JEREMI 9:2 - Bibəl ta Sar̄

² Ta ndo̰də́ i tītə̄ ga̰ gərā kə́ deē ɔr̄ gō beé. Rīdə́ ɓār̄ kem ɓēé ngá̰ý ɔjəń i dɔ sor̄ ngóy banī i tām̄ najə̄ kə́ rɔ̄kum tə́ alé. Rāān̄ kem ndul tə́ kə̄ nja naā tə́ ba mā tá ger̄mə̄n̄ alé. Najə̄ ń Kɔ́ɔ̄ɓē əda ní n noó.

Bible sar

² Ta ndo̰də́ i tītə̄ ga̰ gərā kə́ deē ɔr̄ gō beé. Rīdə́ ɓār̄ kem ɓēé ngá̰ý ɔjəń i dɔ sor̄ ngóy banī i tām̄ najə̄ kə́ rɔ̄kum tə́ alé. Rāān̄ kem ndul tə́ kə̄ nja naā tə́ ba mā tá ger̄mə̄n̄ alé. Najə̄ ń Kɔ́ɔ̄ɓē əda ní n noó.

JEREMI 9:2 Referans Kwoze

JEREMI 23:10

De gə̄ malang kə́ kem ɓēé rāān̄ rāȳ, adə̄ ɓē nujə ō, ndɔ̄ĺ i dɔ tə́ ō. Yá̰a̰ tutə malang loo ń yá̰a̰ kul̄ gə̄ a o̰o̰n̄ tū tə́ ní. O̰o̰ de gə̄ i ta rāā yá̰á̰ kə́ majaĺ ō, əhɔn̄ rɔ̄də́ tɔgə i ta nujə loo ō ngóy.

OJEE 4:2

Nin̄ ndɔ̄lə́n̄ loo kə̄ loo gə̄ tə́ ō, sorə̄n̄ ō, tɔ̄lə̄n̄ de gə̄ ō, əhɔn̄ de gə̄ dɔ gúú tə́ aw̄n̄ sedə́ kɔ̄ɔ́ ō. Nin̄ rāān̄ rāȳ ō, rāān̄ yá̰a̰ i kə tɔ́gə́də́ ō, kəla rāādə́ i tɔ̄l̄ de gə̄ ō.

OJEE 7:4

Nin̄ malang rāān̄ rāȳ. Nin̄ ton̄ i tītə̄ púŕ kə́ təngā ngá̰ý, kə́ nge kɔr̄ mápa əndā kumən gírí to̰ alé. Ni-əla gír ka̰a̰ púŕ ní to̰ alé i dan ń ni ló̰yń ndujə̄ tə́ ní, bátə́ kadə̄ ndujə̄ kə́ ló̰ȳ ní agə̄ń.

JEREMI 12:6

De kə́ gír kojə yāí tə́ gə̄, adə̄ i ngákó̰ó̰í gə̄ n unən̄ dɔí igəneé ní. Rɔ̄kum, i nin̄ kɔ́ gə̄ n ɔsən̄ dɔ de gə̄ naā tə́ ba ɔrə̄n̄ najə̄ gidií tə́ jəke ní. Ré ənīn̄ rɔ̄də́ sɔl̄ lɔm ɔrə̄n̄neé najə̄ seí gə̄gē anī, ī-lōō kənī kemií kadə̄də́.

JEREMI 12:1

Kɔ́ɔ̄ɓē, ḭ̄ i de kə́ gōtə́, ba m̄-gḛy kɔr̄ najə̄ seí. Rɔ̄kum m̄-gḛy kɔr̄ najə̄ seí sɔɔ̄ń dɔ sarya gāngīí kə́ rēý gə̄. I tām̄ rí tə́ á yá̰a̰ rāā ngé kem ndul gə̄ teēdə́ yá̰á̰ tə́ ní? I tām̄ rí tə́ á ngé gól̄ loo gə̄ ndin̄ majə malang ní?

JAKƏ 4:4

Sḭḭ̄ ngé rāȳ gə̄, ndigə yá̰á̰ kə́ dɔ nang tə́ laā ní rā rɔ̄n i nge ba̰ā̰ Nə́ɓā tə́ aĺ a?

MALASI 2:11

De kə́ Juda gə̄ ran̄ dɔ míndə́də́ kə́ ənīn̄ tə́ alé. Nin̄ rāān̄ yá̰á̰ kə́ majaĺ ngá̰ý gə̄ kem ɓē kə́ Jerusalem tə́ ō, kem ɓēé kə taá malang ō. Tām̄ nin̄ kídə̄n̄ loo kə́ táĺ ń nel̄ Kɔ́ɔ̄ɓē ní. Nin̄ táān̄ dəyá̰ kə́ ngé rɔȳ nə́ɓā kə́ mbā gə̄.

SOPONI 3:4

Ngé koō ta yān gə̄ i ngé gān̄g róbə gə̄. Nin̄ i de gə̄ kə́ ngé gól̄ madə̄də́ gə̄. Ngé tun̄ yá̰a̰ yān gə̄ ɓōlə́n̄ gidə yá̰a̰ yā Nə́ɓā aĺ ō, rāān̄ yá̰a̰ gə̄ ń ndū najə̄ yān əda ní aĺ ō.

