JEREMI 9:21 - Bibəl ta Sar̄

²¹ Ɔ̄r̄ najə̄ ə́da na, najə̄ ń Kɔ́ɔ̄ɓē əda ní n toó: Nīń de gə̄ tə́sō, tītə̄ yedə̄ yá̰á̰ kə́ seĺ kem ndɔrɔ́ ō, tītə̄ dɔ kōō kə́ teē tə́sō gō nge sāā kōō tə́ ō, ba de kə́ yā kɔy gətóo ō.

Bible sar

²¹ Ɔ̄r̄ najə̄ ə́da na, najə̄ ń Kɔ́ɔ̄ɓē əda ní n toó: Nīń de gə̄ tə́sō, tītə̄ yedə̄ yá̰á̰ kə́ seĺ kem ndɔrɔ́ ō, tītə̄ dɔ kōō kə́ teē tə́sō gō nge sāā kōō tə́ ō, ba de kə́ yā kɔy gətóo ō.

JEREMI 9:21 Referans Kwoze

JEREMI 6:11

Wōn̄g kə́ ngá̰ý yā Kɔ́ɔ̄ɓē rosə kemḿ. M-ə́hɔ rɔ̄ḿ dɔ tə́ sétə́. I bə̄gā wōn̄g ní dɔ ngáń kə́ kum róbó gə̄ tə́ ō, balsáa gə̄ ń ɔsən̄ dɔdə́ naā tə́ malang ní ō. Əhɔn̄ de kə́ dəngam gə̄ ō, de kə́ dəyá̰ gə̄ ō, de kə́ tɔgə ɓə́ga ō, de kə́ ɓālə̄n i ngá̰ý ō.

JEREMI 15:7

M-ún keē kógə̄ḿ kadə̄ m̄-tə̄ndā m̄-tḭ̄ḭń de kə́ kem ɓēé gə̄ kə̄ loo gə̄ tə́. m̄-tɔ̄l̄ ngán kem gír deē yāḿ gə̄ kɔ̄ɔ́. m̄-nujə kə gír deē yāḿ gēé sák sák kɔ̄ɔ́, banī tūrə̄n̄ háĺdə́ alé.

2 YÁ̰A̰ GƏ̄ 36:17

Ta anī Kɔ́ɔ̄ɓē rāā adə̄ mban̄g kə́ Babilon reē ənīdə́ rɔ̄ɔ̄, tɔ̄l̄ ngé rɔ̄ɔ̄ yādə́ gə̄ bátə́ ugə̄ń kem loo kə́ táĺ yādə́ tə́ gə̄gē kə kaskaraá. Kumən o̰o̰n tām̄ yā balsáá tə́ aĺ ō, mandə tə́ aĺ ō, de kə́ tɔgə nājə̄ tə́ aĺ ō, de kə́ tɔgə ɓə́gá tə́ aĺ ō. Kɔ́ɔ̄ɓē əla yá̰a̰ malang kem jī mban̄g kə́ Babilon tə́.

IJAI 40:30

Balsáa gə̄ télən̄ de kə́ tɔ́gə́də́ gətóo gə̄ ō, kɔr rāādə́ ō. Ngé kə́ nin̄ tɔyn̄ madə̄də́ gə̄ gə̄gē tə́sōn̄.

JEREMI 6:21

I tām̄ ń toō tə́ n najə̄ ń Kɔ́ɔ̄ɓē əda ní n toó ní. m̄-tə́ndā gīgə̄ gə̄ no gír de gə̄ ń toō tə́, kadə̄ tə́gādə́ kadə̄ bḭ́ḭ̄n̄ ba tə́sōn̄. Bɔbə̄ ngōn̄ ō, ngōn̄ ō a bḭ́ḭ̄n̄ naā tə́ mbak. Madə̄ ɓē naā gə̄ ō, madə̄ naā gə̄ ō, a oyn̄.

JEREMI 18:21

Ɓá anī ādə̄ ɓō rāā ngáńdə́ gə̄ ō, ī-rāā ādə̄ oyn̄ yo kaskar ō, ādə̄ nə̄yá̰də́ gə̄ nalə̄n̄ ngáńdə́ gə̄ ō, ngaadə́ gə̄ ō, ādə̄ yo tɔ̄l̄ dəngam gə̄ ō, ādə̄ balsáa gə̄ oyn̄ yo kaskar ta rɔ̄ɔ̄ tə́ ō.

