JEREMI 9:19 - Bibəl ta Sar̄

¹⁹ Dəyá̰ gə̄, ōōī najə̄ yā Kɔ́ɔ̄ɓē. Ādə̄ najə̄ kɔrə̄n əsō mbīsí tə́. Ī-ndóōī ngáńsí kə́ dəyá̰ gə̄ pā nōō yo, ī-ndóōī madə̄sí kə́ dəyá̰ gə̄ pā nōō rɔ̄ ō.

Bible sar

¹⁹ Dəyá̰ gə̄, ōōī najə̄ yā Kɔ́ɔ̄ɓē. Ādə̄ najə̄ kɔrə̄n əsō mbīsí tə́. Ī-ndóōī ngáńsí kə́ dəyá̰ gə̄ pā nōō yo, ī-ndóōī madə̄sí kə́ dəyá̰ gə̄ pā nōō rɔ̄ ō.

JEREMI 9:19 Referans Kwoze

JEREMI 4:13

Á̰a̰ī, madə̄ ba̰ā̰jí n a reē tītə̄ kil̄ man̄ yā kənījí rɔ̄ɔ̄ toó. Púsə rɔ̄ɔ̄ yān gə̄ ton̄ tītə̄ nél balway. Sə́nda yān gə̄ ɔlən̄ tɔȳ kə̄rō. Jḭḭ̄ i kə rɔ̄ tō ndoó tɔdɔ̄ nujən̄ sejí sák sák kɔ̄ɔ́.

NDŪ NAJƏ̄ 28:29

A ī-mám̄ loo dan kadə ndaá tītə̄ nge kum tɔ̄ɔ̄ ō, yá̰á̰ kə́ a teēī do tə́ a gətóo ō. De gə̄ a əsanī i mbéé ngándáńg ō, a taān̄ yá̰a̰ yāí gə̄ jīí tə́ kɔ̄ɔ́ ō, de kə́ yā dḭḭ̄ī a gətóo ō.

MISE 2:10

Ḭ́ḭī dɔɔ́ ba āwī! I kum mbang kə́ yā kadə̄ sḭḭ̄ ɔ̄rīiń koō n toó alé! Ɓē yāsí téĺ ɓē kə́ yḛr kɔ̄ɔ́ sɔɔ̄ ń mān̄ dɔ ndū najə̄ yāsí gə̄. I tām̄ najə̄ ń noō tə́ n ā á̰a̰ī tápə̄ ngá̰ý ní.

MISE 2:4

Kum mbang ngeé ń noō tə́ ní, de gə̄ a ənīn̄ pā ń toō sesí, a ənīn̄ pā yo ń toō: Táān̄ yá̰a̰ yājí gə̄ malang kɔ̄ɔ́. Gír deē yājí gə̄ aw̄n̄ kə dɔ nang to̰ alé. Ngé kɔy yá̰a̰ yājí gə̄ dɔ gúú tə́, kēgə̄n̄ naā ndɔr̄ yājí gə̄ dɔ dáńdə́ tə́. Nin̄ táān̄ yá̰a̰ yājí gə̄ malang kɔ̄ɔ́ i najə̄ rí tə́?

NŌŌ RƆ̄ 5:2

Télən̄ kə yá̰a̰ kənge yājí adə̄n̄ tə̄rā gə̄ ō, kújə yājí gə̄ télən̄ yá̰a̰ kənge yā de kə́ deē ger̄də́ aĺ gə̄ ō.

NŌŌ RƆ̄ 4:15

Ré de gə̄ a̰a̰n̄ dɔdə́ kə̄ róbó anī, urən̄ kɔĺ ədan̄ na: Ī-téliī kə̄ gogə́, ī-téliī kə̄ gogə́, ī-lōōī kɔdə́də́ jīsí tə́. Nin̄ a̰ȳn̄ naā ō, dáȳn̄ dɔɔ́ ō. Nápar de gə̄ ədan̄ na: Nin̄ asən̄ ndi ɓē yājí tə́ alé.

