JEREMI 9:16 - Bibəl ta Sar̄

¹⁶ Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Ī-dəjeī ādə̄ ɔjən̄sí dɔ dəyá̰ kə́ ngé nōō yo gə̄. Ī-ɓāríīdə́ ādə̄ reēn̄. Ī-ɓaríī dəyá̰ kə́ ngé kun pā nōō yo gə̄ ādə̄ reēn̄.

Bible sar

¹⁶ Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Ī-dəjeī ādə̄ ɔjən̄sí dɔ dəyá̰ kə́ ngé nōō yo gə̄. Ī-ɓāríīdə́ ādə̄ reēn̄. Ī-ɓaríī dəyá̰ kə́ ngé kun pā nōō yo gə̄ ādə̄ reēn̄.

JEREMI 9:16 Referans Kwoze

EJEKIEL 5:12

Núsə de kə́ kem ɓēé gə̄ kə́ ta kəga dɔ a oyn̄ yo mo̰y ngāl̄bɔ̄gīí, aláa yo ɓō kem ɓēé. Núsə de kə́ kem ɓēé kə́ nge ko̰ jōó a oyn̄ yo kaskar kə gō gidə ɓēé. Núsə de kə́ kem ɓēé gə̄ kə́ nge ko̰ mətá ní, m-ā m̄-tə̄ndā yā tḭ̄ḭ̄də́ kə̄ loo gə̄ tə́, ba m-ā m̄-ngɔ̄də̄də́ kə kaskaraá.

EJEKIEL 5:2

Dan ń ndɔ̄ gə̄ ń ɓē i kə́ gīrəń gidə ní a tə́gān̄ kɔ̄ɔ́ ní, ī-róō gírən kə́ ta kəga dɔ kum hor tə́ dan ɓēé. Ā ɔ́y gírən kə́ nge ko̰ jōó ba ā ə́nda kə kaskaraá ī-gīrəń gidə ɓē. Gírən kə́ ko̰ mətá ní, ā ī-tə̄ndā ā ī-tḭ̄ḭ̄ kum néĺ tə́, banī m-ā m̄-ngɔ̄də̄ gō kə kaskar yāḿ.

NDŪ NAJƏ̄ 28:64

Kɔ́ɔ̄ɓē a tə̄ndā yā tḭ̄ḭ̄sí kə̄ dan gír de gə̄ tə́ malang. A əla gír i ta ngóy dɔ nang kə́rēý tə́ bátə́ ta ngóy dɔ nang kə́ noō tə́. Loo ń noō tə́ ā ī-rāā kəla yā kadə̄ ɓesə̄ kāgə̄ gə̄, kə ɓesə̄ mbal̄ gə̄ ń i nə́ɓā gə̄ ń ḭ̄ gə̄gē kaaí gə̄ gə̄gē ī-gerīdə́ aĺ ní.

LEBI GƏ̄ 26:33

M-ā m̄-tə̄ndā yā tḭ̄ḭ̄sí kɔ̄ɔ́ kadə̄ āwī kə̄ dan nápar de gə̄ tə́ ō, m-ā m-ɔ̄r̄ njár̄ kaskar kem hɔ̄pə̄n tə́ yā ngɔ̄dəńsí ō, ɓē yāsí a nujə sák sák kɔ̄ɔ́ ō, ɓē bo yāsí gə̄ a telən̄ ndeba ɓē ō.

JEREMI 44:27

M-ə̄ndā kumḿ gíŕdə́ tə́ i yā rāādə́ yá̰á̰ kə́ majaĺ, banī i yá̰á̰ kə́ majə alé. Juda gə̄ ń ndin̄ kem ɓē kə́ Ejiptə tə́ ní a oyn̄ yo kaskar ō, yo ɓō ō, bátə́ kadə̄ təgān̄neé.

JEREMI 13:24

M-ā m̄-tə̄ndā m̄-tḭ̄ḭ̄də́ tītə̄ buĺ mu kə́ néĺ kə́ mángá ɔy dáyń beé.

JAKƏ 1:1

I mā Jakə ń i nge kəla yā Nə́ɓā ō, yā Kɔ́ɔ̄ɓē Jeju Kərist ō ní n m-ə́la kə makətūbə̄ ń toō m-ādə̄ gír ɓē kə́ kutə̄ gidə i jōó gə̄ ń tḭ̄ḭ̄n̄ naā kə̄ dan nápar de gə̄ tə́ ní. m̄-rāāsí lápə́ya.

JAKARI 7:14

m̄-rāā adə̄ nin̄ aw̄n̄ kə̄ dan gír de gə̄ kə́ nin̄ gerə̄n̄də́ kété aĺ tə́. I tītə̄ ń noō n de gə̄ nujənə̄ń ɓē yādə́ gotədə́ tə́, dan ń nin̄ aw̄n̄ kɔ̄ɔ́ tə́ ní. Ɓē yādə́ ní, de kə́ aw̄ tū tə́ gətóo ō, de kə́ ḭḭ tū tə́ reē gətóo ō. Ɓē kə́ majə asə naā beé, nin̄ rāān̄ adə̄ tél loo kə́ nujə sák sák kə́ ra dɔ naā tə́ bing.