JEREMI 44:7

Ngɔlaā ní Kɔ́ɔ̄ɓē Nə́ɓā kə́ tɔ́gən i ngá̰ý, Nə́ɓā yā Israel, ɔr̄ najə̄ i tītə̄ ń toō beē: I tām̄ rí tə́ á sḭḭ̄ kɔ́ gə̄ ī-rāāī rɔ̄sí yá̰á̰ kə́ tōr̄ kum kə̄ kété kété, bátə́ adə̄ dəngam gə̄ ō, dəyá̰ gə̄ ō, ngáń kə́ dūú gə̄ ō, ngáń kásə̄ gə̄ ō, a oyn̄ yā təgā Juda tə́ kanjə̄ kadə̄ gotə de gə̄ sḛ́ý ndin̄ kə kumdə́ ní.

JEREMI 50:30

A̰á̰ā̰, ndɔ̄ nəkɔ́ ń noō tə́ ní, ngé rɔ̄ɔ̄ yān kə́ balsáa gə̄ kə́ ngé gə̄ a tə́sōn̄ ndágə loo yān gə̄ tə́, ngé rɔ̄ɔ̄ yān gə̄ malang ní, rāān̄də́ adə̄ ndin̄ kə tadə́ kə́ mbóó. Najə̄ ń Kɔ́ɔ̄ɓē əda ní n noó.

JOEL 2:9

Nin̄ taān̄ loo kem ɓēé ō, a̰ȳn̄ ngɔ̄də̄ dɔ ndogə̄ mbal̄ gə̄ tə́ ō, alə̄n̄ dɔ kújə gə̄ tə́ ō, tudən̄ kum ko̰rō̰ kújə gə̄ tə́ aw̄n̄neé kemeé tītə̄ ngé ɓogə gə̄ beé ō.

AMOS 6:9

Ré de kə́ dəngam gə̄ kə́ kem kojə kógə̄ḿ tə́ na̰yn̄ i kutə kógə̄ḿ anī, nin̄ a oyn̄.

JEREMI 7:33

Nīń gír de gə̄ ń toō a téĺ yá̰a̰ kəsa yā yel̄ kə́ dɔ rā̰ tə́ gə̄ ō, yā dā̰ kə́ dɔ nang tə́ gə̄ ō, de kə́ yā tə̄ɓādə́ dɔ tə́ gətóo.

JEREMI 8:2

A ɓōkə́n̄də́ kum mbang tə́ ō, nāā ndaá ō, ta kum kɔýyo̰ gə̄ tə́ ō. I yá̰a̰ gə̄ ń nin̄ tárən̄də́ ō, rāān̄ kəla adə̄n̄də́ ō, unən̄ gōdə́ ō, aw̄n̄ koō tadə́ tə́ ō, əsōn̄ kə̄ nang tə́ nodə́ tə́ rɔȳn̄də́ ō ní. De gə̄ a kánə̄n̄ kə̄ngā gə̄ ń toō yā dubə̄ alé, a télən̄ i yedə̄ yá̰a̰ dɔ nang tə́.

AMOS 5:2

Israel to tītə̄ ngōmandə kə́ oy kɔ̄ɔ́ beē. Ni teē əsō ba ḭḭ dɔɔ́ to̰ alé. Ni to nang tə́ kem ɓē yān tə́, ba de kə́ yā kunən dɔɔ́ gətóo!

SOPONI 1:17

Kɔ́ɔ̄ɓē əda na: De gə̄ mānə̄n̄ dɔ ndūḿ. Ní, m-ā m-ə́la tadə́ kum wur kɔl tə́, adə̄ nin̄ a hə́yān̄ loo njə̄rā tə́ tītə̄ ngé kum tɔ̄ɔ̄ gə̄ beé. A ɓōkə́n̄ mósə́də́ tītə̄ loo ɓōkə́ bumbə́ru beé ō, nīńdə́ a ndum tītə̄ loo kə́ yḛr beé ō.