, ngōn̄ ō a bḭ́ḭ̄n̄ naā tə́ mbak. Madə̄ ɓē naā gə̄ ō, madə̄ naā gə̄ ō, a oyn̄.

NDŪ NAJƏ̄ 8:17

Ī-lōōī gír̄ kemsí tə́ kəda na ə́ngeī yá̰a̰ gə̄ ń noō na i kə ta kūl̄ tɔ́gə́sí sḭḭ̄ kɔ́ gə̄.

2 MBAN̄G 20:13

Ejekias rāā rɔ̄nel̄ ngámbang kəla gə̄ ń reē ugə̄n̄ ní ō, ɔjədə́ loo gə̄ ń a ngɔ̄m̄ yá̰a̰ kənge yān gə̄ tū tə́ ní ō malang. Ɔ̄jədə́ gində̄ arjā̰a̰ ō, lɔ́r ō, yá̰á̰ kə́ kɔtə majə gə̄ ō, yibə̄ kə́ rāā ndujə̄ yá̰á̰ kə́ kotə majə kum tə́ ō, yá̰a̰ rɔ̄ɔ̄ yān kə́ ngá̰ý gə̄ ō, yá̰a̰ malang kə́ loo ngɔ̄m̄ yá̰a̰ kənge yān gə̄ tə́ ō. Yá̰á̰ kə́ kem kújə yā Ejekias tə́, aláa kə́ dɔ nang yān tə́ kə́ ni ɔjədə́ aĺ gətóo.

2 MBAN̄G 20:15

Ijai dəjen ɓáý to̰ na ké yá̰á̰ ń a̰a̰n̄ kem kújə yān tə́ ní ké i rí wa. Anī Ejekias tél ədan na a̰a̰n̄ yá̰a̰ malang kə́ kem kújə yān tə́. Yá̰a̰ kənge yān kə́ n-ɔjədə́ aĺ na gətóo.

Makətūbə̄ yā Job 5:13

I ni n i nge kəhɔ ngé kum kedə̄ gə̄ kə gūmbə̄ kum kedə̄ yādə́ nin̄ kɔ́ gɔ̄ɔ́ ní. Adə̄ kɔjə̄ yādə́ gə̄ kə́ kə kum kedēé ngá̰ý rāā yá̰á̰ kógə̄ḿ to̰ alé.

PĀ GƏ̄ 49:7

Nin̄ əndān̄ kemdə́ dɔ yá̰a̰ kənge yādə́ tə́. Ɔjən̄ rɔ̄də́ kə yá̰a̰ kənge yādə́ kə́ ngá̰ý.

Gōsə̄ najə̄ gə̄ 18:11

Yá̰a̰ kənge yā nge yá̰a̰ kal̄ loo i ɓē kə́ ngan̄g yān, kem gír̄ yān tə́ ní yá̰a̰ kənge yān i ndogə̄ mbal̄ kə́ ngāl̄ kə̄ dɔɔ́.

Gōsə̄ najə̄ gə̄ 23:4

Ī-lōō kɔr ndāńg karī gō yá̰a̰ kənge tə́, ī-lōō gír̄ dɔ tə́.

HABAKUK 1:11

Nin̄ mānə̄n̄ tītə̄ nél man̄ kə́ əla kə tɔ́gɔ́ ō, aw̄n̄ loo yādə́ ō. Tām̄ yādə́ nin̄ tə́ ɓáa, yá̰á̰ kə́ ngá̰ý yādə́ i tɔ́gə́də́. Tɔ́gə́də́ i nə́ɓā yādə́.