EJEKIEL 20:23

m̄-túbə m-ādə̄də́ kem dəla loo tə́ kadə̄ m̄-tə̄ndā m̄-tḭ̄ḭ̄də́ kə̄ loo gə̄ tə́ dan nápar de kə́ rang gə̄ tə́, dɔ nang yā tə̄rā gə̄ tə́.

EJEKIEL 14:17

Aĺ ɓáa m-ā m̄-rāā kadə̄ de gə̄ a reēn̄ yā rɔ̄ɔ̄ gír de gə̄ ń toō. M-ā m-ə̄ndā dɔ ngé rɔ̄ɔ̄ gə̄ tə́ kadə̄ nujən̄n ɓē kɔ̄ɔ́ ō, kadə̄ tɔ̄lə̄n̄ de gə̄ ō, dā̰ gə̄ ō kɔ̄ɔ́.

EJEKIEL 12:15

Dan ń m-ā m̄-tə̄ndā m̄-tḭ̄ḭ̄də́ kə̄ dan nápar de kə́ rang gə̄ tə́ ō, kə̄ kem ɓē kə́ rang gə̄ tə́ ō anī, nin̄ a gerə̄n̄ kadə̄ Kɔ́ɔ̄ɓē i mā.

EJEKIEL 11:17

Adə̄ ə́dádə́ najə̄ ń toō ādə̄m̄, ə́dádə́ na: Mā Kɔ́ɔ̄ɓē Nə́ɓā, m-ā m-ɔ́ýsí dan gír de kə́ tayā tayā gə̄ ń m̄-tə̄ndā m̄-tḭ̄ḭ̄sí dandə́ tə́ ní ō, m-ā m-ɔ́ýsí kem ɓē gə̄ ń āwī tū tə́ dɔ gúú tə́ ní ō, yā kɔsə njasí naā tə́, ba yā tél kadə̄sí dɔ nang kə́ Israel tə́ gogə́.

JEREMI 29:17

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: M-ā m-ə́la kə kaskaraá ō, kə ɓōó ō, kə mo̰y ngāl̄bɔ̄gīí ō dɔdə́ tə́, m-ā m̄-rāādə́ kadə̄ a ton̄ tītə̄ kan̄ kótə̄ kə́ ndum gə̄ ō, kə́ majən̄ aĺ ngá̰ý adə̄ dum̄ kəsa ō.

JEREMI 25:27

Ā ə́dádə́ na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda ní n toó: Ā̰yī ādə̄ rāāsí ō, ī-tōmbī ō, ī-teē ī-tə́sōī kanjə̄ kadə̄ ḭ́ḭī dɔɔ́ ō, dan ń a á̰a̰ī kaskar ń m-ā m-ə́la dɔ dáńdə́ tə́ ní.

JEREMI 24:10

M-ā m-ə́la kə kaskaraá ō, kə ɓōó ō, kə mo̰y ngāl̄bɔ̄gīí ō dɔ dáńdə́ tə́, bátə́ kadə̄ gətóoneé kɔ̄ɔ́ dɔ nang ń m-ādə̄də́ nin̄ ō kaadə́ gə̄ ō ní tə́.

PĀ GƏ̄ 106:27

yā tə̄ndā tḭ̄ḭ̄ ngáńdə́ gə̄gē, ngán kaadə́ gə̄gē kə̄ loo gə̄ tə́ ō, yā kəya̰də́ kadə̄ oyn̄ ɓē nápar de kə́ rang gēé ō.

NEHEMI 1:8

Ɓá tā ba ādə̄ əga kemií dɔ najə̄ ń ə̄ndā ta nge kəla yāí Moijə tə́ ādə̄ əda ní. Ni ədají na ré jə-ra dɔ ndūjí ń j-ənī j-adī tə́ ní aĺ anī ḭ̄ na ā ī-tə̄ndā yā tḭ̄ḭ̄jí kə̄ loo gə̄ tə́ dan gír de gə̄ tə́.

NDŪ NAJƏ̄ 32:26

m̄-gír̄ i nujə sedə́ kɔ̄ɔ́ malang ō, rāā kadə̄ əga kem de gə̄ dɔdə́ tə́ to̰ aĺ ō.

NDŪ NAJƏ̄ 28:36

Kɔ́ɔ̄ɓē a əlaī, ḭ̄ ō, mban̄g yāí ń ā ə̄ndā dɔí tə́ ní ō, jī nápar de gə̄ kə́ ḭ̄ gə̄gē, bɔbí gə̄gē ī-gerīdə́ aĺ tə́, kadə̄ ī-rāā kəla adə̄ ɓesə̄ kāgə̄ gə̄ kə ɓesə̄ mbal̄ gə̄ kem ɓē yādə́ tə́.