JEREMI 4:20

De gə̄ əgan̄ kɔŕ ədan̄ na: Loo nujə ba tél nujə ɓáý to̰ sák sák. Rɔ̄kum, ɓē kə taá malang i kə́ nujə kɔ̄ɔ́. Gérger yāḿ nujə gidə kógə̄ḿ, kújə tandā yāḿ gə̄ nujən̄ kum mbang kógə̄ḿ beé.

JEREMI 2:14

Israel ní i ɓəlo a, ojənən̄ i ɓəloó a? I tām̄ rí tə́ á ɓē kə́ rang gə̄ lángə̄nən̄ ta naā tə́ tītə̄ dā̰ beé ní?

LEBI GƏ̄ 20:22

Ī-ngɔ̄mī ndū najə̄ yāḿ gə̄ malang ō, yá̰a̰ kāgə̄ ɓē gə̄ malang ń m-ɔ́jə́sí ní ō, yā kadə̄ ɓē ń m-ā m-āw̄ sesí yā kəndāsí tū tə́ ní mbātə́sí alé.

LEBI GƏ̄ 18:28

Ī-lōōī rāā kadə̄ ɓē tél ɓē kə́ kə́ yḛr gogə́ ɓáý to̰, na sōgə́ ɓē mbātə́sí tītə̄ ń mbātə́nń de gə̄ ń ndin̄ kemən tə́ kété nosí tə́ ní.

LEBI GƏ̄ 18:25

Majaĺ tákə̄ ɓē yādə́ ō, m-ə́dan najə̄n tə́ ō, adə̄ ni mbātə́ de gə̄ kə́ kemən tə́ kɔ̄ɔ́.

JEREMI 7:15

M-ā m̄-tə̄ɓāsí rɔ̄ḿ tə́ kɔ̄ɔ́ sa̰y tītə̄ ń m̄-tə̄ɓāń ngákó̰ó̰sí gə̄ malang kə́ gír kaa yā Epəraim tə́ ní ō.

JEREMI 7:19

I mā n ādə̄mī wōn̄g ní a? I nin̄ kɔ́ gə̄ aláa? I tām̄ rɔ̄sɔl̄ yādə́ nin̄ kɔ́ gə̄ tə́. Najə̄ ń Kɔ́ɔ̄ɓē əda ní n noó.

JEREMI 7:29

Ə́ja nənga dɔí ń ɔjə kadə̄ ɔ̄r̄ kamí tām̄ yā Nə́ɓā tə́ ní ba ī-ɓōkə́ kɔ̄ɔ́. Ə̄nī pā nōō rɔ̄ kum róbə gə̄ tə́, tɔdɔ̄ Kɔ́ɔ̄ɓē kídə̄ de gə̄ ń rāānən̄ adə̄ ənge wōn̄g ní ō, əya̰də́ kɔ̄ɔ́ ō.

JEREMI 15:1

Kɔ́ɔ̄ɓē ədam̄ na: Ká ré Moijə nin̄ kə Samuel reē ran̄neé ta kumḿ tə́ gə̄gē anī, m-ā m-ōō ndɔ̄ȳ yādə́ kə́ tām̄ yā de gə̄ ń noō tə́ alé. Ī-tə́ɓādə́ kɔ̄ɔ́ ta kumḿ tə́, ādə̄ aw̄n̄.

IJAI 32:9

Sḭḭ̄ dəyá̰ gə̄ ń ɔ́jiīń na yá̰a̰ na a rāāsí aĺ ní, ḭ́ḭḭ̄ dɔɔ́ ba ōōī najə̄ yāḿ! Sḭḭ̄ ngáń kə́ dəyá̰ gə̄ ń ī-taāī kem rɔ̄sí mámák ní, ōōī najə̄ kɔrə̄ḿ gə̄!

EJEKIEL 27:2

Ḭ̄ ngōn̄ deē, ún pā yo kógə̄ḿ ī-nōoń ɓē kə́ Tir.