OJEE 6:7

Ba sḭḭ̄, kem ɓē kə́ Adam tə́ ní, ī-ɓōlíī gidə madə̄ naā yāḿ alé, sḭḭ̄ ī-raī dɔ ndūsí tə́ seḿ alé.

OJEE 5:7

Nin̄ ran̄ dɔ ndūdə́ tə́ kə Kɔ́ɔ̄ɓēé alé, ojən̄ ngáń kə́ loo kaya tə́ gə̄. Ngɔlaā ní, asə nāā kógə̄ḿ anī, a nujən̄ ɓē yādə́ kɔ̄ɔ́.

JEREMI 5:11

Rɔ̄kum, de kə́ gír yā Israel tə́ gə̄ ō, kə́ gír yā Juda tə́ gə̄ ō ran̄ dɔ ndūdə́ ń ənī adə̄mə̄n̄ tə́ ní alé. Najə̄ ń Kɔ́ɔ̄ɓē əda ní n noó.

JEREMI 13:22

Ī-dəje rɔ̄í najə̄ ə́da na: I tām̄ rí tə́ á yá̰á̰ ń toō rāām̄ ní? I tām̄ yá̰á̰ kə́ gōtə́ aĺ ngá̰ý ń ī-rāā tə́ ní n de gə̄ sa̰ā̰n̄neé kūbə̄ kə́ ta gírí tə́ kə̄ dɔɔ́ ō, ɓīīn̄neé seí dɔ gúú tə́ ō ní.

MISE 6:12

Ngé kənge yá̰á̰ kə́ kem ɓē bo ń toō tə́ gə̄ a əsan̄ i tətō ngé ndoō gə̄. De gə̄ ń ndin̄ kemeé ní, nin̄ i ngé sor̄ gə̄. Nin̄ teēn̄ tadə́ a ngól̄nəń i loo.

MALASI 2:14

Sḭḭ̄ ī-dəjeī rɔ̄sí najə̄ ə́daī na ké i tām̄ rí tə́ wa. I tɔdɔ̄ sḭḭ̄ ə̄nī ndūsí ta kumən tə́ yā ra dɔ ndūsí tə́ kə dəyá̰ ń sḭḭ̄ ī-gə̄rāī dan balsáásí tə́ ní. Banī sḭḭ̄ ī-raī dɔ ndūsí tə́ kə dəyá̰ ní alé! Kété ní dəyá̰ ní ndi sesí ō, sḭḭ̄ ə̄nīī ndūsí ādīin̄ ō.

NGÉ SARYA 2:10

Go tə́ anī de kə́ ɓāl̄ yān tə́ gə̄ oyn̄ ō. De gə̄ ń utə̄n̄ gīdə́ ní gerə̄n̄ Kɔ́ɔ̄ɓē aĺ ō, gerə̄n̄ kəla gə̄ ń Kɔ́ɔ̄ɓē rāā tām̄ yā ngán Israel gə̄ tə́ ní aĺ ō.

IJAI 59:3

Jīsí i mósə, yá̰a̰ rāāsí kə́ gōtə́ aĺ gə̄ rāān̄ adə̄ jīsí i kə́ yḛr. Tasí əda najə̄ kə́ sor̄ gə̄, ndāŕ tasí gə̄ əya̰n̄ najə̄ kə́ kɔr̄ kə kem nduluú gə̄ adə̄ teēn̄ tasí tə́.

JEREMI 4:22

Rɔ̄kum, gír deē yāḿ gə̄ i de kə́ mbóo gə̄. Nin̄ ger̄mə̄n̄ alé. I ngán kə́ sapə gə̄, asən̄ ger̄ kum yá̰á̰ kógə̄ḿ alé. Nin̄ ɔlən̄ tū rāā yá̰á̰ kə́ majaĺ tə́, ba gerə̄n̄ rāā majə alé.

JEREMI 5:1

Ī-njə̄rāī kum róbə kɔsə kə́ Jerusalem tə́ gə̄, ə̄ndāī ma̰ȳ loo ō, ī-dəjeī gír najə̄ ō. Āw̄ ī-sāāī loo ndágə loo gə̄ tə́ ké ə́ngeī deē kógə̄ḿ tū tə́ wa. Ké deē kógə̄ḿ kə́ a rɔ̄ɔ̄ tām̄ kadə̄ náā nəkɔ́ ənge yá̰á̰ kə́ sɔɔ̄ dɔn, aláa kə́ nge ra dɔ ndūn tə́ i tū tə́ wa. Ré ə́ngeī anī m-ā m̄-mā̰ȳ rɔ̄ḿ dɔ Jerusalem tə́.

JEREMI 5:2

Ədan̄ kə̄ nja naā tə́ na tītə̄ ń Kɔ́ɔ̄ɓē ndiń kə kumneé noō. Banī túbən̄ i túbə̄ kə́ rɔ̄kum alé.