NDŪ NAJƏ̄ 28:25

Kɔ́ɔ̄ɓē a rāā kadə̄ madə̄ ba̰ā̰í gə̄ a tetənī rɔ̄ɔ̄. Ré ún i róbə́ kə́ kógə̄ḿ beē n āw̄ ə̄nińdə́ rɔ̄ɔ̄ anī, ā ī-tél yā ka̰ȳ nodə́ tə́ i kə ta róbə́ kə́ rang gēé gír sīrí. Ā ī-téĺ yá̰á̰ kə́ əga deē kə̄ngā sāā tə́ tām̄ yā ɓē ko̰o̰ gə̄ malang kə́ dɔ nang tə́ ń a a̰a̰n̄ yá̰á̰ ń a rāāī ní tə́.

NDŪ NAJƏ̄ 4:27

Kɔ́ɔ̄ɓē a tə̄ndā yā tḭ̄ḭ̄sí kə̄ dan nápar de kə́ rang gə̄ tə́ kɔ̄ɔ́. Ā ī-na̰yiī i sḛ́ý beē ngóy dan nápar de gə̄ ń a aw̄ sesí kə̄ dandə́ tə́ ní.

JEREMI 8:19

De kə́ dɔ nang kə́ sa̰y ngá̰ý tə́ gə̄ oōn̄ kɔŕ nōō rɔ̄ yā gír deē yāḿ gə̄. Kɔ́ɔ̄ɓē gətóo Siyo̰ a? Mban̄g yān gətóo looneé a? I tām̄ rí tə́ á adə̄mə̄n̄ wōn̄g kə ɓesə̄ yādə́ gə̄ ń i yá̰á̰ kə́ kanjə̄ kumən gə̄ kə́ kḭḭ loo kə́ rang tə́ ní?

KOHELET 12:5

Loo ń noō tə́ ní, róbə́ kə́ əta tan kə̄ dɔɔ́ rāā adə̄ deē ɓōĺ ō, deē ɓōĺ njə̄rā ō. Dɔ deē ndaa bum tītə̄ kāgə̄ kə́ hútə̄ beé ō, rɔ̄ deē ɔȳn tītə̄ gaẃ kə́ ḭḭ ba tél əsō nang tə́ beē ō. Ndi kə kumuú yā deē aw̄ kɔ̄ɔ́ tītə̄ kan̄ kāgə̄ kə́ ḭḭ dɔɔ́ əsō beé ō. A̰á̰ā̰, ndɔ̄ kógə̄ḿ tə́ anī, de gə̄ kógə̄ḿ kógə̄ḿ a aw̄n̄ kum kə́ ɓádá. Loo kə́ ɓádá i kújə yā de kə́ ta tɔ̄l̄ ta tə́. Dəyá̰ kə́ ngé nōō yo gə̄ i kum róbə kɔsɔɔ́ kɔ̄ɔ́ ɓá.

JEREMI 7:29

Ə́ja nənga dɔí ń ɔjə kadə̄ ɔ̄r̄ kamí tām̄ yā Nə́ɓā tə́ ní ba ī-ɓōkə́ kɔ̄ɔ́. Ə̄nī pā nōō rɔ̄ kum róbə gə̄ tə́, tɔdɔ̄ Kɔ́ɔ̄ɓē kídə̄ de gə̄ ń rāānən̄ adə̄ ənge wōn̄g ní ō, əya̰də́ kɔ̄ɔ́ ō.

EJEKIEL 27:2

Ḭ̄ ngōn̄ deē, ún pā yo kógə̄ḿ ī-nōoń ɓē kə́ Tir.

AMOS 5:16

I beé ní, Kɔ́ɔ̄ɓē Nə́ɓā, Nə́ɓā kə́ kɔ́ɔ̄ dɔ rā̰ ō dɔ nang ō, əda yá̰á̰ ń toō: De gə̄ a oōn̄ kōō pā yo gə̄ kə̄ ndágə loo gə̄ malang kə́ kem ɓēé tə́ ō, a ədan̄ kə̄ kum róbə kɔsə gə̄ tə́ malang na: Yá̰á̰ kə́ to kum kaȳ aĺ kə́ ba̰ý! Yá̰á̰ kə́ to kum kaȳ aĺ kə́ ba̰ý ō! A ɓārə́n̄ de kə́ kem ɓēé gə̄ kadə̄ aw̄n̄ yo tə́ ō, a ɓārə́n̄ dəyá̰ kə́ ngé nōō yo gə̄ kadə̄ aw̄ unən̄ pā yo gə̄ ō.

MISE 2:4

Kum mbang ngeé ń noō tə́ ní, de gə̄ a ənīn̄ pā ń toō sesí, a ənīn̄ pā yo ń toō: Táān̄ yá̰a̰ yājí gə̄ malang kɔ̄ɔ́. Gír deē yājí gə̄ aw̄n̄ kə dɔ nang to̰ alé. Ngé kɔy yá̰a̰ yājí gə̄ dɔ gúú tə́, kēgə̄n̄ naā ndɔr̄ yājí gə̄ dɔ dáńdə́ tə́. Nin̄ táān̄ yá̰a̰ yājí gə̄ malang kɔ̄ɔ́ i najə̄ rí tə́?